غاوى نت لما راح يخطب(واحد صحبنا)

[بنت العرب 0]

فى صالون احدى الاسر المصريه نجد المشهد التقليدى شاب مرتبك يتحدث مع رب الاسرة والام وبنتها بيتصنتوا من ورا الباب المقفول"

منور يا ابنى

- ده نورك يا عمى

- اشرب النعناع اللى انت عاوزه

- ميرسى

- كنت عاوزنى فى ايه باه؟

- يا عمى انا يسعدنى ويشرفنى انى اتقدم واطلب ايد بنتك سوسو

- والله يا عصام يبنى ده انا اتشرف بس انا معرفش حاجه عنك

- ازاى يا عمى؟ انت مش بتدخل على النت؟ دى قايمه بكل اسماء المواقع اللى انا فيها ممكن حضرتك تسال عنى

- يعنى اسال عليك فى الاماكن دى؟

- طبعا وانا معروف جدا هناك ودى data مبتكذبش اسال بس عن سكوربيون

- مين؟

- سكوربيون ........ انا.... ده مفيش حد على النت ميعرفنيش

- طب يبنى شغلتك ايه؟

- يا عمى انا web designer

- ايوه يعنى بتشتغل ايه؟

- بصمم مواقع على الانترنت

- والله كويس جدا كمبيوتر يعنى

- تقدر تقول كده

- طيب حلو اوى مهندس كمبيوتر شغلانه مشرفه طب ماقلتش ليه كده من الاول؟

- اصلى مش مهندس اصلا انا دكتور اسنان

- الله ............ .طب ما علينا بتشتغل فين؟

- على الكمبيوتر بتاعى

- ايوه يعنى فى شركة ايه؟

- لا تبع نفسى

- وماله الشغل الحر مفيش احسن منه طيب شركتك فين ولا فاتح محل؟

- لا فى البيت عندى عادى

- طيب بتقبض كام؟

- لا يا عمى انا مش بقبض انا بتعامل بالموقع مع كل واحد لوحده يعنى مفيش اسعار ثابته

- طب اخر موقع اخدت فيه كام؟

- لا اخر موقع ده كان لواحد صاحبى عملتهوله مجامله

- لا حول ولا قوة الا بالله............ طيب معندكش اى املاك اراضى عمارات اى حاجه يعنى؟

- اه طبعا عندى

- ايوه .......... عندك ايه؟

- منتدى يا عمى

- ده ايه ده بأه ان شاء الله؟

- ده برده على النت بس عندى فيه دلوقتى عشرين الف عضو يا عمى

- ما شاء الله طب والعضو بيدفع كام عضويه فى السنه بأه؟

- لا مش بيدفعوا ده انا اللى نفسى ادى الناس فلوس عشان تشترك

- لا حول ولا قوة الا بالله طب ليه يبنى الغرامه دى وعامله ليه؟

- منا هكسب من الاعلانات يا عمى انت مش معايا ولا ايه؟

- حلو اوى المنتدى بتاعك ده يشيل كام اعلان؟

- ممكن لحد عشرين

- طب وبعت الواحد بكام؟

- لا لسه محدش اعلن عندى لسه

- طب يبنى عايش منين ولا بتصرف منين ولا حتى هتعيش بنتى منين؟

- منين ايه بس يا عمى ده انا معايا فيزا محدش فى بنها عاملها

- يبنى فيزا ايه بس بقولك هتجيب فلوس منين؟

- من شغلتى والمواقع اللى انا بعملها

- وهى فين دى؟

- منا مديلك لسته بيها هتستعبط؟

- لا يبنى انا مجوزش بنتى لواحد شغلته فى الهوا كده

- هوا ايه بس يا عمى كل المواقع دى على هوستات وواخده رانك كمان انت عارف انا فى خلال سنتين بس......

- ولاااااااه

- نعم

- انت عارف لو غمضت عينى وفتحتها ولقيتك قدامى هعمل فيك ايه؟

- ايه؟

- امشى اخرج بره

"يخرج سكور بره جرى"

- ادى يا ست سوسو جايبالى واحد نصاب والله لاكسرلك الكمبيوتر اللى انتى قاعدالى عليه ليل نهار ده وهتتجوزى الواد حسن النجار اهو واد كسيب واحنا عارفين دكانه فين وبيكسب كام وعايش منين..........عيال نصابه

[رجل من الصحراء 36]

موضوع جمييل جدا وراائع

وبصراحة بيفكرني بواحد عزيز عليا جدا بدون ذكر اسماء (عاشق الصداقة)

ربنا يعينه ان شاء الله

منورة يابنت العرب

تحيتي وتقديري

[بنت العرب 0]

اولا متشكرة على ردك اخى رجل من الصحراء وثانيا انا والله لما قلت واحد صحبنا مش كنت اقصد عاشق الصداقة ولا غيرو بس عموما يعنى بس والله مش اكتر

[حياتى من اجل ربى 22]

 

موضوع راااااااااائع تسلم ايدك يا احلى بنت بجد جميييييييييييييييييييييل

حلوه اوى بتاعت عملتو لصاحبى مجامله

والله فعلا الدنيا بتتغير

ربنا يرزقك السعاده يااااارب

ويرزقك بابن الحلال كده بس مايكونش web designer

تقبلى منى فااااائق الاحترام والتقدير

[بنت العرب 0]

ربنا يخليكى يا حياتى من اجل ربى وبرضو برزقك بابن الحلال ويكون زى الى بتحلمى بى وانا مبسوطةان الموضع عجبك ورديتى علة نورتينى والله

[الرّام 173]

هههههههههههههههههههههههه

 

و الله برااااااااااااااااااااااااافوووووووووو عليكي يا بنت العرب

 

تحفة بالحق

[بنت العرب 0]

والله يا راما مرورك بيسعدنى بسكل مش عادى وانا مبسوطة اكتر ان الموضوع عجبك

[NADA 34]

ههههههههههههههههههههههههههههههه

ههههههههههههههههههههههههههههههههههه

ههههههههههههههههههههههههههههههههههههه

 

جاااااااااااامد بجد ,, ههههههههههههه

 

يا بنتى هما حالهم واقف أصلاً هتوقفيه أكتر من كده

 

هههههههههههههههههههه

 

أنا بردو عارفة الكلام على مين ,,

 

وبصراحة بيفكرني بواحد عزيز عليا جدا بدون ذكر اسماء (عاشق الصداقة)

 

أحسن خلى المنتدى ينفعه بقى

 

لا بجد تحفة يا بنوتة العرب ,,

[بنت العرب 0]

انا بحبك ياندوش عشان كدة انا هقول الصراحة والله انا لما نقلت الموضوع مش كان قصدى

حد خالص والله وخصوصا الراس الكبيرة عاشق الصداقة والله العظيم بريئة يا بية

عشان احنا كدة ممكن نطرد من الموقع بسبب الوضوع دوت انا خايفة عليكم والله

[الجندى المجهول 37]

موضوع هايل تسلم ايدك