الجندى المجهول 37 قام بنشر April 6, 2009 صاحب مزيه وأستاذيه اصحى يا نايم وحد الدايم وقول نويت بكره ان حييت الشهر صايم والفجر قايم اصحى يا نايم وحد الرزاق رمضان كريم * مسحراتي منقراتي يا سيداتى وسادتى بعد التماسى أنا التماسى يدوم حماسى وعادتي أنا قلب أخضر بفروع تجرجر من الشجرجر مودتى من غير أذيه صاحب مزيه وأستاذيه في مادتى وأنا فى انسجامى ما أنساش لجامى تحكم كلامى إرادتى وباقول ياقافيه المعنى أفيد و لا حرف أزيد عن حاجتى وانا اللى مؤمن بالله ومؤمن بالانسانية وبالتى كأنى من يوم ولادتي * المشي طاب لي والدق على طبلي ناس كانوا قبلي قالوا في الامثال الرجل تدب مطرح ماتحب وانا صنعتي مسحراتي في البلد جوال حبيت ودبيت كما العاشق ليالي طوال وكل شبر وحته من بلدي حته من كبدي حته من موال * أنا كنت فلاح وكان محراتى آه ورا آه وكنت عامل ما حدش قدره ورآه وكنت شاعر تئن اقلامى يا ورقاه دلوقتى صوتى فرايحى فى العزيق والحرت طبلت أنا وسحرت قبلت أنا وبحرت وصبحت أنا مسحراتي سمع الدنيا ودب مطرح ماحب وكلمته العليا يمن فجر يوليه اللى شافه وطيبه ورقاه نده عليكى كأن الدنيا نادهالك قولة ياليلى ليالي العمر قادهالك يا عينى بالمواويل الحمر قادهالك غنى الأمل والشهامه والفرح والنصر ولولاكي يا مصر كان قلبه رقد هالك * اصحى يانايم وحد الدايم السعي للصوم خير من النوم دي ليالي سمحه نجومها سبحه اصحى يانايم يانايم اصحى وحد الرزاق شارك هذه المشاركه رابط المشاركه شار ك علي موقع اخر
الرّام 173 قام بنشر April 8, 2009 و الله جميلة هذه الكلمات اخي الجندي المجهول اشكرك لنقلها شارك هذه المشاركه رابط المشاركه شار ك علي موقع اخر
الجندى المجهول 37 قام بنشر April 12, 2009 الشكر لك وذلك لما تفعله للمنتدى شارك هذه المشاركه رابط المشاركه شار ك علي موقع اخر
