اذهب الي المحتوي
منتديات ياللا يا شباب

فراس فراس

Members
  • عدد المشاركات

    243
  • انضم

  • تاريخ اخر زيارة

كل منشورات العضو فراس فراس

  1. وبارك فيكم ...اللهم آمين واحد كان مديون لشوشته وبناته بيجوزهم فدخل الجامع وجبال من الهموم والأحزان على قلبه فصلى ركعتين وبعد ماخلص قال الحمد لله ان لينا رب الحمد لله يارب أجعلنا ممن يقولون أرحنا بالصلاة ولاتجعلنا ممايقولون أرحنا من الصلاة يارب
  2. عايز كل واحد فينا يسال نفسه سؤال..... ياترى انا صليت...؟؟ حتى لو كنت بتصلى اسال نفسك بارده.... بس اسأل قلبك أنا صليت لربنا جاوب بسرعة وبدون تفكير طبعاً الاجابة والله اعلم هاتلاقى نفسك بتقول لأ أنا ماصليتش...!!! طيب ليه...؟؟ ليه بقول كدة لأن جواك حاسس أنك ماعطيتشى الصلاة حقها حاسس كدة انك بتعمل ذى مالناس بتعمل لما بتصلى عامل ذى اخينا اللى الأمام صلى وبعد ماخلص أختلف الناس اللى قال أنه صلى أربعة واللى قال انه صلى تلاتة لحد ماواحد قام وقال الكلمة الفاصلة انت صليت تلاتة ليه يااستاذ...؟؟ أصل انا عندى اربع محلات فى الراكعة الأولى حسبت أيراد المحل الأولانى وفى التانية المحل التانى وفى التالتة المحل التالت فالله يخليك صلى الرابعة علشان احسب ايراد المحل الرابع الحكاية دى حصلت بجد مش نكتة لما بتصلى ياترى بتكون مشغول بأيه ...؟؟؟ ولا بتصلى لأيه...؟؟؟ ولا بتبص لمين...؟؟ ربنا بيكون واقف قدامك وشايفك وانت بتبص لغيره فيقولك..... أهو خيراً منى...؟؟؟ هى دى الصلاة....!!! أنت بتصلى لماتش ولا لبنت ولا لتجارة ولا أيه اللى بتفكر فيه وانت بتصلى....؟؟؟ هو احسن ولا ربنا أحسن...؟؟ طيب أعمل أيه....؟؟؟ سأل حاتم فقال أجعل الصراط امامى (لما نبعث بعد مانموت انشاء الله كل واحد فينا هايعدى عليه وهو ارفع من الشعرة واحد من السيف وهو بيعدى من فوق جهنم وانت والموضوع مش محتاج تبقى بطل جمباز ولا سيرك علشان تعديه وماتوقعشى أنت وعاملك بقى ) والجنة عن يمينى والنار عن شمالى وملك الموت خلفى يريد ان يقبض روحى ولما افرغ يسأل نفسه هل قبلت صلاتى..؟؟ طيب لو ماتقابلاتشى ماتقابلاتشى ليه...؟؟ أيه اللى غلطت فيه...؟؟ تخيل بس أن دى آخر صلاة انت هاتصليها وفعلاً ماحدش عارف إذا صلى دلوقتى ياترى.. هاعيش وأصلى تانى....؟؟؟ ياترى هاعيش لحد ماخلص الصلاة....؟؟؟ ياترى لسة مكتوب لى انى اعيش آخد نفس تانى بعد النفس ده...؟؟ طيب الرسول عليه الصلاة والسلام قال ايه...؟؟ ولواحد صلى تلت مرات وكل شوية الرسول يراجعه لحد ماقاله والذى بعثك ماعرف إلا هذا فقال قف حتى تطمئن فى وقفتك وأركع حتى تطمئن فى ركوعك خد نفسك يعنى لحد ماتحس انك ركعت ثم قف حتى تطمئن فى وقوفك بالراحة دول خمس عشر دقائق نص ساعة بالكتير مستكترهم على ربنا بتقعد قدام الكومبيوتر بالساعات ومش قادر تستحمل عشر دقائق تصلى فيهم بتقول ربنا ايه..؟؟ الصلاة بتاعتك تقيلة علية والكومبيوتر ولا الماتش ولا التلفيزيون خفيف عليا واحسن منك ياترى انت صليت...؟؟؟ ياترى انتى صليتى....؟؟ راى أحد الصحابة النبى يقيم الليل فرصة أقيم معه فبدأ بالبقرة فقلت هايقف عند المائة فأنهاها ودخل على آل عمران فقلت هايقف عند المائة فأنهاها ودخل على النساء فقلت هايقف عند المائة فكمل فهممت بآمر سؤ أيه هايعمل ايه....؟؟؟ كنت سأقعد والنبى واقف أيوه حوالى ألف آيه بيقيم الليل وده مين...؟؟ ده النبى أول الداخلين ألى الجنة يعنى مش محتاج يقيم كل ده ياترى انت بتقيم بكام آية..؟؟؟ وصلت للمئة ولا أنت أساساً مش بتقيم الليل...؟؟؟ من قريب كان فى واحد زعلان قوى فسألوه انت زعلان ليه...؟؟ كبرت فى السن وخارت قواى ولم اعد أصلى إلا بألف آية شوف الناس مش زعلان ان قوته راحت علشان ضعف ولاكبر فى السن علشان عجز ده زعلان علشلن مابقاش يصلى إلا بالف آية يارب أعنا على طاعتك وحسن عبادتك
  3. ماحدش سأل نفسه قبل كدة ليه الأذان أوله أربعة.... الله أكبر وفى آخره أتنين.... هو الأنسان أيه اللى بيشغله فى حياته....؟؟؟ أربع حاجات... أيه هما...؟؟؟ الأسباب الشهوات النوم الطاعة مثلاُ بالبلدى الفلوس الجنس النوم درس فى التلفيزيون هنا ربنا بيسأل أيه اللى شغلك عنى....؟؟؟ أنا اكبر من الحاجات دى وفى الآخر انت هاتروح لمين غيرى ومين هايعطيك غيرى والله اعلم
  4. الحكاية ده حصلت من قريب جداً كان فى أخت مسافرة بسيارة ومع سائق تاكسى المهم الوقت طال وده طبعاً لأن المسافة طويلة فنامت فى الكرسى اللى وراء فالمهم صحيت وبعدين ..... لقت نفسها فى مكان موحش وخالى والسواق كان عايز يغتصبها قعدت تذكره بالله ويرضيك.....يرضيك والتانى ولافى دماغه كل همه حاجة واحدة فلما لقت انه مفيش أمل من انه يسيبها بس عايزين نقف وقفة.... ياترى هاتعملى ايه لو كنتى مكانها..... هاتتصرفى ازاى....... هاتروحى فين.....؟؟؟؟ هاتروحى لمين.....؟؟؟؟ فكرتى.....!!!!! الأخت قالت له شرط واحد أنى اصلى ركعتين قالها ماشى فصلت وفى السجود دعت وفى الدعاء ألحت وألى الله توجهت وسالت يارب أغيثنى يارب نجينى فمن ينجنى الا انت ومن يسمعنى غيرك أنت مولاى ولا مولى لى إلا انت مش مهم هيا قالت ايه المهم انها دعت وألى الله ذهبت وعلى الله اعتمدت وتوكلت فبصت وشافت...؟؟ عربية جية من بعيد العربية دى مش غريبة علية دى شبه عربية أخويا بس ايه اللى جابه...؟؟ ده مسافر...!!! أيه ده... ده كمان اخويا التانى معاه....!!! ده كمان مسافر...!!! وفى بلد تانية خالص أيه اللى جبهم فى الحتة المقطوعة دى....؟؟؟ أيه اللى جبهم فى الساعة دى....؟؟؟ أيه اللى عرفهم انى انا هنا...؟؟؟ فضربوا السواق واخدوا بطاقته ورخصه وقطوعاله وهددوه وخدوا الأخت ووصلوها فأتصلت الأخت بالأم بعد ما وصلت وعن الحادثة قالت فكانت المفاجئة......!!!!! أخوتها ماحدش فيهم ساب بيته كل واحد كان فى بيته وكانوا لسة مكلمين أمهم يطمنوا عليها طبعاً صلت بصدق ودعت الحق فأجاب من خافت يوم الحساب تعمل أيه لو كنت مكانه....؟؟؟ طلع عليك واحد فى الصحراء ومفيش صريخ بن يومين وقالك انا هاقتلك وهاخد فلوسك طيب ياعم خد الفلوس وسيبنى لأ انا هاقتلك وهاخد فلوسك وهنا فى روايتين رواية بتقول أنه قال آية أمن يجيب المضطر إذا دعاه ويكشف السؤ وفى رواية بتقول أنه صلى وأخذ بالدعاء المهم أنه لله توجه وفى الدعاء الح فأذا بفارس يأتى من بعيد ومعاه رمح فغرسه فى هذا اللص من انت...؟؟ أنا ملك من السماء الرابعة و رسول من عند الله فقد دعيت بألحاح الله حتى سمع لدعائك قعقعة فى السماء فأستأذنت الله أن آتى أليك فأذن لى فأتيت ياترى .....أنت بتعمل أيه أو بتعملى أيه.. لما بتقع فى موقف صعب....؟؟؟ ياترى عرفتم دلوقتى أيه العمل...؟؟؟
  5. مش عارف جرى ايه للناس كل ماتقول لواحد فيهم على حاجة يقولك ياعم ده كان زمان احنا مش عصر الانبياء حاجة غريبة احنا فعلاً مش فى عصر الأنبياء بس الغريبة هو بيقول كدة ليه هو بيقول كدة معتقداً ان الانبياء كان بيعملوا كدة علشان هما انبياء وعلشان هما انبياء ولا لما تيجى وتقول لواحد عن عمر أو أبوبكر أو على أوبلال رضى الله عنهما يقولك ياعم انت هاتجيبنى زى عمر ولا بلال أنا فين وهما فين خلاص زمن الانبياء انتهى مش عارف أنا ليه الناس بتقول كدة..؟؟؟ ولون انا شايف أن الأنبياء والصحابة تعرضوا لمواقف اصعب مننا بكتير يعنى بيتهايئلى ان صعب حد فينا يتعذب وينضرب بالسوط ويتحط الحجر الكبير على صدره ويتعذب العذاب اللى شافوه الانبياء والصحابة ويفضل ثابت على دينه قال سعد بن وقاص: قلت: يا رسول! أي الناس أشد بلاء؟، قال: الأنبياء، ثم الأمثل فالأمثل، فيبتلى الرجل على قدر دينه، فإن كان دينه صُلبا اشتد بلاؤه، وإن كان في دينه رقة، ابتلي على حسب دينه، فما يبرح البلاء بالعبد، حتى يتركه يمشي على الأرض، ما عليه خطيئة). [الترمذي بنحوه في الزهد، باب: ما جاء في الصبر على البلاء]. يعنى كل واحد فينا بيصاب بمشاكل او مواقف على قد قوة دينه ﴿لاَ يُكَلِّفُ اللّهُ نَفْساً إِلاَّ وُسْعَهَا (286)﴾ سورة البقرة وكمان مش المفروض الانبياء والصحابة دول قدوة لينا والقدوة يعنى المفروض أعمل زيه فى المواقف اللى بتعرض ليها ولا ربنا كان بعتهم ليه...؟؟ مش علشان يقولنا على الصح والغلط ونعمل زيهم ولا علشان نقول أحنا فى زمن غير الزمن انا معاك أن الزمن غير الزمن بس احنا فى زمن والحمد لله أسهل من الزمن اللى كانوا فيه هما طردوا من بيوتهم واتاخد فلوسهم واتعذبوا وشافوا أمر العذاب علشان يسيبوا دينهم ورغم كدة صبروا وأستحملوا وعاشوا منقطعين ومنعزلين عن العالم علشان توصل الرسالة لينا ونكملها احنا أيوة احنا مش فى عصر الأنبياء احنا فى عصر العربيات مش الجمال احنا فى عصر الأرصفة مش الرمال أحنا فى عصر الطيران مش الحمام أحنا فى عصر المبانى مش الخيام
  6. أنا بحب أرحب بيك فى أول موضوع تكتبه وشكلك بتحب الأحلام كتير والخيال بس اتمنى أن أحلامك ماتكونشى بس مجرد أحلام أتمنى أنك تسعى لتحقيقها وإلا مش هاناخد إلا الأحلام يعنى ولا حاجة والواحد فعلاً مش هايحلم لو مات بس مش هيموت لو محلامشى والله اعلم طيب أيه رأيك نخلى الموضوع هو أيه اللى نفسك يبقى موجود فى سنة 3000م يعنى لو شوفنا بداية أى اختراع أو نظرية كانت الأول مجرد افتراض وخيال وبعدين جه اللى عدل الافتراض وهكذا... وانا كنت بفكر ليه أحنا مانبدأشى ..؟ ونتخيل... ونضع الأفتراضات وتكون دى خطوة منا لمسايرة التقدم وانا هابدأ نفسك فى أيه ياعزالدين ...؟؟ نفسك فى ايه...؟؟؟ انا بتخيل المواسير الحديد أستعانوا بدل منها بالواسير البلاستيك وكمان المواسير البلاستيك مابتصديش ذى الحديد ليه مانستعانشى كمان بالبلاستيك ونخلطه بالبلاتين علشان نقويه ونبنى بيه بدل الحديد فكرة صح...؟؟
  7. شـــكراً بسنت على المعلومات الجميلة اللى فى صورة ظريفة يعنى العولمة هى أن العالم الكبير ده كله أصبح قارية صغيرة أنا أفتكرت حاجة بمناسبة الحادثة ماهو سبب قتل دودى وديانا.....؟؟؟؟ أو ليه الناس بتقول كدة.......؟؟؟ ومش معنى المخابرات الأنجليزية....؟؟؟ وليه يمكن الموساد...؟؟؟ كل الموضوع هو أن الأميرة ديانا كانت متجوزة الأمير تشارلز ولى عهد بريطانيا يعنى الملك المقبل لبريطانيا إذا شاء الله وهى مخلفة منه ولد وطبعاً أذا شاء الله وأصبح تشارلز ملكاً سيصبح أبنه من ديانا ولى العهد وبعد كدة يبقى الملك وطبعاً أفترضوا أن الأميرة ديانا خلفت من دودى الفايد يعنى هاتخلف مسلم وكمان من اصل عربى يعنى أبنها المسلم هايكون اخوا ولى العهد أبنها من تشارلز فأفترضوا ان تشارلز أصبح الملك ومات وتولى بعده أبنه من ديانا وأفترضوا أيضاً أن كمان أبنها من تشارلز مات فساعتها من ستئول له ملك بريطانيا....؟؟؟ أخوه المسلم أبن ديانا من دودى يعنى المسلمين هاتقوى شوكتهم وده طبعاً بالنسبة لبعض الناس (((((((((كـــــــــــارثة))))))))) ياسلام ملك بريطنيا مسلم وكمان من أصل عربى ومصرى كمان
  8. وبارك لك يارب المهم نرجع ونقول أزاى تشوف النبى عليه الصلاة والسلام سئل طالب علم عالم هذا السؤال فأخذه العالم وقدم أليه الطعام وكان الطعام كثير الملح وجعله يكثر ويكثر من الطعام ولم يجعله يشرب الماء حتى انهى الطعام وطبعاً بطنه تقلت ونام وبعد ماصحى سأله العالم ماذا رأيت...؟؟؟ قال رأيت انهار وبحار ومياه كثيرة هكذا كنت محتاج للماء فرئيته وهكذا ترى النبى ياترى ...؟؟؟ الواحد فينا محتاج يشوف النبى قد أيه....؟؟؟ ياترى...الواحد فينا بيحبه قد أيه....؟؟؟ طيب لو ...بتحبه ,...وعايز تشوفه.....عملت أيه...؟؟؟ ياترى عرفت أزاى تشوف النبى عليه الصلاة والسلام....
  9. وجزاكم ياحبيبى عمر ومعلهشى انا أتأخرت فى الأمثلة وده لأنى مابحبش المشاكل ودائماً بحب أبعد عنها تخيل بقى لما اجيب مشكلة ولونى بفرح قوى لما بحل مشكلة بفضل الله بس علشان انا وعدت يبقى لازم اوفى مهما مرت الأيام وده مثل أهو علشان ماكنشى خلفت بوعدى انا هاجيب مثل عن مشكلة وناس حاولوا يحلوا مشكلة بس ياترى الحل ده كان صح ...؟؟ تعالوا نشوف... أولاً أيه هى المشكلة..؟؟ غلاء الأسعار وتفشى الرشاوى والحاجات اللى قام علشانها الأضراب اليومين اللى فاتوا دول فى شباب حاولوا يحلوا المشكلة دى بالأضراب بس ده للأسف كان حل فاشل جداً يعنى مفيش فشل تام فالنتيجة العامة ربح وخسارة أو مصاريف وأيرادات ويتم جمع الربح والخسارة أو المصاريف والأيرادات فتكون النتيجة النهائية أما ربح أو خسارة نقدر نقول فاشل بنسبة 76% طيب ليه...؟؟ أول خطء والأساسى عدم وضوح الهدف ماهو الهدف...؟؟ الهدف هو كمية وزمن وأيه هو وفين يعنى علشان يكون هدفك واضح لازم تكون محدد وقت ومحدد كمية و.... يعنى لو قولنا أنك هدفك انك تبنى يبقى هنا الهدف كان فيه قصور كبير 1-فأنت لم تحدد انت هاتبنى أيه.....؟؟ 2-طيب هاتبنى قد أيه...؟؟ 3-هاتبنى فى قد أيه...؟؟ وهم ده اى اللى عملوه قالوا هانبنى (نعمل أضراب) بس ماحدتوش النتيجة أو ماقد يحصل وهنا نيجى للسبب التانى للفشل لكى تنجح خطتك يجب ان تكون:- 1-مواتية للبيئة(مايحيط بك ) 2-عارف كل امكانياتك 3- توقع ماقد يحدث والاستعداد له وطبعاً 1/ لم تكن مناسبة للظروف المحيطة بنسبة أكثر من خمسين بالمائة لكى تنجح يعنى الأضراب ده ينجح فى دولة متقدمة بتقدر الموارد البشرية اللى عندها وبتحافظ عليها وتناميها مش يحصل أى حاجة بالكرباج علاطول ذى كل الدول النامية وهو ده الفرق بينا وبين الدول المتقدمة الناس أيه نظامهم ...؟؟ من الناحية العامة أما 54% يسيطر الخوف عليهم 15% شباب جامح مش هاموا حاجة يمشى وراء عواطفه لا يخطط 25% أحنا مالنا اللى يحصل يحصل 6% متنوعون من الناحية الثقافية 73% مش مثقف 27% الباقى تخيل بقى ان 15% 73% منهم مش مثقف طبعاً النتيجة بتكون فرصة كبيرة للحرامية لأن الحكاية هاتبقى هرجلة وهيصة وزى ماحصل قبل كدة العربيات تتكسر والمحلات تتسرق أنا مش فاهم هى دى عربيات مين ولا محلات مين..؟؟ مش دى حاجات الناس يعنى الهدف كان فيه قصور كبير جداً والبيئة كانت غير مناسبة 2/ الأمكانيات هو ده اللى نجحوا فيه الأتصالات 3/طبعاً لم يتوقعوا ماقد يحدث بناء على ماسبق من مظاهرات وفى النهاية لم ينجح الحل وذلك لعدم وضوح الهدف وقصوره وعدم الأخذ باسباب نجاح أى خطة لتحقيق الهدف وقدر مانجح فى التخطيط بنسبة 1\7 أى حوالى 14% وكان ذلك هو فى دق ناقوس الخطر بأن القنبلة قد وصلت لأعلى معدلات تغطها وبدأت بالأنفجار ولكن النتيجة النهائية فشل بنسبة 76% ولا حول ولاقوة ألا بالله لو حد عايز يعرف حل مشكلة يقولها أنشاء الله ربنا يعينا على حلها فكل ماآخذت بآراء الآخرين كل ما كانت نسبت نجاح الحل أكثر والسلام عليكم
  10. مين ده....؟؟ أنا فاكر واحد كدة بس مين...؟؟؟ آه آه ده الصحابى الجليل أبو ذر الغفارى سمع انه قد ظهر فى مكة من يدعو لدين جديد فتشوق لمعرفة ماهذا الدين فاخبر اخوه وعزم ا لذهاب لمكة فوصاه أخوه بأن لا يسال عن محمد فان قريش تتربص للغريب الذى يسئل عن محمد فذهب وأخذ بعض الطعام معه وأنتظر عند الكعبة يترقب الناس عسى ان يجد محمد صلى الله عليه وسلم فنفذ معه الطعام وأخذ يشرب من ماء زمزم فهو شراب وطعام ودواء للسقم(المرض) وأذا بشاباً صغير فى الخامسة عشر من عمره يتربص الغرباء ليه...؟؟ علشان ايه...؟؟؟ لكى يهدى الضالين على طريق الحبيب محمد وذلك كما وصاه أبن عمه وحبيبه محمد صلى الله عليه وسلم مين ده...؟؟ ايوة هو على بن ابى طالب كرم الله وجهه رضى الله عنه ورضا عنا فذهب لأبى ذر فقال له أأرجل غريب فرد : نعم غريب على: تعالى اضايفك وهكذا ايضا فى اليوم التالى وايضاً فى اليوم الذى يليه حتى قال له الن تزال الغربة قولى بقى أيه حكايتك..؟؟ قال : وستكتم عنى سرك كبير فأخبره بانه يريد ان يرى محمد صلى الله عليه وسلم أيوه ....!!الراجل ده سافر وتعب وقعد اكتر من تلت ايام عايش على المياه كل ده ومازهاقشى ماتخناقشى كل ده علشان بس مجرد يشوف سيدنا محمد فقال له على رضى الله عنه أنى دالك عليه ولكن ميعادنا غداً فلعل وعسى يترقبنا احد من قريش فسأمشى امامك وستتبعنى وأذا انخفضت للأرض أأخذ شيئاً فأتركنى فأن أحداً يتبعنا أيه ده ...؟؟؟أيه السرية دى كلها..؟؟ كلنا عارفين ان فى الدعوة السرية كانت فى دار الأرقم بن بنى الأرقم بس تخيلوا لحد دلوفنى مفيش حد عارف هما كان بيجتمعوا فين...؟؟ وجاء اليوم التالى فمشى على بن رضى الله عنه ومشى ورائه أبو ذر الغفارى فأحس على بان أحداً يترقبهم فتوقف وأنخفض فتابع أبو ذر سيره ولكن لم يطيق صبراً فأخذ بنفسه يبحث عن النبى صلى الله عليه وسلم فأرشده الله وكانت فرحته مابعدها فرحة ياسلام...!! أخيراً شفتك ورأيتك ياحبيبى يارسول الله ياترى ...؟؟ أنت عايز تشوف النبى قد أيه....؟؟؟ طيب عايز تشوفه قولى ...وانا هاقولك تعمل أيه...أنشاء الله
  11. السلام عليكم ورحمة الله كتير قوى منا مش عارف أيه معنى الكلمة ومش عارف ان الكلمة بتفرق كتير فرُب كلمة لاتلقى لها بالاً تلقى بك فى النار سبعين خريفاً أيوه!!!!!! سبعين سنة فى النار والسنة فى الأخرة ياريت السنة بس ده اليوم فى الآخرة كبير قوى مش زى اليوم فى الدنيا تخيل بس يوم كامل فى النار ولا قولك ياترى انت بتستحمل تحط ايدك على النار قد أيه...؟؟ تخيل نار بقى لونها أسود كمان فتلاقى اللى بيعطى واحد كلمة وبيخلف فيها ميعاد ومايجهوش حاجة ومايجبهاش حاجة قال هايعملها وماعملهاش وفى اللى يقعد يتريق على غيره قال أيه بيهزر ناسى ان كل حاجة بيعملها وبيقولها مكتوبة عليه مفكرشى انه فى يوم هايتسأل عن كل حاجة عملها وياأما حسنة يااما سيئة ياترى.....؟؟؟ الواحد فينا بيتكلم قد أيه فى اليوم وقال كام كلمة وماكنشى قدها...؟؟ روى فى الآثر أن أثنان أحداهما صالح كل حياته خير والآخر طالح كل حياته شر فكان الصالح ينصح الطالح بعبادة الله ولم يكن الطالح يعر له اهتمام فأذا فى يوم أتى الصالح للطالح فقال له ستدخل النار وهنا توجد روايتان رواية تقول بأن الله أرسل سيدنا موسى ليبلغ هذا الصالح بأن كل ماعمله من خير قد احبط (يعنى راح كانه ماعملشى خير فى حياته)وذلك عندما قال هذه الكلمة ورواية اخرى تقول بأن الله قال لهذا الرجل فيما معناه هى النار بتاعتك ولابتعتى فالجنة والنار ملكً لى أدخل بها من أشاء وأخرج منها من أشاء فأدخل الطالح الجنة والصالح النار سؤل عن ماهو مفتاح الجنة ياترى هو أيه ...؟؟ صلاة...؟؟ صوم ....؟؟ أى عمل صالح...؟؟ مفتاح الجنة هو كلمة لا الاه الا الله.. طيب أيه هو كنز من كنوز الجنة بارده كلمة لا حول ولاقوة الا بالله طيب نعمل أيه ..؟؟ مانتكلمشى ...!! قال رسول الله صلى الله عليه وسلم من كان يؤمن بالله واليوم الآخر فليقل خيراً أو ليصمت ياجماعة ياريت كل واحد ياخد باله من كلامه ويكون قد كلمته لم يقول هاعمل يبقى هايعمل أنشاء الله ولما يقول هاجى يبقى هاييجى انشاء الله ولما يقول هاعطى يبقى هايعطى انشاء الله واهى كلمة بس ممكن تفِرق
  12. شـــــكراً أخى على المعلومات الجميلة أنا كنت اعرف أن أكبر دولة فى صناعة البرمجيات هى الهند بس أول مرة أعرف أن مخترع الهوتمايل هندى ومسلم الحمد لله بالمناسبة للي بيضربه بالهندى المثل فى الغباء أنا أتذكر من حوالى ثلت أربع سنين أن الهند واخدة حوالى سبع تسع جوائز نوبل وأحنا مصر أو ممكن تقول العرب كلهم ماخدوش غير أربع جوائز(زويل والبرادعى والسادات ومحفوظ)
  13. شـــكرًا زورو على كلامك الحلو والجميل وربنا يكرمك ويكرم المسلمين أجمعين انشاء الله وانا معجب قوى بحبك لبلدك وغيرتك عليها بس انا مش عارف أنت من أسبوع واحد وطهقت طيب أنا اعمل أيه اللى عايش فى أسكندرية كل ماجى أطلع على البحر أشم شوية هواء ألاقى مناظر مايعلم بيها إلا ربنا سواء صبح أو ليل سواء شتاء أوصيف لازم الاقى اتنين بيظبطوا بعض وساعات بقى بليل وراء الصخر بيظبطوا آخر تظبيط ولاياسلام فى شوية صحاب ليا معاهم عربيات وليهم شقق فى المعمورة بيظبطوا فيها آخر تظبيط ياريت جت على الولاد بس ده فيه شوية مناطق بيقولوا عليها راقية تلاقى البنت بالعربة الجيب بتاعتها معادية على الواحد وتقوله يركب ويمكن ميكونشى يعرفها أساساً والبنت تلاقيها فلقة قمر ((جميلة جداً)) المهم تجيبلك خرطوشتين سجاير مارلبورو وتحشش معاها وتظبط طبعاً وتعطيك كمان ثلاثمائة خمسمائة جنيه ولا البنات اللى لسة فى المدرسة وعاملة شبكة دعارة مع صحباتها ولا فى شوية مناطق عندنا فى أسكندرية تكون ماشى فى آمان الله وتلاقى الليقولك عايز حاجة يقصد عايز حشيش ولا بانجو ولاالحاجات دى ولا الحرمية تلاقى اللى مطلعلك ماطوة ولاسنجة وعايز يثبتك هو والشلة بتاعته وطبعاً الأستاذ لازم يكون مبرشم او شارب خمرا علشان يجمد قلبه وهو داخل عليك وميهمهوش حاجة يوه حاجات كتير كتير بس الحمد لله أنا كنت من يومين عند ناس قريبى بحضر فرح فى بنها وحاودت أسلم على ناس قريبى فى المنوفية المهم قبلت واحد وكنا بنتكلم على الأسكندرية وقالنى فى أسكندرية يااما تلاقى الكويس قوى ياأما تلاقى الوحش قوى وبيقولنى وهى البلد الوحيدة اللى تدخل فى أى جامع فيها تلاقيه مليان وفى أى صلاة الحمد لله انت عارف أنا بقولك الكلام ده ليه..؟؟ لأنى شايف أن الكلام اللى بيحصلنا دلوقتى حصل فى فترة من فترات الخلافة العباسية الثانية فلما زاد المجون والفسق بدأ ظهور العلماء وذاد الزهاد وانقلب الحال وكمان بقول للى شايفها ظالمة لو دور مويس حواليه وبص فى أكتر من اتجاه هايلاقى شعاع نور وبأيده هو يقدر يخلى الشعاع ده اكبر وأكبر أما بقى حنان كلامك جميل جداً بس مش كل الشباب اللى بيظهروا على الشات هما كل الشباب ولا كل الشباب اللى معاكى فى الجامعة هما كل الشباب يعنى مثلاً نيجى لبتوع الشات غرفة الشات بيكون فيها فى المتوسط مابين 27:30 واحد دايماً المهم بتلاقى بالظبط منهم فى المتوسط 3:5 أفراد يااما اللى بيدور على جنس أو اللى داخل يشتم ويقل أدبه يعنى من الآخر لو حسبناها هنلاقى الناس دولت بيمثلوا حوالى 13% أما الباقى فى عشرة منهم بيدور على عالم لا يعرفه وهو البنت عالم عايز يدخل جواه ويعرف أسراره ودولت بيمثلوا حوالى 30% اما الباقى فنصهم داخل لأغراض تجارية (يسوق منتج أو يسوق موقع وهكذا)والنص التانى داخل علشان ياأما يقوى نفسه فى الأنجليزى والكتابة على الكومبيوتر واللى زهقان وعايز يتعرف على ناس جديدة وأهداف تانية ده غير أساساً اللى مش فاضى يدخل على الشات أساساً يعنى لو حسبناها على الشباب اللى فى الشات بس هانلاقى ان نسبة الشباب اللى نواياهم سيئة جدا ً بتكون 13% واللى دماغه نص فاضية بيمثل 33% أما اللى ليه هدف ده بيمثل 64% يعنى نسبة كويسة مش وحشة وأعتقد أنت طبيعى كبنت فى اللى بيدور عاليكى فى الشات ودائماً بتصطادمى بيه هما 46% الأوليين فعلشان كدة كدة بيتهايئلك أن الشباب معظمه هايف وتقريباً نفس الموضوع بالنسبة لشباب الجامعة اما حكاية الكورة والفلوس فأنا اعتقد أن كل الشعب رجاله ونسائه كبيره وصغيره معظمه مش لاقى حاجة يتكلم فيها غير فى الحاجتين دول يعنى كنت أقصد بكلامى ده ان اللى ليه هدف من الشباب ودماغه مش فاضية نسبته مش قليلة والحمد لله ربنا بيذيد ويبارك
  14. شكراً نبض على الموضوع مرة تانية وأذا كانت ردودى حلوة وده علشان موضوعك أحلى أسمحولى بقى أشارك برئيى فى شوية المواضيع اللى فاتت سى السيد أنا بيتهيئلى أن فى دلوقتى ستى سيدة قل جداً جداً جداً حكاية سى السيد ويمكن مابقاش موجود اساساً ولو الراجل حب يعمل فيها سى السيد يبقى نهاره مايعلم بيه غير ربنا دى الست تتخانق معاه وتعكنن عليه بكل حاجة تقدر تعكنن عليه بيها ولكن ... أيه هو سبب ظهور سى السيد...؟؟ أول حاجة الستات زمان ماكنتشى لا بتتعلم ولا بتشتغل وكانت من بيت أبوها لبيت جوزها يعنى جوزها ده كل حياتها وكل ماليها ومفيش حد ليها فى الدنيا غيره فبتسعى انها ترضيه بكل قوتها ولأنها ماتعلمتش ومابتشتغلشى ومابتخرجشى تقريباً من البيت ولاحتى كان فيه تلفيزيون بتتعلم منه فطبيعى الراجل كان ليه الكلمة الأولى والأخيرة وكان هو الآمر الناهى أما دلوقتى بتروح الجامعة وبتشوف ده وده وتعجب بده شوية وده يعجب بيها شوية وشافت المرأة الغربية وتأثرت بها وقلدتها ونست عادتها الشرقية وتقعد تتكلم كتير مع صحباتها وصحباتها تكون متضايقة شوية مع جوزها ولا حاجة فتغير منها فتوقع بينها وبين جوزها وبتسمع تامر حسنى وعمرو دياب وانا مش بقصد هنا الكل أنا بقصد فى كتير كدة فيكون هناك أكتر من سبب أنها لا تجعل الرجل هو سيد حياتها ومن اولها أنها نست حديث الرسول صلى اللله عليه وسلم: أنه من باتت وزوجها غاضب عليها لعنتها الملائكه حتى تصبح بس بارده بصراحة آدم كان ساعات بيسؤ فيها ونسى هو كمان قول الله تعالى: وَعَاشِرُوهُنَّ بِالْمَعْرُوفِ فَإِن كَرِهْتُمُوهُنَّ فَعَسَى أَن تَكْرَهُواْ شَيْئاً وَيَجْعَلَ اللّهُ فِيهِ خَيْراً كَثِيراً وقول الرسول : { استوصوا بالنساء خيراً، فإن المرأة خُلقت من ضلع، وإن أعوج ما في الضلع أعلاه، فإن ذهبت تُقيمه كسرته، وإن تركته لم يزل أعوج، فاستوصوا بالنساء } [متفق عليه]. وعنه أنه قال: { اللهم إني أحرج حق الضعيفين: اليتيم، والمرأة } [رواه أحمد]. فعن معاوية بن حيدة قال: قلت: يا رسول الله، ما حق زوجة أحدنا عليه؟ فقال عليه الصلاة والسلام: { أن يطعمها إذا طعم، ويكسوها إذا اكتسى، ولا يضرب الوجه، ولا يقبح، ولا يهجر إلا في البيت } [رواه أحمد] هو نسى وهى نست وشافت غيرها وغارت وسمعت الكلام الحلو اللى مش بيقلهولها جوزها فطهقت وفى الآخر مابقاش فى سى السيد وظهرت الست سيدة لأنها هى اللى بتشتغل وبتصرف على البيت وجوزها يعينى عاطل بياخد المصروف منها انا عن نفسى أنشاء الله لما أتجوز هاشركها فى آرائى وهاخد برأيها لو شفته صح يعنى المفروض الواحد يسمع لها يمكن هى بصت للموضوع من ناحية تانية ان مش شايفها ويكون رأيها أصح من رأيى الزواج من اكبر منى فى السن السن مش اهم حاجة أهم حاجة أظفر بذات الدين كما وصانا الرسول عليه الصلاة والسلام بس من ناحية العلوم الأجتماعية دائماً اللى بيتجوز من اكبر منه فى السن بيكون بسبب نقص أما فى المال أو فى حنان الأم بس بارده بأرجع واقول أظفر بذات الدين أما من اكثر نضجاً هو المفروض آدم ففي صحيح البخاري عن أبي سعيد الخدري قال:خرج رسول الله صلى الله عليه وسلم في أضحى أو فطر؛ إلى المصلى، فمر على النساء فقال: يا معشر النساء تصدقن فإني رأيتكن أكثر أهل النار، فقلن: وبم يا رسول الله قال: تكثرن اللعن وتكفرن العشير، ما رأيت منناقصات عقل ودين أذهب للب الرجل الحازم من إحداكن، قلن وما نقصان ديننا وعقلنا يارسول الله؟ قال أليس شهادة المرأة مثل نصف شهادة الرجل قلن: بلى: قال فذلك من نقصان عقلها، أليس إذا حاضت لم تصل ولم تصم؟ قلن: بلى، قال:فذلك من نقصان دينها يعنى مما يوحى الحديث أن الرجل أكثر عقلاً وحزماً من المرآة بس مش كل الرجالة ساعات ومش قليل تلاقى الست هى اللى شايلة البيت وبتتصرف أحسن من الراجل اما ليه حواء مش بتصارح آدم بحقيقة شعورها ده مش بيبقى فى كل الحالات ساعات لما يكون غنى أو وسيم شكله حلو مابتستناش بتقوله علطول علشان خايفة انه يطير منها لأن البنات اللى عايزينه كتير أيه أكتر حاجة بتكرهها حواء فى آدم بيتهايئلى هى أنها تحس ان فى واحدة تانية مشاركاه فيه وانا بقول كدة لأن ده دائماً بيجيب مشاكل كتير ليه لما تحب تخاف تتكلم ولما تتكلم بتحاول تبعدها عنك دول ناس من طبيعة خاصة جداً اللى من النوع ده وده بسبب أنه خايف يتكلم لأنه خايف يفتح معاها الباب وفى الآخر تقفله فى وشه ولو كانت بتحبه بيخاف انه يتعلق بيها أكتر وفى الآخر تطير منه ويتجرح لأنه ممعهوش وانا مش هاسأل لأنى لسة ماحدش رد على شيتوس
  15. أيه ياجماعة ماحدش عارف يجمع عشرة وأربعة...؟؟؟
  16. ليه ...؟؟الاجنبى كدة...؟؟؟ 1- الأجنبى مش بيبص لأن مفيش قيود أو شريعة تمنعه انه يزنى والزنى عندهم تقريباً كل حاجة فى حياتهم 2-ليه مابيخافشى من الظابط لأن فى أحترام للآدمية أقل حاجة هناك السجن وكانه فندق 3-هو كدة كدة بيعيش مع صاحبته وكمان بتجيبه عندها البيت علشان يمارسوا الرذيلة مش محتاج يملى عينها 4-لأن هناك العمل هو العمل والناس بتقدر بعض والدخل كويس فبيصرف ومابيتأخرشى عن دفع الأيجر 5-لأنه هناك مش بيبصوا على الأهمية وماحدش ليه دعوة بحد 6-ومابكلمشى أسرته كلها لأن العلاقات الأسرية عندهم جافة وان كانت نادرة أساساً 7-لأن الاجنبى يحب التجديد ولا يحب الألتزام أو التقيد بشئ 8-الأجنبى حياته ياأما لهو يا اما شغل ماعندهوش وقت علشان يحكى 9-لأنه بيخاف على نفسه لأحسن عربية تخبطه ولا حاجة 10-لأن معاه فلوس عن العربى 11- لأنه دائماً يحاول الأستفادة والأخذ وانا مش بقول الكلام ده يعنى انا مع التصرفات البيخة اللى بيعملها كتير من العرب بس هى مشكلة العربى هى صراع جواه بين الخير والشر والكويس والوحش فالأتنين أختلاطوا ببعض فبقى يعمل الحاجة الصح بس بطريقة غلط وعموماً قال الله تعالى ( وخلقناكم شعوبا و قبائل لتتعارفوا ان اكرمكم عند الله اتقاكم )
  17. أول ماقريت الموضوع أفتكرت مرة واحد بيسأل ست كبيرة فى السن وبيقولها.... ليه زمان لما كنت تشوف الواحد وهو لسة ماحصالشى 20 سنة تلاقيه راجل ويشيل مسئولية ودلوقتى بيكون عدى التلاتين وتقول عاليه لسة عيل...؟؟؟ ردت عليه وقالت: لأن الشاب لو حط فى دماغه اللى بيحصل حواليه (يعنى مش مكبر دماغه ) ممكن يحصله حاجة او ينتحر ربنا يكون فى عونهم ومرة كنت قاعد مع ناس صحابى ولقيت وكان منهم واحد عنده حاجة وخمسين سنة وكان موجود أبن واحد صاحبه لسة 14 سنة وكان دايماً الراجل ده يقول الحياة صعبة واللى لسة عنده 14 سنة بيقول ده احنا هنشوف أيام سودة بصراحة اتضايقت قوى من اللى أتنين المهم أنا بحكى الكلام ده ليه...؟؟؟ الهدف من كلامى هو انى جبت نموذج من الشعب وبواريكم بيفكر ازاى...؟؟؟ الأول الست العجوزة ..وهى من جيلين قبلنا الثانى الراجل اللى فى الخمسين وده من جيل قبلنا الثالث اللى عنده 14 سنة نقدر نقول عليه الجيل اللى بين الحاضر والمستقبل كلهم وبلا أستثناء مستسلمين للأمر الواقع الكل بيبص على الحاجة الوحشة والظروف الصعبة وماحدش بيحاول يعمل حاجة الكل بيتكلم وخلاص عن الظروف والحياة وماحدش بيحاول أنه يخليها فى صفه ولون أساساً كان فى ظروف أصعب من كدة عدت على أجيال قبلنا ولا احنا نسينا...؟؟؟ الزلزال فى اوائل التسعينات ولا الجفاف اللى فى منتصف الثمانينات ولا لما أغلقت الدول العربية التعامل مع مصر ومنعت العمالة المصرية بعد أتفاقية كامب ديفيد ولا النكسة وأيام الصابونة الدبة اللى 3 جنيه والسمنة اللىب 11 جنيه وكان متوسط المرتب ساعتها 18 جنيه يعنى ظروف صعبة كتير طلعت رجالة ((الشدة تخلق الرجال)) بس هى المشكلة فين بالظبط....؟؟؟ هو الموضوع ليه تحليل كبير علمياً بس... هو ربنا بيقول أيه....؟؟ (ومن اعرض عن ذكري فان له معيشة ضنكا ) طبعاً للأسف كتير منا بيقعد يشتم ويسب فى الحكومة وفى الظروف ناسى ان فيه ربنا طيب هل ياترى أعرضت عن ذكر الله...؟؟؟؟ ده انا بصلى وبصوم وساعات لما يكون معاية فلوس بأدى اللى ربنا يقدرنى عليه ياترى حد سأل تفسه ليه احنا كنا خير امة أخرجت للناس....؟؟؟ لأننا نأمر بالمعروف وننهى عن المنكر وشوف بقى ساعت الماتش تلاقى كتير بيسيبوا الصلاة ويستنوا الماتش ولما تلاقى البنات ماشية ببنطلونات ضيقة وتقولك عادى ولما تكون حاطة ريحة وتعدى قدامك باتنين متر وتشمها وتقولك عادى واهلها يسيبوها كدة ويقولولك عادى نسيت الحديث الشريف اللى بيقول (‏حدثنا ‏ ‏محمد بن بشار ‏ ‏حدثنا ‏ ‏يحيى بن سعيد القطان ‏ ‏عن ‏ ‏ثابت بن عمارة الحنفي ‏ ‏عن ‏ ‏غنيم بن قيس ‏ ‏عن ‏ ‏أبي موسى ‏ ‏عن النبي ‏ ‏صلى الله عليه وسلم ‏ ‏قال ‏ ‏كل عين زانية والمرأة إذا استعطرت فمرت بالمجلس فهي كذا وكذا ‏ ‏يعني زانية ‏‏وفي ‏ ‏الباب ‏ ‏عن ‏ ‏أبي هريرة ‏ ‏قال ‏ ‏أبو عيسى ‏ ‏هذا ‏ ‏حديث حسن صحيح وحاجات كتير وكتير من الولاد والبنات الأنسيالات والحظاظات والحشيش والبيسة والزنى والرشوى وبليل لما يكون الواحد أو الواحدة لوحدها كل حاجة بقت عادى ياترى أنت ما أعرضتش عن ذكر الله...؟؟؟ ربنا أمر الملائكة بأن يخسفوا بأرض فقالوا : أنها فيها عبدك الصالح فقال الله : أبدأوا به .. ليه ...؟؟؟ لأنه لم يتمعر وجهه لى يعنى شاف المعاصى قدامه ومغضبشى أو وشه ماتغيرشى لربنا عرفت بقى ليه اللى بيحصلنا ده أحنا لا هايفين ولا مظلومين كل واحد بيختار انه يبقى هايف أو مظلوم أو ناجح وليه هدف فأختر الطريق الأنسب لك
  18. أتى أثنين أشقرين الى المدينة ومعهم من الأموال الطائلة الكثير وكانوا يغدقون بها على الناس من غير حساب ففتن الناس بهم وأخذوا حجرة بجوار قبر النبى عليه الصلاة والسلام وفى ليلة رعد وبرق والسلطان نور الدين زنكى نائم أتاه رسول الله وقال له :يامحمود يامحمود أنقذنى من هذين الرجلين وهو يشير ألى اثنين أشقرين فقام السلطان وأخذ يصلى على النبى ثم نام فآتاه الرسول عليه الصلاة والسلام للمرة الثانية يامحود يا محمود أنقذنى من هذين الرجلين فقام السلطان وأخذ يصلى على النبى(الهم صلى على محمد ....) ثم نام لقد أدمعت عينى وانا أسمع رسول الله يستنجد بعبد من عباد الله فآتاه النبى عليه الصلاة والسلام للمرة الثالثة وقال يامحمود يامحمود أنقذنى من هذين الرجلين فقام السلطان وقال : لانوم بعد الساعة واتصل بوزيره جمال الدين الموصلى وحكى له ما رآه فقال الوزير:لانوم بعد الساعة ثم شد الرحال الى المدينة ومعهم الأموال الطائلة وعندما وصلوا جمع الناس لكى يغدقوا عليهم بالأموال وعندما جمع الناس فأخذ يبحث عن الرجلين فلم يجدهم فنادى فيهم السلطان ألا ينقص منكم أحد فردوا عليه لاينقصنا أحد طب اتاكدوا فردوا عليه لا ينقصنا أحد ثم نادى للمرة الثالثة فقام رجل وقال نعم ينقصنا رجلين ولكنهما لا يحتاجا للمال قال السلطان ألى بهم فأتوا بهم أليه فعندما رآهم أى والله هما يارسول الله ثم أخذ ينظر أليهم وذهب معهم الى بيتهم والناس فى ذهول ماذا هناك ماذا فعل وعندما دخلوا ألى البيت ........... لم يجد الا مصحفان وبعض الحصير فأزال الحصير فوجدوا سرداب يتجه ناحية قبر النبى عليه الصلاة والسلام بل وصل بالفعل ألى القبر فأخذا الرجلين وذبحهما ذبح النعاج ستجدوا هذه القصة فى كتاب تاريخ الحرمين أكيد اللى ذهب للحرمين سمع عنه أو رآه وبالبحث وجدت أن هنا 3 محاولات أخرى لسرقة جسد النبى عليه الصلاة والسلام ومحاولة لسرقة جسد الشيخين1- محاولة الحاكم العبيدي: الحاكم بأمر الله (توفي 411 هـ) الأولى. أراد نقل أجسادهم إلى مصر، وكلف بذلك أبا الفتوح الحسن بن جعفر، فلم يُفق بعد أن جاءت ريح شديدة تدرحجت من قوتها الإبل والخيل، وهلك معها خلق من الناس، فكانت رادعاً لأبي الفتوح عن نبش القبور وانشرح صدره لذلك، واعتذر للحاكم بأمر الله بالريح. انظر تفصيلها في: وفاء الوفاء للسمهودي (2/653). 2- المحاولة الثانية للحاكم بأمر الله، فقد أرسل من ينبش قبر النبي ، فسكن داراً بجوار المسجد وحفر تحت الأرض فرأى الناس أنواراً وسُمع صائح يقول: أيها الناس إن نبيكم يُنبش ففتش الناس فوجدوهم وقتلوهم. المصدر السابق. 3- محاولة بعض ملوك النصارى عن طريق نصرانيين من المغاربة في سنة (557 هـ) في عهد الملك نور الدين زنكي. فقد رأى الملك في منامه النبي يقول أنجدني أنقذني من هذين -يشير إلى رجلين أشقرين- فتجهز وحج إلى المدينة في عشرين رجلاً ومعه مال كثير فوصل المدينة في (16 يوماً)، وكان الناس بالمدينة يأتون إليه يعطيهم من الصدقات، حتى أتى عليه أهل الناس بالمدينة كلهم، ولم يجد فيهم الرجلين اللذين رآهما في المنام، فسأل الناس هل بقي أحد؟ فذكروا له رجلين مغربيين غنيَّين يكثران من الصدقة على الناس وذكروا من صلاحهما وصلاتهما، فطلبهما فأتي بهما فوجدهما اللذين رآهما في المنام فسألهما فذكرا أنهما جاءا للحج وكان منزلهما برباط قرب الحجرة الشريفة، فذهب بهما إلى منزلهما فلم يجد فيه شيئاً مريباً، وذكر الناس عنده من صلاحهما وعبادتهما فبقي السلطان يطوف في البيت بنفسه، فرفع حصيراً فيه، فرأى سرداباً محفوراً ينتهي إلى قرب الحجرة الشريفة... فضربهما فاعترفا بحالهما الحقيقي وأنهما جاءا لسرقة جسد النبي ... فضرب رقابهما تحت الشباك الذي يلي الحجرة الشريفة. انظر تفصيلاً أكثر في وفاء الوفا (2/648). وبعد هذه الحادثة، أمر السلطان نور الدين زنكي ببناء سور حول الحجرة الشريفة فحفر خندقاً عميقاً وصبّ فيه الرصاص. 4- محاولة جماعة من نصارى الشام، فإنهم دخلوا الحجاز وقتلوا الحجيج وأحرقوا مراكب المسلمين البحرية... ثم تحدثوا أنهم يريدون أخذ جسد النبي ، فلما لم يكن بينهم وبين المدينة إلا مسيرة يوم لحقهم المسلمون -وكانوا بعيدين منهم بنحو مسيرة شهر ونصف- فقتلوا منهم وأسروا، وكانت آية عظيمة. انظر رحلة ابن جبير (ص31-32). 5- حاول جماعة من أهل حلب في القرن السابع إخراج جسد الشيخين أبي بكر وعمر رضي الله عنهما، ودفعا مالاً عظيماً لأمير المدينة فاتفقوا أن يدخلوا ليلاً فطلب الأميرُ شيخَ الخدام بالمسجد النبوي وهو شمس الدين صواب اللمطي، وأمره أن يفتح لهم الباب بالليل ويمكنهم مما أرادوا، فاهتم لذلك، فلما جاؤوه ليلاً وكانوا أربعين رجلاً فتح لهم ومعهم آلات الحفر والشموع قال شيخ الخدام: فوالله ما وصلوا المنبر حتى ابتلعتهم الأرض جميعهم بجميع ما كان معهم من الآلات ولم يبق لهم أثر... وهذه الحكاية لا تعرف عن غير شمس الدين صواب، فإنه لم يشهدها أحد غيره، وأمر الأمير بكتمها ولم يحدث بها إلا أناساً قليلين، وصواب هذا شيخ صالح أثنى عليه السخاوي كما ذكر ذلك في التحفة اللطيفة (2/248)، وذكر أن له قصة سيذكرها في ترجمة هارون بن عمر بن الزغب، ولم أجد ترجمته في المطبوع من هذا الكتاب، فالله أعلم بحقيقة الحال. وقد ذكر هذه القصة بتفصيل السمهودي في وفاء الوفا (2/653) عن المحب الطبري. والله أعلم . ومازالت المحاولات مستمرة الى يومنا هذا فيحاول الأعداء الأنتقاص من قدر النبى والنيل من محبته فى قلوبنا وتشويه صورته لدينا وذلك لمعرفتهم حق المعرفة أن قوة المسلمين ليس فى سلاح أو فى اموال أو عدد أو عداد بل قوتهم فى حبهم لنبيهم الذى محفور فى قلوبنا وبأيماننا بالله وبالقرآن الكريم فيحاولون ليل نهار أن يبعدونا عنهم وأن ينسونا أياهم فيا أخى ويا اختى نحن الآن فى حرب وللآسف والخسائر كل يوم بتزيد عن سابقها فأنهم يحاولون طمس هويتنا وثقافتنا ويجعلونا نتبع ثقافتهم التى تتجه بقوة للشهوة الجنسية وقد تمكنوا بالفعل من ذلك فهناك من تركوا الأسلام وتنصروا وذلك لأيهامهم أياهم أن هذا دين وهذا دين وكلاً منهما يدخل الجنة ولكن دين الأسلام متعصب ومنغلق ودينهم متسامح يسمح لك بالكثير والكثير وبمجرد أنك تولع شمعة تزول خطاياك ومن خلال مقارنة المسلمين وتعامله مع بعضهم وتعاملهم هم مع بعضهم فتجدهم مترابطون ويساعدون بعضهم لكى يعلى كلاً منهم والمسلم لو اتيحت له الفرصة أن يدوس على اخاه المسلم لكى يصل لهدف ماتردد فى ذلك ورغم ان هذه ليس ماحثنا عليه الرسول عليه الصلاة والسلام إلا أن هناك الكثير يتناسونه ويضربون به الحائط والكثير والكثير من الطرق والمداخل التى يدخلون بها طيب أيه الحل...وايه اللى المفروض يعمله كل واحد فينا .؟؟؟ نحن الآن فى عصر مفتوح فكما هم يدعون لدينهم فأدعى لدينك 2/قوى معرفتك بدينك من سيرة ومن فقه ومن قرآن 3/ أذا كنت أب او أم أو اخراقب أبنائك وراقب المواقع الذين يدخلون أليهاوعلى من يكلمون وتكلم معهم وأعرف إذا كان ينقصهم شئفقد يكون ماينقصهم هو ان تضمهم الى صدركوتشعرهم بعطفك وحنانك وأن تقبل وجنتيهمقديكون ما ينقصهم مال او اى شئ قد يكون ماينقصهم هو ان تجلس معهم وتترك لهم الفرصة لكى يتكلموا معكفقط افتح لهم المجال الى ذلك وذلك بسؤالهم عن أصدقائهموعن احوالهم أخى ....أختى أرجو منكم أن لا تتجاهلا كلامى وان تعملوا شئ ليس لى وليس لكم فقط بل لرسولنا وحبيبنا محمد عليه الصلاة والسلام فكم سيحزن أذا رآنا هكذا ووجد أن مابناه فينا لم نهتم به ولم نعمل به شيئاً ولم نأخذ به فهيا بنا شباب لنعد بناء مستقبلنا هيا بنا نمهد طريقنا طريقنا طريقنا للجنة هيا بنا كلنا ...وكلنا ...يداً واحدة هيا بنا لنفوز نفوز بمحبة الله ورسوله هيا بنا نرضى الله فيرضى عنا الله وما بالك بالخير الذى ستناله إذا رضا عنا الله فأسرع ونل هذا الخير
  19. هى أيه الحكاية...؟؟؟ فى غزوة بدر كان يقف الصحابى عبدالرحمن بن عوف فالمهم لقا طفل واقف على يمينه وبعد شوية لقى واحد واقف على شماله فقال ان خلاص رايح رايح (ضعت) فبعد شوية لقى ألى على يمينه بيهمس له ويقوله يـ...ـا عـ..م قاله : نعم فقال الغلام : أين أبوجهل قاله : ليه..؟؟ الغلام:أنى سمعت أنه كان يسب النبى فأقسمت ان أقتله وبعد شوية لقى التانى بيشده فيه أيه...؟؟؟ قاله نفس الكلام فشاور لهم عليه وعندما بدأ القتال أستل كل منهما سيفهما والحماسة والغيظ يفور منهما وأنقض على أبى جهل فضربه الغلام فـأنزله وضربه الآخر فأرداه قتيلاً ورجع كلاً منهما سعيداً بجد أنا سعيد وأن بعيش الموقف والفرح يغمر كلاً منهما ويقول ويتشاجر كلاص منهما :يارسول الله..يارسول الله ...يارسول الله لقد قتلت أبو جهل لأ أنا الذى قتلته لأ أنا فقال لهم المصطفى والأبتسامة تملئ وجهه والنور يشع منه هل مسح أحدكم سيفه فقالوا :لا فقال الحبيب : أذاً فقد قتلتماه أنتما الأثنان ياه ماتتخيلشى الأتنين فرحوا أد أيه مش علشان أنهم قتلوا كبير من كبراء قريش له كلمته وسلطته قتلوه من غير خوف قتلوه من غير مايفكروا كان كل اللى فى دماغهم أنهم يقتلوه لأنه آذى حبيبهم النبى عليه الصلاة والسلام وأول ماقتلوه راحوا يفرحوا النبى عليه الصلاة والسلام وكل ده علشان بيحبوه بيحبوه بجد بحبك يارسول الله بحبك ..بحبك..بحبك يارسول الله
  20. عنوان غريب صح....؟؟؟ أزاى كلب ويدافع عن النبى....؟؟؟ بس ده فعلاً حصل كان فى حفلة بمناسبة واحد تنصر فالمهم قام واحد وقعد يقول خطبة وبدأ يشتم ويسب فى النبى فأخذ الكلب ينبح فمال عليه احد الحضارين وقال له: أتعرف لما الكلب ينبح..؟؟ فرد عليه : لما ..؟؟ فقال :لأنك تسب رسول المسلمين فقال :تلاقيه بينبح لأنى كنت أشوح بيدى ناحيته فقال : لقد قلت لك فأخذوا الكلب وربطوه بعيداً المهم الراجل فضل يشتم ويسب ويلعن فى النبى عليه الصلاة والسلام تفتكروا الكلب سكت....؟؟؟ الكلب فك الرباط وهجم على حنجرة الرجل فأرداه قتيلاً وبسبب هذه الوقعة أسلم سبعون ألفاً حتى لو كان كلب فمقامه عالى لأنه كانت به الحمية والغيرة على نبى المسلمين التى لاتوجد فى كثيراً منا الآن
  21. أنا عارف أن سؤالى صعب يترد عليه بس أنا عموماً مابسأل السؤال هذا علشان معرفة بل لهدف تانى لأنى عارف الأجابة وهى أن ذى ما الراجل بيحب أن المرأة تكون ليه لوحده المرأة أيضاً لا تحب أن يشاركها فى الرجل أحد فطبعاً بالنسبة لها أن واحدة تشاركها فيه مرة او يوم أحسن من أن تشاركها فيه العمر كله وفى بنات بتنظر للموضوع للأسف بطريقة تانية على أنه لو خنها تقدر تخونه أما لو أتجوز عليها ماتقدارشى تتجوز عليه على العموم أتمنى أنى تكون رسالتى وصلت ولون ساعات كتير مابحدش بيقرى الكلام اللى وراء الكلام
  22. موضوع جميل جداً بس لى فى ملاحظة أنت بتقول أن مفيش ألا مظلة واحدة وكمان تلقيت أتصالاً معنى انى اتلقى اتصال يبقى أنا مش موجود فى الطيارة أساساً ومش معقولة الطيارة هاتقع وأنا أكون مش حاسس ودى مش سفينة فى وسط البحر هاروح لها بسفينة أنقاذ جنبها دى حاجة والحاجة التانية بغض النظر عن الملحوظة الأولانية مفيش ألا مظلة أنقاذ واحدة يبقى فى حاجة تانية وهى أن لو ماينفعشى ألا واحد بس اللى يستخدمها يبقى الأختيارات ذادت أختيار كمان وهو أنت يترى هاتختار نفسك ولا هاتختار غيرك كونك أنك تختار غيرك مهما كان يبقى أنت عملت خلق عظيم وهو الأيثار أنما لو المظلة تسيع اكتر من واحد فأيه المانع انهما يستخدموها كلهم ولون سواء كدة أو كدة مفيش حد هايسيب المظلة الوحيدة وخصوصاً أن كلهم ليهم رغبة شديدة فى النجاة
  23. الخيانة ومين يقدر يغفر لواحد خاين عموماً سواء راجل أو ست بس أنا عايز أوجه السؤال لناحية تانية ليه كتير من الستات ممكن يرضوا أن الراجل يخنها مع واحدة مرة على أنه يتجوز عليها رغم أن ده حلال وده حرام
  24. موضوع رائــــــــع كنت عايز أضيف شوية حاجات على الأسئلة اللى فاتت بالنسبة لغضب الرجل فى حاجات كتير ممكن تضايقه وده حسب طبيعته بس فى تلت أوقات ياريت حواء ماتزعجشى آدم فيهم لأنه غضبه بيبقى أشد فى الأوقات دى عن أى وقت تانى 1/ لما يكون لسة قايم من النوم ولسة مفطرشى 2/ لما يروح الشغل 3/ لما يكون لسة راجع من الشغل ولسة ماتغداش 4/ لما ياكل 5/ لما ييجى ينام ياريت المرأة تسيب آدم فى حاله ومتضايقهوش فى الأوقات دى بالذات وياريت لما يبص لها دايماً يحس انها مبسوطة وفرحانة بيه وراضية معاه أما بالنسبة للذكاء فلازم او يفضل ان تكون حواء ذكية أو مش ذكية بمعنى ذكية على الأقل بتفهم وبتعرف تتعامل مع الناس مش تقعد تتكلم مع دى ودى وتوقع الدنيا فى بعضها لأنها او ماكنتشى كدة هاتجيب مشاكل كتير أما الواحد يخلى مراته ذكية فدى مش سهلة لأن غالباً هى بتكون من صغرها كدة فصعب الواحد يغير حاجة فيها هى فيها من صغرها أما نقاط ذكائها فده من خلال أنها مش بتعمل مشاكل بتعرف تقدر الظروف مش بتصرف الفلوس لما يكون فى فلوس وماتعملشى حساب لبكرة وبعدين تيجى بكرة تشتكى الغيرة والشك الغيرة بتنبع من الحب الشديد أما الشك بينبع من أنها تكذب عليك ولو مرة مايجذب المرأة للرجل البنات مختلفة فى الموضوع ده بس فى الآخر اللى معاه فلوس بيدوس ولا يهمه فالمال يطمس كل العيوب والتناقضات فللأسف كتير من البنات بتنسى كل حاجة بتدور عليها لو لقت اللى معاه فلوس ويعيشها أحسن وان مكنشى منها فبيكون من اهلها الرجالة خائنة ده لأن البنات حساسة ذيادة عن اللزوم وبتحب الراجل يقولها كلام حلو وبتضايق منه قوى لو قلها كلمة ضايقتها حتى ولو مكنشى قصده ولو حست أنها بتتكلم وهو ولا فى دماغه ولونه يمكن بيكون تعبان مش فايق ولا رايق ويمكن كمان أن فى كتير للرجالة طفسة مابيكفهوش واحدة بيتهئ له انه لما يعرف أكتر من واحدة يبقى هو كدة راجل وأشبع رجولته وكمان بارده للأسف فى بنات كدة تحب تعرف ده وده علشان تحس بأنوثتها وترضى غرورها وبعدين تفكر تتجوز فى آخر لحظة وساعات بيفتهم القطر فاكرة ان شببها بيدوم من أنت فكل واحد ولونه والسؤال ده أجابته مختلفة من راجل للتانى ومن أمرأة لأخرى ومن زمن لآخر حواء فى عملها بارده بتختلف من واحدة للتانية وبتختلف فى حالة وجود أولاد أم لا ففى اللى أحسن لها تقعد فى البيت وفى اللى أحسن لها تشتغل يعنى مثلاً للى هما من طبعيتهم العكننة على الرجالة ودى عادة للأسف موجودة فى كتير من النساء فالأحسن لها انها تشتغل لأنها هاترجع من الشغل مهدودة ويدوبك تجهز الأكل فلما يرجع من شغله هيكون مالهاش حيل انها تتخانق معاه غير لما تكون فضية طول النهار ومستحلفة له لما يرجع من شغله ومستنيين الرد على ميمو
  25. أيه الجمال ده يازورو بجد تحليل ظريف وشامل لصفات كتير من الرجال والنساء
×
×
  • اضف...

Important Information

By using this site, you agree to our Terms of Use, اتفاقيه الخصوصيه, قوانين الموقع, We have placed cookies on your device to help make this website better. You can adjust your cookie settings, otherwise we'll assume you're okay to continue..