فين لغتنا الجميلة

[تقوى القلوب 12]

السلام عليكم ورحمة الله وبركاته

 

عايزة اكلمكم فى حاجة بتقابلنا على طول وناس كتير مننا بتقولها

حاجات غريبه علينا بس بقت جزء من كلامنا

 

يا جماعه احنا عندنا لغة عربيه جميلة اجمل لغات العالم لغة القران

لكن طغى عليها مصطلحات شبابية مطرقعه زى ما بيقولو

 

الناس بقت بتجيب مصطلحات غريييييييييييييييبه بمعنى غريبه خصوصا الولاد الصغيرين

ابن عمى الصغير بقوله روح ذاكر يقولى (كبرى دماغك ) , يابنى طب عملت ايه فى الامتحان يقولى (الامور تحت المسطرة ) يابنى هو انت متربى فى الشارع يقولى (متعرضيهاش)

هقول لباباك يقولى (كدا برضو هتسيحى له)

 

والله الواد ده معرفش ايه اللى جراله وايه المصطلحات اللى دخلت جديدة علينا دى مش فاهمه

الذوق بقى فى الارض اغنيته المفضلة هى (الدنيا خربانه)

ايه اللى بتسمعه ده يقولى (ده اللى ضارب فى السوق)

عامل قصة شعره غريبه اقوله شعرك واقف ليه هو حد خضك يقولى ده (رجل الديك)

والله اول مرة اعرف ان بقى فى تسريحات كمان رجل الديك

انا قعدت هناك اسبوع( عقلى طار) من تصرفاته

انا افتكر اننا كنا مجانين ولينا حاجات غريبه برضو بس مش بالطريقة دى

الشباب جرالهم ايه مش عارفه

الولد يبقى عنده 14 او 15 سنة وبيتصرف زى ما يكون راجل كبير

هو ايه اللى جرى للناس بالظبط؟؟؟؟؟؟؟؟؟؟؟؟؟؟؟

 

معقول للدرجة دى اتأمركنا ومبقناش عارفين احنا مين بالظبط

الشباب بقى ضايع مبقاش عارف هو عايز ايه ولا ايه هدفه , ناس كتيييييييييييييييييييييييييييير اوى كل هدفهم يسافرو برة لكن ازاى مش مهم يضربولهم جواز سفر او يسافرو على انهم بضاعه اى طريقة غير شرعيه والسلام ,

 

حد يفهمنى ايه اللى بيحصل لانى شويه وهبقى فى الباى باى انا كمان

 

السلام عليكم

 

 

اللغه العربيه - لغتنا الجميله - مصطلحات شبابيه

[dr.ahmed 0]

السلام عليكم ورحمه الله وبركاته دى اول مشاركه ليا فى المنتدى يا رب متبقاش اخر مشاركه ولما حبيت اضيف اول رد حبيت اضيف الرد على تقوى القلــــــــــوب الرد فى كلمتين فى تقوى القلوب

قال الله فى كتابه العزيز بسم الله الرحمن الريحم أما الزبد فيذهب جفاءا واما ما ينفع الناس فيمكث فى الارض

 

قال الرسول الكريم عليه الصلاه والسلام لن ينصلح حال اخر هذه الامه الا اذا انصلح بها اولها

 

الحال ده مش حيدو ابدا يا تقوى القلوب لانه الله رايد بالتغيير والله غالب على امره لازم الحال يتغير عشان الناس اللى بتموت فى فلسطين والعراق والسودان ولبنان لازم لازم الحال يتغير

[BLACKDREAM 5]

انا حبيت ارحب بيك اخي الكريم في اول مشاركه ليك

و بئولك انك نورت منتداك و هلا بيك اخ و صديق عزيز

علينا كلنا

و انا معاك كلام صحيح و منطقي جدا جدا

[تقوى القلوب 12]

قال الرسول الكريم عليه الصلاه والسلام لن ينصلح حال اخر هذه الامه الا اذا انصلح بها اولها

 

صدق رسول الله صلى الله عليه وسلم

 

شكرا لمروركم