متر الوطن بكام

[الجندى المجهول]

متر الوطن بفلوس

 

متر الوطن ببلاش

 

يساوي كام جنيه

 

ولاّ ما بيسِواش

 

يساوي نبكي عليه

 

ولا ناخد كاش

 

أصل الخسارة في ايه

 

وطنا راح وما جاش

 

متر الوطن بكام!!

 

بنعيد تاريخ انقضى

 

وتأكده الأيام

 

دايما نبص لتحت

 

مكان ما بنخطي

 

وان جانا هم طوفان

 

الكل بيوطي

 

إياك تقول حظك

 

ولاّ تلوم بختى

 

قدرك ده ليك وحدك

 

ما اخدته يوم من حد

 

بيتك وكان مِلكك

 

قدمت بيه السبت

 

يمكن تشوف بكرة

 

ويا ريت يكون الاحد

 

يا خسارة ع الفكرة

 

اللى اتنست عن جد

 

من باع في يوم مِلكه

 

باع الوطن..والناس

 

وقصيدة متبعترة

 

مدفونة فِ الكراس

 

يا صحبي ما تتخض

 

البيع على الكل شاع

 

راح تشتري منى؟

 

ونعيش سنين الضياع

 

بكام تبيع الوطن

 

بشجرهُ ونخيله

 

وحورية متمخترة ع الشط

 

بتغنى مواويله.

 

وعنين من الذل شاخت

 

وقلب صابر ع بكرة،

 

ودمعة ماليه منديله!

 

بكام تبيع الوطن

 

بهمه وبنيله

 

وشاب اسمر كحيل العين

 

فِ ساعة الفجر يدعيله

 

بكام تبيع الوطن؟

 

وتضحي بامانك

 

وتشرب من الذل كاسك

 

وتنسى انسانك

 

وتدوس على كل ناسك

 

ويتوه معاك اسمك وعنوانك

 

ويبقى اسم الوطن فارغ من الصفحة

 

كل الهموم صاحبتك

 

ونيتك سامحة،

 

انك تبيع الوطن،

 

بالمتر والسنتى

 

وان قلت ليه كل ده

 

تقول لي مش وحدى

 

لما الوطن يتباع الكل بيعدى

 

وأهو كله بيعدى

[الرّام]

الله يبارك فيك على نقل هذه القصيدة

 

 

و متر من ارض الوطن

 

اغلى من كل فلوس

 

موش للبيع الوطن

 

و لا احنا نبيع نفوس

[الجندى المجهول]

شكرا لمروررك الكريم

[El-Saher Fantasy]

انا عايز ابيع

 

متميز من يومك

[الجندى المجهول]

وانا مردلكش تبيع

شكرا لمرورك

[على المرابط]

هو فين الوطن عشان نبيعوه ولا نشتريه ما اتباع وخلاص

 

تقبل مرورى لك كل الحب والاحترام

[الجندى المجهول]

شكرا لمرورك الكريم

[رجل من الصحراء]

تحيا مصر

[الجندى المجهول]

شكرا لمرورك