***حكايات الست أمونة مع عالم الارواح***

[:: نبـ القلم ــض :: 8]

تعالوا حوليا

ركزوا معايا...شوفوا أنا هعمل ايه

أنا مش الحاوى...ولا انا الارجوز

ولا هقوم بأعمال سحرية..ولا حاجه

....

أنا جاية النهارده وجايبلكم معايا جهاز خطير

بعد البحث والشمشمه ..لقيته مدفون فى مكان مهجور وعليه كوم تراب

فشيلت التراب وقولت يا عاشقه شغليه شوفى ده جهاز ايه؟؟؟!!!!!

تخيلوا معايا كده لقيته جهاز ايه؟؟!!

مش هتصدقوا

....

لقيته جهاز عجيب جدا ...

جهاز بيتصل بعالم الارواح بالعالم الاخر

جهاز ممكن من خلاله نستضيف اى حد من العباقرة والناس اللى كان لها بصمه فى التاريخ

فى ثوانى

صراحه مصدقتش نفسى فى الاول وخوفت وجريت

بس بعد كده استحليت الموضوع وخدته معايا البيت

وشغلته

وطلب منى الجهاز انى اختار واجرب اذا كان حقيقه ولا خيال

وفعلا اخترت وطلبت

ان استضيف استذنا الكبير الطفل البرئ صلاح جاهين

ويكون اول ضيف معانا فى حكايات أمونة مع عالم الارواح

سكووووووووووت بقى

استاذ صلاح جاهين على وصول

هنسأله شويه أسئله واكيد هيرد علينا

................

أمونة: أستاذ صلاح يأستاذ صلاح أنت فين

ممكن لو سمحت تفضى لنا شويه من وقت حضرتك

عايزينك فى قعده شبابيه جدا

أنا عارفه حضرتك بتحب البساطه واللمة الحلوة

 

أستاذ صلاح: أنا جييييييييت مين اللى بينادى عليا مين اللى قلقنى من أحلاها نومه

 

أمونة: أيوة يأستاذ صلاح أنا امونة من عالم الدنيا جايه عشان اعمل مع حضرتك حوار صحفى

او سميها قعده بلدى من قعداتك الحلوة

 

أستاذ صلاح: اخلصى انتى رغاية كده ليه أسئلى بسرعه ورايا حاجات كتير عايزة اعملها

 

أمونة: حاضر حاضر أنا عارفه انى قلقت حضرتك مش هاخد من وقتك كتير

سؤالى الاول

أيه رأيك يأستاذ صلاح فى حال الدنيا الوقتى.. أنا قرات مشوار حياتك وقصه حياتك والعوامل اللى ساعدت فى ظهور موهبتك وتنميتها من جاماعات الخطابة وجماعات التمثيل والسمر وجماعات الهواه وحصص الاشغال اليدوية وقرنتها بالعصر اللى بنعيشه!!!!!!!!

فيييييييين الطفل الان من كل هذا ...كلها اشياء اندثرت ولم تعد موجوده وبالرغم من عصر التكنولوجيا والمعلوماتيه اللى بنعيشه وبما يسمى العولمة والانفتاح على العالم ...فقد تأخرنا عن عصركم مليون خطوة للوراء

والحال كل يوم فى تدهور ...ولم يعد الطفل يعرف ماذا يريد وماهى رغباته؟؟؟!!!

 

أستاذ صلاح: بصى يأمونة بصراحة ربنا يكون فى عونكم فى العصر اللى انتم عايشينه ده ..أنا مش عارف انتم عايشين ازاى ..بس كل اللى هقدر اقولهولك أبدؤا انتم يشباب المستقبل ما دمتم عرفتم الطريق الصح وعرفتم الحياة والدنيا على حقيقتها ووصلتم لفن التأمل والتعامل مع الذات...وصلوا انتم الطريق وكملوا المشوار اللى انتم فيه, دى سياسه عظمى خارجه عن اردتكم من اللى بالى بالك...يخلوا الشعب كل همهم الجرى وراء لقمة العيش والجرى وراء الماديات عشان يتلهوا وينسوا هما عايشين ليه اصلا!!!!!!!

وبدل ما هما يمشوا الدنيا باديهم لا الدنيا هما اللى مشياهم

اسمعى منى

....

خرج ابن ادم من العدم قلت ياه

رجع أبن ادم للعدم قلت ياه

تراب بيحيا وحى بيصير تراب

الآصل هو الموت ولا للحياه

......

واسمعى كمان

 

نسمة ربيع لكن بتكوى الوشوش

طيور جميله بس من غير عشوش

قلوب بتخفق انما وحدها

هى الحياة كده كلها فى الفاشوش

.......

مصر جميلة قوى يأمونة ... حاولوا انتم تكونوا الشعله تنير للاجيال القادمة اى طريق مظلم

واوعى تتخلى عن احلامك مهما واجهتى صعوبات

وأنا متاكد انكم هتوصلوا مهما كان

 

اسمعى

..

ولدى نصحتك لما صوتى اتنبح

ماتخفش من جنى ولا من شبح

وان هب فيك عفريت أسأله

ما دفعش ليه عن نفسه يوم ما اندبح

..

 

هحكيلك يامونة حكاية يمكن تقدرى تفهمى

 

أمونة: أه والنبى يأستاذ صلاح احكيلى احكيلى حكاية وحشتنى قوى الحكايات

 

استاذ صلاح: بصى ياستى أكيد طبعا عارفه الخفاش ..اهو الخفاش ده عنده أقوى جهاز ردار فى العالم ..من خلال الجهاز ده يقدر يمشى فى الضلمه ومنه بصدر شعاع ,الشعاع ده حساس جدا لما بيصدم فى اى جسم غريب بينبه الخفاش ان امامه شئ وممكن يعرف من خلاله الشئ ده جسم صلب فيتفاده او فريسه فينقض عليها وياكلها

وفى ظل القدره العجيبه دى... الفريسه الوحيده اللى استطاعت الافلات منه هى الفراشه

الفراشه ذات الاجنحه الملونة الجميله

تخيلى الفراشه بقله حيلتها امام الخفاش بجهازه العجيب لا يستطيع ان ينقض عليها

لان لديها قوة مضاده لهذا الجهاز تقدر من خلاله تلهى وتوه الخفاش عنها

وتخليه يستقبل أشارات خاطئه عشان يبعد عنها

 

***هكذا هذا الشعب المسكين سيفلت من كل أعدائه ومن كل الخفافيش التى تحوم حوله وتريد الثأر منه بالملكات والقدرات العظيمه اللى هو دافنها ومش واخد باله منها ودى اللى هتفسد مخططاتهم ****

..

اسمعى منى

 

ياميت ندامه على القلوب الخلا

لا محبه فيها ولا كراهيه ولا

حتى ياقلبى الحزن ما عدتش فيه

معلهش لك يوم برضه راح تتملا

...

وخلى عندك يامونة امل فى الحياة وفى ربنا ان مع العسر يسر

ومسير الشعب يفوق من كل اللى فيه

واوعى الاحزان تتملكك

وافتكرى

..

حاسب من الاحزان وحاسب لها

حاسب على رقبيك من حبلها

راح تنتهى ولا بد راح تنتهى

مش انتهت أحزان من قبلها

 

....

فهمتى حاجه يا بت يا أمونة

...

أمونة: ايوة الحمد للـــــــــــــــــــــــــــــــــــه ..ربنا يبارك فيك ياستاذ صلاح ويتعلى اكتر واكتر فى مراتب الجنه

وانا هقول قولك اللى بيقول

...

يجعل كلامى فانوس وسط الفرح قايد

يجعل كلامى على السامعين بفوايد

يجعل كلامى لا ناقص ولا زايد

احنا فى وقت البنا ما احناش وقت الكلام

يجعل كلامى حجارة ومنة وحدايد

.....

 

أستاذ صلاح: طب يا أمونة انا لازم امشى بقى انا كده اتأخرت وانتى خدتى وقت كتير

 

أمونة: لا ياستاذ صلاح خليك معانا شويه القعده معاك حلوة قوى

 

أستاذ صلاح: متخافيش يامونة انا معاكى مش انتى معاكى جهاز عالم الارواح كل ما هتطلبينى هتلاقينى

 

أمونة: طيب ياستاذ صلاح سلملى والنبى على معلمك الجليل بيرم التونسى عقبال ما استفضيفه انا بنفسي

 

أستاذ صلاح: بس كده يوصل يلا بقى وقبل ما امشى خدى دى منى افتكرينى بيها

...

أنا اللى بالآمر المحال أغتوى

شفت القمر نطيت لفوق فى الهوا

طلته ما طلتهوش ايه أنا هيهمينى

وليه مدام بالنشوى قلبى ارتوى

.....

مع السلامه يامونة

فى رعاية الله

.......

تمـــــــــــــــــــــــــــــــــــــــت

..........

مع حكاية جديده

من حكايات

أمونة وعالم الارواح

........

 

مازلت أبحث عن عناقيد العنب

فى عالم ما زال يعتصر اللهب

ما زلت ألبس كل جلدى المتحترق

أجتاز لافتة النهاية للبدايه فى غضب

وأعيد حلما قد سرق

أبى اختزالى فى نفايات الحطب

[AMR DAWAM 7]

الله عليكى يا امونة

هههههههههههههههه

اقصد يا عاشقة القرآن

 

 

بجد بجد فكرة وطريقة اكثر من رائعة

يجازيكى الله خير

فكرتينا باللذى مضى من زمان مش قرات رباعيات استاذنا الكبير صلاح جاهين

ومن احلاهم على قلبى

الرباعية دى

 

ياميت ندامه على القلوب الخلا

لا محبه فيها ولا كراهيه ولا

حتى ياقلبى الحزن ما عدتش فيه

معلهش لك يوم برضه راح تتملا

 

 

 

 

مشكورة اختى العزيزة

وننتظر منكى البقية

ووراكى وراكى

*****************

[:: نبـ القلم ــض :: 8]

أشكرك يا عمرو على مرورك والحمد لله ان الفكرة عجبتك

 

وياريت تشاركونى وتستضيفوا معايا كل اللى بتحبوهم

 

عشان نسعد بقعدتهم معانا اطول وقت ممكن

 

واى عضو او عضوة تحب تستضيف حد مخصوص يقولنا

 

والجهاز فى ادينا وتحت امرنا فى اى وقت

 

ده بيشتغل توماتيكى والله

 

وببلاش كمان!!!!

 

وانتظرونا هنستضيف شخصيه كلنا بنحبها المرة اللى جاية

 

ان شاء الله

 

بس أدور على الجهاز اصل مش فاكره حطتيه فين!!!!

 

اللى يلاقيه يا خونا يشغله

 

قبل ما امريكا تسمع عنه وتختفه مننا

 

اللهم بلغت اللهم فاشهد

 

انا قولتكم وانتم أحرار بقى!!!

 

 

.........................

 

علمتنـــــــــــى الحيـــــــــاة أن

 

أصعــــــــــــــب أنواع البكـــــــــاء

 

**هـــــــــــــــــو**

 

الضحـــــك وقــــــت المحنــــــــة

[رجل من الصحراء 36]

مواضيعك راائعة

اتمنى عودتك