الجندى المجهول 37 قام بنشر April 16, 2009 (تعديل) رقص الريح على حوض الفل هب النفس الطاهر حر مصر بلدنا يا ست الكل ضمى ولادك ساعة الحر خبى أولادك جوه الضل نار حسادك قايدة تطل مكر عدوك جهر و سر ومنهم من أولادك ضل فاكر قرب عدوك عز لاكن قرب الحساد ذل مصيره هاييجى و يبوس إيدك ولا يقدرش يبص فى عينك أو إخواته يشدوا عليه يزغدوا كتفه يشدوا ودانه بس مهم يعدوا عليه ويرجعوا تانى لحوض الفل * * * * * * * مصر ياجنه فى حوش البيت و جوه الحارة فى وسط الناس و تحت الشجرة فى فلب الغيط وفى المدرسة زحمة و كراس وأم تنادى اسم الله عليه مصر ريحانه و عطرشان وعبير جاى من قلب الناس و زوجة و زايدة فى الاحساس إن غاب راجلها بألف راجل وان غاب ضناها تموت عليه مصر المصانع مكن وداير عمل تزعق و صوتها ثاير عايز حقوقنا ياإبن الإيه مصر المساجد قنوتها جامد فى الفجرية إيمان و أمان مصر القطايف فانوس و طايف فى رمضان مصر ياجنة بلقمة عيش بس الراحة خسارة مافيش مصر الرحيمة.. مصر الكريمة مصر الصبورة لكن عظيمة اللى ظالمها ..بينام و يحلم لكن ليلة هاتفوت عليه تطلع كبده تولع فيه وترجع دارها تقول موال تجرى دموعها و تبكى عليه حتى ظالمها بتبكى عليه كيفك تبكى يأم هنادى؟؟ ده حتى هنادى بتبكى عليه! تم تعديل April 16, 2009 بواسطه الجندى المجهول شارك هذه المشاركه رابط المشاركه شار ك علي موقع اخر
