مين

[الجندى المجهول]

مين

 

الشويش عبد المعين

 

يااااااااااااااااااااااااااااااه

 

فاتت سنين

 

بس لسة زى ما انت

 

والصحة عال يا ابا ومتين

 

مش فاكرنى

 

مش عارفنى انا ابقى مين

 

عيب عليك يا عبد المعين

 

متفتكرش عمك امين

 

هقربهالك حبتين

 

الشهيد جمعة حسين

 

والشهيد احمد شاهين

 

لسة بردو مش فاكرنى

 

مش عارفنى انا ابقى مين

 

الزنزانة 105

 

السجين 65

 

 

 

سن سلاحك لسة معلم

 

ع الحاجبين

 

وجرح دراعى

 

يوم ما ضربنى بكوبيتين

 

لسة بردو مش فاكرنى

 

مش عارفنى انا ابقى مين

 

انا القتيل اللى اتقتل

 

انا الفقير اللى اتنحل

 

انا السجين اللى اتسحل

 

فى سجون حصينة وزانزين

 

 

لما شوفتك افتكرتك

 

وانت بتشبه عليا

 

افتكرت كل انة

 

ونزلت كرباجك عليا

 

وانت لسة مش فاكرنى

 

تايه بتشبه عليا

 

انا الضحية

 

عذرك معاك يا ابو الصبية

 

الا عاملة ايه ناجية

 

مهو الضحايا بايد سعادتك عدو100

 

والضحية ملوهش دية

 

وانت شاطر فى الاذية

 

هتفتكر عمك امين

 

ولا مين

 

 

ولا مين

 

 

ولا مين

 

 

ولامي

[El-Saher Fantasy]

ايوة ايوة افتكرتك

انت المسجون أمين

زنزاتكم 105

الدور الأول ع اليمين

بس يابني العمر عدى

والنظر مش زي زمان

المفروض اني ابقى فاكرك

بس افتكر مين ولا مين

في خدمتي شوف منك

الافات لا ملايين

رجالة عاملين فيها عنتر

وقال ايه مواطنين

فاكرين بلدنا للي يضرب

مش للي يعمل قوانين

هم دول اصحاب بلدنا

هم دول المواطنين

ماتقوليش مواطن مصري

قولي تقدر تاذي مين

بالله عليك تعذرني يابني

اعذر عمك عبد المعين

والله يابني ماكانش قصدي

انا كنت واحد م المأمورين

كنا فاهمين ان الحكومة

هم بس اللي فاهمين

وان السياسة ولحروب

مش هتنفع المصريين

بس لما الغمة راحت

والنصر بان بالكلمتين

كلمتين الله أكبر

هزوا جيش لا قول جيشين

عرفنا ان المولى حق

وكل مصري ليه ايدين

ايد تعمر تصنع وتبني

وايد تخش في كل عين

كل عين حسود وحاقد

جاي يحارب المصريين

 

معلش يا جندي

بجد ماكانش قصدي والله ما كنتش عامل حسابي

انا قولت هاقول كلمتين خفيفن وخلاص

بس واضح ان عم عبد المعين مظلوم ومكتوبلي ابين حقه

تقبل مروري

[الجندى المجهول]

شكرا على الرد الجميل تعيش وتنصر المظلومين

[على المرابط]

والله انتم الاثنين لما بتتلاقوا واحد يكتب وواحد يرد اللى يدخل بعديكم يحير

انا امشى وراكم واتمتع

احسنتم تزرعون الابتسامه والفائده

لكم منى كل الاحترام والحب

[الرّام]

شنوة هذا الكل ؟؟؟؟؟

 

"الجندي المجهول" و "الساهر"

 

 

يعني موضوعين في موضوع

 

 

يعطيكم الصحة الازوز

 

(و على فكرة "عم امين" و" عم عبد المعين " الزوز مظلومين لكن كل واحد بطريقة)

[الجندى المجهول]

تسلملى يارب اخى المرابط ده طبعا بعض ما عندكم

والله كلامك هو اللى الواحد مش لقى كلام ارد بيه

 

 

 

شكرا اختى راما على الرد الى زى السكر

[El-Saher Fantasy]

والله يا جماعة كلامك هو اللي الواحد مش عارف يرد عليه

بجد بتحرجونا

بس حابب أوضح حاجة

شنوة هذا الكل ؟؟؟؟؟

 

"الجندي المجهول" و "الساهر"

 

 

يعني موضوعين في موضوع

النص الأصلي كاتبه واحد اسمه أيمن عمر

مش الجندي المجهول وهو موضح كده في العنوان

انما ردي انا اللي كاتبه