فقاقيع هوا بقللت

[الجندى المجهول]

فقاقيع هوا بقللت ...

على بلاعتنا

طفحت فى قلب البيت ..

يا مين يغيتنا ؟

 

أنا قلت يا فقاقيع ..

يا منورة البلاليع ..

بلونك الشفتشى ..

طفح المجارى بديع

 

طاب ليه على الوش طارِش ....

ميـّة غسيل و حموم ....

و الهم طارح وفارش ...

و ايش يعمل المظلوم ؟؟؟

سباك صنايعى حويط ...

على أول الحارة .....

لسة بنادى عليه ....

راح جَىّ باشارة ....

وَعّيته ع المشكلة ...

حييته بسجارة ...

قول يا حكيم المجاري ...

ايه سِر سَدِّتها ....

يكونشى عَيِّـل رَمَى ...

طوبة فى فتحتها ؟؟؟

قال يا بني وايش فهمك ...

مهما حكيت و حكيت ....

دى صنعة صعبة ...

و يا ريتها بتفتح بيت

مَد المَعلم دراعُه ..

سَحَب عصا ( خرَزان )

و مَدَّها بحرفنة ..

دخلت على العنوان

ع الخرم بالظبط ..

قالها منتشي و فرحان ..

طـَلـَّع و دَخـَّل و وَسَّع

فتحِتك يا زمان !

و يا دوب فى غمضة عين

سمعت صوت بـَقبَـقه

تقولشى مَيَّـة و جَرِت

ع ( الأم ) متشوَّقة !

و اتسلكت بلاعتنا

بعد قهر وشقى

المَية عارفة طريقها

ناحية الواطي ....

و الواطي لو حَكـِّموه ...

الكل بيطاطي ...

يبقى اللى طاطا الراس ..

أوطىَ من الواطي !

 

 

 

 

منقول

[الرّام]

يبقى اللى طاطا الراس ..

أوطىَ من الواطي !

[الجندى المجهول]

شكرا لمرورك