دى مش كورة دى ..........قول انت

[Elmasry 5]

معظمنا تابع الماتش وطبعاً عرف النتيجة

بس أنتم عارفين مش بس الأهلى هو اللى كسب والزمالك كمان أى نعم أسمه خسر بس هوكسب بارده

طيب ياترى مين اللى خسر.............؟؟؟؟؟؟؟؟؟؟؟؟؟؟؟؟؟؟؟؟؟

وأزاى الزمالك كسب.............؟؟؟؟؟؟؟؟؟؟؟؟؟؟؟؟؟؟؟؟؟

الموضوع بكل بساطة

هو أن احنا بيتلعب بينا كورة

مش أحنا اللى بنتفرج على الكورة

أو ياريت احنا اللى بنلعب كورة

طيب ازاى...........؟؟؟؟؟؟؟

أول حاجة

أول مايكون فى ماتش للأهلى والزمالك

تلاقى الشوارع فاضية والكل سايب شغله ومستنى الماتش

حتى اللى عايز يشتغل مابيلاقيش زباين فبيقفل أو بيططر غصب أن عنه يتفرج على الماتش

ده حتى قبل الماتش مايبتدى بأيام الناس تقعد تتكلم عليه ولما يخلص بارده الناس تقعد تتكلم عليه

ده أنا بكون قاعد فى الشغل وألاقى زمايلى بيتكلموا عن الماتش اكتر من الشغل

لا بقى وأيه الأهلاوية يقعدوا يغيظوا فى الزمالكاوية والعكس وتلاقى كل واحدفيهم حافظ تاريخ النادى بتاعه أكتر ماهو حافظ تاريخ بلده

وياريت على كدة وبس كل واحد عامل فيها المدير الفنى للفريق بتاعه وايه يعنى مش اى مدير فنى لا ده هو اللى مفيش زيه

وقبل الماتش يستعلموا عنالغيب يقولوا مين اللى هيكسب

نسيوا ان دى حاجة بتاعت ربنا

ياسلام بقى ساعة الماتش تسمع وابل من الشتايم من اللى قلبك يحبها

أل يعنى اللعيب لعيب فيفا أو بلاى ستايشن بيتحكم فى أتجهاته وجسمه وكل حركاته يعنى ماينفعشى يغلط

قال يعنى اللى بيتفرج لو كان مكنه هيلعب احسن منه

وياسلام بقى لما الفريق يكسب يبقى فرحان ومبسوط كأنه هو اللى كسب وخد معاهم الفلوس

ولا لو خسر تلاقيه متضايق ومش ضايق حد كأن فى حد مات له

ولون فى كلتة الحالتين هو الخسران سواء فريقه كسب او خسر

لأنه ساعة الماتش بيتعب أعصابه وبيقعد يشتم فى اللعيبة

يعنى خسارة فى الصحة وخسارة فى الحسانات

وكدة كدة الفريق اللى بيشجعه ولعيبته هما اللى كسبانين سواء خسروا او كسبه

لأنهم كدة كدة بيخدوا فلوس قبل ما يلعبوا ولما يكسبوا بيخدوا فلوس أكتر

ولا بقى شوف لما 30000000 مليون على الأقل بيقعدوا يشتموا فيهم

ياه دول بيكسبوا حسنات كتيرة اوى

ولون الموضوع أساساً أصله سياسى

فريق الزمالك زمان كان أسمه المختلط

وكان فريق ماحدش قادر عليه لأنه كان فريق ملوكى شوية

فأقترحوا زعماء الثورة بأنشاء فريق مهمته هى هزيمة هذا الفريق

ياسلام ناس بتفكر صحيح

ومن ساعتها انقسمت البلد لنصين أهلااوية وزمالكاوية

ومن ساعتها كل ماتحصل حاجة فى البلد صعبة شوية أو وحشة

يعملوا ماتش للأهلى والزمالك علشان ينسوا الناس اللى بيحصل فى البلد

وده مش فى مصر بس ده فى سائر الدول

حتى أن فى دولة خدت حتة أرض من دولة علشان ماتش كورة

قالو ايفضوا النزاع على هذه الأرض

فأقترحت الدولة أ بأقامت ماتش كورة مع الدولة ب وذلك للتسلية

فوافقت الدولة ألأخرى

وجائت أوامر عليا للفريق أ من دولته بأن ينهزم أمام الفريق الآخر

وفعلاً أنهزم واحد صفر

ففرحت الدولة ب وفى نشوة فرحها تنازلت عن الارض للدولة أ

ياعم دى مش كورة دى .........

[سبرتو 2]

سياسة يا عم انا ماليش دعوة بس كلامك صح ولو انتة لاحظت دلوقتى هتلاقى لية ماتشات اوروبا مش بتنزل على التلفزيون العادى مش الدش ولما يكون فى قلق فى البلد يقولك خلى الشعب يعيش وزيع مباراة البارشا وريال مثلا او مبارياات الدورى الايطالى مع انة ما حدش من اللى عندة تلفزيون عادى بيتابع بس اهم شئ الصحة بخيير والعشب تمام وكلة ماشى وربنا يخلى ال .................

[BLACKDREAM 5]

انا بحب منتخب المانيا و بس يعني الماني حتى العظم

[عاشق الصداقه 525]

انا معاك يا مصرى

 

ووالله موضوع جامد

 

انا مليش فى الكوره .. بس معاك فى تفسيرها السياسى .. ومش الكوره بس لأ كذا حاجه ليها نفس التفسير

 

وكالعاده مش فاهم كلمه من رد سبرتو

[سحر العيون 3]

هههه

سبرتو معاه حق والله

يعنى لما يكون فى موضوع سياسى مهم فى البلد يحبو ينيموووووه

ويزيعوله اى مباراه من الدورى الانجليزى او الكوره العالميه يشغلو بيها الشعب

عن الموضوع اللى فى البلد

يعنى دى سياسه دوله

بس انا اساسا بحب الكوره الاجنبيه عن العربيه

تحسهم مش بيلعبو كوره علشان يكسبو بيلعبو كوره للاستمتاع

بنتفرج على لعب بجد

مش خناقه على الكوره

انا طبعا من عشاق الغزال الاسمر ترى هنرى

[ABOTASNEEM 117]

نداء هام جدا

لا لسياسة التضليل

(ايه ياعم الكلام الكبير ده)

 

بس بقى كده بكل بساطة ..

الموضوع ده خارج عن ايدينا ..

يعنى سواء حضراتكم رضيتم او لا الماتشات هتتذاع

بس المهم احنا ،هنعمل ايه

يعنى احنا هنسيب شغلنا ودراستنا وصلاتنا علشان نتابع ماتش الكورة

ولا لأ ... ؟؟؟

 

ياجماعة متخلينا واقعييين

ياريت كل واحد يهتم بنفسه والناس اللى قريبين منه

واللى ممكن يقنعهم بحاجة زى كده

 

مش كده ولا إيــه !!!

[سحر العيون 3]

لا يا ابو تسنيم خليهم يتفرجو على الكوره احسن

 

بدال مايتفرجو على حاجات تافهه

 

وبعدين انت قلت سواء رفضنا اوقبلنا يزيعو

 

المباريات يبقى نتفرج ونمتع نظرنا بلعب جميل

 

ومنافسات جميليه

[عاشق الصداقه 525]

يعنى احنا هنسيب شغلنا ودراستنا وصلاتنا علشان نتابع ماتش الكورة

ولا لأ ... ؟؟؟

 

مش كده ولا إيــه !!!

 

لا يا ابو تسنيم خليهم يتفرجو على الكوره احسن

 

اكيد فهمتى كلامه غلط اختى سحر العيون .. واكيد الاقتباس وضح الموضوع

 

وانا معاك طبعاً حبيبى ابو تسنيم

[سحر العيون 3]

سورى مشفتش كلمه صلاتنا

 

بس لو انت صليت

 

متتفرجش ليه؟؟؟؟؟؟؟؟؟؟؟

 

انا عن نفسى بموت فى حاجه اسمها كوره اجنبيه

 

وبموت فى محمد بركات

 

بس طبعا بعد لما نخلص فروض ربنااااااااااااا

[ABOTASNEEM 117]

وهو ده اللى انا قصدته

انه فى حاجة اسمها اولويات

لو خلصنا الحاجات المهمة اللى علينا

مفيش اى مانع اننا نتفرج ونلعب كمان

[طائر السكون 2]

ايه ده يا مصرى

انا مش متعود على كده

و الله الموضوع جامد جدا

السياسه الكرويه