مصر - السيسي عن تطوير الجيزة هنضطر نعمل إزالات عشان النفع العام وبنعوض الناس

[الأخبار 4]

قال الرئيس عبد الفتاح السيسي، خلال افتتاح عدد من المشروعات القومية بقطاعَي الإسكان والطرق بمناطق الشيخ زايد وأكتوبر: لازم نقلل الحركة في غرب النيل في محافظة الجيزة، بشكل لا يقل عما فعلناه في شرق القاهرة.

وأضاف السيسي: طب يبقى موضوع زي منطقة كرداسة، منطقة فيها سكان كتير قوي، انت حليت حوالين المنطقة؛ لكن على الأقل يبقى فيه محور واتنين داخليين، عارف إن حجم السكان في مناطق زي ناهيا وبولاق وكرداسة والطرق بتبقى حارة واتنين، لكن أنا كمان عايز المواطن يتحرك كويس، وكمان يحس إنه مش معقول كل البيوت دي الفاصل بين البيت والتاني 5 متر.

وتابع رئيس الجمهورية: الموضوع ده محتاج دراسة من محافظة الجيزة، باسمَّع الناس ليه؟ عشان طبعًا إحنا هنضطر نعمل إزالات، ده مبدأ عام، الإزالات عشان النفع العام وبنعوَّض الناس، رغم إن خطة العمل طموحة وهتخلص السنادي، هنشوف الباقي، هل ممكن نبقى طموحين، وهل هيخلص السنادي؟ احنا في أول السنة يعني.

اقرأ الخبر من المصدر