حياتى من اجل ربى قام بنشر March 30, 2009 قام بنشر March 30, 2009 (تعديل) فاكرين يا جماعه الانسه مشااااكل دى كانت انا اه انا بقى ملاحظه حاجه اليومين دول ان الخناقات كترت اووووووى بشكل رهيب كل 5 دقايق تقريبا اسمع خناقه فى الشارع فى المترو فى الجامعه فى كل حته والمشكله بقى انها بتكون على اسباب فى منتهى الهيافه مره خناقه علشان واحد ركن العربيه قدام المحل بتاعو ومره علشان خبطت فيها وهى طالعه المترو ومره علشان نسيت حاجه معاها اى حاجه بنتخانق عليها طيب احنا ليه بقينا كده يا شباب تفتكرو مثلا علشان::: 1-احنا بعيد عن ربنا 2-علشان احنا فاضيييين 3- علشان احنا شايلين الهم زياده ((وزى ما بيقولو اعصابنا على الاخر)) 4- ولا علشان مش لاقيين حاجه نعملها فبنتخانق على اى حاجه فى الدنيا انا فى اعتقادى يعنى بجد ان ده علشان احنا بعد طبعا بعدنا عن اوامر حبيبنا انه فرااااااااااغ اوى اوى اوى والله فعلا تلاقينا يبتخانق على اى حاجه مثلا لو انت فى المواصلات هتلاقى الناس كلها بتبص لبعض((فاضين))محدش بيفكر فى حاجه او مشغول بحاجه مش بس كده لا دول لازم يعلقو ده بيتكلم كده ليه وده بيبص كده ليه وده بيهرش فى قفاه ليه؟؟؟؟؟؟ وياترى دى هطلع من شنطتها ايه وياترى ده بيكلم مين وايه ده بصى بتعامل ابنها ازاى ---اخس عليه بصى بيعامل مامته ازاى؟؟؟؟؟؟؟؟؟؟ علشان كده مش بنلاقى حاجه نعملها فنتخانق مش عارفه اذا كانت وجهه نظرى صح ولا علشان كده قولت اقول الموضوع ده لاخواتى السكر علشان يقولولى رايهم ايه؟؟؟؟؟؟؟؟ منتظره ارئكم قولت الموضوع ده كمان علشان احنا بجد لازم نشغل وقتنا بحاجه بدل ما احنا بنشغله بالغيبه والنميمه والكلام على الناس والتريقه مش انتم طبعا بتكلم على الناس التتانيه جزاكم الله خيرا احبكم تم تعديل March 30, 2009 بواسطه حياتى من اجل ربى
مشرفي الأقسام NADA قام بنشر March 30, 2009 مشرفي الأقسام قام بنشر March 30, 2009 (تعديل) عالم فاضية بجد ,, إنت فاضية إنت كمان مركزة مع المركزيين ليه أنا بقى عندى ترجمة وحاجات كتييير تعالي اعملي معايا أحسن ,, بلا كلام فاضي ولا أقولك روحي ذاكري منطق ** وابقي شوفي الرمز مكرر ولا لا ربنا معاكي يا قمر ,, سوري أقصد آنسة مشاكس تم تعديل March 30, 2009 بواسطه NADA
مشرفي الأقسام رجل من الصحراء قام بنشر March 30, 2009 مشرفي الأقسام قام بنشر March 30, 2009 ههههههه :2: :2: :2: :2: :rose: :rose: اختي الصغيرة التي تعلمت منها النقد الساخر دايما كده منورة المنتدى بموضوعاتك المتميزة والراائعة والهادفة والشيقة طبعا موضوع الخناقات ده فعلا بيجي من ان الشعب بقى فاضي ومش وراه حاجة بس الفراغ ده اساسه البعد عن ربنا لان الواحد لو بيستغل فراغه في الاستغفار او التسبيح وذكر الله بدل مايقعد يبصبص :smile: على اللي رايحو على اللي جاي وشوف يابني ده لابس ايه وشوف دي بتعمل ايه وياعيني الواد بيعيط وشيل الواد من الارض وجنبك يااستاذ وعلى جنب ياابلة وكده .واللي يقلك انا روحي في مناخيري مش عارف ازاي دي يعني لو عطس ممكن يموت ولا ايه او مثلا يطلع روحه في منديل وكده ماعلينا المهم طبعا اكيد ساعتها مع الاستغفار والتسبيح وذكر الله هيكون مش فاضي حتى انه يتخانق او يتلكك بمعنى اصح اظرف موقف افتكره كنت مرة راكب احد المواصلات اللي هيا مفروض انها اتوبيس يعني بس طبعا كانت من جوه عبارة عن مستعمرة وتحس الناس قاعدة على بعض وممكن تلاقي واحد اصلا باني بيت جوه واللي بيطبخ ويغسل وكده يعني المهم واحد بيقول التاني متوسع شوية يابني ادم الراجل بقى اتعصب جدا ولازم يضرب التاني ازاي وازاي يقلي يابني ادم ويمسك فيه ويقله متقليش يابني ادم انا متشتمش وبصراحة مش عارف انا استغربت جدا ولغاية دلوقتي ياترى هيا بني ادم دي وحشة ولا انا فاهم غلط مش احنا ادميين برده من بني ادم ولا ايه الكلام اختي الصغيرة اسف على اني طولت ورغييت كتيير اوي بس يعني انتي عارفه انا بحب النوع ده من المواضيع فلازم افضفض شوية جزيتي خيرا ايتها الراائعة والمبدعة والمتميزة دائما لك مني كل التحية والتقدير والحترام :smile: :smile: :2: :hhhh:
حياتى من اجل ربى قام بنشر March 31, 2009 الكاتب قام بنشر March 31, 2009 حبيبتى ندى تسلمى على الرد وبلاش اون لاين كده يا نونو ربنا يخليكى ليا يارب ويوفقك فيما تفعلين وفى البحث الصغنون بتاعك ده رجل من الصحراء اشكرك اخى الكبير على مشاركتك لرايى والله نحن من نتعلم منك استاذى مش هوصل طبعا لروعه نقدك جزاك الله خيرا وفرج همك ووفقك وانار طريقك وحقق لك كل ما تتمنى ياااااااااااااااااارب
حياتى من اجل ربى قام بنشر April 2, 2009 الكاتب قام بنشر April 2, 2009 جزاك الله خيرا اخى غريبه الناس على المشاركه ربنا يجعلو فى ميزان حسناتك
El-Saher Fantasy قام بنشر April 2, 2009 قام بنشر April 2, 2009 عذراً اختي حياتي من أجل ربي انا باضم صوتي لصوت ندى عالم فاضية بجد ,, إنت فاضية إنت كمان مركزة مع المركزيين ليه بس في حاجة علشان مانخلطش الأوراق في ناس (أنا منهم) مش بتبص على غيرها علشان تنتقد وتتريق وتعلق بس ولكن لان كل حاجة بنشوفها في حياتنا (كرأس مال اجتماعي) بتأثر فينا بطريقة من تلاتة 1- بتأكد عندنا فكرة 2- بتنفى عندنا فكرة 3- بتضيفلنا فكرة جديدة النوع ده من الناس مش بيكون فاضي بالعكس بيكون مشغول جدا باللي هو بيتعلمه صحيح ان (من راقب الناس مات هماً) بس السلوك ده أنا شايفه كويس انا كترت في الكلام؟؟ ياللا تقبلي مروري واستمري في الابداع والنقد الساخر
battot قام بنشر April 2, 2009 قام بنشر April 2, 2009 موضوع جميل جدا اختى الرائعة المتميزة دائما حياتى من اجل ربى ونقد رائع لمشكلة مهمة تحدث امام اعيننا كل لحظة وفى اى مكان وانا ارى ان الضغوط النفسية التى يتعرض لها كثير من الناس هى السبب الرئيسى ان الناس مش بتستحمل بعض اشكرك مرة اخرى وجزاك الله خيرا وجعله فى ميزان حسناتك
«۞۩ أبو سليمان ۩۞» قام بنشر April 2, 2009 قام بنشر April 2, 2009 المشكلة ان الناس موش لاقية عنديها مشكلة عشان كده بتعمل مشكله ,,,, من حاجه متستاهلش مشكله علي الرغم ان الناس عايشه في مشكله ,,,, و حياتهم كلها مشكله الا انهم تناسوا المشكله ,,,, و بيدوروا علي مشكله ,,,, عشان حياتهم تذيد عليها مشكله بس لو الناس حاولوا يحلوا اساس المشكله ,,, و بجد دوروا علي اصل المشكله ,,, هتتحل المشكله و موش هيبقي عنديهم مشكله ,,, و بكده موش هيدورا انه يعملوا اي مشكله تعرفوا ايه اساس المشكله انهم موش واخدين بالهم من الكنز ألا بذكر الله تطمئن القلوب موضوع رائع اختي المتميزة حياتي من اجل ربي
الرّام قام بنشر April 3, 2009 قام بنشر April 3, 2009 عندك حق يا "غالية" و الله المشاكل هذه كلها اصبحت مشكلة عويصة في المجتمع العربي ان الشعب بقى فاضي ومش وراه حاجة دائما انا اضيف الى كلامك اخي "رجل من الصحراء" و الى كلام اختي "الغالية" و للكل انا اعتقد انهم موش هم الفاضيين و هم عندهم اكيييييييد 20 الف حاجة و حاجة شاغلتهم لكن الفاضي هو "مخهم" .. يعني "عقلهم" تفكيرهم هذا هو الفاضي
حياتى من اجل ربى قام بنشر April 3, 2009 الكاتب قام بنشر April 3, 2009 الساهر اسعدنى جداااا مرورك جزاك الله خيرا رايك شئ اعتز به ونبهنى الى امور كثييييرا اهمها ان كل شئ (سلاح ذو حدين) سبحان الله لك منى كل التقدير والاحترام واتمنى ان يوفقك الله فى حياتك وان يهديك الى كل ما يحبه ويرضاه بطوط روووووووووووح قلبى مع انى لم اتعرف عليكى شخصيا الا اننى احبك فى الله انتى واختى راما طبعا رايك يدل على انك انسانه متفتحه جزاك الله خيرا وهداك الى كل خير وحقق لك كل ما تتمنى دكتور المنتدى ايه المشاكل دى كلها انا اتعقدت وانا بقرأ بس امال اما نحس انى دى الحقيقه فعلا هنعمل ايه؟؟؟؟ حقيقه مهمه جداا ذكرتها اخى فعلا جزاك الله خيرا غفل عنها الكثير اسال الله ان يوفقنا الى كل خير وان يهدينا الى كل ما يحبه وان يوفقك فى رسالتك ويعينك على طاعته ويرضى عنك يارب اميييييين راما اختى الغاليه وحبيبتى ((راما)) ردودك ما شاء الله تضيف لى الكثير جزاك الله خيرا ووفقك الى كل خير وحقق لك كل ما تتمنى احبك فى الله واشكرك على مرورك الجميييل
مشرفي الأقسام الجندى المجهول قام بنشر April 5, 2009 مشرفي الأقسام قام بنشر April 5, 2009 ان الله فى عون العبد ما كان العبد فى عون اخيه صدق رسول الله صلى الله عليه وسلم
حياتى من اجل ربى قام بنشر April 7, 2009 الكاتب قام بنشر April 7, 2009 جزاك الله خيرا الجندى المجهول اسال الله لك التوفيق والسداد وان يحقق الله لك كل ما تتمنى
lovelife قام بنشر April 13, 2009 قام بنشر April 13, 2009 موضوع رائع بس هل كل الناس اللىفاضية ممكن تفكر كدة وتتخانق ممكن الولد يكلم امه بهذه الصورة ممكن يبعد عن ربه لا حول و لا قوة الا بالله الهم انك عفو تحب العفو فاعفوا عنا ان العفو عند المقدرة ان الله غفور رحيم ممتاز موضوعك تقبلى مرورى
.thumb.jpeg.ee94c38bec01c27eaba8369689bb14ec.jpeg)
Recommended Posts
انشئ حساب جديد او قم بتسجيل دخولك لتتمكن من اضافه تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديد♥ تسجيل دخول ♥
هل تمتلك حساب بالفعل ؟ سجل دخولك من هنا.
♥ سجل دخولك الان ♥