الشعب مات

[الجندى المجهول]

الشعب مات

لما اتخنق فيه الضمير

ونسى معالم سكته

ما فضلش غير حبة بلاهة في ضحكته

ونكت حزينة ، بطعم علقم دنيته

الشعب مات .. والقطر فات ...

والحلم ع السكة انتحر ..

وعشقت يا بحر ... السكات

ومليت قلوبنا بالآهات

وما عدش في الضلمة قمر

 

سكن النوى كل القلوب

وعشنا في اللحظة الغروب

وعشتى يا قلوبنا الخطر

 

والحلم صار لقمة ورغيف

نزرع نهار ،،، نطرح خريف

احساس مخيف

انك تحارب دنيتك علشان رغيف

والذل باسط ع الخلايق ميت دراع

والكل ضاع .. !!

حتى اللى كان حر ونضيف

وانا مين يقولي بالصريح المختصر

ازاي بقيت انسان ضعيف

وصبحت عبرة للبشر ؟!

كتب التاريخ عنى الحكايا والعبر

ونسى التاريخ في عز مجدي وسطوتى

انه يضيف هذا الخبر

الشعب مات ..

لما القلوب صبحت حجر

وبعنا احلامنا ببلاش

وتم ترحيل القمر

وبنينا للاوهام بيوت

وعشقنا دوامة السكوت

علمونا ازاي نطاطي

كيف ما نبقى شعب معلول م التعاطي

لجل ينسى كل همه

وعقله يفضل زير وفاضى!!

جربوا فينا الي ما يصحش يكون

علمونا ازاي ما نكره أو نخون

ولجموا قلوبنا بخوف من بكرة

زاد على حد الجنون

والغضب سارح في حضن الدار

بياكل في الكبار ويا الصغار

عل كل شكل وكل لون

وبقينا عبرة للي عايز يعتبر !!

اشباه بشر فوق سكة الخوف

صورة بهتانة لضمير مقتول ومنشور الخبر

في صفحة اولى من تاريخ تايه،

على سكة سفر

واللى يعدى راح يموت !!

واللي ح يسكت راح يموت !!

واللى ح يرفض ، بكرة يندم

وآخرته برضه يموت

اصل الهدف واحد صريح

الشعب ده لازم يموت

لازم يموت

تم تعديل April 20, 2010 بواسطه الجندى المجهول

[على المرابط]

لكننا سنبقى شاء من شاء وابى من ابى

شكرا لك اخى الفاضل

رجاءً اخى الكريم لو انك تتجنب الكتابه باللون الاصفر

انا ما كملتش القصيده الا وعيونى ماتت هى كمان

[الرّام]

جميل هذا القصيد

 

بارك الله فيك على نقله و جزاك الله كل خير و بركة ان شاء الله

[El-Saher Fantasy]

الدنيا من غير ربيع ميتة

ورقة شجر ضعفانة ومفتتة

لا يا جدع تأمل وشوف

زهر الشتا طالع في عز الشتا

 

صدقني يا جندي لم أجد أصدق من هذه الكلمات لترد على روائع ماكتب

 

دمت لنا محصرا على حالنا ... مبعثا لآمالنا

 

رجاءً اخى الكريم لو انك تتجنب الكتابه باللون الاصفر

انا ما كملتش القصيده الا وعيونى ماتت هى كمان

ده أخضر يا علي

اني أحبك في الله

[الجندى المجهول]

المرابط والارام والساهر

شكرا

[«۞۩ أبو سليمان ۩۞»]

جميل جدا كالعادة الجندي المجهول

 

بقيت مدمن على موضوعاتك

[بحر الذكريات]

الشعب مات .. والقطر فات ...

والحلم ع السكة انتحر ..

وعشقت يا بحر ... السكات

ومليت قلوبنا بالآهات

وما عدش في الضلمة قمر

والحلم صار لقمة ورغيف

نزرع نهار ،،، نطرح خريف

احساس مخيف

اصل الهدف واحد صريح

الشعب ده لازم يموت

لازم يموت

اصح يا شعب وشوف مين قيدك

ده الوقت فات على زمان سكتتك

وحلمك يا شعب حيصبح زكريات

[الجندى المجهول]

حبيبى دكتور عبقرينو

جزاك الله خيرا اخى الحبيب

انت الاجمل

 

 

 

 

رد مميز اخى بحر الذكريات

جزاك الله خيرا