ABOTASNEEM قام بنشر July 15, 2007 قام بنشر July 15, 2007 قصة ذكاء بنت ... فى الاول هذة قصة قراتها فى موقع معين و عجبتنى اوى قلت لازم اخلى اخوتى الاعزاء يستمتعوا بيها زى ما انا استمتعت بها كان فى مرة ملك غنى اوى قال للناس الى حيجاوب على السؤال ده حديه كل حاجة هو عايزها و السؤال هو ايه اكبر شئ و ايه اكتر شئ .روح الخادم و كان قاعد يفكر فى السؤالين فشافته بنته و هو مشغول قالتله مالك قالها اللى حصل عند الملك قالته سهلة روح للملك و قوله اكبر شئ ارضك و اكتر شئ مالك .راح الخادم و قال للملك قاله الملك مين اللى قالك كدة قاله بنتى قاله روح قلها لابسة و ماهى لابسة ماشية و ماهى ماشية هدية و ما هى هدية راح الخادم و قال لبنته الكلام ده قالتله روح و هاتلى شبكة و جمل و لحمة و لبست الشبكة و ركبت الجمل و مسكت اللحمة فى ايديها و راحت للملك و قالتله اهو انا لبابسة و ما لابسة و ماشية بس مش على رجلى و هذة اللحمة انت تقبلها هدية او ما تقبلها . اعجب الملك بذكاء البنت جدا و طلب منها الزواج و تزوجوا و كان فى يوم عندهم خادم كان الملك عاطيه حصان هدية ففى يوم نسى ياكله فهاج الحصان فصحى الملك على صوته و طرد الخادم فمشى الخادم و هو حزين شافته الملكة و قالتله هات سنارة و اقعد فى الحديقة و اصطاد و لما يقولك الملك ايه اللى انت بتعمله قوله لو انت مش شايفنى الله شايفنى و حصل ذلك فعلا فقال الملك للخادم مين اللى قالك تعمل كدة قاله الخادم الملكة فزهق الملك من ذكائها . و راح و قالها بصى يا بنت الحلال احنا نطلق بالمعروف بس قبل ما تمشى اعمليلى كوباية شاى و خدى اغلى حاجة عندك معاكى قالتله ماشى فعملتله الشاى و حطتله فيه منوم صحى الملك لقى نفسه فى بيت الخادم ابو البنت فقال ايه اللى جابنى هنا قالتله مش انت قلتلى اخد اغلى حاجة عندى و انت اغلى حاجة عندى.........................
AMR DAWAM قام بنشر July 15, 2007 قام بنشر July 15, 2007 قصة ذكاء من الفتاة وغباء من الخادم وعجب من الملك لاسالته الغريبة الاجمل فى كل هذا انها منك انت حبيبى عمر ******************************************
عاشق الصداقه قام بنشر July 16, 2007 قام بنشر July 16, 2007 هههههههههههههههههههه جامده يا ابو تسنيم .. بس التثبيت لعب دوره فى الموضوع برضه ... الفن اللى انت بارع فيه
ABOTASNEEM قام بنشر July 18, 2007 الكاتب قام بنشر July 18, 2007 هههههههههههه مشكور حبيبى عمرو وكذلك انت حبيبى عاشق الصداقة
مشرفي الأقسام NADA قام بنشر July 22, 2007 مشرفي الأقسام قام بنشر July 22, 2007 حلوة مووووت البنات مش بتغلب ابدا ملحوظه(بتغلب بفتح اللام) جميل اوى يا ابو تسنيم
ABOTASNEEM قام بنشر July 22, 2007 الكاتب قام بنشر July 22, 2007 اشكر مرورك ندى وعلى فكرة على حسب البنت نفسها مش اى بنت مش بتتغلب ، ولا إيه ؟
مشرفي الأقسام NADA قام بنشر July 22, 2007 مشرفي الأقسام قام بنشر July 22, 2007 انا بس احب الفت نظرك لاننا بنقول حاجات كتيرة هى اكيد مش منطبقه عالكل لكن اكيد الغالبيه وممكن يكون الكل اتمنى تكون فاهمنى
تقوى القلوب قام بنشر July 30, 2007 قام بنشر July 30, 2007 ههههههههههههههههههههههههه قصة جميلة وفعلا بنت ذكية اوى
أحمد سيف قام بنشر June 16, 2008 قام بنشر June 16, 2008 بجد قصة رائعه بس انا مش فاهم حكاية لابسه وماشيه وهديه حد يفهمني
مشرفي الأقسام الجندى المجهول قام بنشر February 13, 2009 مشرفي الأقسام قام بنشر February 13, 2009 قصه رائعه من عضو مؤثر
Recommended Posts
انشئ حساب جديد او قم بتسجيل دخولك لتتمكن من اضافه تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديد♥ تسجيل دخول ♥
هل تمتلك حساب بالفعل ؟ سجل دخولك من هنا.
♥ سجل دخولك الان ♥