كيفية اختيار الزوج الصالح

[تقوى القلوب 12]

ردا على تعلقياتكم خصوصا ندا انا هقولك ازاى تختارى عريسك

 

1-اختارى واحد متدين ويعرف ربنا يتقى الله فيكى وفى اهلك و تتقى الله فيه وفى اهله

 

2-اختارى واحد يحفظك فى غيابك وتحفظيه فى عرضه وماله , حافظ للقران وعامل بيه,

 

3- مش مهم اللى تختاريه يبقى معاه فلوس كتير المهم انه يكون عارف ان معاه ربنا هيرزقه فى اى وقت

لو انكم تتوكلون على الله حق توكل لرزقكم كما يرزق الطير))

 

4- طبعا لازم يكون متعلم لانه حتى لو مش لاقى شغل مناسب هيلاقيه بعد كدا مادام معاه شهادته

 

5- متبصيش للوضع الاجتماعى ياما ناس وضعها الاجتماعى حلو اوى وعندها فلوس كتير ورصيد جامد فى البنك , وعند ربنا للاسف رصيدها صفر.

 

6- اختارى واحد يعينك على طاعة الله فى الدنيا ويكون سبب فى دخولك الجنة باذن الله تعالى

 

7- متبصيش للتفاهات بتاعت الخطوبة هيجيبلك شبكة بكام ولا هدايا بصى انك مختارة راجل بجد ليه شخصية كويسة واخلاقه عاليه لان الحاجات التانية دى بتختلف من شخص لشخص حسب قدرته, مش علشان صاحبتك جالها شبكة بمبلغ وقدره........... يبقى انتى لازم يجيلك احسن منها (يبقى مش هتتجوزى خالص )

 

8- اختارى واحد يقوم معاكى اليل ساجدين لله وراضيين باللى قاسمه ليكم, عمره ما يزعلك فى يوم ولا يجرحك ولا يضايقك .

 

لو عملتى ده هتعيشى حياة سعيدة مليئة بالطاعه لله والحب والسعادة ان شاء الله وعمرك ما هتندمى على اختيارك.

 

**** بس نصيحة منى انا بقى لو حصل نصيب واتجوزتى ان شاء الله عيشى على اده مش تجيبى حاجات اكتر من طاقته والراجل يندين ويدعى عليا انا فى الاخر

 

ربنا يتمم لكم بخير كلكم

 

السلام عليكم ورحمة الله وبركاته

 

(الملاك البرىء)

[BLACKDREAM 5]

انا سعيد جدا لاني اول واحد حيرد على موضوعك :

و حئولك شكرا من القلب نصايحك دي بجد كويسه اوي

و ربنا يوفئك بابن الحلال اللي يادر يسعدك و يحققلك كل احلامك

و يكون زي المواصفات اللي انتي عاوزتيها تمام

و ليا رد تاني عل الموضوع بتاعك

[تقوى القلوب 12]

متشكرة اوى ده من ذوق حضرتك والحمد لله ان الموضوع عجبكبس يا ريت لو فى تعليقات او حاجة مش عجبتك تقولها

 

واى حد عايز يضيف حاجة انا مش عارفاها او ناسياها يتفضل عشان يبقى فى فايدة اكبر من الموضوع

[أحمد سيف 3]

على كده محدش هايتجوز

لو في حد بالمواصفات دي انا مستعد شخصيا

شخصيا

اشفله عروسه

[تقوى القلوب 12]

شكرا لردك بس لا انا مش متفقه معاك لان فى ناس كدا كتير الحمد لله وبعدين فى الاخر الطيبون للطيبات والخبيثون للخبيثات

[AMR DAWAM 7]

نصائح غالية جدا اختى تقوى القلوب

رنا يكرمك ويوفقك لما فيه الخير

*******************************

[BLACKDREAM 5]

اولا : متشكرين جدا اختي الغاليه عل الموضوع الجميل دا

ثانيا : اسمحيلي ائلك انالكلام الي حضرتك بتئولي عليه دا مجرد شعارات فاضيه

يعني طبعاانا مش بتكلم عليك لا و اللهي ابدا

ثالثا : الدنيا ماشيه كده و مش حنئدر نعكس التيار يا اختي الفاضله

 

 

حتاليلي معنى كلامك ايه :

حجوابك و ائلك معناه ايه :

الدنيا دلوقتي بتتقاس حسب الفلوس المعاكي مش مهم الاخلاق او الدين

يااختي دا واقع الحياه يعني مش كلام بجيبه من عندي

و لو تحبي تبصي بصي لحالات الزواج البتحصل دلوقتي

بصي لحالات الحب اللي بتفشل دلوقتي عشان الفلوس

 

 

طيب انا حسال سؤال بس بتمنى م نالجميع يجاوبو بجد :

لو اتقدم لبنتك او اختك واحد من الاغنياء و الكبار المعروفيين

و اتقدملها واحد تاني فقير و حالتهعلى اده يعني يادوب المعاش

حتوافق على مين ؟ ؟ ؟ ؟ ؟

 

للاسف احنا منحاول نحفظ حقوق بنتنا او اختنا بس احنا بالواقع مش عارفيين

احنا بنعمل ايه !

 

 

و للموضوع بقيه انشاء الله

[تقوى القلوب 12]

الكلام ده لا مجرد شعارات ولا حاجة ببالعكس انا اعرف ناس كتير جدا اتجوزت كدا اقربهم واحده اعرفها اتجوزت واحد لا غنى ولا حاجة وهى شكلها حلو مش وحشة واهلها ناس مستواها كويس واتجوزت مش بمهر ولا شبكة طلبت من خطيبها ان يكون مهرها اللى حافظه من القران الكريم وهى عايشة مبسوطة الحمد لله

بس انا معاك فى ناس كتير جدا فعلا بتغالى اوى فى طلباتها وفى بنات هى نفسها اللى بتشترط كدا

(بس هما الجانيين على نفسهم بقى )

[AMR DAWAM 7]

فعلا

انا معاكى اختى تقوى القلوب

موضوع الغنى والفقر المفروض يكون شئ لا يسأل عنه

وكمان فين الحب اللى هو مهر اى عروسين حاليا

لو فى حب بتعيش البنت اسعد ايام حياتها لو ماعندهاش قوت يومها

حبيبى يامن اللى بتتكلم عنه فعلا بيحصل بس دا فى الحالات اللى اخذتهم الدنيا وغرتهم بنعيمها الكذاب

انما القاعدة العريضة هى التى تبحث واول همها هو الدين والخلق والتربية الفاضلة

****************************************************************

تقبل اسمى تحياتى حبيبى يامن

[BLACKDREAM 5]

اخي العزيز عمرو دوام :

 

اسمحلي ائول انك و من طيبتك الجميله جدا مش ادر تبص للدنيا كويس

بص يا عم انا شايف حالات زواج كتيره من الي بئولكم عليها

والدليل على كلامي القصه دي :

 

واحد اتقدم لواحده طبعا اتكلم مع باباها للبنت و الاب بدوره راح لعند البنت

و سالها عنرايها و كان هناك الكتير من المحاولات في تعريف العروس بمزايا

عريسها من فلوس و الماس و دهب ومن اللذي منه يعني

و فعلا البنت وافقت اصل مغريات الحياه ممكن تاثر على اسلوب حياتنا

و بعد ما وافقت و جاه الشاب و شاف البنت و شافته و حاولو انهم يتقبلو بعض

و اتفقو عل يوم العرس

و جاه يوم العرس : انت برايك المفاجئه كانت ايه ؟

حسيب الاجابه مفتوحه عشان ائلك كانت ايه المفاجئه

 

 

تقبل تحياتي اخي عمرو الغالي . . . . . . . . . . . . . . . .

[تقوى القلوب 12]

العريس مطلعش هو اللى شافته مثلا؟؟؟؟؟؟؟؟؟؟

[تقوى القلوب 12]

انت مقولتش المفاجأه كانت ايه

[فراس فراس 0]

كتير منا يعرف عبدالله بن المبارك

 

هو كان أحد السلف الصالح وليه روايات كتير

 

بس أنا كنت عايز اقولكم على أزاى أتجوز ابوه وامه

 

أبوه كان شغال فى مزرعة المهم جم ضيوف لصاحب المزرعة

 

فصاحب المزرعة قاله يجيب فاكهة للضيوف من المزرعة

 

فالمهم جابلهم رمان

 

المهم جه ياكل لقى الرمان حامض

 

قاله ده الرمان حامض انت مادوقتوش

 

فقاله المبارك : ادوقه ليه انا جى اشتغل عندك مش جى آكل

 

صاحب المزرعة : يعنى كل السنين اللى انت شغال فيها عندى وماكلتش حاجة منها

 

المبارك : أيوة دى امانة

 

المهم ...

 

مشى الضيوف فنادى صاحب المزرعة المبارك

 

وقاله : أنا عايز اجوز بنتى

 

فقاله المبارك :

اليهود بيجوزو للمال

 

النصارى بتجوز للجمال

 

العرب بتجوز للنسب

 

والمسلمين بيجوزوا للخلق و الدين

 

فقاله صاحب المزرعة : انا عايز اجوزها لك لأمانتك وخلقك ودينك

 

فكانت زيجة مباركة كانت نتيجتها عبدالله بن المبارك الرجل العابد الذاهد

 

وبارده بخصوص اختيار الزوج

 

فقيل فى الأثر

أذا زوجتم بناتكم فزوجوها للكريم (صاحب الأخلاق الكريمة )

فأن أحبها أكرمها وان لم يحبها حفظها

 

وقال الرسول عليه الصلاة والسلام

من آتاكم ترضون خلقه ودينه فزوجوه , وألا كانت فتنة بين الناس

 

وهو ده اللى احنا عايشينه دلوقتى

 

يعنى زى مابيقولوا الفلوس تعمى النفوس

 

وهو ده اللى يقصده يامن

 

وده اثر جه فى دماغى بخصوص الزواج

أختاروا الجوداء

جميلة الجسد جميلة الخلق

[رجل من الصحراء 36]

الموضوع اكثر من راائع

ربنا يستر بنات المسلمين

طيب ياريت بقى عايزين مواصفات العروسة

مش ليا طبعا عشان انا خلاص الحمدلله

بس اهو للافادة لااخوة الباقين

[تقوى القلوب 12]

فراس

 

قصه جميله جداً وفعلاً اهم شىء فى المواصفات هى الامانه

 

 

 

رجل من الصحراء

 

 

حاضر ان شاء الله قريب تنزل مواصفات العروسه

 

 

جزاكم الله كل خير