اسرار نجاح الحياة الزوجية

[تقوى القلوب 12]

هذه نصائح للمقبلين على الزواج ارجو منكم الاستفادة منها

 

تعتبر اخطر سنوات الزواج هى السنة الاولى وذلك لان فترة الخطوبة لا تكشف عن طباع الزوج كامله فلابد من ان تكونى مهيأه لمواجهة المفاجآت بحكمة وعقل

ولكى تنعمى بحياة افضل عليك بالتالى :-

 

1- التضحية من جانب الطرفين لانها اساس الحياة الزوجية

(متدققيش على كل كبيرة وصغيرة)

2-التعاون فى مواجهة امور الحياة الزوجية

(متبقاش رخم وساعدها فى شغل البيت مش مشكلة يعنى ومش هتنقص من رجولتك هتفضل راجل البيت)

3_احرصى على العلاقة الطيبة مع اهل زوجك فان احببتهم احبوكى واحب هو اهلك ايضا ,صليهم كى يصل هو اهلك.

(اكيد هيبقى فرحان لما تعاملى والدته زى ما تكون والدتك مفيهاش حاجة لما تعتبرى ان ليكى والدتين محدش طايل واحده هيبقى عندك اتنين)

4-كل ام بتغير على ابنها لانها هى اللى ربته اعذريها لو طمعت فيه شوية وغارت عليه, راعى كبر سنها

وكونى حليمة ورفيقة بها .

5-احفظى غيبة زوجك فى ماله وعرضه

6-عليكى ان تتعلمى فنون الطهى وترتيب المنزل

(الراجل مش هيبقى فى شغله وييجى ياكل كل يوم جبنة وعيش وينضفلك البيت كمان)

7-شاركيه افكاره واهتماماته واماله الامه وطموحاته

8-اذ اشترى شيئا لك كهدية فاشكريه ولا تعيبيها

(متقوليلهوش شايف معانا فلوس اوى ولا ذوقها وحش ولا مش عاجبانى)

لا تجرحى مشاعره او تطعنى فى ذوقه

9-استخدمى معه اسلوب النفس الطويل عند تغيير اى سلوك لا يعجبك فيه واياك والمصادمة حرصا منك على مشاعره

10- لا تفشى سرا بينكما لاى احد

 

 

ارجو الاستفادة من هذا الموضوع

السلام عليكم ورحمة الله وبركاته

 

(الملاك البرىء)

 

 

 

 

 

 

 

 

اسرار النجاح - النجاح الاسرى - اسرار نجاح الحياه - الحياه الزوجيه

[AMR DAWAM 7]

هذه نصائح للمقبلين على الزواج ارجو منكم الاستفادة منها

6-عليكى ان تتعلمى فنون الطهى وترتيب المنزل

(الراجل مش هيبقى فى شغله وييجى ياكل كل يوم جبنة وعيش وينضفلك البيت كمان)

 

 

اعتقد لو كل يوم جبنة وعيش دا انا ممكن اغير العتبة وانفضها بدل البيت

**********************************************************************

موضوع جميل جدا اختى تقوى القلوب

مشكوره

[BLACKDREAM 5]

كل ام بتغير على ابنها لانها هى اللى ربته اعذريها لو طمعت فيه شوية وغارت عليه, راعى كبر سنها

وكونى حليمة ورفيقة بها

 

الله عليكي يا اختي تقوى القلوب و اللهي كلامك جواهررررررررررررررررررررررررررررر

[عاشق الصداقه 525]

عوده رائعه موضوع رائع أختى تقوى القلوب

 

(متبقاش رخم وساعدها فى شغل البيت مش مشكلة يعنى ومش هتنقص من رجولتك هتفضل راجل البيت)

 

بس معلش يعنى ... أنا بقى رخم

[BLACKDREAM 5]

هههههههههههههههههههههههههه

لا مش رخم يا حبيبي احمد عسسل

اشطه ملبن حلويات يم يم عايز اكلك بئا

[NADA 34]

جميل جدا موضوع فعلا مهم وحساس

بس انت دخلتى ف الجواز على طول

خلينا ف الخطوبة الاول

وازاى نختار عريس الغفله

اللى الدنيا كلها داعيه عليه

[تقوى القلوب 12]

ردا على موضوعك يا ندا انا كتبت موضوع جديد فيه اللى انتى عايزاه ان شاء الله وشكرا لردودكم

[أحمد سيف 3]

الموضوع ده انا هتحاجه قريب قوي

يعني

سنتين كده

[تقوى القلوب 12]

ربنا يوفقكم كلكم يا رب

[BLACKDREAM 5]

ربنا يخليكي يا اختي الغاليه

و الله احنامحتاجيين النصايح دي اووووووووووي

لاننا منخاف من المستقبل و ما يخفيهلنا الزمن و الحيااااه

[تقوى القلوب 12]

ربنا يكرمك ويوفقك ويا رب نسمع اخبار حلوة بقى عنكم

[BLACKDREAM 5]

انا من ناحيتي فمافيش غير بنت واحده في حياتي و مش حتنازل عنها و حستناها طول عمري

الوفاء هو اساس كل حاجه - الحب هو اساس كل نجاح - الاخلاص هو الطريق السليم للحب

[تقوى القلوب 12]

ربنا يوفقك وتبقى من نصيبك ان شاء الله يااااااااااااااااااااااااااا رب

[BLACKDREAM 5]

لا مهي اتجوزت و جابت ولد كمان

[تقوى القلوب 12]

اتجوزت وجابت ولد ولسه بتحبها

 

انا عمرى ما شفت كدا

ربنا يعوضك باحسن منها ان شاء الله

[BLACKDREAM 5]

اختي الغاليه تقوى :

 

انا التلك ان الحب محتاج و فاء و انا حبيت ديمه اوي اوي

 

و الشعر دا جايبه مخصوص عشانها

 

الا يا طبيب الجن بالله داويني فان طبيب الانــــــــــس اعياه ما بيا

اتيت طبيب الانــــس شيخا مداويا بمكه يعطي في الدواء الامانيا

فقلت له حكمك يا عم فاحتكم اذا ما كشـــفت اليوم يا عم ما بيا

فخاض شرابا باردا في زاجه و طرح فيها ســــــــــــــلوه و سقانيا

فقلت و مرضى الناس يسـعون حوله اعوز برب الناس منك مداويا

شفاء الحب ان تلصق الحشـــــــا باحشاء من تهوى ان كنت خاليا

[تقوى القلوب 12]

ربنا يعوضك خير انا عمرى ما شفت حد زيك نفسى يبقى فى ناس وفية كتير كدا بس فى نفس الوقت الاوفياء هما اللى بيتعبو كتير اوى فى الدنيا دى