يوم فى المنتدى

[:: نبـ القلم ــض :: 8]

السلام عليكم ورحمة الله وبركاته ....

 

 

ليا كام يوم كده ادخل على المنتدى ألاقيه نايم شوية ...

 

 

ما برضاش أصحيه وأخرج على طول .... ههههههه بايخة .. مش كده ..

 

 

 

المهم قولت تعملى ايه يا عاشقه القرأن عشان المنتدى يصحح شوية ؟؟

 

 

قولت أعمله كوباية نسكافية بلاك وتكون دوبل واشربها له عشان ما ينامش تانى ... هههههه برده با يخة ...

 

 

لأ ندخل فى الموضوع بقى كفاية كده ...

 

 

الموضوع وما فيه إن احنا كل واحد مننا "النا هنا ضمير عائد على السادة الأعضاء والسادات العضويات"

 

 

هيحاول يألف لنا يوم داخل المنتدى ممكن تكون اليوميات دى خيالية أو رمزية "أخت رمزى" أو حتى حقيقية ...

 

 

تسألونى تقولولى إزاى ؟؟

 

 

طبعاُ أنا مش هعرف أرد .. أقوم حاذفه الموضوع ومريحه نفسى ... !!!

 

 

ولا أقولكم شوفوا المشاركة الجاية وأنتوا تفهموا ...

 

 

فاصل إعلانى .... ونعود

 

 

.................................

مازلت أبحث عن عناقيد العنب

فى عالم ما زال يعتصر اللهب

ما زلت ألبس كل جلدى المتحترق

أجتاز لافتة النهاية للبدايه فى غضب

وأعيد حلما قد سرق

أبى اختزالى فى نفايات الحطب

[:: نبـ القلم ــض :: 8]

اليوم الاول....***المنتدى بيغرق يا رجاااااااله***

 

 

انا كنت نايمة فى امان الله فى قسم الشعر والادب

 

 

وبعدين سمعت صوت الماية وهى نازلة اتخضيت قمت من النوم مفزوعة

 

 

بجرى رحت واقعة على الارض بس ماهمنيش قمت اجرى تانى ** احنا ناس مخلصه**

 

 

وفتحت الباب لقيت منتدى الحوار العام الماسورة بتاعته مكسورة

 

 

 

ولقيت الماية هتدخل عندنا طلعت اجرى وجبت قماشة وربطت الماسورة **معملتش حاجة والله **

 

 

 

طلعت برة **لعاشق الصداقه** قولتله الحقنى الماسورة مكسورة قالى وانا مالى انا بس بحرس المنتدى.

 

 

 

قولت وانا مالى والله لسيبة الماسورة وكمان فكيت القماشة اللى ربطها ورحت نايمة تانى وسبيت بقيت الاقسام تتغرق. **ولا بيهمنا **

 

 

 

بس اللى عمل كدة مش هيفلت مننا**على مين دا حنا جدعان قوى**

 

 

.........................

 

مازلت أبحث عن عناقيد العنب

فى عالم ما زال يعتصر اللهب

ما زلت ألبس كل جلدى المتحترق

أجتاز لافتة النهاية للبدايه فى غضب

وأعيد حلما قد سرق

أبى اختزالى فى نفايات الحطب

[عاشق الصداقه 525]

هههههههههههههههه

 

يخرب عقلك يا عاشقة القران ..

 

موضوع جمييييييييل جداً .. وانتظرى يوميات منى .. هتعجبك قوى ..

 

ايه الاجرام ده يا مشرفتنا .. استنى بس .. اتقلى تاخدى يوم نضيف

[:: نبـ القلم ــض :: 8]

أشكرك يا أحمد ... الحمد لله انه عجبك ... عايزة أشوفك بتتنطط فى المنتدى

 

 

منتشر فى جميع الاقسام...بس بالراحه عشان فى ناس نايمه**هسسسس**

 

 

اليوم التانى ليا فى منتدايا الغالى....

 

 

انا كنت زهآنه شويه قلت اروح المنتدى اقعد مع أختى الحبيبة (نجمة الكتب )

 

 

واسلم على اختى الغالية (مريم بنت عمران)..

 

 

اعدت اخبط على الباب محدش بيرد عليا انادى برضه محدش بيرد عليا ...

 

 

استغربت شويه و قلبى اتنفبض ...فضلت امشى من هنا لهنا... ولا فيه اى حد.. فجأة النور اتقطع ...

 

 

وطلع لى كلبين سود كبار ..

 

 

جريت وناديت على أستاذى صناع الحياة (عبد الله يا عبد الله)...لقيته نايم فى آخر المنتدى وحاطت البندقيه تحت دراعه

 

 

خايف لحد يتسلل على افكارنا وحنا نايمين ...** بس هو قال يريح خمستين**

 

 

فضلت اجرى لحد ما كل الورق اللى كنت هقدمه لاستاذا (ابو تسنيم ) علشان المسابقه بتاعه التنمية البشرية وقع منى على

 

 

الارض ...حاولت اجيبه فى الضلمه معرفتش

 

 

فضلت اجرى وانادى .. محدش سامعنى .. وكل الابواب مقفوله ..

 

 

وتعبت .. وكنت خايفه اوى.. وقلت خلاص بس اخرج من هنا ومش هدخل المنتدى دة تانى..

 

 

 

ومرة واحدة لقيت واحد من بعيد او واحدة معرفش الدنيا ضلمه ...

 

 

 

زى ما يكون شبح ... وسمعت صوت مرعب بينادى عليا ... لفيت علشان ارجع

 

 

 

المنتدى لقيت حيطه عاليه ... وبلف تانى لقيت الشبح بيقولى...

 

 

 

انتى مين؟؟؟

 

 

 

قولتله انا عفريته منتدى يلا يا شباب

 

 

 

قالى امال انا ابقى مين ان شاء الله؟؟؟

 

 

قولتله وانا ايش عارفنى سيادتك يعنى!!!!

 

 

وبعدين سمعت صوت تانى قريب من ودنى بيقولى

 

 

عاشقه اصحى يا ياعاشقة القرأن نايمه وسايبه النت مفتوح مش حرام عليكى..

 

 

 

بسم الله الرحمن الرحيم اللهم اجعله خير هوة كان حلم طب الحمد لله...

 

 

...........................

 

 

مازلت أبحث عن عناقيد العنب

فى عالم ما زال يعتصر اللهب

ما زلت ألبس كل جلدى المتحترق

أجتاز لافتة النهاية للبدايه فى غضب

وأعيد حلما قد سرق

أبى اختزالى فى نفايات الحطب

[عاشق الصداقه 525]

ههههههههههههههههههههههههههه

 

قولتله انا عفريته منتدى يلا يا شباب

 

صدقتى يا عفريتة المنتدى ..

 

والله رائعه

[AMR DAWAM 7]

رائعة بجد يا عاشقة

مواضيعك كلها جديرة بالتقدير

**************************

[AMR DAWAM 7]

وفى احد ايامى مع المنتدى

 

كنت عازم زمايلى كلهم اللى هما مش اعضاء فى المنتدى

علشان افرجهم على صرح ياللاياشباب العريق

 

ودخلت بقى واول حد قابلته مين سبرتو وياريتنى ما قابلته

 

عرفته طبعا عليهم وعرفتهم عليه

 

وطبعا لازم نعمل واجب مع الضيوف

فقام البطل الشهم سبرتو

وقاللى خليك انت مع ضيوفك وانا هعملك احلى غدا تتشرف بيه قدام زمايلك

 

وطبعا زى ما احنا متعودين من الشيف سبرتوا يعملنا اكل لا يقاوم فى الشكل والرائحة

 

انا اقولكم بصراحة اول حد ما مسكتش نفسى واكلت من الاكل

وياريتنى ما اكلت

واذا بوعكة غريبة فى الامعاء

آآآآآآآآآآآآآآآآآآآآآآآآ ه

منك للى اكلت دراع جوزها يا سبرتو

ومين كان داخل بقى بالصدفة فى نفس الوقت

اختى اسماء

وطبعا كانت هتتجنن عليا

اه امال ايه دا انا ماما موصياها عليا

وهى التى اكتشفت ما الذى فعله العبقرى العالم الكيميائى الشيف سبرتو

 

طبعا سبرتو بيك

بدل ما يضع بالطعام ملح NaCl نسى ووضع KCl

وانا اللى كنت هبقى الضحية بس الحمد لله ربنا ستر والاسعافات الاولية فى المنتدى جاهزة تمام

 

بس انا عازره اصله مش كان لابس النضارة

وتقريبا كان بيعمل الاكل فى المعمل

الكيمياء جننته معلش

وطبعا مش هقولكم سبرتوا شرفنى اد ايه امام اصدقائى

 

وادور بعدها على كرينكل

آل ايه عنده اجتماع فى الجروب

 

ولا ابو تسنيم

سافر باريس يشترى ملابس لتسنيم الامورة

 

وعاشقة القرآن ربنا رزقها بعيانين فى العيادة لاول مرة

وطبعا مش هقولكم مين تانى عيان راحلها فى العيادة

 

واينور كانت بتتفسح مع خطيبها

 

واللى كان عنده مزاكرة

 

يعنى ما كنتش لاقى حد خالص

 

*********************************

[ABOTASNEEM 117]

صباح الفووووووووووووول يابلاك دريم

انا رجعت امبارح من السفر وانت نايم ومرضيتش اصحيك

لانه كان شكلك تعبان جدا وانت نايم

شكلك طالع عينك فى المنتدى " ربنا معاك "

 

******

عمرو بيه دووام

ايه الحلاوة دى ، يعنى مش هتبطل حركاتك القرعة دى انت والعفريتة اللى اسمها عاشقة القرأن دى

شغالين تضيفوا فى المواضيع الحلوة الى بجد بتعمل refresh للمنتدى وواكلين المنتدى

" قطيعة محدش بيكلها بالساهل "

 

******

بقولك صحيح يا واد ياأحمد عمارة

مشوفتش ADMIN بتاعنا " كرنكوووووول "

 

*****

- انا جاى

 

- ياريت كنا افتكرنا .....

اهو جيه اهو

على فكرة انا زعلان منك قوى ياكرنكول

علشان انت نفضت لعاشقة القرأن ومعبرتهاش لما قالتلك على المسورة المكسورة فى منتدى الحوار العام

وعلى فكرة بقى احنا فى منتدى التنمية البشرية معندناش ميه من اساسه

وكلنا عطشانين خالص وكمان 3،4 مواضيع من غير ما حد يدخل ويقرا ويسيب ردوده ويضيف مواضيع وكلنا هنموت بجد

 

*********

منتدى التنمية البشرية صائحا : " الحقووووووووووووووووووووووووووووووونا "

[:: نبـ القلم ــض :: 8]

أصعب يوم ليا فى المنتدى "عيادتى ممتلئة بالمرضى "

 

 

وااااااااااااااااااااااااااو...كل دووول مرضى **ليا لوحدى **...استعنى على الشقى بالله

 

 

عنيا كانت بتلمع ... لبست البلطو...ومسكت السماعه...برستييييييج برده..والله لايق عليكى الدكترة يابت يا عاشقه

 

 

لسه بحط رجلى لقيت النرس بتقولى الحقييييييييييييييييييييينا **يادكتورة ** العياده مليانه قوى النهارده ...الجماهير بانتظارك

 

 

بصيت كده وقولت فى نفسى اصبرى يا عاشقه لسالك تكه وصورتك تنزل فى الجرايد والمجلات

 

 

أصل بعيد عنكم انا اخترعت اسلوب جديد فى العلاج هقولكم عليه الوقتى بس اصبروا

 

 

وطبعا اللى شجعونى أخواتى فى الكار **نجمة الكتب **ومريم بنت عمران**

 

 

وفجأة لقيت ناس بتنده عليا وجاين جرى عليا

 

 

فقولت : مين .. مين اللى بينده ..

 

 

 

ايوه يا دكتورة احنا ... أعضاء المنتدى .

 

 

أه ...ياهلا ياهلا... خير أن شاء الله فى ايه ..؟

 

 

لأ مفيش بس معانا عضو جديد كانت حياته ضايعه قبل ما يعرف منتدى يلا ياشباب ومكنش لاقى لحياته معنى

 

 

فرمى نفسه من فوق السطح كان بيحاول ينتحر فوقع على رجليه اتكسرت ...

 

 

اه .. طيب هاتوه جوه ..

 

 

فعمرو دوام قالى ممكن كلمتين على جنب كده يا دكتورة

 

 

 

أيوة ياعمرو ... أأمر

 

 

 

بقولك يا دكتورة هو إيه موضوع الناس اللى بتهرش بره دى ؟؟

 

 

 

لأ...أأأأأأأأه....أصل أنت مش واخد بالك ... ده اسلوب علاج جديد "طب بديل يعنى " بس إيه بالهرش .

 

 

وده بيجيب نتايج كويس .

 

 

 

طبعاً .. طبعاً .. أنت مش شايف الناس اللى شغالة هرش بره ..

 

 

 

(العضو الجديد) مش فاهم حاجة انتوا عمالين ترغوا وسيبنى ..

 

 

عملت فتكه وقولتله : اخرس يا ولد ..

 

 

 

اهرش كده .. قصدى اكشف عن رجلك كده ..

 

 

 

(عضو جديد) مع انى برده مش فاهم حاجة بس حاضر ..

 

 

 

لأ بسيطة إن شاء الله ده مجرد كسر بسيط .. بوص أنا هأستخدم معاك أسلوبى الجديد فى العلاج بالهرش

 

 

 

(عضو جديد) : هرش !! .. هرش إيه ؟؟ لاااااااااااااا أنا مش عايز أتعالج خلااااااااااااااص.

 

 

 

أقعد يا ولد هو بمزاجك ولا إيه هو دخول الحمام زى خروجه ... خدوه على الهراشه

 

 

 

(عضو جديد) : لااااااااااااااااااا مش عايز أموت مهروش ألحقونى .. ألحقونى .. أنت ياعم عمرو دوام انت

 

 

 

مش أنت اللى جايبنى هنا .. ما تخلصنى

 

 

 

عمرو دوام: معلش يا زمل كان بودى اساعدك بس معلش بقى ..لازم أهرب قبل ما الدكتورة عاشقة القرأن تأمر

 

 

بأخذى أنا كمان على الهراشة ... سلااااااااااااااااااااااااام

 

 

فقعدت ازعق بصوت عالى وأقول امسكووووووووووووووووووووو عمرو دوام....أياك يفلت من ايدكم .

 

 

**هتروح منى فين ... الهراشه فى انتظارك **

 

 

--------------------

مازلت أبحث عن عناقيد العنب

فى عالم ما زال يعتصر اللهب

ما زلت ألبس كل جلدى المتحترق

أجتاز لافتة النهاية للبدايه فى غضب

وأعيد حلما قد سرق

أبى اختزالى فى نفايات الحطب

[AMR DAWAM 7]

احلى يوم مر علينا فى المنتدى

يوم عيد ميلاد سبرتو

طبعا كالعادة تبرع سبرتوا انه يعمل لنا كلنا اكله تمام لاننا اهتمينا بيوم عيد ميلاده

ودخل المطبخ

وبقينا كلنا نشم رائحة الاطعمة الشهية

وطبعا كنا كلنا بابا حنضل وابو تسنيم وطبعا تسنيم اول واحدة قدمت لسبرتو الهدية

وكلنا قدمناله هداية ماعدا واحد مش هقول عليه

المهم كنا قلنا موجودين وسعداء جدا باللمة الجميلة كنا طبعا فى بيت العيلة اوسع منتدى

منتدى الحوار العام

وكنت عمال اسال على حنضل وماحدش فاهم انا بسال ليه

وماحدش عارف هو فين

واحمد كرينكل كان متاخر لان عنده زحمة مواصلات فى منتدى البرامج والكمبيوتر

 

المهم فجاة سمعنا صوت آاااااااااااااااااااااااااااااااه

قادم منين ؟

من المطبخ

جرينا جميعا فى ذعر ناحية الصوت خوفا من ان يصاب سبرتو باى اذى

ولكن المفاجاة كانت افظع

وجدنا اكثر من نصف الطعام مقضى عليه

وملقى على الارض عمو ووووووووووووووووو

حنضل

هههههههههههههههههههههههههه

ما هو السبب

لازم يتهرب وياكل كتير

وطبعا عاشقة القرآن مش هتعدى الفرصة واخدته على الهراشة

*****************************************************

[BLACKDREAM 5]

و اللهي انبارح يا ابو تنسيم كنت بخش المنتدى بس مش راضي بيكتبلي خطا في السيرفر

 

يعني ما كنتش نايم بس مش عارف يمكن المنتدى كان غرقان شويا من الميا اللي سكبتها

 

اختنا عاشقه و زاد عليها اخويا و حبيبي عمرو دوام الغالي حنعمل ايه بئا لازم ينفضوا شويا

[:: نبـ القلم ــض :: 8]

أخى **ابو تسنيم**..** وعمرو ** ** وبلاك دريم**

 

 

منورين بجد موضوع يوم فى المنتدى

 

 

 

وبجد عجبتنى كتير يومياتكم

 

 

وسامعه **خير اللهم اجعله خير ** حد عاوزنى احطه على الهراشه

 

 

على العموم محدش هيتعتق منها ...دى بقت زى التطعيم اجبارى على الكل

 

 

مصل وقائى ...بس والله مجانى ...انا عارفه الكل هيجرى عليها اول ما قولت مجانى

 

 

يلا ادينا بنعمل ثواب ....

 

 

الى اهالى المنتدى الكرام .....الى اهالى المنتدى الكرام

 

 

الحقوا اطعموا ياخبر النهارده ببلاش بكرة يبقى بفلوس!!!!

 

 

لكل واحد هيعد على الهراشة كيس مسحوق هديه

 

 

افتح الكيس ---------------- مش هتلاقى حاجه!!!!!

 

 

هى دى المفاجأة بتاعتنا!!!!! ----احنا التميز!!!

 

 

شوفت ازاى معانا هتحس بفرق!!!!

 

 

الحقوا العرض قبل ما يخلص!!!!!

 

 

اوعوا تنسوا مع الهراشة هتبدا حياة جديدة!!!!

 

 

مش شايفه حد يعنى ناوى يضحى ويعقد عليها!!!!!

 

....................

 

 

انتظروا منا يوميات جديدة

 

 

زرونا تجدوا ما يسركم )

 

 

..........

علمتنـــــــــــى الحيـــــــــاة أن

 

أصعــــــــــــــب أنواع البكـــــــــاء

 

**هـــــــــــــــــو**

 

الضحـــــك وقــــــت المحنــــــــة

[سبرتو 2]

احلى يوم ليا فى المنتدى كان يوم القضاء على الدكاترة لانى من زماااااااااااااااااان مش بحب الدكاترة باى شكل من الاشكال بداية من الاطفال لغاية دكاترة البحث الجنائى وتحديد نوع الرصاصة اللى فى القتيل

 

 

المهم

تجمهر غريييييييييييييب

 

 

 

 

زحمممممممممممممممة

 

 

 

وناس كتييييييييييييييير

 

 

 

واستفتاء هااااااااااااااام جدا جدا

 

 

 

 

طباخ السم لازم يدوقة

 

 

 

وكان الاختيار الوحيد فى الاسفتاء

 

 

 

 

الاجابة بنعم

 

 

 

 

 

او ايوة

 

 

 

 

 

المهم

بعد موافقة الاعضاء ( شهود زور طبعا )

 

 

 

 

 

 

 

مجموعة مرضى وقع عليهم العقاب ( الهراشة ) برضة مشترينهم بفلوس

 

اصلى الاستفتاء اية غير نصابين وشهود زور وشوية حاجات فوق بعض

 

 

 

 

 

 

المهم الجميييييع وافق بتوقيع اقصى العقوبة على الدكتورة

 

 

 

عاشقة القرأن

 

 

 

 

بالهرش المؤبد لما تضرر بالاعاضاء من اضرار نفسة ومعنوية وحاجات كاتيييييير يا بوى ما تعدش

 

 

 

ونظرا لتهربها من التجنيد

 

 

ونظرا لتغيير اسمها

 

 

 

قرر السادة اعضاء المنتدى بالاشغال الشاقة المهرشة

 

 

اصدى باستخدام الهراشة تلات مرات يوميا

 

 

 

ويجعلة عاااااااااااااااااااااااااااامر ودة كان اول يوم من الاسبوع دون

[BLACKDREAM 5]

يا سبرتو لو سمحت اعمل تعديل في مشاركاتك ما تضيف مشاركه على مشاركه

 

اجمل يوم ليا لما رجعت المنتدى وحسيت كاني روحي رجعتلي حسيت بان المنتدى

 

بينتظرني حسيت بان اخواني الاعضاء محتاجيني جنبهم حنيت و رجعت ائلهم اني

 

معاهمو بجنبهم و رحي كانت بتحرسهم و لو انا كنت بعيد شويا

[سبرتو 2]

ايوة يا يامن انا فاهم قصدك بس هى كانت كتبت الموضوع وانا كتبت الرد دة من يومين وهى لما مش جتانا بعتلها نداء انها تحضر عشان الحساب دة كل الى فيها

[:: نبـ القلم ــض :: 8]

هههههههههههههههههههه

 

هو اللى هنعمله فى الناس هيطلع علينا ولا ايه؟؟؟

 

على العموم دى محاكمه زور

 

و أنا متاكده أن القضيه دى هخرج منها زى الشعره من العجين

 

انا ورايا ناس تاكل الزلط

 

وهقوم اكبر محامين ليا فى المنتدى

 

وهتقدم بجميييييييييع المستندات والاوراق والاثبتات والادله

 

لقاضى محمكه يلا ياشباب وهو هيحكم بنفسه

 

وعلى فكرة يا سيبرتو

 

متحاولش تتمسك بالقضيه دى لان قضيتك دى خسرانه خسرانه

 

واللى يجى على الدكاترة ميكسبش ابدا!!!!!!

 

وانا عن نفسى هسامحك لاننا فى الاخر اخوات والدم عمره ما يبقى مايه برده

 

ومفيش اخوات بيقفوا قصاد بعض فى المحاكم!!!!!

 

وسمعونا زغروته بقى بمناسبه مصالحتى على اخى سيبرتو

 

اليوم ده كان صعب قوى حرام عليك

 

رجليا ورمت من كتر اللف على المحاكم

 

بس فى الاخر بقى حلو لانه انتهى بفرحه وتصالح

 

ياريت كل الايام يكون فيها تسامح وتصالح كده

 

انتظرونــــــــا مع يوم جديد من ايام المنتدى

[سبرتو 2]

كدة المفروض انتى كنتى دخلتى حقوق لان انتى لفيتينا كلنا فى الكلام وضضيعتى الحكم طيب يا عم انا مسامح بس فى اعضاء تانى كتييييييير مش عارف هيسامحو ولا لا

 

 

 

واجمل يو عندى فى المنتدى لما رجعت ولقيت انة اهوش غال كويس افضل من شهر كامل كان المنتدى نايم فية كان بعد يامن وبو تسنيم وكمان رحل عمرو دوام وندا ومجموعة كويسة قوى قوى رحلت مشاغل طبعا ربنا معاهم

 

 

 

بس اهم شئ ان المنتدى ما سكتش

[NADA 34]

ااااااااااااااه

الحقونى همووووت

الحقينى يا دكتور حطينى عالهراشه بتاعتك

اصلى تعبانه اوى

مش عارفه مالى كده تقريبا حكم السن

الواحد خلاص بيخلص

بصى بقى يادكتور انا هجيب لحضرتك من الاخر

انا دماغى هتنفجر

وقلبى بيوجعنى خااااالص

ااااااه جنبى

لالالالالالالا بطنى مش عارفه بقى

ورجلى بقى يادكتور مقولش ليكى عاللى فيها

مش قادره اقف عليها

روحت لواحد كده قالولى عليه دكتور ماسك السماعه بقى وكده

معرفش عمل ايه!!! اعتقد الهراشه ارحم

وبعد كل ده كتبلى حقن وانا فضلت اعيط واقوله اخر مرة انا اسفه

يقولى لالالالالا ابدا

 

 

المهم يا دكتور انا صدعتك وجبتلك التعب

يالا علشان تتحطى معايا عالهراشه ومش ابقى لوحدى

هههههههههههههههههه

وهذا هو المطلوب ان كل الناس تشاركنى حالتى النفسيه والصحيه

وطبعا ده هيكون عملى كل واحد يجيلى بزياره

حتى لو قشر بصل انا قنوعه وراضيه............

[:: نبـ القلم ــض :: 8]

ههههههههههههههههههههههههه

أحمدك يارب أخييييييييييييييييرا زبونة زارت العيادة !!!!

أيوة كده نفعونا ايش حال عاملين اوكازيون !!!

 

الف مليووووووووووون سلامة عليكى يابنتى

بس بس اهدى خالص واستريحى كده

انتى باين عليكى زبونة متعبه وهتتعبينا معاكى

دفعتى حق الكشف الاول بره ولا اتصل بالسكرتيرة اطمن!!!!

أه مش عشان احنا حبابيب فى المنتدى يبقى خلاص !!!!

 

قولتلى بقى ايه اللى بيوجعك ؟؟؟

أمممممممممممممممممممم

دماغك وقلبك وبطنك ورجلك حته واحده !!!!!

أنتى لعبتى ايه النهارده ؟؟؟

لا لا شكلك بتدلعى عشان تاخدى جلسة هراشة هدية

 

على العموم بسيطه بسيطه متقلقيش انتى زى الفل

ده من كتر التنطيط طول النهار

 

جلستين من الهراشة وهتبقى تمام

واكتبى موضعين فى كل قسم من يلا ياشباب

3 مرات يوميا فطار وغدا وعشا

واوعى تتأخرى عن المنتدى عشان ميحصلش مضاعفات

 

وزرينى تانى فى العيادة بكرة

عشان اشوفك واطمن عليكى

وخدى الكارت بتاعى عشان توزعيه على اصحابك

يمكن اتشهر واخرج للنور بقى!!!!

[عاشق الصداقه 525]

هههههههههههههههههههههههههههه

 

يخرب بيت عقلك يا ندى انتى ونبض القلم وسبرتو ..

 

والله ضحكتونى جداً جداً .. بس يا نبض انتى نسيتى انها عاوزه تقعدك معاها على الهراشه ..

دفعتى حق الكشف الاول بره ولا اتصل بالسكرتيرة اطمن!!!!

أه مش عشان احنا حبابيب فى المنتدى يبقى خلاص !!!!

 

يخرب بيت كده .. طب والله خايف اجى يوم اكشف عند حد فيكم يا دكاترة المنتدى يطلع عينى بجد ..

يا ساتر يا رب .. ايش حال مكنا فريق عمل واحد .. الدنيا دى خلاص بقت ماديات وبس ..

شكلك ماشيه بالمبدأ بتاعى انا واصدقائى "النداله تقوى الصداقه" .. منتظرين باقى اليوميات لأنها جميييييييييييييييييله بجد

[رجل من الصحراء 36]

راحت فين المواضيع دي بس

[ali desoky 391]

 

بصراحه موضوع فظيع جدا

ايه الجمال اللي كنتوا فيه زمان ده؟؟؟

 

 

ياريت نلاقي يوميات جديده للمنتدي في ثوبه الجديد

منتدي ماركة 2010

 

 

ايه فيه يوميات جديده ولا احط انا يوميات؟؟؟

 

يللا منتظر يوميات دمها خفيف

 

ننافس بيها يوميات زمان