حوار بين 2008 وسنة 2009

[sindrella 26 0]

<script language="Javascript"></script> <script language="Javascript"></script>

ازيكم اخوتى واخواتى فى المنتدى وحشتنى موضوعاتكم المتميزة قوى

انا النهاردة حكتبلكم موضوع يمكن يون قديم وعدى عليه وقت كبير عجبنى وقلت لازم اعرضه عليكوا

حوار بين 2008 و2009

- فى يوم 31-12-2008م دار الحوار التالى بين 2008 و2009

 

"2008":ياااة ..انا بقالى 365 يوم قاعدة على العرش دة....طبعا انا

الملكة...مع انى ...مع انى حاسة انى بضعف يوم عن يوم وصحتى بتنقص كل يوم...!

 

"2009"هاهاها...ما تقلقيش يا "2008"كلها كام ساعة وهتنزلى من على العرش.

 

"2008":انتى بتقولى اية...ازاى؟!

دة انا 2008 احسن ملكة قعدت على العرش .. ومحدش يقدر يستغنى عنى..

دة الناس كلها من 365 يوم احتفلوا بيا وبقدومى وقعدونى على العرش دة!!

 

"2009":ايوة...بس انتى خلاص انتهيتى وهتييجى ملكة جديدة غيرك تقعد على العرش.

 

"2008":ازاى الكلام دة؟؟...دة انا ...دة انا...دة انا حتى كنت ملكة سعيدة على ناس كتير!

 

"2009":بس للاسف كنتى حزينة على ناس اكتر..

 

"2008": لأ طبعا ...انا متأكدة انى كنت سعيدة بدليل ان فى فترة حكمى

... اطفال كتير اتولدوا وناس كتير اتجوزوا وناس كتير رجعوا لربنا...وناس

كتير لقيت الى هى عايزة .....وناس كتير كانت عيانة وربنا شفاها... وناس كتير دخلوا

السجن والمجتمع ارتاح من مشاكلهم وبقى آمان...الخ.

 

"2009": ايوة ... بس انتى ناسية ان كمان فى ناس ماتوا وازواج انفصلوا

عن بعض وناس كتير ضلوا ... وناس ملقيتش شغل وطلبة كتير سقطت وناس كتير مرضوا

وناس دخلوا السجون ......الخ.

 

"2008": يعنى فكرك الملكة الجديدة مش هيبقى عندها كل دة؟؟

 

"2009": لالالا...الملكة الجديدة جاية ومعاها رسالة سلام...جاية

ومعاها بسمة على كل الوشوش...جاية ومعاها هدايا كتير لكل الناس...جاية

ومعاها التفاؤل فى الحياة ورجاءنا فى ربنا...والاهم من دة كلة انها جاية

ومعاها نونو صغير يتولد فى قلوب كل الناس من جديد..وهتحاول تصلح الى انتى

مقدرتيش تعملية...وترجع الفرحة والامل للناس من جديد..هتخفف المرضى وترد

الضالين..هتنجح الطلبة وتهدى المسجونين...

 

"2008": وياترى بقى هى هتعمل دة كلة مقابل اية؟؟

 

"2009": مقابل ان كل واحد يحط حياتة بين ايدين الله سبحانه وتعالى

... ويطلب منه المغفرة

وإنه يتولد فى قلبه التوبة بجد من جديد ويرشده فى حياته لطريق الهداية والصراط المستقيم

ويباركها...

"2008": ياااة...ياريتنى كنت عملت كدة من زمان..

"2009": إحنا دلوقتى فى اللى جاى ...لازم نبص للحياة بنظرة جديدة ومتفائلة

ونرمى كل اللى فات من احزان.

"2008": ياااة دى الساعة خلاص داخلة على 12..قوليلى بسرعة إنتى مين

 

ومين هى الملكة الجديدة؟؟

 

 

"2009":الملكة الجديدة تبقى

 

"انا" "2009" الى حتملى الدنيا محبة ورضا من الله سبحانه وتعالى....

 

"أنا" "2009" اللى ربنا بعتنى هنا وزود سنة كمان من عمر العالم علشان

يدينا كلنا فرصة جديدة للتوبة....

 

"أنا" "2009"اللى هحقق أمنيات ناس كتير....

 

"انا" "2009" اللى جوايا رسايل لناس كتير هوصلها لكل واحد....

 

"انا" "2009" اللى هحاول أبقى أحسن من السنين اللى فاتت...اللى أكلها الجراد....

 

"انا" "2009" اللى هجلس مكانك على العرش....

 

-وفى هذة اللحظة وقفت جميع عقارب الساعة على رقم 12..ووقعت معها

"2008"من على العرش وجلست "2009"وهى ملكة متوجة.."كللت السنة

بجودك وآثارك تقطر نسما"

[NADA 34]

2009": مقابل ان كل واحد يحط حياتة بين ايدين الله سبحانه وتعالى

... ويطلب منه المغفرة

وإنه يتولد فى قلبه التوبة بجد من جديد ويرشده فى حياته لطريق الهداية والصراط المستقيم

ويباركها...

"2008": ياااة...ياريتنى كنت عملت كدة من زمان..

"2009": إحنا دلوقتى فى اللى جاى ...لازم نبص للحياة بنظرة جديدة ومتفائلة

ونرمى كل اللى فات من احزان.

 

راااااائع و عودة جميلة إن شاء الله

 

ربنا يوفقك ,, موضوع هايل وبه الكثير

 

شكراً لك سندريلا

[«۞۩ أبو سليمان ۩۞» 179]

"2009": إحنا دلوقتى فى اللى جاى ...لازم نبص للحياة بنظرة جديدة ومتفائلة

ونرمى كل اللى فات من احزان.

 

رائع بجد اختي سندريلا

 

عودة رائعة

 

منتظرين ابداعاتك من جديد

 

تحيتي

[الرّام 173]

"2009": إحنا دلوقتى فى اللى جاى ...لازم نبص للحياة بنظرة جديدة ومتفائلة

ونرمى كل اللى فات من احزان.

.

.

.

 

" ربنا زود سنة كمان من عمر العالم علشان

يدينا كلنا فرصة جديدة للتوبة....

 

حلو الموضوع .. و بالرسمي ان شاء الله و بقدرة الله و باذنه كل الي جاي يكون خير و بركة

بارك الله فيك اختي

 

[على المرابط 13]

احسنتى اختى الفاضله

قسمتنى الى نصفين احسست انكى قمتى باسقاط السنين على الانفس

نعم صرت اكلم نفسى وارى انكى جعلتنى افعل دلك بطريقة ذكيه تحسب لكى جميل هدا الحوار

لو اننا نخاطب به انفسنا مع غروب كل يوم يمر وكل سنة تمضى من اعمارنا

افدتنا افادكى الله

لكى كل الاحترام

تم تعديل May 7, 2009 بواسطه على المرابط