حوار بين الملك رمسيس وروكا

[omar_altawel 6]

حكومة رياضية

 

قال الملك رمسيس الثانى لروكا الحرامى : سمعت ان الهدف الذى احرزته الحكومة فى فريق الشعب يوم عيد الرياضة كان هدفا فشنك جاء من ضربة جزاء ظالمة

 

قال روكا: مافشنكش سيادتك واشمعنى يعنى الجون ده الى فشنك طول عمر الحكومة بتجيب جوان فى الشعب وطول عمرها بتكسب وتجيب مناخيره الارض علشان بتلعب احسن منه الحكومة عندها احلى تيم بتباصى احلى مباصاية وتقسم احلى تقسيم

 

قال الشيخ غريب: اساتذة فى الترقيص يا معلم

 

قال روكا: الحكومة ياما جابت جوان فى الشعب يا عم رمسيس شبكة الشعب اترمت من جوان الحكومة وكل جون احلى من التانى بتشوط فى المقص والزاوية البعيدة والقريبة وفى التمانيات ومافيش شوطة بتخيب . حارس المرمى اللى يقول انا اقدر اصد اى شوطة للحكومة يبقى كداب اصل الياقة البدنية بتاعتها مية مية بتاخد مفاتيها من النوم علشان تبقى رايقة وبتتغدى كويس وبتاكل لحمة وسمك وتحبس بكازوزة علب وتشرب ميه متعبية فى قزايز

 

قال الملك: ولكنى لاحظت ان بعض الوزراء لم يقدموا شيئا فى الملعب؟

 

قال روكا: ده طبع فيهم سيادتك هاديين وحلوين ماتحسش بيهم جوه الملعب

 

قال الشيخ: ولا برة الملعب

 

قال الملك: هذه اول مرة اشوف فيها الحكومة تلعب الكرة

 

رد روكا: علشان سيادتك مش غاوى كورة لكن الحكومة بتلعب من زمان وكل يوم بتلعب بس مش على الهوا بتلعب كتيمى من تحت لتحت ماتشوفهاش هى وبتلعب لكن بتعمل احلى نتايج وكل الوزرا بتوعها حريفة اللهم لا حسد وزير المالية هداف بريمو تقولش مارادونا فى زمانه وياعينى عليه فى الضربات الثابتة يشوط يخرم الحيطة ويكسر العارضة والكورة بتاعته تاخد الشبكة نص كيلو ورا الجون رجله لا مؤاخذة زى السم

 

قال الشيخ: مش رجليه بس يا معلم

 

قال روكا للملك: حكومتنا رياضاية سيادتك مش بتلعب كورة وبس ليها فى كل رياضة بتلعب ع الحبل وع الشناكل وبتلعب ع لمكشوف وشاطرة قوى فى اللعب بالكلام

 

قال له الملك: لم اسمع من قبل عن هذه الانواع من الرياضات اهى رياضات جديدة يا روكا؟

 

اجاب روكا: مش جديدة سيادتك دى رياضات حكومية بقالها خمسين سنة وشوية بس بلا فخر احنا اللى اخترعناها مافيش حكومة فى الدنيا تعرف تلعب زى حكومتنا

 

قال الملك: مادام الحكومة بتلعب بالطريقة دى يبقى اكيد جمهورها كبير جدا

 

قال روكا: 80 مليون بس مش مشجعين تقدر تقول متفرجين سيادتك بيتفرجوا اجبارى اصلهم قايمين نايميين فى الملعب عايشين فيه مافيش مكان غيره يتاويهم ونيتهم والياعوذ بالله مش صافية اصلى مافيش بينهم وبين الحكومة عمار فاهمين بعض غلط لو سألتهم عنها يقولوا بلا نيلة اللى بتدفعوا باليمين بتاخد قده مرتين بالشمال ولو سألت الحكومة عنهم تقول لك داهية تاخدهم زنانين ولبط ومايشبعوش فلوس بتكرهم عما سيادتك

 

قال الشيخ: القلوب عند بعضها يا معلم

تم تعديل April 14, 2009 بواسطه vision_group

[NADA 34]

قال الشيخ: القلوب عند بعضها يا معلم

 

القلوب مع بعضها قريباً يا معلم

 

أشوفكم ف النمسا يارب كلكم

 

على فكرة أنا ماليش ف الرياضة أصلاً ,, بس بحب أشجع اللعبة الحلوة

 

ومادام هما بيلعبوها صح يبقى لازم نشجع ,,

 

ربنا يهدي ويصلح الحال ,, شكراً ليك وربنا يستر

[الرّام 173]

ومادام هما بيلعبوها صح

 

والله يا "ندوشة" احنا نقول ان شاء الله يقدروا بالرسمي يلعبوها صح

 

و لو مرة يعني

 

*******

 

بارك الله فيك vision_group

 

 

[الجندى المجهول 37]

مش بقولك حتحبسنا

شكرا على الموضوع

جزاك الله خيرا