ابن عمى

[على المرابط]

هده قصة فتاة احبت ابن عمها ولكن امه رفضت زواجه بها وتزوج من اخرى ووبعد مده توفيت ابنة العم وشاء القدر ان يوضع جثمانها فى سيارته ليدهب بها الى مثواها الاخير

 

اقول

ابن عمى من واحنا صغار اصغار

بديت حكايتنا

يابن عمى من واحنا اصغاراصغار

الحب ثالثنا

ياما حكينا وياما عالحب والاقسام

وياما حكينا وياما عالدمع والالام

وكان القمر سهران

وكان البحر حيران

والليل مؤنس بيك

والنجم بيناجيك

ويقولك تبيك

وياما عطينا وعود

وياما رسمنا عهود

لانخون لاننسى

وان الايام خانتنا

وجتنا الموت حازتنا

عطينا عهد وحلفنا

يا اندفن يمك

يا تندفن يمى

يا ابن عمى

يا ابن عمى

وانت روحى وانت دمى

وانت بويا وانت امى

وانت اسمك اهوا اسمى

وبيلتقوا فى اسم واحد اهوا الاصل

بس اللى جراى واللى حصل

ان الفروع تفرعت

وان القلوب تباعدت

وحبيت انت الغير

الله يا ها الوقت

فيك كل شئى يصير

انت تريد تبقى امير

وتنسانى وتهواها

انت ماتريد تبقى اسير

لعهود قلناها

انت تريد تبقى بطل يابطل

مش بيقولوا فى المثل

ان ابن العم بينزل بنت عمه من على ظهر الجمل

وانا اليوم سيارتك جملى

والركوب معاك كان فى يوم من الايام املى

كنت اتمنى الركب معاك فى موكبً حلو وبديع

كنت اريد اعيش معاك رغم الشتاء فصل الربيع

بس هدا ما تحقق وضاع عمرى

وما توفق

وها انا اليوم اسير وراك محموله على اكتاف الغير

وانت قدامى تسير

ومن ظلم الايام بيا

ان الناس بيقولولك عظم الله اجرك فيا

وناس بيقولولك فى حياتك البقيه

خود عمرى وعيش بيه مع غيرى

يا اميرى

المهم انك ما تنسى تكتب وصيه

انك تندفن يمى

يا ابن عمى

[رجل من الصحراء]

منور المنتدى يابن عمي

[على المرابط]

منور المنتدى يابن عمي

 

منور بناسه ياخوى يارجل من الصحراء

بالله سلملى على اخونا عاشق الصداقه وقوله قالك المرابط والله نحبك فى الله