سكوت

[الجندى المجهول]

شيلت الحِرام من فوق جبينك ياهرم

 

بان الكلام منحوت في صخرك بالألم

 

بكت العيون نزلت دموع شايلة الندم

 

مسحت حروف كانت علينا في يوم حكم

 

********

 

فتح السكوت شباك مبروز من دهب

 

عدي الزمان شايل ستارة من لهب

 

نطق الجبل وف بطنة بركان من غضب

 

وبأعلي صوت فجر عيون طرحت شهب

 

*******

 

ضحك الصنم قال مستحيل هيا البلد

 

أكيد ميلادها اليوم صحيح زي الولد

 

كان إيه جري لك من زمان ياأسد

 

سيبت الغلابة جوة غابة بتتجلد

 

********

 

كان في زمان حتة ولد قال مستحيل

 

يكون وقيد* المفتري سقف الفقير

 

ويكون فراشك ياعويل لحم الأصيل

 

وتنام وتنفخ فوق سرير

 

والكل نايم ع الحصير

 

******

 

في شرع مين قلت الكلام ده ياهوي

 

ونفخت فيه خليتة كاس زي الدوي

 

دا كل شئ أصبح عليل مهما ارتوي

 

لعاد ينفع فيه حكيم ولا عاد يفيد زرع استوي

 

* وقيد : الحطب الذي يشغل به النار

[رجل من الصحراء]

منور يابوحميد

[الجندى المجهول]

ده نورك ياسيدى