تقوى القلوب قام بنشر June 25, 2007 قام بنشر June 25, 2007 اكيد كل واحد لما بيكون مدايق بيعمل حاجة مختلفة عن التانى بتريحه ناس بتهرب من الناس وتحبس نفسها ناس بتفضل انها تعيش وسط الناس عشان تغير المود بتاعها حاجات كتييييييييييييييييييييييييييييييييييييييير اوى بتتعمل عشان اى حد يخرب من مود المدايقة دى انا عن نفسى بعمل حاجتين اما انى انام وطبعا بقوم الحمد لله ناسية كل حاجة حصلت قبل ما انام مبفتكرش حتى ايه اللى كان مدايقنى والخوف انى لما اتجوز انسى اللى اتجوزته لما اصحى الحاجاة التانية لما تكون المشكلة كبيرة ومطيرة النوم من عينى الوقت ده بس بدخل اوضتى اقفلها وممنوع دخول اى كائن غير اتنين بس ورقة وقلم رصاص برسم لنفسى حياة غير اللى عايشاها على مزاجى انا انا اللى بختار الاشخاص اللى عايزة انهم يكون معايا فيها دنيا جديدة اوى انا اللى بعملها بنفسى بعيش فيها من غير مشاكل يا ترى بقى انتو بتعملو ايه؟؟؟؟؟؟؟؟؟؟؟؟؟؟؟؟؟
BLACKDREAM قام بنشر June 25, 2007 قام بنشر June 25, 2007 بصراحه ممكن تئولو عني دماغي فيها حاجه 1- بحب اخش اوضتي و افتح صوت اغاني صاحبه جدا انا مش بسمع الروك اندرول لا انا بسمع التيكنو ميوزيك يعني بس موسيقا بي ايه صاخبه جدا و دا بيهديني 2- اني اهرب من الواقع و غالبا دا بيكون هو الحل اخش نت و اعد طول اليوم ادور و اكتب او اعمل اي حاجه 3- اكسر اي حاجه عشان انا بكده حرتاح جدا
تقوى القلوب قام بنشر June 25, 2007 الكاتب قام بنشر June 25, 2007 يا ساتر يا رب الله يجازى اللى يزعلك ولا على ايه هو الجانى على نفسه
BLACKDREAM قام بنشر June 26, 2007 قام بنشر June 26, 2007 ههههههههههههههههههه طيب يا اختي ماشي حنعديها المره دي
سبرتو قام بنشر June 26, 2007 قام بنشر June 26, 2007 انابقى هقولكم على حل حلو قوى قوى قوى انا بقى مسمينى سبرتو يعنى معروف انى بطير بعمل اية اصلى امى اول ما ولدتنى حطتنى فى زجاجة وقفلت عليا عشان ما اطيرش اققوم انا بقى افتح القزازة واهرب بعيييييييييييييد لغاية لما ارتاح وارجع تانى اجمع نفسى وبكدة اكونن ارتحت من اللى كنت فية هاهاهاهاهاهاهااها لا بهزر معاكم دة بس للتفريح فقط انا لما بكون مخنوق خااااالص خااااالص مش بعمل غير حاجة واحدة بس بقفل الموبايل وبروح اخدم فى المسجد لغاية لما احس بانفراج الازمة
einour قام بنشر June 26, 2007 قام بنشر June 26, 2007 انا بقى تقريبا قريبه ليكي اختي تقوى القلوب باخد ورقه وقلم وبكتب المشكله والحادثه اللي زعجتني بالاول وبعدين ابدا اكتب وابوح بمشاعري وبالجةايا طبعا كل هاد بيصير وانا عم ابكي يعني ببكي وبكتب وبعديها برتااااااااااااااااااااااااااااااح
AMR DAWAM قام بنشر June 26, 2007 قام بنشر June 26, 2007 موضوعك جميل اختى تقوى القلوب بالنسبالى انا لما بكون متضايق ودا كتيييييييير بيحصل يعنى عادى بتضايق من اقل حاجة بعمل حاجة واحدة بقعد مع نفسى والملم قواى مرة اخرى حتى استطيع التفكير بعقلانية بس لازم احل المشكلة عمرى ما احب انى اهرب منها او ابعد عنها وحالة تانية ممكن اعملها انى ادور على حد قريب منى جدا جدا واحكيله همى بس بحس ساعتها انى مستريح كتيييييييير والحمد لله حبايبى كتير اللى بيحاولوا يخففوا عنى بس مش بحب احكى كل حاجة لان مش كل حد هيقدر يساعدنى ولو بفكرة فبعتقد ان كلامى مش مفيد مشكورة كتير اختنا العزيزة ***********************
تقوى القلوب قام بنشر June 26, 2007 الكاتب قام بنشر June 26, 2007 والله حلول حلوة لاى حد مضايق انا نفسى اختى كانت بتنزل تحت السرير وتقعد لحد ما تهدا
BLACKDREAM قام بنشر June 26, 2007 قام بنشر June 26, 2007 في حديث بيقول اني الواحد لما يعصب لازم يستحمى عشان العصب هو نوع من الجنون و النار و الماء هو اللي بيطفي النار
تقوى القلوب قام بنشر June 30, 2007 الكاتب قام بنشر June 30, 2007 فى حد بيعمل حاجة مختلفة تانى لما بيبقى مدايق؟
BLACKDREAM قام بنشر June 30, 2007 قام بنشر June 30, 2007 انا بعرف واحد صاحبي جدا عارفه بيعمل ايه ؟ بينزل و بيركض بسرعه من غير ما يتكلم اي كلمه و هو بيركض بيبكي اه بيبكي بيالي الدموع بتريح اوي سبحان الله كل شخص وليه طريقته
مريم بنت عمران قام بنشر July 4, 2007 قام بنشر July 4, 2007 برفع ايدى لفوق لفوق اوى... واشكى واتكلم ساعات مبتكلمش ماهو عارف اللى قلبى عرفتوا هو مين؟؟ الا بذكر الله تطمئن القلوب
تقوى القلوب قام بنشر July 5, 2007 الكاتب قام بنشر July 5, 2007 لا اله الا الله والله انت انسانة جميلة يا مريم ربنا يباركلك
BLACKDREAM قام بنشر July 5, 2007 قام بنشر July 5, 2007 الله يا مريم بجد الله عليكي انتي ايه يا بنتي بصي الله هواحسن من الكل و عارف و شايف و هو اكيد احسن من اي حاجه بنعملها مش عارف ائول ايه
طائر السكون قام بنشر July 5, 2007 قام بنشر July 5, 2007 انا عن نفسى فى أسكندريه يعنى البحر عندى على طول لو متضايق آخد شاور و أنزل بعد ما أغير هدومى على البحر بس لو قعدت على النيل بتضايق أكتر زى ما الناس بتقول البحر تكلمه يرد عليك و النيل تكلمه يكتم سرك عن اللى حواليك
BLACKDREAM قام بنشر July 5, 2007 قام بنشر July 5, 2007 الله يا طائر ايه الاحساس المرهف دا بجد يسلم تمك البحر بيكلمك دايما
Elmasry قام بنشر July 6, 2007 قام بنشر July 6, 2007 أنا بقى اللى يضايقنى بكبر دماغى عنه وأنا ليه افكر فى حاجة تضايقنى أو فى حد متضايقنى ماهو اساساً مايستحقش انى افكر فيه تانى حاجة وأمشى بعيد عنه و بشغل نفسى بحاجة تانية أروح يعنى ممكن أروح ألعب كورة ولو أفتكرت اللى متضايقنى اشوط الكورة جامد بس طبعاً فى الجون ولا أروح اتفرج على فيلم كارتون ولو كنا ساعة صلاة مغرب او عشة بروح أحضر درس فى المسجد ودى أكتر حاجة بتريحنى ودايماً بحاول انى أخزن غضبى لوقت أكون محتاجه فيه وساعات أحول الغضب ده لقصة أو لبيت شعر ودايماً بحاول انى ماقولشى لحد حاجة عن اللى متضايقنى علشان مايجييش هو يوم ويتضايقنى او يزعلنى منه وعلشان الأمام الشافعى قال إذا المرء أفشى سره بلسانه ولام عليه غيره فهو احمق إذا ضاق صدر المرء عن سر نفسه فصدر الذى يستودع السر أضيق وساعات باخد نفس طويل فى نفسى وأروح اتوضى واصلى ركعتين ودى احسن حاجة أى واحد فينا ممكن يعملها ودايماً لازم ناخد بأحاديث الرسول (ص) :ليس القوى بالصرعة (أى بالغلبة وبالعضلات)أنما القوى من أستطاع الغضب ولم يغضب أو نفتكر الموقف اللى حصل مع معاوية أبن ابى سفيان أنه وهو بيخطب قام واحد من وسط المصلين وقال له اعطنا من بيت المال اهو بيت مال ابيك وقد كان معاوية سريع الغضب فانتفخ وجهه واحمر حتى قال الحضور ان هذا الرجل قضى عليه فنزل معاوية من المنبر وذهب فتوضئ وصلى ركعتين ثم طلع على المنبر وامر باعطاء الجل المال الذى يلزمه وسالوه لما فعلت هذا....؟؟ فقال : تذكرت رسول الله عندما قال الغضب من نار فأذا غضبت فأذهب وتوضئ فأن الماء يذهب النار
تقوى القلوب قام بنشر July 6, 2007 الكاتب قام بنشر July 6, 2007 وساعات أحول الغضب ده لقصة أو لبيت شعر يا سلام على الجمال والله يا ريت الناس تعمل زيك كدا يا مصرى
BLACKDREAM قام بنشر July 7, 2007 قام بنشر July 7, 2007 اه بجد بس احيانا الغضب بيكون مش كويس و بيخلي بيت الشعر ملخبط اما الحزن فبيخلي الانسان طاير في عالم الاوهام و حيكتب اجمل بيت شعر
تقوى القلوب قام بنشر July 7, 2007 الكاتب قام بنشر July 7, 2007 بس الحزن مش كل حاجة فى الدنيا الحزن مجرد احساس هتلاقى الحزن بيقابله فرح بيساوى نفس مساحته ونفس اهميته والاتنين بيعبر عنهم الشعراء بطريقة كويسة اوى
المتحدية قام بنشر July 7, 2007 قام بنشر July 7, 2007 أنا بقة لما باتضايق باكل لب او لبان ... ولو مافيش بافضل ساكتة كتير و ما احبش اتكلم كتير لاني باحس ان الديق ده بعدين بيتبخر كدة طالما انا ساكتة .......... ولو كنت مدايقة اكتر من كدة باتصل بحد باحبه واكلمه شوية ....... و احيانا باقعد ارسم في الرسوم المطلوبة مني في الكلية
BLACKDREAM قام بنشر July 7, 2007 قام بنشر July 7, 2007 اه كويس تاعدي تازازي في اللب مش كده طيب و انا كمان بحب اازاز
Recommended Posts
انشئ حساب جديد او قم بتسجيل دخولك لتتمكن من اضافه تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديد♥ تسجيل دخول ♥
هل تمتلك حساب بالفعل ؟ سجل دخولك من هنا.
♥ سجل دخولك الان ♥