حــــــــــــــــــوار مع النفس والعقل

[:: نبـ القلم ــض :: 8]

ممكن نفكر شويه فى اللى هقوله

.

.

الكلام اللى هقوله ده...محتاج شويه صدق مع النفس...محتاج اعتراف منك بالتقصير. محتاج أنك تقف شوية مع نفسك وتشوف انت بتعمل ايه؟؟..محتاج انك متعاندش

مع نفسك وتقول

 

*(لا ...أنا على قد ما بقدر بعمل اللى عليا...الانسان ياما بيغفل)

 

*(أنا قلبى أبيض زى الفل...دا ربك رب قلوب)

 

*(ساعه لقلبك وساعه لربك)

 

*(الدنيا تلاهى...وربك ياما بيغفر ويسامح)

 

*(أنا هبدا من بكرة ...ويجى بكره...أنا هبدأ من بكره...ويجى بعده ...تقول لا خلاص أنا هبدا من بكره..ويعالم بكره اللى هتبداه ده هيمر عليك ولا لأ؟؟؟!!!!)

 

...........................................................

ممكن تفكروا شويه فى الكلام اللى هقوله ده ... وخليكوا صادقين بينكم وبين نفسكم...يمكن لحظة صدق تمر عليك فى حياتك كلها هى دى اللحظه اللى دخلك الجنه وتكبرك عند ربنا وتزود حسناتك أضعاف الاضعاف

.

.

تعالوا نشوف نفسنا بتعمل ايه واحنا مش واخدين بالنا؟؟؟!!!!

.

.

* وانت قاعد فى البيت فى أمان الله .... اتصل بيك واحد صاحبك قوى متقدرش تفرض له طلب ...أو اتصلت بيكى واحده صاحبتك قوى متقدريش تقوليلها لآ...

وقلتلك أنزلى بسرعه فى حاجه ضرورى انا عايزة اتكلم معاكى فيها...او قالتلك أنا مخنوقه

أيه رأيك تعالى نتمشى شويه ...أو تعالى نخرج نتشترى لبس مثلا ؟؟؟!!!

 

أكيد طبعا من غير ما نفكر فريرة ناخد الموافقه من بابا وماما وننزل جريييييييييييييي ونخاف لا نتاخر عن المعاد

وأه لو ماما او بابا موفقوش نعمل هيصه وهليلة عشان يوافقوا؟؟؟!!!! طبعا ده صاحبى الانتيم ازاى ارفضه طلب

 

أنا معاكم فى كل ده ...ومبعترضش على أى حاجه من اللى بنعملها...صاحبتى مقولتش حاجه...محتجانى وانا بصفتى صديقه وفية هأقف جنبها وقت شدتها ....كلام جميييييييييل ....كلام معقول مقدرش اقول حاجه عنه!!!

 

لكن تعالوا نفكر كده شويه....كام مرة لبينا نداءت أصحابنا و أصدقاءنا ...وكام مرة لبينا نداء ربنا لينا!!!

ياترى برده أول ما بنسمع ربنا بينادى علينا بنقوم جرى .... نلبى النداء...مع أن ربنا لما بينادى علينا

مش عشان هو محتجلنا ....بالعكس بينادلنا عشان يعطينا ...عشان هو بيحبلنا الخير وعايزنا نكون سعداء

دايما....يكون هو ده رد العطاء!!!!!!!

 

*طب لما يكون ليك حد بتحبه قوييييييييييييي ... ومخصصله نغمه على الموبيل...بتعمل أيه اول ما تسمع رنته؟؟!! طبعا بتقوم جرى تمسك الموبيل .... وترن عليه وتفضل تبعتله فى رسايل...ويمكن يكون هو ولا هو هنا؟؟!!!!

 

طب لما بنسمع صوت الاذان بنجرى بسرعه كده....لما الاذان بيقول الله أكبر...فعلا بتسيب كل حاجه فى ايدك

وربنا بيكون هو الاكبر فى قلبك...واى حاجه تانيه شغلاك بتصغر جنبه ... ولا بتفضل برده هى اكبر عندك؟؟!!!

 

.وده برده مش معناه انى معترضه بالعكس أنا بعشق الرسايل لانى باخدها على انها سرور تدخله على مسلم ....لكن اللى عزياكم تفكروا فيه هو **المقارنه بين معاملتنا مع الاحباب ومعاملتنا مع الله؟؟؟!!!**

كم مرة لبينا نداء اللى بنحبهم ...مقارنة بين تلبيه نداء ربنا!!!!!! مش شئ يستحق الوقفه !!!

 

*طب كام ساعه بتعقدها على النت يوميا ؟؟؟!!!!! وكم ساعه بتعقدها مع الله؟؟؟؟!!!! حتى أوقات الصلاة بقت تقيله علينا وبيقينا بنخطفها خطف ؟؟!!!! ما احنا مش فاضين 48 ساعه فى ال24 ساعه مع الناس ومستخسرين دقايق بسيطه نسافر فيها مع ارواحنا الى الله!!!!!

 

أنا مقولتش ما نعقدش ...طبعا انا عارفه اننا كلنا بنستغل النت استغلال مفيد الحمد لله...بس تعالوا نوازن أمورنا

ونحسبها صح...قبل ما تخدكم دوامة ومتعه الحياة ... ومنلحقش يجى اليوم اللى نفكر فيه!!!!!

 

قد ايه وقتنا بيروح فى كلام كتيييييييير ملهوش لازمة ... ونيجى لحد واجبنا مع ربنا...ونقول دا ربنا بيغفر ويسامح...بنخاف منقضيش مصالح حد قريبنا ليزعل مننا...وحقوق الله علينا نيجى لعندها..ونقول ربنا اكيد عارف انى كنت مشغول قوى النهارده....أكيد هيسامحنى!!!!!

 

عملت ايه توريله انك تستحق أنه يسامحك...دا انت حتى ما بتفكرش فيه كتيييييير...ياترى بتفتكره امتى؟؟!!!

وقت ما بتتخنق...وقت ما بيبعدوا عنك الناس...لما بتحس انك وحيد...وقت الشده؟؟؟!!!

طب والاوقات التانية ...وقت ما تكون وسط الناس وقت اليسر بتفتكره...بتفتكر تحمده!!!!

 

الموضوع محتاج وقفه مننا ياجماعه...أحنا فى بداية الصيف ... ألحق نفسك...عمرك بيجرى...

والورقه اللى بتقطعها كل يوم من النتيجه عمرك ما هتقدر ترجعها تانى ومحسوبه عليك مش ليك!!!!!!!!

 

الكلام ده مش ليكم بس...أنا بكلمك وبكلم نفسى معاكم...وأول واحده بعترف انى كنت بعمل كده...بس صراحه اتكسفت قوى من نفسى لما فكرت فى الموضوع ده...فحبيتكم تفكروا معايا..وتناقشونى فى الحكاية دى؟؟!!!

مستنيه ردودكم

 

ربنا يهدينى ويهديكم ويهدى كل شباب ونساء وشيوخ ورجال واطفال الامة

ويرزقنا الاخلاص...ويرزقنا ولو حتى نصف ذرة من محبته

 

.........................................

 

 

 

مازلت أبحث عن عناقيد العنب

فى عالم ما زال يعتصر اللهب

ما زلت ألبس كل جلدى المتحترق

أجتاز لافتة النهاية للبدايه فى غضب

وأعيد حلما قد سرق

أبى اختزالى فى نفايات الحطب

[asmaa 0]

اولا بحب اشكرك حبيبه قلبي اختي الغاليه عاشقه القرآن

كلامك فعلا كله مظبوط وجميل جدا

وهو ده فعلا واقع حياتنا وده اللي بنمر بيه كل يوم وكل لحظه

لكن كل واحد مننا المفروض يقف عند كل تصرف هو مقبل عليه قبل ما يعمله

يفكر فيه وازاي هيتكلمه وهيقوله ليه وعلشان يرضي مين؟؟؟؟؟؟؟؟؟

هيرضي ربنا ولا هيرضي الناس

هيصلح بيه بين الناس ولا هيجرحهم بالكلام ده ويتسبب في مشاكل

لما بيعمل خير بيحاول دايما يحافظ عليه باستمرار مع التحسين

ولا بيمل ويتعب ويتأخر عنه

ولو عمل ذنب بيحاول يرجع ويتوب ولا بيتمادي وكأن شيئا لم يحدث

بيحافظ علي علاقته برنبا وكل همه ارضاء ربه ولا عايش ليه؟

؟؟؟؟؟؟؟؟؟؟؟؟؟؟؟؟؟؟؟؟

كل دي حاجات كتيرة وفي اكتر منها كلنا المفروض نحطها في اعتبارنا

.........................................

عموما جزاكي الله كل خير اختي الغاليه

وربنا يوفقك ويوفقنا جميعا

[AMR DAWAM 7]

اختى العزيزة عاشقة القرآن

أولا احب اشكرك على موضوعك الجميل واللى احنا واثقين من ان هدفه خير باذن الله

ثانيا احب اطمنك بحاجة بسيطة اوى

ان الدنيا لسة بخير والخير موجود فى المسلمين كتيييييييييييير

وقل واحد سبحان الله على قدر ذنوبه بتكون توبته ورجوعه لربنا سبحانه وتعالى

واكيد احنا شاهنا وسمعنا وقرانا عن نماذج كثيرة من هذه

وباذن الله ربنا مش بيظلم حد

وعلى قدر ما الانسان بيستمتع فى دنياه بيحاسب فى اخرته

ولازم كل واحد يكون بيفكر فى كل حاجة بيعملها

واهم شئ انها ترضى ربنا

وزى ما حضرتك قلتى لازم يفكروا فى كل الاسئلة التى تفضلتى بذكرها

والله الموفق

*******************

[BLACKDREAM 5]

متميز و فنان منذ البدايه و مواضيعك كل يوم بتكون اجمل و اروع

 

و شكر كبير اوي اوي اوي لاجمل انسان و هو ابو تنسيم الغالي

[رجل من الصحراء 36]

ياااه تاثرت كثيرا بهذا الموضوع الذي قد مس قلبي

يارب اهدنا وحببنا في الايمان وزينه في قلوبنا