شنقت

[الجندى المجهول]

اخر مرة شربت شنقت

ف حلقى العطش المالح

فاض وغرقت

اندلت من احشائى دموعى زى البنت

اندلئت منى فى بير

السر غويط

وكتمت

فى عز الحسرة

دموعى ووجعى وجوعى

كل عيـون الأرض شـايفها الا دموعى

قـاد الفرح شـموع الأرض وطـفا شـموعى

ما كانش بطوعى

فقرى وجوعى

وما أتعلمت

رحت مدارس

وقلت هامارس عيشه واعيشها

لكن خبت

خبت

وخيبة الراجل

مين يسترها غير القرش

بـيت بحيـطان وسـقف وكرش

كل ما أسد ف شــق بيطلع كرش

 

وأنا ما انكرش

ان عيـونى حبت تحلم

سبتها تحلم يمكن عشت

 

عشت وشفتنى منى اتفركشت

فركش فرفـش

مين ويـايـا ومين الضد

اللي بانيت له أول خلق الله بيهد

بعد ماكره كل العالم فيه إيه ها يجد

ماعِرفش ياخدني تحت بطاطه معاه ويمد

مرة اتنين تلات مرات قلنا أكيد هايسد

عرق النحس يجيب الفقر وغصب بـأ مد

ماكانش ف قلبى

لبكره الجاى دليل ع الود

وادينى باأعد

ف حظى

كسير

م الجرح

 

أنت هاتقدر تكســـر لقمة تاكلها بملح

بس اولادك كاســرين قلبك مليون جرح

[El-Saher Fantasy]

مين ويـايـا ومين الضد ... اللي بانيت له أول خلق الله بيهد

كان بنى لنفسه أحسن

 

 

صديقي الصدوق

شريك حلمي

تقبل تحيتي

[الجندى المجهول]

مرور رائع كالعاده

[على المرابط]

أنت هاتقدر تكســـر لقمة تاكلها بملح

بس اولادك كاســرين قلبك مليون جرح

 

 

والله انى واقف عاجز عن التعبير

شكرا لك اخى الحبيب احسنت

لك حبى واحترامى وشديد اعتدارى

[الرّام]

جميل جدا .. اخي

[الجندى المجهول]

مرور كريم اخوتى فى الله