[ مميز] *قد عدت بلا أحزان

[نجمة الكتب 5]

دخلت غرفتي، أحسست بحرارة تتوهج في جسدي كله وتنبثق من وجنتى، تسارعت دقات قلبى وقد زاد غضبي واشتد حتى ضاقت عليه غرفتي، فخرجت مسرعة..أحتاج الى الهواء إني أكاد اختنق واشعر بغصة مريرة يصعب معها تنفسي.

تركت المنزل ونزلت درجات السلم دون أن اشعر بقدمي تطأها، كنت كمن يغوص فى بحر من الرمال لا قاع له،الدرجات لا تنتهي وكأن هناك من يبنى درجات جديدة أمامى كلما نزلت... أخيرا خرجت من البيت ، اخذت أهرول مبتعدة عنه، لا أدري إن كان البيت يلاحقني ام أننى اسير في مكانى يوثقنى به شيئ خفى يأبى ان يفلتني لأهرب، كلما نظرت خلفى أجدني لا ابتعد .

ركضت وتسارعت أنفاسي حتى بدأت الهث، سابقت الأسفلت حتى الطريق الترابى بين الحقول التي رميت نفسي في احضانها النضرة، بدأت الدموع تتساقط من عيني وتمايل كل شيئ أمامي وكأن جميع الموجودات حولى تشترك في رقصة حزينة.

خارت قواى ورفعت راية الإستسلام أمام نيران ثورتي المتأججة، جلست على جزع نخلة عتيق رابض بين الأعشاب واطلقت العنان لمشاعري المكبوتة لتخرج من صدري الذى تزاحمت فيه وتصارعت حتى كاد ينفجر.

بكيت وعلا صياحي وعويلي، كنت أرى من خلال دموعي الطيور الصغيرة تحط على مسافة ليست ببعيدة عني وتتأملني بنظراتها الخاطفة قبل ان يخيفها صوت بكائى فتطير مبتعدة لتعاود الكرة من جديد.

جلست وجلست..... لا أدري كم من الوقت قضيته وأنا ابكي لا أشعر إلا بحرقتي ولا اسمع إلا نحيبى أو ارى غير دموعي ومن خلفها صورا مموهة للحقول الخضراء........

حتى احسست بقطرة باردة سقطت على يدى، إنها ليست دمعة فدموعي ساخنة كينابيع دافئة تتفجر من بركان........

قطرة اخرى تسقط على جبهتى باردة كالثلج، مددت يدي وبسطت راحتها فسقطت عليها قطرات اخرى....حينها رفعت وجهي للسماء لأرى غيوما بيضاء ورمادية تملأ الأفق وتلامس وجهى دموعا أخرى غير دموعي.

انهمر المطر وازدادت شدته تدريجيا حتى صرت اسمع له صوتا ،بدأت اتأمل الزروع وهى تهتز تحت المطر وشممت رائحة الأرض المبتلة مختلطة بعبير الزهور الصغيرة التى تنبت بين الحشائش، رائحة منعشة وغنية .

ابتلت ملابسي واحسست ببرودة تتغلغل بداخلي مع انفاسي التي بدأت تهدأ لتخمد ما بقى في من بصيص مشتعل.

شعرت بقطرات المطر المتساقطة على أكتافي وظهري تربت عليّ وتدفعني لأنهض، خلعت نعليّ وأخذت أسير على الأعشاب المبللة بين شجيرات صغيرة و كأنها أطفال يلهون معي تحت المطر الذي يحوطنا من كل اتجاه وأنا أرفع رأسي من حين لآخر لأشعر بقطراته النقية كأصابع السحب تداعب وجهي وتمسحي دمعاتي.

كنت كطفل أكتشف لعبة جديدة يحتفظ بها لنفسه ويلهو بها وحده، ويشعر بنشوة لذيذة...نعم شعرت بنشوة كلما سمحت لهذه القطرات الضئيلة أن تلمس وجهي وتكون لحظة أن تلمسني صلة بيني وبين السماء....

السماء ، تلك الحبيبة البعيدة التى طالما غازلت صورتها عينى، والتى أحبها فى شتى حالاتها وأعشق أى لون ترتديه.

هدأ المطر ثم توقف ليلف الوجود من حولي هدوء عميق، هدوء غمرني وملأ حواسي ليحجب عني صوت السيارات حين وصلت الطريق الأسفلتي وحجب عنى أصوات المارة ونظراتهم المتعجبة والمستنكرة أحيانا وقد بدأت حركتهم تتواصل بعد توقف المطر لقد حجب عني كل شيئ إلا هذا الصفاء الذي عم قلبي كمولود جديد لم يختبر أية آلام.

اقتربت من البيت الذي أحسست انى غبت عنه دهر من الزمان ، وصلت بيتي وتعجبت!!

فأنا لا أذكر لماذا غضبت ولا أعرف لما ثرت وهربت،

كل ما أذكره الآن أن المطر مسح دموعي،

وقد عدت بلا أحزان.

[عاشق الصداقه 525]

قصة جميله حقاً يا نجمة الكتب ... كما تعودنا فى كل مواضيعك ...

والحمد لله انها جات على قد كده .. ورجعتى البيت .. وحمد الله على السلامه

[einour 3]

(حتى احسست بقطرة باردة سقطت على يدى، إنها ليست دمعة فدموعي ساخنة كينابيع دافئة تتفجر من بركان........)

اسلوب جميل و عبارات كلها مشاعر و احاسيس دافئه

[صناع الحياه 14]

بالفعل اسلوب بارع في التعبير عما يدور بالنفس

فالكلمات تجسد الموقف وترسمه امام العين كانه حقيقه

امضي قدما

وفقك الله واثقل موهبتك

[نجمة الكتب 5]

اشكركم اخوانى شكرا جزيلا على تشجيعكم.

::*:: عاشق الصداقه ::*:: مشاركة بتاريخ Oct 13 2006, 01:08 AM

والحمد لله انها جات على قد كده .. ورجعتى البيت .. وحمد الله على السلامه

ملحوظة هامة للأستاذ كرينكل: كلامك اوحالي بنهاية تانية مختلفة خالص للقصة

انا بقول اخلى البطلة وهى راجعة -بعد ما هديت خالص ونسيت كل اللي كان مضايقها-

تتزحلق في المطرة ورجلها تتكسر وتروح المستشفى ايه رأيك ؟؟

[عاشق الصداقه 525]

أنا عندى إقتراح أحسن .. بدل المستشفى والمصاريف ..

انتى تخللى النهايه .. انها وهى راجعه خبطها سواق طفطف أعمى من اللى ماليين البلد

وتتوفى ونخلص بلى صداع .. وأهى تقل البنات من البلد .. ونلاقى وظايف ..

ولا انتى شايفه ايه ... أنا برضه حرجع لرأيك .. إنتى مخك أكثر منى إجراماً

[نجمة الكتب 5]

عندك حق انا فعلا مخى اكثر اجراما لانى هغير القصة واخليها كده:

وهى راجعة يخبطها سواق طفطف أعمى وتتوفى زى ما بتقول لكن بعدها يقبضوا على سواق الطفطف ويدوله حكم بالاعدام والدنيا تقوم وما تقعدش لحد ميطلعوا قانون يجرم قيادة الرجال للطفاطف( على اساس انى عارفة يعنى ايه طفطف ) واللى يسوقوها بعد كدة سيدات- مبيشوفوش - وبكدة انتو يا عينى مش هتلاقو شغل خالص لانه واضح ان قيادة الطفاطف هى الوظيفة الوحيدة البقيالكم والحمد لله هناخدها برضه منكم ده طبعا غير الخساير في الارواح، ربنا معاكم.

مع الاعتذار لكل السادة الرجال بس البادى اظلم وعاشق الصداقة هو اللى بدأ .

[عاشق الصداقه 525]

عندك حق انا فعلا مخى اكثر اجراما لانى هغير القصة واخليها كده:

وهى راجعة يخبطها سواق طفطف أعمى وتتوفى زى ما بتقول لكن بعدها يقبضوا على سواق الطفطف ويدوله حكم بالاعدام والدنيا تقوم وما تقعدش لحد ميطلعوا قانون يجرم قيادة الرجال للطفاطف( على اساس انى عارفة يعنى ايه طفطف ) واللى يسوقوها بعد كدة سيدات- مبيشوفوش - وبكدة انتو يا عينى مش هتلاقو شغل خالص لانه واضح ان قيادة الطفاطف هى الوظيفة الوحيدة البقيالكم والحمد لله هناخدها برضه منكم ده طبعا غير الخساير في الارواح، ربنا معاكم.

مع الاعتذار لكل السادة الرجال بس البادى اظلم وعاشق الصداقة هو اللى بدأ .

 

واضح من كلامك انكم اخركم تسوقوا طفطف .. وانتوا حتى مش عارفين هو ايه !! " لا تعليق "

 

أظن مش محتاج أوضح .... وعندى إستفسار بسيط .. هو إنتى ليه وضحتى فى حتة "واللى يسوقها بعد كده سيدات -

 

مبيشوفوش - " مظنش ان سيدات دى محتاجه التخصيص الى بعدها أصلاً .. وهو فى ستات بتسوق وبتشوف ؟؟! مظنش؟

 

مع إحترامى لكل الستات .. لكن ياريت تعقلوا بنتكم .. وتقولولها متلعبش مع الأسد !!

 

إرفعى الرايه يا نجمة الكتب ... لو عاوزه عمار فى المنتدى .. أنا مش مسئول عن اللى ممكن يحصل

 

لو دخلتى معايا تحدى .. قدامك فرصه أخيره .. " هدنه " .. بعد كده مش حقبل الصلح !!

 

وإنتى الجانيه على روحك ؟؟ وإذا كنتى سنيه فأنا " كرينكل "

***********************

[نجمة الكتب 5]

إنها الحرب اذن .

 

طبيعي جدا انى اوضح انهم هيكونوا ستات مش بيشوفوا لأن الطبيعى انهم بيشوفوا

وبيشوفوا كويس قوى كمان والدليل يا استاذى الفاضل ان في ستات دلوقتى بيسوقوا طيارات ...مش طفاطف.

ويا ريت تبطل لعب بالسيف اللى فى ايدك ده لاحسن بعدين السلاح يطول وتعور نفسك وبعدين انت اللى بدأت

يا كرينكل افندى وجاى دلوقتى بتعرض عليا الهدنة !!! و انا بنصحك نصيحة اخوية ...بلاااااااااش سنية

عشان لو قلبت عليك،الغابة كلها مش هتنفعك .....بما فيهم الاسد .

[عاشق الصداقه 525]

ههههههههههههه ..

حاضر يا سنيه يا مفتريه :dance3[1]:

انا عاز رأى الناس .. نقوم الحرب ولا نعقد الصلح ؟؟

لأنى مقدر مدى الدمار اللى ممكن يحصل نتيجة الحرب دى ..

وكمية الخساير اللى حتكون .. وأنا أعقل منك ..

لكن الناس اذا وافقت .. إنتظرينى . . . ههههههههه

[عاشق الصداقه 525]

لكن الناس اذا وافقت .. إنتظرينى . حتتظبطى . . ههههههههه

 

محدش يعنى قال رأيه !! انا جاهز دلوقتى

[AMR DAWAM 7]

طبعا بلاش الحرب يا كرينكل

ولا يونكن تكون الحرب قامت واللى انت فيه ده اثار الحرب مع سنية ؟؟؟

ربنا يستر

*********************

[NADA 34]

هييييييييييييييييييييييييييييييييه

حرب بجد

الله نفسى اوى احضر حرب بين كرينكل وسنيه

يالا ياكرينكل انت ونجمتنا عايزين دم وقطع غيار

وانا طبعا مع نجمتنا الغاليه جدا

[BLACKDREAM 5]

النجمه الساطعه دوما في سماء منتدانا الغالي

والتي تبعث الدفء و الاحاسيس الجميله جدا

نجمهالكتب لا اعرف كيف امدحك لان الكلمات

يمكنان تكون خجوله و صامتهو غير قادره على

الشرح لن اقول سوى بارك لنا الله فيكي

[نجمة الكتب 5]

اخويا المبدع بلاك دريم بشكرك

 

كتييييييييييييييييييييييييييييييييييييييييييييييييييير على كلماتك المشجعة

 

...نورت موضوعي المتواضع... .

 

اختي الغالية ندى ، واضح انك بتحبي افلام الرعب..

 

مبسوطة بحرب بين احمد وسنية !!!!!!!!!!!!

 

 

ربنا يسترها ....بس الاغرب ان احمد كمان مبسوط... محرمتش يا احمد ؟؟؟

 

اسمع كلام عمرو واقصر الشر يا كرينكل انت مش قد سنية

[سبرتو 2]

انا مش عارف هوة اية اللى حصلة المرة اللى فاتت بلاش يا احمد تعملنا ثورة الحريم فى المنتدى احنا مش قدهم وهما كتااااااار قوى قوى وارجوك عاوزين نعيش فى سلام احنا ورانا عيال

[BLACKDREAM 5]

اختي الغاليه نجمه الكتب موضوعك بجد شرفني و شرفني اكتر اني ارد عليه

ربنا ما يحرمناش منك يا رب ابدا و يخليكي جنبنا بس تتزوجي يعني مش عايزين

نكون السبب في عنوستك بئا و تيبيلنا نجمات ظغنطنيين اوي و ينورو المنتدى

[:: نبـ القلم ــض :: 8]

اية ياجماعه انتم كلكم على نجمة الكتب

 

 

ما بتصدقوا انا عارفه

 

 

أحم أحم....نحن هنا

 

 

أن غاب القط العب يافار!!!!!!

 

 

كله يثبت ويرجع مكانه يلا

 

مش كفاية الحروب اللى بره حرب هنا كمان

 

كفاية بقى!!!!!

 

ولا احنا دايما كده نحول الاحساسات والمشاعر الجميلة لحروب شرسه

 

.........

 

جميلة بجد يانجمة الكتب ...واحساسك جواها فوووووق الوصف

 

كفاية اننا لما بنقرأها أى حزن جوانا بيطلع.... بجد خففت عننا كتير

 

........

 

وليا تعليق بسيط لو سمحتولى ياجماعه بعد اذنكم طبعا

 

ليه بتخرجوا بره الموضوع المكتوب ؟؟؟

 

ارجوكم ما تحولوش الموضوع لشات !!!

 

والردود تكون فى صلب الموضوع

 

عشان اللى يقرأ الموضوع بعدكم يستفيد من قراءة الموضوع والردود

 

.........

وللمرة الثانية رائع يانجمتنا الحبيبة ...وامتعينا بالمزيد

 

........

 

علمتنـــــــــــى الحيـــــــــاة أن

 

أصعــــــــــــــب أنواع البكـــــــــاء

 

**هـــــــــــــــــو**

 

الضحـــــك وقــــــت المحنــــــــة

[BLACKDREAM 5]

انا حسيت ان الصوره اصبحت بالابيض و الاسود

فلا يوجد الوان سوى لون المطر و لون السماء

و اما الباقي فاصبح مجرد صورهجامده لا روح فيها

و حتى الطيور اصبحت بالابيض و الاسود يااااه

فالنتخيل هذا الموقف العجيب على فكره انا

حصل معايا موقف قريب من الموقف دا بس

كان نتيجه جرح و بجد مافيش اي لون سوى الرمادي

و الابيض و الاسود فقط

[Shetos 2]

رائع وبديع للغاية نجمة الكتب..

 

إسلوبك رائع فعلاً..

 

وأتفق تماماً معكى أختى نبض القلم...

 

الطيب أحسن يا كرينكل..

[bads ahmed amer 0]

بجد أسلوب جميل ورائع وإحساس عالى جدا

 

 

 

ومشاعر صادقة وكأنها ليست قصة

 

 

 

وإنما تجسد حقيقة حدث

 

 

 

حدث بالفعل وتم وصفه بصورته الحقيقة وبعبارت جميلة ومشاعر صادقة وإحساسى راقى وعالى جدا

 

 

 

 

ماشاء الله

 

 

 

 

بارك الله فيكى

 

 

 

 

 

 

 

 

 

 

بدس أحمد عامر