رجل من الصحراء 36 قام بنشر April 10, 2009 زوجوني طفلا <script language="Javascript1.2"> </script> في احد حواراتي مع جدي و طبعا كالعادة واقفين لبعض عالواحدة فتحنا موضوع الجواز ومن ضمن الكلام جيبنا سيرة المعاملة بين الراجل ومراته. والغريبة انه دايما فطبع الراجل واعتقاده هو ومن حوله ان لو مراته عاملته على انه طفل بس طفل كبير وبشنبات هتبقى حياتهم احلى حياة. وبصراحة قلتله ياجدي انا واحد من الناس اللي دايما بقول خطيبتي عايزك بعد الجواز تتعاملي معايا على اني طفل كبير ومتزعليش مني في اي حاجة اعملها معاك. ضحك جدي ضحكة كبيرة وقالي هحكيلك على حاجة حلوة اوي كنت قريتها في مقالة لاحد الكتاب الساخرين المشهورين بتناقش نفس الموضوع ده. وقالي: ياترى مسالتش نفسك ليه كل الرجالة لازم يتعاملوا على انهم اطفال كبيرة وايه وجه الشبه بين الراجل الكبير والطفل الصغير. قلتله: بصراحة فكرت بس مش لاقي تفسير قاللي : خد عندك اول حاجة ان كل واحد فيهم في نظر المراة محتاج انه (يتربى). الطفل الصغير محتاج امه تربيه على الاخلاق الكويسة وكمان الزوج محتاج انه حد يربيه من اول وجديد على انه يحترم نفسه دايما مع مراته. ضحكت وقلتله: لا حلوة وايه تاني. قاللي: الطفل دايما لما بيحتاج حاجة يفضل يبكي وينوح ومش بيهدا غير لما ياخدها وبعد مايخدها ممكن لو جيت تلاعبه ميرضاش يعبرك اصلا. والراجل برده يفضل مع حبيبته يتحايل ويتعذب وعبرني ياجميل واحنا عايزين ننول الرضا واول مايتجوز وتبقى خلاص حبيبته معاه طول العمر عينيك ماتشوف الا النور حتى كلمة صباح الخير تقيلة على لسانه. ضحكت وقلتله: على رايك ده اللي اكتر من كده كمان يفضل يقلها بصي ياحبيبتي ان شاء الله هخرجك يوم الخميس وافسحك فسحة محصلتش واول مااقبض هجيبلك الفستان اللي في نفسك ويوم كذا هنخرج نتغدى في افخم مطعم وطبعا الباشا مبيعملش اي حاجة من كل ده. رد عليا وقاللي: ماهو ده بقى اكبر شبه بينه وبين الطفل قلتله :ازاي قاللي : ماهو اللي بيعمله ده شغل( عيال واطفال). ضحكت وقلتله: ايه تاني؟ قاللي : وكمان التربية الصحية للطفل في اول سنة ليه ان امه تبدا تستخبى منه وتخليه يدور عليها عشان يعرف يشغل دماغه ويفكر وميعتمدش عليها اعتماد كلي في كل حاجة ويقدر يتحمل . والراجل برده المتمثل في الطفل الكبيير تبدا حبيبته تغيب عنه وهو ياعيني يفضل يدور ويتصل ويسال عنها وفجأة يكتشف انها بعدت عنه مش عشان يعتمد على نفسه لا ده عشان لقيت عريس اغنى منه. قلتله ياجد: انت كده طلعتنا عيال خالص وبينضحك علينا. قاللي: متزعلش اوي مانت اللي بتعودها على كده وبتحسسها انك طفل قلتله: ازاي بقى قاللي : الطفل في بداية تفاهمه مع اللي حواليه يبدا يستخدم تعبيرات واشارات فمثلا يشاورلك بايديه ويقلك باي باي او يديك بوسة في الهوا او يمدلك ايديه ويقلك ضمني. وانت ياطفل ياكبير زيه بالضبط مع بنت الجيران وبتعمل الحركات دي من ورا الشبابيك ولا هتنكر؟؟ ضحكت وقلت: وجه شبه كبير برده. قاللي: وغير كده الطفل دايما تلاقيه في كلامه بطيء وبيطلع الحروف ببطء وساعات يلخبط في الكلام و لما يزنق ويخاف الحنجرة معاه تبطل كلام. وطبعا الراجل بيعمل زيه بالضبط لما مراته تقفشه بالمنديل اللي عليه برفان حريمي او احمر شفاة. وغيره وغيره ده كفاية الاكل الطفل لما بيبقى جعان بياكل ومبيعبرش حد ابدا وكذلك الراجل مع مراته أول مايقعد على السفرة ويبدا الاكل يبيع اي حاجة ومراته ياعيني تفضل تقله ايه رايك في الشوربة ياحبيبي يقلها :ممم , طيب ايه رايك في المكرونة يهزلها راسه فوق وتحت , طيب عملت ايه النهارده في الشغل احكيلي يقلها : كويس ناوليني الطبق اللي قدامك وهكذا لانه طبعا مفيش وقت عنده لسه هيحكي ويرد مش فيه بطن عايزة تتشحن. ضحكت وقلتله: ياجدي وانت رايك اعمل ايه , لان بجد كل اللي بتحكيه بيحصل ازاي اكون احسن مع زوجتي؟؟ قاللي بص يابن بنتي: كن طفلا بريئا في عواطفك وشابا شهما اصيلا في تصرفاتك وتعاملك مع الناس ورجلا شيخا حكيما في تفكيرك وعقليتك. حبيت اختم الموضوع باخر كلمة من جدي لانها اثرت فيا جدا ويارب نتعلم منها. ( (ربنا يوفقنا جميعا ويرزقنا حسن التعامل مع من حولنا)) اقتباس شارك هذه المشاركه رابط المشاركه شار ك علي موقع اخر
NADA 34 قام بنشر April 10, 2009 (تعديل) ربنا يخليلنا جدك يارب والله بيقول كلام مالوش حل فعلاً إنتو بجد حاجة صعبة , آه ياربى ربنا يهديكم ويكرمكم يااااااارب ومش هعلق على الكلام لأنى بجد لو علقت هكتب موضوع تاني فحلو أوى على كده ,,,, شكراً ليييك وياريت تقعد معاه كتيييييير كن طفلا بريئا في عواطفك وشابا شهما اصيلا في تصرفاتك وتعاملك مع الناس ورجلا شيخا حكيما في تفكيرك وعقليتك تم تعديل April 10, 2009 بواسطه NADA اقتباس شارك هذه المشاركه رابط المشاركه شار ك علي موقع اخر
«۞۩ أبو سليمان ۩۞» 179 قام بنشر April 10, 2009 كن طفلا بريئا في عواطفك وشابا شهما اصيلا في تصرفاتك وتعاملك مع الناس ورجلا شيخا حكيما في تفكيرك وعقليتك. موضوع جميل جدا رجل من الصحراء ادارة البيت بعد الزواج ,,, كإدارة دولة بأكملها ,,, لازم تستعين بعلوم السياسة و الاقتصاد و .....و....... ربنا يخليلنا جدك اقتباس شارك هذه المشاركه رابط المشاركه شار ك علي موقع اخر
رجل من الصحراء 36 قام بنشر April 10, 2009 ندى منورة الموضوع بردك ومعلش بقى استحملينا شرفتيني وسعدت بمرورك وميزيتي الموضوع بردك عليه اخي عبقرينو اشكر مرورك الذي شرفني كثيرا واضاف للموضوع جمالا خاصا لكم مني كل التحية والتقدير اقتباس شارك هذه المشاركه رابط المشاركه شار ك علي موقع اخر
حياتى من اجل ربى 22 قام بنشر April 10, 2009 اخى الكبييييييييييير صاحب النقد الساخر الجميييييييييل اول حاجه سلالالامى لجدك الحكيييييييم والراجل العاقل ده وثانيا :شكرا جزييييييييلا لك على الاسلوب الرائع فى السرد والكلام الجميل الذى ختمت به الموضوع جزاك الله خيرا مبدع بالفطره اسال الله لك الاسره السعيده والبيت الهانئ وراحه البال ويرزقك من حيث لاتحتسب ويحقق لك كل ما تتمنى اقتباس شارك هذه المشاركه رابط المشاركه شار ك علي موقع اخر
الرّام 173 قام بنشر April 11, 2009 كن طفلا بريئا في عواطفك وشابا شهما اصيلا في تصرفاتك وتعاملك مع الناس ورجلا شيخا حكيما في تفكيرك وعقليتك. يعطيه الصحة جدك على هذه النصيحة يا ريت جدك يفهمها لكل الرجال و الله يربح فيهم اجر و يربح فينا احنا ثواب ************ بارك الله فيك اخي "رجل من الصحراء" الله ينولك الي في بالك اقتباس شارك هذه المشاركه رابط المشاركه شار ك علي موقع اخر
على المرابط 13 قام بنشر April 12, 2009 قاللي : خد عندك اول حاجة ان كل واحد فيهم في نظر المراة محتاج انه (يتربى). الطفل الصغير محتاج امه تربيه على الاخلاق الكويسة وكمان الزوج محتاج انه حد يربيه من اول وجديد على انه يحترم نفسه دايما مع مراته. بالله عليك سلملى على جدك قوله قالك المرابط انت مش عادى تقبل مرورى واحترامى اقتباس شارك هذه المشاركه رابط المشاركه شار ك علي موقع اخر
lovelife 2 قام بنشر April 12, 2009 ربنا يخليلنا جدك وبجد تحفة ورنبا يجعله فى ميزان حسناتك وكل من يقرا الرسالة من الشباب يعمل بها اقتباس شارك هذه المشاركه رابط المشاركه شار ك علي موقع اخر
تقوى القلوب 12 قام بنشر April 12, 2009 كن طفلا بريئا في عواطفك وشابا شهما اصيلا في تصرفاتك وتعاملك مع الناس ورجلا شيخا حكيما في تفكيرك وعقليتك. الله كلمات جميلة جدا دمت بالتفوق رجل من الصحران اقتباس شارك هذه المشاركه رابط المشاركه شار ك علي موقع اخر
الحياه 20 قام بنشر April 13, 2009 كن طفلا بريئا في عواطفك وشابا شهما اصيا في تصرفاتك وتعاملك مع الناس ورجلا شيخا حكيما في تفكيرك وعقليتك. كن رجل يحب لوجه الله ويفهم أن الحب ليس كلمه بل فن لا يتقنه الا صاحب روح طاهرة نقيه شكرا لك أخي ولجدك جزاكم الله الخير والبيت السعيد والقلب النقي اقتباس شارك هذه المشاركه رابط المشاركه شار ك علي موقع اخر
رجل من الصحراء 36 قام بنشر June 21, 2009 اختي الصغيرة دايما منوراني ويارب ترجعيلنا بالسلامة الرام زدتي موضوعي جمالا بردك المرابط انت من جعل منتدانا الاروع lovelife جزيت خيرا وانت رائع ايضا تقوى سعيد جدا بردك منوراني والله حياة المنتدى اضافتك اكثر من رائعة طبعا مش غريب عليكي لكم مني جميعا كل التحية والتقدير والاحترام اقتباس شارك هذه المشاركه رابط المشاركه شار ك علي موقع اخر
رجل من الصحراء 36 قام بنشر November 13, 2009 جزاكم الله كل الخير اقتباس شارك هذه المشاركه رابط المشاركه شار ك علي موقع اخر
