:: نبـ القلم ــض :: قام بنشر July 14, 2007 قام بنشر July 14, 2007 السلام عليكم من وقت لأخر يجلس الانسان ويتحدث مع نفسه وفجأة ...تجده سعيد جدا رغم صمته وفجأة ....تجده حزين رغم صمته المره دي أحنا مش عايزين لحظة الحزن ...ولكن.. عايزين لحظة الفرح ..لحظة السعادة ... اللحظه دى متحققتش لسه... لكن انت نفسك انها تتحقق ومتأكد انها هتسببلك سعاده كبيرة لو اتحققت ده سؤال لكل عضو فى منتدى يلا يا شباب أيه إلي بتفكر فيه مع نفسك وبتحب تعمله ....وبتعمله فعلا بخيالك.... وبيخليك سعيد جدا ... وفرحان جدا ..رغم أنك بس عملته في خيالك ... من الاخر ايه ****ايه احــــــــــــــــــــــــــــلامك؟؟؟*** يا ترى أيه هيا اللحظة الحلوة الي عندك وكل ما تتخيلها تحس بفرحه وتتمنى انها تتحقق قدام عنيك ؟ مين يبداء ...؟ وممكن نقول لحظة حلوه تفرحنا كلنا ..ونحاول نشترك كلنا فى اللحظه دي ماشي .. ممكن أبداء أنا .. تخيلوا معايا ... بتخيل اني في مكان واسع جدا ... والجو لطيف مش برد ولا حر ... وفي الصباح الباكر تقريبا في وقت الشروق والمكان الواسع ده كل مساحة خضراء واسعه والناس كتير موجوده ....وكلهم فرحنين جدا وسعداء لان في حد عملهم حاجه فرحتهم وسعدتتهم وبيتكلموا عليه وفرحنين بيه واصوات فرحتهم واضحة ..وسعدتتهم بالشخص ده واضحة وبيدعولو كمان والي بيفرحني أني أكون أنا سبب الفرحة دي كلها ...وشايفه في عنيهم نظرة الفرح والسعادة الشديدة وسامعة أصوات فرحتهم ...وماشيه وسطيهم سعيده لانى عرفت أسعدهم واشوف الفرحه فى عنيهم ****أحب الناس إلى الله أنفعهم، وأحب الأعمال إلى الله عز وجل سرور تدخله على مسلم، أو تكشف عنه كربة، أوتقضي عنه ديناً، أوتطرد عنه جوعاً، ولأن أمشي مع أخي المسلم في حاجة أحب إلي من أن أعتكف في المسجد شهراً، ومن مشى مع أخيه المسلم في حاجته حتى يثبتها له، أثبت الله تعالى قدمه يوم تزل الأقدام، **** يا رب أعرف أحقق لحظة زي كده وما ذلك على الله بعزيز المرة اللى جاية ان شاء الله هقولكم على احلامى التى ليس لها حدود بس هسردها حلم حلم وأكيد كلنا لينا احلام كتييييييييييييير...ياريت كل واحد يقول حلم حلم على مشاركات متقطعه ويسرد لينا حلم واحد بس فى كل مشاركه عشان نشاركه الحلم ده ونفرح معاه وان شاء الله احلامنا كلها تتحقق يارب تكون الفكرة عجبتكم...ومكنش طولت عليكم -------------------- مازلت أبحث عن عناقيد العنب فى عالم ما زال يعتصر اللهب ما زلت ألبس كل جلدى المتحترق أجتاز لافتة النهاية للبدايه فى غضب وأعيد حلما قد سرق أبى اختزالى فى نفايات الحطب
:: نبـ القلم ــض :: قام بنشر August 26, 2007 الكاتب قام بنشر August 26, 2007 اللى بتمناه حاليا وبحلم بيه ونفسى يتحقق ألحق رمضان ***فاللهم بلغنا رمضان *** ............ علمتنـــــــــــى الحيـــــــــاة أن أصعــــــــــــــب أنواع البكـــــــــاء **هـــــــــــــــــو** الضحـــــك وقــــــت المحنــــــــة
مشرفي الأقسام NADA قام بنشر August 26, 2007 مشرفي الأقسام قام بنشر August 26, 2007 اجمل لحظه بتمناها تتحقق هى انى ارجع لربى واتوب اليه واتمنى ربنا يسامحنى ويرحمنى وكمان نفسى اوى بجد اشوفك انت والناس اللى بحبهم وطبعا اتمنى ان كل الناس تكون مبسوطه وكويسه ونهيأ نفسنا لاستقبال رمضان
:: نبـ القلم ــض :: قام بنشر August 26, 2007 الكاتب قام بنشر August 26, 2007 شكرا لمرورك الكريم ياندى ويارب يارب تحققى كل اللى بتتمنيه واحلامك كلها تصبح حقيقه وبشكرك تانى مرة لانك اول عضوة تشارك احلامنا وانتى دايما متميزة وعضوة نشيطه مش جديد عليكى ربنا يبارك فيكى يارب ها فى حد تانى بيحلم ولا ناوى يحلم يقولنا؟؟ ........... علمتنـــــــــــى الحيـــــــــاة أن أصعــــــــــــــب أنواع البكـــــــــاء **هـــــــــــــــــو** الضحـــــك وقــــــت المحنــــــــة
BLACKDREAM قام بنشر August 26, 2007 قام بنشر August 26, 2007 بصراحه انا انسان انطوائي على نفسي لسبب من الاسباب و حلمي بئا : اني اكون متمدد على شط البحر مع زوجتي و صوت البحر بيحكيلنا عن مغامراته و بيحكيلنا اسراره و الرياح تداعب شعر حبيبتي و يلامس وجنتينا برقه و عزوبيه لرائعه و النجوم تراها بتشع عشان هي بتضحكلنا يااااااااااااااااااااااااااااااااااه ممكن هو حلم سخيف بس حلم جميل اوي انك تكون مع شخص بتحبه اوي وبتفتكره دايما معاك
:: نبـ القلم ــض :: قام بنشر August 26, 2007 الكاتب قام بنشر August 26, 2007 يامرحبا بيـــــــــــــــــــــك يابلاك دريم معانا فى أحلامنا وحلمك مش حلم سخيف ولا حاجه ده حلم بيراوض كل انسان حد فينا ما بيحبش يحب ويتحب ويعيش لحظات هدوء وطمانينه مع اللى بيحبه يـــــــــــــــــــــارب يتحقق حلمك فى اقرب وقت وتسعد وتفرح مع الاشخاص اللى بتحبهم ويحبوك نحب نسمع احلام تانية جديدة وعجيبه ولو كانت بسيطه علمتنـــــــــــى الحيـــــــــاة أن أصعــــــــــــــب أنواع البكـــــــــاء **هـــــــــــــــــو** الضحـــــك وقــــــت المحنــــــــة
سبرتو قام بنشر August 26, 2007 قام بنشر August 26, 2007 انا بقى نفسى الف العالم كلة كلة حتة حتة ونبدأ من الوطن العربى وفى كل حتة يكون ليا واحد صاحب مش صاحب من بتوع اليومين دول لا صاحب بجد ونفسى كمااااااان يكون ليا شركة كبيييييييييييييييييييييييييييييييييييييرة قوى قوى مش قوى بس يعنى تكون من كبرى لاشركات فى الشرق الاوسط ويكون كل اللى فى الشركة كلهم كلهم متخرجين من كلية علوووووم ويعنى شوية كليات عملية ما فيش مانع وانى يكون شعار الناس اللى بععرفها كلها ابدا بنفسك
:: نبـ القلم ــض :: قام بنشر August 26, 2007 الكاتب قام بنشر August 26, 2007 منور الموضوع اخى سيبرتو ومنور الاحلام كلها وبجد حلم جميييييييييييل وانصحك بالتمسك بيه مهما واجهت من صعوبات احلى حاجه ان الانسان يحلم وحلمه ده يتحقق قدام عنيه وفعلا لو بطلنا نحلم نموووووووووووت يارب يارب تحقق كل احلامك وتنول كل اللى بتتمناه بس متنساناش معاك فى الشركه احنا طب بس ننفع فى كل حاجه ربنا يستر حد تانى عنده أحلام نفسه يحققها؟؟؟ فى انتظااااااااااار المزيد منكم لا تبخلوا علينا ان نشارك معكم لحظات فرحكم واحلامكم علمتنـــــــــــى الحيـــــــــاة أن أصعــــــــــــــب أنواع البكـــــــــاء **هـــــــــــــــــو** الضحـــــك وقــــــت المحنــــــــة
سبرتو قام بنشر August 26, 2007 قام بنشر August 26, 2007 عاوزين بقى نعرف انتى نفسك فى ايييييييية .؟؟؟؟؟؟؟؟؟؟؟؟؟؟؟؟؟
MOSTAFA_SHA3RAWY قام بنشر August 27, 2007 قام بنشر August 27, 2007 بصراحه مش عارف انا نفسي اعمل حاجات كتير اوي نفسي احقق احلام كتير انا احلامي ملهاش حدود بس اول واهم حلم في حياتي اني اذهب لاداء فريضه الحج اللهم بلغنا ايها اجمعين يارب العالمين ومشكوره اختي نبض القلم واتمني لك حياه سعيده وتحقيق كل احلامك ان شاء السميع العليم
عاشق الصداقه قام بنشر August 27, 2007 قام بنشر August 27, 2007 بجد بجد .. كفايه كتر ابداء اعجابى بمواضيعك .. لأنى بدورلك على اى موضوع مش حلو من يوم ما اتعمل المنتدى .. ونفسى الاقى أيه إلي بتفكر فيه مع نفسك وبتحب تعمله ....وبتعمله فعلا بخيالك.... وبيخليك سعيد جدا ... وفرحان جدا ..رغم أنك بس عملته في خيالك ... انتى جبتيها من الآخر .. اكتر حاجه بتحلينى كده بجد .. المنتدى اللى احنا فيه ده .. كتير جداً بقعد مع نفسى واحلم اشوفه كبييييييييييير قوى وبيفيد ناس كتييييييييييير قوى .. والكل بيشيد بيه ساعتها هحس انى قدمت حاجه مفيده للناس .. انا وكل اللى بيساعد فى المنتدى .. بحلم وحتى بيتريق عليا صديقى ابو تسنيم .. بإنى عامل حفله كبيره فى نادى كبير فى القاهره .. او قاعة مؤتمرات .. وكل اعضاء المنتدى النشطين موجودين .. وكمان مدعو ناس كتير .. ومنهم اعضاء اسرة ياللا يا شباب فى الجامعات المصريه واهالى اللى هيتكرموا من الاعضاء النشطين والمشرفين .. وتكون فى البدايه فى محاضرة تنميه بشريه للمحاضر ابو تسنيم .. وممكن تمتد لحاجات كتييييييييير .. وبتخيل كل يوم انى بقول كلمتى فى الاجتماع ده او الحفله دى .. واللى بتكون تحت ادارة واعداد فريق عمل ياللا يا شباب .. ويتكرم كل النشطاء .. واهاليهم موجودين ومبسوطين .. والجوائز تكون قيمه .. هيييييييييييه .. بس كفايه .. احسن انا سرحت بجد ربنا يحقق لكل واحد فينا احلامه
:: نبـ القلم ــض :: قام بنشر August 28, 2007 الكاتب قام بنشر August 28, 2007 منور أخى مصطفى وحلمك حلم جمييييييييييييل وكم نشتاق لبيت الله وزيارة الحبيب ...ونرجوا منك اذا سبقتنا تدعى لنا معك يارب تحققه وفى اقرب وقت أما عاشق الصداقة بقى فبجد حلمك كلنا لازم هنشترك معاك فيه وانا اول واحده بس على شرط تدينى الميك أكلم فيه شويه مليش دعوى ماما وبابا واخواتى هيكونوا موجودين عاوزة أحسسهم أن بنتهم مهمه فى البلد دى أمال ايه كنا كل ده بنلعب ولا ايه؟؟؟؟ وعاوزين جاتوا وحاجه ساقعه لو سمحت الناس مش هطخ المشوار وترجع على لحم بطنها!!!! وصورة جماعيه فى الاخر عشان تكون تذكار لينا كلنا وكفايه كده لانى انا اللى مخى ساح خالص
ABOTASNEEM قام بنشر September 8, 2007 قام بنشر September 8, 2007 الا ادلكم على درجة خيرا من درجة الصيام والقيام ... اصلاح ذات البين ومن ذلك ابدأ حلمى ان اكون رائد التنمية البشرية على مستوى العالم ونكون انا وكرنكل وعبدالله عرابى معانا مركز ياللاياشباب للتنمية البشرية ويضم 20 الف شخص فما فوق واسعد لحظات حياتى وانا القى محاضرة فى التنمية البشرية واتمنى ان يوفقنا ربنا جميعا الى ما يحبه ويرضاه ويرزقنا الاخلاص الى وجهه الكريم حتى نكون سببا فى رفعة الاسلام والمسلمين فى مشارق الارض ومغاربها ويأتى الاسلام لنا يوم القيامة ويقول يارب .. هؤلاء كانوا سببا فى عزتى فاللهم اغفر لهم وارزقهم الفردوس الاعلى رفقاء للحبيب المصطفى صلى الله عليه وسلم
المتحدية قام بنشر September 8, 2007 قام بنشر September 8, 2007 ربنا يوفقك لكل الخير يا د/ ابو تسنيم انا حلمي اني انجح في دراستي عشان افرح والدي واحسسه اني بنته اللي بيفخر بيها بجد .... واللي يكمل حلمي ده اني اشوف كل واحد وواحدة من الناس اللي اعرفهم ناجحين و متفوقين
ABOTASNEEM قام بنشر September 8, 2007 قام بنشر September 8, 2007 اشكرك اختى المتحدية واسأل الله ان يحققلك كل امالك
عاشق الصداقه قام بنشر September 9, 2007 قام بنشر September 9, 2007 ونكون انا وكرنكل وعبدالله عرابى معانا مركز ياللاياشباب للتنمية البشرية ويضم 20 الف شخص فما فوق سيكون .. بإذن الله .. وقد بدأنا السعى فى تحقيق حلمك وحلمنا حبيبى .. وفقنا الله واياكم لما فيه الخير لأمة سيد الانبياء والمرسلين محمد صلى الله عليه وسلم
Recommended Posts
انشئ حساب جديد او قم بتسجيل دخولك لتتمكن من اضافه تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديد♥ تسجيل دخول ♥
هل تمتلك حساب بالفعل ؟ سجل دخولك من هنا.
♥ سجل دخولك الان ♥