مشرفي الأقسام رجل من الصحراء قام بنشر March 27, 2009 مشرفي الأقسام قام بنشر March 27, 2009 اديني على قفايا النهارده كالعادة قررت اني ازور جدي واطمن عليه وبصراحة وحشتني حكاياته اوي معايا.ولفت نظري وانا بكلم معاه انه فيه ولدين صغيرين من احفاده بيلعبوا بره في الصالة. وقام واحد من الصغيرين دول هزر مع اخوه وراح ضربه على قفاه وجري وقعد يضحك ولقيت جدي قام وزعق بصوت عالي للولد انت ايه اللي عملته ده انت متربتش ده عيب عليك هزر معاه بأي حاجة حتى لو هتضربه بطوبة بس اوعى تضربه على قفاه. فكرني جدي بنصايح ابويا وانا صغير وهوبيقلي يابني كرامتك فوق كل شيء واوعى تضحي بيها مهما كان الشيء اللي انت عايزة ده مهم بالنسبة ليك واوعى في يوم من الايام تخلي حد يضحك عليك و يسكك على قفاك. الكلمة رنت في وداني وفكرتني بموضوع متغاظ منه جدا وقلت لجدي ياراجل ياعجوز يعني جات عالواد الصغير ماحنا طول عمرنا بناخد على قفانا وساكتين مجتش عليه . ضحك جدي وقالي: يابن بنتي عمرك ماتسيب موضوع في حاله وتعديه متخلي الطابق مستور ومتفتحش السيرة دي قلتله ياجد: قلي هو برده زمان كان على ايامكم فيه كوسة وسك على القفا. بصلي وضحك قالي: يوووووووه ده احنا اللي بدعناها زمان يابن بنتي على الرغم من اننا كنا بسطاء خالص ومكنش فيه تكنولوجيا ولا كهرباء ولا حاجة الا انه برده كانت الكوسة موجودة بيناتنا. افتكر ايام ماكنا نروح نملا المياه من الطلمبة الوحيدة اللي في البلد وطبعا كل الناس طوابيير ورا بعض كله مستني دوره وكله ماسك الزلعة او العلاوة اللي هيملى فيها يقوم مرة واحدة الراجل اللي واقف على الطلمبة يتنفض ويوقف ويزعق للناس ارجع شوية ياخويا انت وهو, ارجعي ياستي انتي محبكتش عليكي الدنيا مش هتطير , اتفضل ياحمادة افندي المياه والطلمبة تحت امرك انت وابونا العمدة اتفضل سعادتك ارتاح وهخلي اي نفر من اللي واقفين دول يوصلهملك لحد باب الدوار وطبعا حمادة افندي يرتاح واحنا اللي اكبر من ابوه في السن نقف في الشمس ونتسك على قفانا. ضحكت وقلت: عارف ياجد كان ليا واحد مهندس زميلي شغال معايا في الصحراء وكان متخرج بامتياز مش فاشل زي حالاتي وكان بيحكيلي انه مرة في احد مقابلاته واختباراته في احدى شركات البترول الكبيرة وهو فرحان انه مهندس وطالع بامتياز وعمال يتكلم في العلم والناس معجبة بيه واللي يقله انت رائع واللي يقله انت فين من زمان, واللي يقله انت خسارة في البلد دي وفجاة دخل شاب ببدلة ونظارة شمس والسيجارة في ايديه ومعاه الموبيل ودخل على الراجل اللي بيعمل المقابلة وقاله الباشا عايزك مسك الراجل التليفون ومفيش دقيقتين قال: يا معالي الباشا ده ابننا قبل مايكون ابنك ده احنا نعمله بئر بترول مخصوص لالا ياباشا الورق هيتمضي حالا وهكلم سيادتك بالليل , في امان الله ياريس قام بص لزميلي وقاله بص يابشمهندس انت كويس اوي بس للاسف الوظيفة محجوزة واتعين ابن الباشا الفاشل وزميلي طبعا خد على قفاه. قال جدي: يابن بنتي ده وصلت ان الكمبيوتر ادانا على قفانا من فترة كبيرة شوية لما كان الكمبيوتر لسه طالع قالوا هيوزعوا شقق للشعب واللي هيجيب اسمه الكمبيوتر هيكسب وطبعا الكل فرح ده اختراع جديد ياعم مفهوش اي كوسة ياللا قدم اخيرا هتروق وتحلى. قامو لعبوا في الكمبيوتر وفتحوا بطنه واكلوه الحلاوة وخلو كل الشقق تيجي للوزراء بس غير كده لأ. لدرجة انهم استغربو لما لقيوا في مرة انه فيه اسم موظف على الدرجة الخامسة طلعتله شقة وازاي ده يحصل الكمبيوتر خان العشرة وبعد الفحص والتدقيق اتضح ان الراجل اسمه حمدي محمود عبدالرحمن الوزير فالكمبيوتر لقط الاسم الرابع افتكره تبع الوزراء. عارفك هتقولي ايه لا ياسيدي الموظف مخدش الشقة برده بس خد حاجة احسن من كده خد على قفاه لما جيه يستلم الشقة قالوله ان القانون بيقول لازم على الاقل تكون موظف درجة اولى واسمك جيه في الكمبيوتر غلط . قلت ياجد: ده حتى في الموت بنتسك على قفانا لما واحدة ست كبيرة تبقى بتموت قدامك في المستشفى وتتحايل على الراجل تدخلها لان حالتها صعبة وتقله خد كل الضمانات لغاية ماتجيب الفلوس يقلك ابدا القانون قانون ياعم الست بتموت يقلك ابدا ياعم احنا مش بنشحت بس مجبناش فلوس دلوقتي دخلها والفلوس هتكون عندك الحالة حرجة برده يقلك ابدا. و فجأة يجي واحد يطلعله كارت يقله تبع فلان باشا يقله اتفضل يافندم تحت امرك من غير اي ضمانات خالص اهم حاجة صحة بنت الباشا عندنا الفلوس لا تعنينا في شيء. ضحك و قالي :على رايك ده حتى الجيش بقى على ايامكم مش لاي حد دلوقتي الكمبيوتر بياخد مواليد عامة الشعب بس لكن ولاد البشوات لأ ملهمش جيش وحتى لو دخل بيأدي خدمته في بيتهم والباقيين يتسكوا على قفاهم . قلتله : وغيره وغيره من الوظائف والتعينات والمعاملات و..الخ وكل حاجة لازم نسلمها قفانا عشان الدنيا تمشي عشان كده مفيش داعي من نرفذتك دي ياجد . ولا ايه رايك؟ سكت جدي وابتسم وراح للولد الصغير اللي كان بيبكي عشان زعقله وقاله: متزعلش ياولدي روح اضربه على قفاه يمكن يتعود عشان ميتفاجئش لما يكبر روح ياولدي روح . 1
عاشق الصداقه قام بنشر March 27, 2009 قام بنشر March 27, 2009 هههههههههههه وازاي ده يحصل الكمبيوتر خان العشرة وبعد الفحص والتدقيق اتضح ان الراجل اسمه حمدي محمود عبدالرحمن الوزير فالكمبيوتر لقط الاسم الرابع افتكره تبع الوزراء. طول عمرى بقول الجهاز ده غبى بس بجد موضوع رائع حبيبى (رجل من الصحراء) وابقى فكرنى لازم نروح نقعد مع جدك مره ان شاء الله
مشرفي الأقسام NADA قام بنشر March 27, 2009 مشرفي الأقسام قام بنشر March 27, 2009 هههههههههههههههههههههههه لا تعليق ,,
«۞۩ أبو سليمان ۩۞» قام بنشر March 27, 2009 قام بنشر March 27, 2009 هههههههههههههههههههه :2: :2: :2: بجد نقد فظيع و بيحصل كتير قفا الناس بقي اطول من قفا ابو الهول من الضرب علي فكره غير السك علي القفا من الكوسه و غيره ,,, فيك سك علي القفا حقيقي بس خلي واحد غلبان شغال علي عربية خضار و لا فارشله كام كيلوا طماطم شوفه لما تمسكه شرطة المرافق تلاقي طاخ طيخ طوخ و لا كأنه فجّر فندق سياحي و لا اتمسك بيهرب هيروين بس ابن الباشا اللي بيتمسك و هو سايق العربية علي 180 و مدغدغله كام عربية و مكسرله كام محل غير البانجوا اللي بيلاقوها في جيبه و لو راح القسم ده اذا راح يعني ,, ممكن تلاقيه هو اللي يكتب المحضر بنفسه و يقول اصل العيب في الاسفلت كان متزحلق :smile: :smile: القفا الايام دي بقي شايل بلاوي موضوع جميل جدا رجل من الصحراء ,,, بس حاسب علي القفا :smile:
مشرفي الأقسام NADA قام بنشر March 27, 2009 مشرفي الأقسام قام بنشر March 27, 2009 حتى المنتدى فيه كوسة ..!! عيب والله الى بيحصل ده
غريق مش لاقى قشه قام بنشر March 27, 2009 قام بنشر March 27, 2009 انت خسراه فى البلد دى انا بقى حقوق يعنى احنا اللى بنصنع الكوسه نفسها هههههههههههههه
حياتى من اجل ربى قام بنشر March 27, 2009 قام بنشر March 27, 2009 اولا :تعجز اى كلمه فى التعبير عن روعتك فى السرد والاسلوب الرائع واختيار الموضوع بجد تحفه جدااااااااااااااااااااا هو فعلا الدنيا كلها بقت كوسه وبقت الناس كلها بتاعت مصالحها وبس محدش بيراعى ربنا خااااااااااااالص يعنى انا مثلا كنت رايحه مره ادرب صحاافه فى جريده الجمهوريه(بدون ذكر اسماء يعنى) وروحنا الاول انا وصحبتى لوحدنا قالولنا اطلعو السابع وانزلو الاول ولازم مش عارف ايه وهاتو ورقه ايه وروحو هاتو موافقه من الجامعه الاول وختم من الهند وحاجات كده غريبه واخيييرا وصلنا لواحد فراش قالنا هاتو الورق وانا هختمهولكو بدل ما تلفو وبقولى بصوت منخفض كده (بس ماتنسيش الحلاوه الاول عشره كده) كمان بيحدد هو هياخد كام يا سبحان الله واما روحت ومافيش طبعا اى حاجه خلصت قولت لبابا كلم واحد صحبو فى 3 دقايق وروحت تانى يوم عايزين الاستاذ فلان واحنا تبع فلان اهلا يا انسه منوره والله تشربى حاجه؟؟؟؟؟؟؟؟؟؟ والورق خلص فى ثوانى --------------------------------------------- جزاك الله خيرا اخى الكبير على الموضوع الرائع ده فعلا جميل ولا يوصف ربنا يكفينا شر الناس دى وييسر لك ويسهلك الحاجه كلها من غير ولا كوسه ولا قلقاس ويفرج همك ويرزقك من حيث لاتحتسب ويهديك الى كل ما يحبه ويرضاه عارفه انى رغيت كتير استحملونى بقى معلش وصحيح ابقى سلملى على جدك
مصطفى بهجت قام بنشر March 27, 2009 قام بنشر March 27, 2009 ههههههههه صديقي فااااااارس من الصحراء .. أنا مش لاقي كلام أقوله على الموضوع الجمييييييييييل الرااااااااائع .. نقد في محله جدا جدا جدا .. بس أنا مش حقدر أتكلم أكتر من كده لأني لو اتكلمت حفتح ومش حتسد .. وممكن ألم عليكم الناس و اقفلكم المنتدى .. خلينا ساكتين ربنا يصلح الأحوال ..
بنت مصرية قام بنشر March 28, 2009 قام بنشر March 28, 2009 كالعادة السخرية الجميلة للواقع الأليم اللي احنا فيه مووضع جميل وبجد ربنا يتولانا برحمته علي اللي بيحصل ده مش عارفة ارد اقول ايه اي عودة للموضوع بس بجد احلي جملة عجبتني في الموضوع سكت جدي وابتسم وراح للولد الصغير اللي كان بيبكي عشان زعقله وقاله: متزعلش ياولدي روح اضربه على قفاه يمكن يتعود عشان ميتفاجئش لما يكبر روح ياولدي روح . جميلة جدا ...وبجد ربنا يبارك في جدك قصصك معاه جميله تقبل مروري
haroun قام بنشر March 29, 2009 قام بنشر March 29, 2009 السلام عليكم ورحمة الله وبركاته،، اخي رجل من الصحراء انا لصدق عاجز عن اني اعبر عن مدى اعجابي بموضوعاتك المبسطة لواقع الناس الاليم .. وبالنسبة لضرب على القفا فكلنا بنتظرب وحياتك بس حنقول ايه حسبنا الله ونعم الوكيل .... رائع ومبدع اخي رجل من الصحراء تقبل مني خالص والود والتقدير
الرّام قام بنشر April 2, 2009 قام بنشر April 2, 2009 اديني على قفايا سكت جدي وابتسم وراح للولد الصغير اللي كان بيبكي عشان زعقله وقاله: متزعلش ياولدي روح اضربه على قفاه يمكن يتعود عشان ميتفاجئش لما يكبر روح ياولدي روح بكل بساااااااااااااااااااااطة
مشرفي الأقسام رجل من الصحراء قام بنشر April 17, 2009 الكاتب مشرفي الأقسام قام بنشر April 17, 2009 بس بجد موضوع رائع حبيبى (رجل من الصحراء)وابقى فكرنى لازم نروح نقعد مع جدك مره ان شاء الله smile1.gif تشرف يابوحميد وشكرا لمرورك ............................................................................... عبقرينو حبيبي منور وكلامك تمام ربنا يستر ................................................................................ ..... حتى المنتدى فيه كوسة ..!! عيب والله الى بيحصل ده معلش ياندى الادمن يكسب منورة المنتدى ....................................................................... نت خسراه فى البلد دىانا بقى حقوق يعنى احنا اللى بنصنع الكوسه نفسها هههههههههههههه ربنا يخليك ياغريق ويكرمك منور الموضوع ...................................................... اختي الصغيرة شرفتيني كثيرا بردك المتميز والموقف الجميل الضاحك ربنا يسترها علينا بقى منورة الموضوع ................................................................................ ..... بهجت حبيبي شرفت الموضوع بنت بلدي منورة وانت متميزة دائما هارون انت الاروع ومنور الموضوع اختي راما شرفتي والنهاية ماهي الا عرض ساخر فقط وليس حثا على فعل ذلك كل التحية والتقدير لاحبائي الذين شرفوا الموضوع
بنت العرب قام بنشر April 19, 2009 قام بنشر April 19, 2009 رائع اخى رجل من الصحراء احنا بنتسك على افنا كتير بس اختى بنت مصرية محرجةعليا انى مش اتكلم فى السياسة وعلى فكرة طريقت الكتابة والسرد اكتر من رائع
صناع الحياه قام بنشر April 21, 2009 قام بنشر April 21, 2009 شكلك كمده مش ناوي تجيبها البر انا من رايي تعمل حمله كبيره في الموقع عن الوساطه والمحسوبيه والكوسه المصريه
najwa قام بنشر April 21, 2009 قام بنشر April 21, 2009 السلام عليكم ورحمة الله وبركاته،، داه اول موضوع ارد عليه استغربت من الاسم بجد وضحكت وقلت ايه داه وكلام غريب بس لما قريت القصة ...لقيت معناها كبير شكرااااا اخي بجد تسلم ايدك وتقبل مروري
مشرفي الأقسام رجل من الصحراء قام بنشر April 21, 2009 الكاتب مشرفي الأقسام قام بنشر April 21, 2009 بنت العرب تشرفت كثيرا بمرورك خليك مع الله واتكلمي براحتك وربنا يكرمك يارب ................................................................................ ............ اخي العالم الجليل صناع الحياة طبعا منور الموضوع بردك الرائع لك مني كل التقدير ................................................................................ ....................... najwa اختي الفاضلة ليا الشرف انك تردي على الموضوع ويعجبك وسعيد جدا بانضمام عضو متميز مثلك للمنتدى ننتظر مشاركاتك فلا تحرمينا لك مني كل الاحترام والتقدير منورة المنتدى
محمد فوزي قام بنشر April 23, 2009 قام بنشر April 23, 2009 رجل من الصحراء موضوعك رائع ومن الواقع هههههههههههههههههه تعرف القفا ده شايل كتير ياه هيستحمل ايه ولا ايه الناس بقت بتاخد علي قفاها في البيت وبره البيت الحمد لله مش متجوز هههههههههههه هحكيلك علي موقف بمناسبه القفا والمستشفيات كنت في المستشفي بيجري ليا جراحه مستشفي عام هما خصصوها دلوقتي اظن عرفتها وياعم الحاج دخلت العنبر ونمت علي سريري الفاضي وعنبر لايتحكي عنه ولا يتوصف والممرضات ياه عليهم ملايكه رحمه ! وكان بجنبي عنبر تاني كان فيه واحد فقط وممنوع ان يدخل معه احد من المرضي كان مين بقي ياعم الحج كان قريب رئيس القسم في المستشفي شفت ازاي احنا اخدنا علي قفانا وهو اخد العنبر النظيف
مشرفي الأقسام رجل من الصحراء قام بنشر May 28, 2009 الكاتب مشرفي الأقسام قام بنشر May 28, 2009 شرفت الموضوع محمد فوزي وربنا يصلح الحال المهم انك بخير دلوقتي ان شاء الله تحيتي وتقديري
ديسير القائد قام بنشر May 29, 2009 قام بنشر May 29, 2009 السلام عليكــم ورحمـة الله وبركاتــة ،،أخي رجل من الصحراء موضوع جميل جدا نقد هادف للواقع المرير لشعوبنا المغلوبة علب امرها بس اقول شيء الحل بيدنا احنا صح و لا؟؟؟؟ تقبل مروري
AMR DAWAM قام بنشر May 29, 2009 قام بنشر May 29, 2009 حبيبى واخى رجل من الصراح تسلم ايدك على هذا الموضوع الرائع جدا جدا ولا اجد ما اقوله لكن للاى سؤال واحد السك على القفا ... عارفينه كويس بس ليه اسم الكوسة ... مع الواسطة ؟؟ فى خضروات كتير غيرها ***********************
مشرفي الأقسام رجل من الصحراء قام بنشر August 1, 2009 الكاتب مشرفي الأقسام قام بنشر August 1, 2009 شكرا اخي ديسير على مرورك والحل مشترك مش بايدينا بس اخي عمرو تشرفت بمرورك وطبعا الكوسة عشان سهلة الهضم والاكل يعني حاجة من الاخر
خلادالحوتي قام بنشر August 2, 2009 قام بنشر August 2, 2009 ومصري لكن جدع على القفا بيتلدع هههههههههههههههههههههههههههههههههههههه اديني على قفايا <script language="Javascript1.2"> النهارده كالعادة قررت اني ازور جدي واطمن عليه وبصراحة وحشتني حكاياته اوي معايا.ولفت نظري وانا بكلم معاه انه فيه ولدين صغيرين من احفاده بيلعبوا بره في الصالة. وقام واحد من الصغيرين دول هزر مع اخوه وراح ضربه على قفاه وجري وقعد يضحك ولقيت جدي قام وزعق بصوت عالي للولد انت ايه اللي عملته ده انت متربتش ده عيب عليك هزر معاه بأي حاجة حتى لو هتضربه بطوبة بس اوعى تضربه على قفاه. فكرني جدي بنصايح ابويا وانا صغير وهوبيقلي يابني كرامتك فوق كل شيء واوعى تضحي بيها مهما كان الشيء اللي انت عايزة ده مهم بالنسبة ليك واوعى في يوم من الايام تخلي حد يضحك عليك و يسكك على قفاك. الكلمة رنت في وداني وفكرتني بموضوع متغاظ منه جدا وقلت لجدي ياراجل ياعجوز يعني جات عالواد الصغير ماحنا طول عمرنا بناخد على قفانا وساكتين مجتش عليه . ضحك جدي وقالي: يابن بنتي عمرك ماتسيب موضوع في حاله وتعديه متخلي الطابق مستور ومتفتحش السيرة دي قلتله ياجد: قلي هو برده زمان كان على ايامكم فيه كوسة وسك على القفا. بصلي وضحك قالي: يوووووووه ده احنا اللي بدعناها زمان يابن بنتي على الرغم من اننا كنا بسطاء خالص ومكنش فيه تكنولوجيا ولا كهرباء ولا حاجة الا انه برده كانت الكوسة موجودة بيناتنا. افتكر ايام ماكنا نروح نملا المياه من الطلمبة الوحيدة اللي في البلد وطبعا كل الناس طوابيير ورا بعض كله مستني دوره وكله ماسك الزلعة او العلاوة اللي هيملى فيها يقوم مرة واحدة الراجل اللي واقف على الطلمبة يتنفض ويوقف ويزعق للناس ارجع شوية ياخويا انت وهو, ارجعي ياستي انتي محبكتش عليكي الدنيا مش هتطير , اتفضل ياحمادة افندي المياه والطلمبة تحت امرك انت وابونا العمدة اتفضل سعادتك ارتاح وهخلي اي نفر من اللي واقفين دول يوصلهملك لحد باب الدوار وطبعا حمادة افندي يرتاح واحنا اللي اكبر من ابوه في السن نقف في الشمس ونتسك على قفانا. ضحكت وقلت: عارف ياجد كان ليا واحد مهندس زميلي شغال معايا في الصحراء وكان متخرج بامتياز مش فاشل زي حالاتي وكان بيحكيلي انه مرة في احد مقابلاته واختباراته في احدى شركات البترول الكبيرة وهو فرحان انه مهندس وطالع بامتياز وعمال يتكلم في العلم والناس معجبة بيه واللي يقله انت رائع واللي يقله انت فين من زمان, واللي يقله انت خسارة في البلد دي وفجاة دخل شاب ببدلة ونظارة شمس والسيجارة في ايديه ومعاه الموبيل ودخل على الراجل اللي بيعمل المقابلة وقاله الباشا عايزك مسك الراجل التليفون ومفيش دقيقتين قال: يا معالي الباشا ده ابننا قبل مايكون ابنك ده احنا نعمله بئر بترول مخصوص لالا ياباشا الورق هيتمضي حالا وهكلم سيادتك بالليل , في امان الله ياريس قام بص لزميلي وقاله بص يابشمهندس انت كويس اوي بس للاسف الوظيفة محجوزة واتعين ابن الباشا الفاشل وزميلي طبعا خد على قفاه. قال جدي: يابن بنتي ده وصلت ان الكمبيوتر ادانا على قفانا من فترة كبيرة شوية لما كان الكمبيوتر لسه طالع قالوا هيوزعوا شقق للشعب واللي هيجيب اسمه الكمبيوتر هيكسب وطبعا الكل فرح ده اختراع جديد ياعم مفهوش اي كوسة ياللا قدم اخيرا هتروق وتحلى. قامو لعبوا في الكمبيوتر وفتحوا بطنه واكلوه الحلاوة وخلو كل الشقق تيجي للوزراء بس غير كده لأ. لدرجة انهم استغربو لما لقيوا في مرة انه فيه اسم موظف على الدرجة الخامسة طلعتله شقة وازاي ده يحصل الكمبيوتر خان العشرة وبعد الفحص والتدقيق اتضح ان الراجل اسمه حمدي محمود عبدالرحمن الوزير فالكمبيوتر لقط الاسم الرابع افتكره تبع الوزراء. عارفك هتقولي ايه لا ياسيدي الموظف مخدش الشقة برده بس خد حاجة احسن من كده خد على قفاه لما جيه يستلم الشقة قالوله ان القانون بيقول لازم على الاقل تكون موظف درجة اولى واسمك جيه في الكمبيوتر غلط . قلت ياجد: ده حتى في الموت بنتسك على قفانا لما واحدة ست كبيرة تبقى بتموت قدامك في المستشفى وتتحايل على الراجل تدخلها لان حالتها صعبة وتقله خد كل الضمانات لغاية ماتجيب الفلوس يقلك ابدا القانون قانون ياعم الست بتموت يقلك ابدا ياعم احنا مش بنشحت بس مجبناش فلوس دلوقتي دخلها والفلوس هتكون عندك الحالة حرجة برده يقلك ابدا. و فجأة يجي واحد يطلعله كارت يقله تبع فلان باشا يقله اتفضل يافندم تحت امرك من غير اي ضمانات خالص اهم حاجة صحة بنت الباشا عندنا الفلوس لا تعنينا في شيء. ضحك و قالي :على رايك ده حتى الجيش بقى على ايامكم مش لاي حد دلوقتي الكمبيوتر بياخد مواليد عامة الشعب بس لكن ولاد البشوات لأ ملهمش جيش وحتى لو دخل بيأدي خدمته في بيتهم والباقيين يتسكوا على قفاهم . قلتله : وغيره وغيره من الوظائف والتعينات والمعاملات و..الخ وكل حاجة لازم نسلمها قفانا عشان الدنيا تمشي عشان كده مفيش داعي من نرفذتك دي ياجد . ولا ايه رايك؟ سكت جدي وابتسم وراح للولد الصغير اللي كان بيبكي عشان زعقله وقاله: متزعلش ياولدي روح اضربه على قفاه يمكن يتعود عشان ميتفاجئش لما يكبر روح ياولدي روح .
مشرفي الأقسام ممدوح قام بنشر August 11, 2009 مشرفي الأقسام قام بنشر August 11, 2009 هههههههههه بجد موضوع جميل جدا اخى رجل من الصحراء واشكر رد فعل جدك السريع بجد ومتنساش تاخدنى لجدك مع عاشق الصداقه ههههههههه جزاك الله كل خير 1
تقوى القلوب قام بنشر August 13, 2009 قام بنشر August 13, 2009 (تعديل) رجل من الصحراء وحشتنى موضوعاتك جداً لدرجه لا تتخيلها وكتاباتك الناقده يا نجم بس الحمد لله لسه ماخدتش على قفايا تم تعديل August 13, 2009 بواسطه تقوى القلوب
MidooDj قام بنشر August 16, 2009 قام بنشر August 16, 2009 السلام عليكم ورحمة الله وبركاته،، أولا احييك على طريقة كتابتك للحوار الاكثر من رائع واطال الله اعمار اجدادنا الخير والبركة اللى فاضلة لينا والله جزاك الله خيرا وبارك الله لك ... واتمنى ان لا تحرمنا من هذه اللقاءت الرائعة تقبل خالص احترامى ,, دمت بود 1
Recommended Posts
انشئ حساب جديد او قم بتسجيل دخولك لتتمكن من اضافه تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديد♥ تسجيل دخول ♥
هل تمتلك حساب بالفعل ؟ سجل دخولك من هنا.
♥ سجل دخولك الان ♥