السفر إلى الماضى

[sindrella 26 0]

بعد بحث شاق وفحص وتمحيص لنظرية النسبية للعالم العبقري أينشتاين

توصل فريق من الباحثين لعمل آلة الزمن

ولآنها ما زالت في طور التطوير أقصى ما وصل له هؤلاء الباحثين هو جعل الآلة تعود للماضي يوماً واحداً.

وللأننا شعب نقدر الوقت جداً وكل يوم يفرق في حياتنا جداً

إذا اتيحت لحضرتك فرصة العودة للماضي لمدة يوم واحد

هل في رأيك ستقوم بعمل شيء يغير ما لم تستطع تغييره أمس

أم أن اليوم مثل أمس مثل غداً

وهنا يصيح سبع الليل : إيه يا عم انت تقلت في الصنف النهاردة ولا ايه ؟؟ يالا قوم روح

واد يا كانشه وصل الأستاذ جدار لحد باب بيتهم قبل ما يتهد على دماغنا

 

يا ترى يا عالم كان حيفرق لو رجعنا يوم لورا؟؟ نفسي أعرف رأيكم في الموضوع

 

يقول الإمام الشافعي رحمه الله: إذا ما مضى يوم ولم أصطنع يداً ولم أقتبس علماً فما ذاك من عمري فهذا اليوم الذي لم أجد فيه قرباً من الله، ولم أصنع يداً أو معروفاً، ولم أكتسب فيه علماً جديداً، فلا يحتسب ذلك اليوم من عمري

 

يا ترى احنا عمرنا كام سنه احم قصدي كام شهر ولا يوم ولا ساعة ؟؟

[رجل من الصحراء 36]

يا ترى يا عالم كان حيفرق لو رجعنا يوم لورا؟؟

يوم واحد لايكفي

[«۞۩ أبو سليمان ۩۞» 179]

ساعة طاعة لله قد تكون سبب لدخولنا الي الجنة ,,,

 

يوم ذي ده اتمني ان اطيع في الله قدر المستطاع

 

 

اتمني ميكونش عمرنا بالساعات

 

شكرا سيندريلا ,,, موضوع جميل

[صناع الحياه 14]

موضوع اكتر من رائع يا خلود يا صديقي الصدوق

وربنا يعلم انا بسبب الموضوع ده حصللي ايه من عمر وكرينكل ورجل من الصحراء

ياللا خير

[رجل من الصحراء 36]

موضوع اكتر من رائع يا خلود يا صديقي الصدوق

وربنا يعلم انا بسبب الموضوع ده حصللي ايه من عمر وكرينكل ورجل من الصحراء

ياللا خير

ولسه هيحصل فيك ياعبدالله ومتحاولش برده

وبعدين على فكرة سندريلا اللي كاتبه الموضوع مش خالد

معلش ياسندريلا هما كده العلماء لما الزمن بينحني بيهم

[El-Saher Fantasy 21]

موضوع جميل جدا يا سندريللا

اعتقد ان لو ده حصل فعلا انا ممكن ارجع بالآلة دي سنين ورا مش يوم واحد بس

وبنفس امكانياتها

ارجع يوم ... وفي اليوم ده ارجع يوم ....وهكذا

بس السؤال هو ينفع اني اعمل غير اللي عملته؟

اعتقد مش بالسهل كده

 

 

أوباااااااااااا

انا ماكنتش اعرف الجماعة عملوا ايه في عالمنا الرحالة صناع الحياة

ولكن واضح من رد رجل الصحراء ان العالم كلمهم عن شبكة الزمكان

وانحناءات الزمن للكتلة

 

تقبلوا تقديري جميعاً

[sindrella 26 0]

متشكرة جدا ياساهر على تعليقك الجميل وسعيدة جدا بمرورك

رجل من الصحراء

شكرا على لفت إنتباهى وأنا كنت واخده بالى للموضوع بس أنا قولت أعديها