مصر - السيسي الناس في مصر مش بتاكل ومبتتعلمش ومبتتعالجش كويس دي حقوق الإنسان اللي أنا أعرفها

[الأخبار]

قال الرئيس عبد الفتاح السيسي إنه خلال حوار مع أحد المسؤولين فى بلجيكا التقيت بالناس وأول ملف كنت بتكلم عنه هو ملف حقوق الإنسان لأننا معندناش حاجة مخبينها ومن ضمن الحاجات اللى كنت بتكلم مع المسؤول قلتله ليه مسألتنيش عن الناتج المحلى بتاعك كام.. استغرب يعني وقلتله الناتج المحلى عندك كام قالى 500 مليار والسكان قال 10 ملايين نسمة.

وأضاف الرئيس: اخبرته يبقا انا عاوز دخلى 5 تريليون دولار علشان عندي 100 مليون نسمة، وعلشان انا معنديش المبلغ ده الناس في مصر مش بتاكل كويس ومبتتعلمش كويس ومبتتعالجش كويس.. دى حقوق الإنسان اللى انا اعرفها.

وأضاف الرئيس خلال كلمته في تدشين مشروع تنمية الاسرة المصرية: "الناس في مصر مظلومة ومبتتعلمش كويس ومبتتعالجش كويس..انا مش مانع أنه يتكلم انا عاوزه يتكلم.. بس يعرف قضية البلد كويس قبل ما يتكلم ويسمع الناس وينكد عليها في بيوتها بدون كلام أقل ما فيه مش مستكمل معرفته، ودي كلمة مؤدبة عن الجهل وعدم ادراك وعدم تقدير الواقع اللى احنا فيه".

ويحضر الرئيس عبد الفتاح السيسي اليوم الإثنين فعالية المشروع القومي لتنمية الأسرة المصرية بمركز المؤتمرات الدولية "الماسة" بالعاصمة الإدارية الجديدة.

اقرأ الخبر من المصدر