ABOTASNEEM 117 قام بنشر July 15, 2007 قصة ذكاء بنت ... فى الاول هذة قصة قراتها فى موقع معين و عجبتنى اوى قلت لازم اخلى اخوتى الاعزاء يستمتعوا بيها زى ما انا استمتعت بها كان فى مرة ملك غنى اوى قال للناس الى حيجاوب على السؤال ده حديه كل حاجة هو عايزها و السؤال هو ايه اكبر شئ و ايه اكتر شئ .روح الخادم و كان قاعد يفكر فى السؤالين فشافته بنته و هو مشغول قالتله مالك قالها اللى حصل عند الملك قالته سهلة روح للملك و قوله اكبر شئ ارضك و اكتر شئ مالك .راح الخادم و قال للملك قاله الملك مين اللى قالك كدة قاله بنتى قاله روح قلها لابسة و ماهى لابسة ماشية و ماهى ماشية هدية و ما هى هدية راح الخادم و قال لبنته الكلام ده قالتله روح و هاتلى شبكة و جمل و لحمة و لبست الشبكة و ركبت الجمل و مسكت اللحمة فى ايديها و راحت للملك و قالتله اهو انا لبابسة و ما لابسة و ماشية بس مش على رجلى و هذة اللحمة انت تقبلها هدية او ما تقبلها . اعجب الملك بذكاء البنت جدا و طلب منها الزواج و تزوجوا و كان فى يوم عندهم خادم كان الملك عاطيه حصان هدية ففى يوم نسى ياكله فهاج الحصان فصحى الملك على صوته و طرد الخادم فمشى الخادم و هو حزين شافته الملكة و قالتله هات سنارة و اقعد فى الحديقة و اصطاد و لما يقولك الملك ايه اللى انت بتعمله قوله لو انت مش شايفنى الله شايفنى و حصل ذلك فعلا فقال الملك للخادم مين اللى قالك تعمل كدة قاله الخادم الملكة فزهق الملك من ذكائها . و راح و قالها بصى يا بنت الحلال احنا نطلق بالمعروف بس قبل ما تمشى اعمليلى كوباية شاى و خدى اغلى حاجة عندك معاكى قالتله ماشى فعملتله الشاى و حطتله فيه منوم صحى الملك لقى نفسه فى بيت الخادم ابو البنت فقال ايه اللى جابنى هنا قالتله مش انت قلتلى اخد اغلى حاجة عندى و انت اغلى حاجة عندى......................... شارك هذه المشاركه رابط المشاركه شار ك علي موقع اخر
AMR DAWAM 7 قام بنشر July 15, 2007 قصة ذكاء من الفتاة وغباء من الخادم وعجب من الملك لاسالته الغريبة الاجمل فى كل هذا انها منك انت حبيبى عمر ****************************************** شارك هذه المشاركه رابط المشاركه شار ك علي موقع اخر
عاشق الصداقه 525 قام بنشر July 16, 2007 هههههههههههههههههههه جامده يا ابو تسنيم .. بس التثبيت لعب دوره فى الموضوع برضه ... الفن اللى انت بارع فيه شارك هذه المشاركه رابط المشاركه شار ك علي موقع اخر
ABOTASNEEM 117 قام بنشر July 18, 2007 هههههههههههه مشكور حبيبى عمرو وكذلك انت حبيبى عاشق الصداقة شارك هذه المشاركه رابط المشاركه شار ك علي موقع اخر
NADA 34 قام بنشر July 22, 2007 حلوة مووووت البنات مش بتغلب ابدا ملحوظه(بتغلب بفتح اللام) جميل اوى يا ابو تسنيم شارك هذه المشاركه رابط المشاركه شار ك علي موقع اخر
ABOTASNEEM 117 قام بنشر July 22, 2007 اشكر مرورك ندى وعلى فكرة على حسب البنت نفسها مش اى بنت مش بتتغلب ، ولا إيه ؟ شارك هذه المشاركه رابط المشاركه شار ك علي موقع اخر
NADA 34 قام بنشر July 22, 2007 انا بس احب الفت نظرك لاننا بنقول حاجات كتيرة هى اكيد مش منطبقه عالكل لكن اكيد الغالبيه وممكن يكون الكل اتمنى تكون فاهمنى شارك هذه المشاركه رابط المشاركه شار ك علي موقع اخر
تقوى القلوب 12 قام بنشر July 30, 2007 ههههههههههههههههههههههههه قصة جميلة وفعلا بنت ذكية اوى شارك هذه المشاركه رابط المشاركه شار ك علي موقع اخر
أحمد سيف 3 قام بنشر June 16, 2008 بجد قصة رائعه بس انا مش فاهم حكاية لابسه وماشيه وهديه حد يفهمني شارك هذه المشاركه رابط المشاركه شار ك علي موقع اخر
ABOTASNEEM 117 قام بنشر February 13, 2009 اتمنى لكم الفائدة والعظة شارك هذه المشاركه رابط المشاركه شار ك علي موقع اخر
الجندى المجهول 37 قام بنشر February 13, 2009 قصه رائعه من عضو مؤثر شارك هذه المشاركه رابط المشاركه شار ك علي موقع اخر
