الجبن وسنينه

[الجندى المجهول]

العقل لما اتسجن

جوه فى زنازينه

فرد قلوعه الخوف

وفرض قوانينه

ولا كل مين خاف سلم

من نصل سكينه

ده الظلم لو يوم حكم

عللى مهاودينه

الحلم يبقى سراب

وتوه عناوينه

والحق يصبح أمل

ف عيون محبينه

والفرد يبقى صنم

مكتوب على جبينه

يبلع سكوته مرار

يشرب دموع عينه

ده لكل فاجر ظلم

أتباع مطاوعينه

حايس مع متعوس

قدم قرابينه

من نبض حلم انفجر

جوه ف شراينه

وده طبع فينا اتولد

م اللى احنا شايفينه

نبكى على اللى انكتب

واحنا اللى كاتبينه

تايهين فى دنيا البدع

والمولى ناسينه

عينى عليك يا جدع

فين الخلاص فينه

داير يقول للبيع

والكل بايعينه

وينادى جاى ياهووه

ولا حد حيعينه

وقالوا زمان ف المثل

واظن فاكرينه

العجل لو يوم وقع

تكتر سكاكينه

يخرب زمان الخوف

والجبن وسنينه

 

 

شعر _ شعر عاميه _ شعراء _ اشعار _ شعر ايمان بكرى _ ايمان بكرى _ الشاعره ايمان بكرى _ قصيده ايمان بكرى الجبن وسنينه _ الجبن وسنينه _ العقل لما اتسجن لايمان بكرى _

شعر ايمان بكرى مكتوب

[الرّام]

متميز في نقل هذه الكلمات الرااااااائعة

 

الله ينور عليك اخي "الجندي المجهول"

 

....

 

و يخرب زمان الخوف و الجبن و سنينه

[«۞۩ أبو سليمان ۩۞»]

تايهين فى دنيا البدع

والمولى ناسينه

عينى عليك يا جدع

فين الخلاص فينه

داير يقول للبيع

والكل بايعينه

 

بجد جااااااااااااااااااااااامد قوي

 

قصيدة حلوه جدا

 

بس ياريت تحذف السطر ده

 

يخرب زمان الخوف

 

عن أبي هريرة رضي الله عنه قال : قال رسول الله - صلى الله عليه وسلم - : ( قال الله عز وجل : يؤذيني ابن آدم يسب الدهر ، وأنا الدهر بيدي الأمر ، أقلب الليل والنهار ) .

 

تخريج الحديث

 

الحديث أخرجه البخاري و مسلم .

 

جزاك الله خيرا اخي الغالي

[غريق مش لاقى قشه]

جمييييييييييييييييييله جداااااااااااااااااااااااا

[حياتى من اجل ربى]

فعلا بجد راااااااااااائعه

جزاك الله خيرا اخى وجعل كل ما تكتب فى ميزان حسناتك

تقبل منى فاااائق الاحترام والتقدير

[الجندى المجهول]

شكرا لمرورك الكريم اختى حياتى من اجل ربى

وجزاكى كل الخير