مصر - السيسي للمصريين إحنا بخير والأمور ماشية كويس وعندنا اللي يكفينا

[الأخبار]

وجَّه الرئيس عبد الفتاح السيسي رسالةً إلى الشعب المصري، قائلًا: "كنا لسه خارجين من كورونا وقلنا يمكن نبتدي بقى نتحرك علشان نحسِّن الأوضاع ولكن ربنا أراد أن يكون فيه أزمة تانية، ولكن بقول للناس إحنا بخير والأمور ماشية كويسة، وعندنا الأساسيات المطلوبة متوفرة كويس بعدد شهور مناسب، وهذا أمر عكفت عليه خلال السنين اللي فاتت، ويبقى عندنا احتياطي من السلع يكفى 4 شهور علشان لو فيه أي ظروف وعندنا اللي يكفينا، وربنا يعديها على خير".

وأضاف خلال مداخلة هاتفية ببرنامج "من مصر" الذي يقدمه الإعلامي عمرو خليل بقناة "سي بي سي": "الحمد لله معندناش نقص في أي سلع لا في السكر ولا الزيت ولا الأرز ولا الشاي ولا أي سلعة".

ولفت: "كنت حريصًا على مدار السنوات الماضية على تأمين الاحتياطي الإستراتيجي من السلع لمواجهة أي أزمات أو ظروف طارئة".

وأشار: "صوامع القمح اللي عملناها بتحافظ على 20% من الفاقد من القمح سنويًّا، أي مليون و700 ألف طن، والصوامع آدمية بعيدة عن الفساد والقوارض والحشرات، ولدينا احتياطي حاليًا يصل إلى 5.7 مليون طن وهنعمل صوامع تاني، وبنعمل توسع في زراعة القمح وهتزيد خلال العامين الجايين لمليون فدان".

وأكد: أنه سيتم تطبيق إجراءات لمواجهة التداعيات الاقتصادية وارتفاع الأسعار.

اقرأ الخبر من المصدر