لو خيروك للدفاع عن قضيه (ما القضية التي تختارها) ؟؟

[ABOTASNEEM 117]

 

أســـ ع ـــــد اللــــــــه أوقـاتــكــمـ بـكــل الـخيـــــــــــر..،،،.

.

 

 

 

 

 

هناك الكثير من القضايا والمشاكل في مجتمعنا والتي تحتاج لوقفة رجال ونساء معاً لحلها أو دعمها او الدفاع عنها

.

.

.

يا ترى ماهي القضيه التي ستختارها وتجعلها قضيه حياتك؟

.

.

.

 

يمكنـ أنـ تكون قضيــــه إجتماعيه أو إقتصاديه أو حتى داخل منزلك ولو كانت شخصيه

 

لا بد أن توضح ما موقفك من القضيه وماذا تريد أن تقدم لها

 

 

أنـتــظـــر إطـــلالـتـــكــــم ومشاركتكم ـ..

 

 

[AMR DAWAM 7]

حبيبى عمر

موضوع جميل

 

ومش هقول بقى نفسى ادافع عن القضية الفلسطينية ولا عن العرب كلهم ولا اكون بطل مقاومة ولا كل شئ من ذلك القبيل

 

انا اتمنى انى ادافع عن قضية طلبة الجامعة الذين يواجهون سلطة مطلقة

 

وايضا الطلبة النشطاء لابد لهم من تميز عن الكسلاء وخاصة فى النشاط

 

اعتقد ان قضيتى لمسها الكثير منا بنفسه

 

 

نفسى بجد ابدا فى الدفاع عن هذه القضية لانى احد الذين واجهتهم وظلمتهم هذه القضية

*********************************

[einour 3]

اما انا عني فلو خيروني واعطوني السلطه والحق للدفاع عن قضيه كنت هدافع

عن قضيه منع الحجاب في الجامعات والمدارس والدوائر الحكوميه في تركيا

[ABOTASNEEM 117]

اشكر لكم مروركم وتفاعلكم مع الموضوع

 

*********

 

حقا حبيبى عمرو دووام

قضية مهمة جدا تلك التى تعوق طلاب الجامعة من مزاولة الانشطة الطلابية

داخل وخارج نطاق الجامعة

نأمل ان يتم حلها للمساعدة على تفجيير طاقات الشباب الكامنة

فيما هو هادف ومفيد

 

**********

 

الغالية على المنتدى

الشاعرة : آينور

لا ادرى ماذا اقول بشان هذه القضية التى تبنيتيها اختنا العزيزة

انها حقا قضية تدمع لها القلوب قبل العيون

 

ولكنى اتسآل متعجباً

ألسيت هذه حرية دينية

ان تلبسى الحجاب من عدمه

أليسوا هم من يطالبون بالحرية لتطبق فى كل انحاء العالم

 

لو ان الكرامة تعود مرة اخرى الى الاسلام - وإنها لعائدة - لما كان كل هذا .

 

ولكن تذكروا دائما قول سيدنا عمر بن الخطاب :

 

" نحن قوما اعزنا الله بالاسلام ، فان ابتغينا العزة فى غيره ازلنا الله "

 

فتمسكوا دائما بما امر به الاسلام قدر ما تستطيعون ،

واعلموا ان فرج الله قريب

[angel_of_mercy 0]

لو طلب مني الدفاع علي قضية هتكون قضية عبارة السلام

اللي غرقت السنة اللي فاتت ، يمكن قبل كده ماكنتش مهتمية بالحكاية دي لغاية

ماشفت فيلم تسجيلي عن الحادثة المروعة دي و سمعت حوار القبطان و مساعديه اللي

جابوها من تسجيلات الصندوق الاسود و اللي بتتخللها اصوات الناس و هي بتتشاهد

و دعاء من القلب لا من كل خلية في الجسم

اللي راح منهم راح و اللي لقوا جثته استقر في مقبرة جماعية

و اللي نجا شاف من الاهوال مالاينسي

ولكن الكثير منهم اصبح ارواحا تائهة

في غيابات البحر

[عاشق الصداقه 525]

شكراً للموضوع حبيبى ابو تسنيم ..

 

رائع بحق ..

 

وكل الردود جميله جداً جداً

 

وبالنسبه لرد أختى 'angel_of_mercy'

 

لو طلب مني الدفاع علي قضية هتكون قضية عبارة السلام

اللي غرقت السنة اللي فاتت ، يمكن قبل كده ماكنتش مهتمية بالحكاية دي لغاية

ماشفت فيلم تسجيلي عن الحادثة المروعة دي و سمعت حوار القبطان و مساعديه اللي

جابوها من تسجيلات الصندوق الاسود و اللي بتتخللها اصوات الناس و هي بتتشاهد

و دعاء من القلب لا من كل خلية في الجسم

اللي راح منهم راح و اللي لقوا جثته استقر في مقبرة جماعية

و اللي نجا شاف من الاهوال مالاينسي

ولكن الكثير منهم اصبح ارواحا تائهة

في غيابات البحر

 

فقد ذكرنى أيضاً بالقضيه التى انطوت أوراقها ..

 

فأحببت أن أتى لكم بالخبر .. وها هو الموضوع :

 

الآن الصندوق الاسود لعبارة السلام / صوت

لسه كاتبه .. علشان عيونكم ..

 

بالنسبه للموضوع ..

 

القضيه اللى أحب أناقشها ..

 

الشبــــــــــــــــــــــــــــــاب العربــــــــــــــــــــــــــــى .. إلى أين ؟؟

 

الشباب العربى وصل لإيه .. ويقدر يعمل ايه .. ونجح لأى حد ؟؟

 

أتمنى أشوف شباب عربى واعى بكل أمور الحياه .. مثقف .. محترف للغة العصر .. مخطط لنجاحه فى حياته .. إيجابى ..

 

له دور فى نجاح بلاده .. وفى رفع راية الاسلام ..

وتحياتى لكل من مر بالموضوع

[ABOTASNEEM 117]

الغالية على المنتدى angel_of_mercy

وروح الدعابة الخفيفة فى المنتدى

 

موضوع حقا يستحق اعادة التنويه عنه

 

ــــــــــــــــــــــــــــــــــــــــــــ

 

OUR ADMIN

ريســــــنا الغـــــــالى

 

تشريف لى وللموضوع ، مرورك الكريم

حبيبى عاشق الصداقة

 

وشاكريين على الرابط

 

وموضوع قضيتك " الشباب الوطنى الى فين ؟ "

قضية مهمة جدا وتنم عن روح انتماء عالية للوطن العربى وللاسلام

 

واعلم ان القضية بدأت تتحل بالفعل .. بوجود منتديات ياللاياشباب

 

والتى تضم شباب من خيرة شباب الوطن العربى والمسلمين

 

ونتمنى ان نكون سببا فى نصرة الاسلام والمسلمين فى كل مكان

[عاشق الصداقه 525]

متشكر جداً أخى وحبيبى وأستاذى أبو تسنيم ..

على كلامك الجميل ..

 

واعلم ان القضية بدأت تتحل بالفعل .. بوجود منتديات ياللاياشباب

والتى تضم شباب من خيرة شباب الوطن العربى والمسلمين

ونتمنى ان نكون سببا فى نصرة الاسلام والمسلمين فى كل مكان

آآآآآآآآآآآآآآآمين

 

ووالله ده هدفى ... وان شاء الله هدفنا كلنا ..

وربنا يقدرنا وفريق عمل المنتدى والأعضاء .. على تقديم ما يخدم تحقيق هذا الهدف ..

 

تحياتى العطره .. أستاذى ... وصديقى العزيز

[ABOTASNEEM 117]

شاكر جدا حبيبى العزيز

عاشق الصداقة

 

**********

 

وفى انتظار مشاركة باقى الاعضاء بقضاياهم

[ABOTASNEEM 117]

ايه ياجماعة ..

 

هى القضايا خلصت ولا ايه ؟؟

[تقوى القلوب 12]

لا انا هناقشلك قضية جديدة على المنتديات

القضية الاقتصادية

الموارد فى مصر ما شاء الله كتيرة جدا ومن كل نوع وفى نفس الوقت سعر الجنيه المصرى فى انخفاض

 

لو مثلا قارنت مصر بالكويت مصر تفوقها فى كل حاجة ولكن هتلاقى ان الفرق فى سعر العملات واضح جدا وفى اوقات وصل سعر الدينار الكويتى وصل لما يقارب 30 جنيه مصرى

 

لو رجعنا للسبب ببساطة هتلاقى ان الكويت عملت شىء جميل اوى برغم من صغر الدولة دى وقله مواردها وجدت انه فى عندها بترول فقررت استغلاله

 

وقررت انه استيراد البترول منها يكون بالدينار الامريكى مما ادى الى ان الدول اللى بتحتاج للبترول تبحث عن الدينار الكويتى فى سوق المال وتشتريه باى سعر فكاانت النتيجة ارتفاع سعر الدينار الكويتى

 

ودى نظرية اقتصادية مهمة جدا لما طبقها كمال الجنزورى فى مصر فى فترة من الفترات كانت النتيجة ارتفاع سعر الجنيه المصرى ورفد الجنزورى

 

 

[ABOTASNEEM 117]

وقررت انه استيراد البترول منها يكون بالدينار الامريكى

 

قصد حضرتك بالدينار الكويتى

 

***********************

 

وعلى فكرة قضية فعلا مهم جدا .. والسبب فى كده

 

سياسة تعويم العملة " تعويم الجنيه "

 

اى تركه لحلات العرض والطلب فاذا زاد الطلب على العملة ارتفع سعرها والعكس ..

 

وعلى فكرة احنا عندنا قدرة على رفع قيمة الجنيه المصرى بشكل عالى جدا

 

عارفين ازاى ..

 

اننا نخلى العملة المستخدمة للمرور فى قناة السويس هى الجنيه وليس الدولار

 

وانتوا عارفين طبعا انو كل بلاد الدنيا سفنها بتعدى من قناة السويس

 

وتخيلوا بقى الطلب على الجنيه هيبقى ازاى وبكده يرفع سعر الجنيه فوووووووووق

 

بس نقول ايه .. ؟؟

 

حسبنا الله ونعم الوكيل

 

[أحمد سيف 3]

دلوقتي محتاجين الدفاع عن المصطفى صلى الله عليه وسلم

 

لازم نكون ايد واحده ضد من اساء اليه

 

نحري دون نحرك يا رسول الله

[تقوى القلوب 12]

وقررت انه استيراد البترول منها يكون بالدينار الامريكى مما ادى الى ان الدول اللى بتحتاج للبترول تبحث عن الدينار الكويتى فى سوق المال وتشتريه باى سعر فكاانت النتيجة ارتفاع سعر الدينار الكويتى

 

انا اسفة اتلخبطت بدليل انى كتبتها فى نفس السطر صح

 

 

 

 

وعلى فكرة احنا عندنا قدرة على رفع قيمة الجنيه المصرى بشكل عالى جدا

 

كمال الجنزورى كان هيعمل كدا فعلا

يمكن عشان كدا اتشال من الوزارة

 

كان هيخلى التعامل مع اى سلعة مصرية بالجنيه المصرى

والمرور فى قناة السويس بالجنيه المصرى وليس بالدولار

 

 

 

 

دلوقتي محتاجين الدفاع عن المصطفى صلى الله عليه وسلم

 

تخيلو بعد الفتوحات كلها اللى قام بها الصحابة

والمسلمين

الشخصيات العظيمة اللى نشرت الاسلام بالفتوحات

العرب اللى كان بيخشاهم كل البشر

 

 

ونشر الاسلام عن طريق التجار المسلمين واخلاقهم الجميلة

 

 

بعد كل ده

جه الوقت اللى يسبو فيه الرسول صلى الله عليه وسلم اشرف خلق الله قدامنا , ده ايه الضعف ده

 

 

مش عارفه بجد هنقابل الرسول صلى الله عليه وسلم ازاى واحنا مدافعناش عنه

هنقوله ايه

يمكن نقوله سامحنا اننا مدافعناش عنك؟

ولا سامحنا عشان مفيش بايدينا حاجة نعملها بسبب حكامنا اللى احنا انتخبناهم؟

 

حسبنا الله ونعم الوكيل

تم تعديل June 16, 2008 بواسطه تقوى القلوب

[حنان القلب 1]

والله القضيه اللي فعلا نفسي اساعد في حلها باي شكل واي طريقه

 

هي قضية أطفال لشوارع لانهم بيزيدوا كل شويه

 

واللي يدور وراهم يلاقي انهم ملهمش ذنب في الحياه اللي هم عايشينها دي

 

غير انهم اتولدوا في بيئه مبترحمش وهم مجرد ضحايا لاخطاء الاباء اللي ضمايرهم ماتت

 

وبدل ما يحوطوا على كبدهم ويعلموهم ويربوهم لا بيشتتوهم ويشردوهم وبيطروهم للهروب يا ما للادمان والقعده في الشوارع ليل نهار

 

القضيه دي عامله ازمه في كل مكن في الصعيد وبحري والاطفال دووول من كل الاعمار وبعد كم سنه حيتحولوا لمجرمين دا لو مكنوش بالفعل كده من دلوقتي

 

اكيد لو وعيناهم واهتمينا بيهم كدوله وكمجتمع وكافراد كمان حنحل الازمه دي وهنغير خط حياتهم وهنستغلهم في الخير مش العكس

 

دي القضيه اللي دايما بفكر فيها طووول ما نا قدام التلفزيون في البيت او بره في الشارع لما بشوفهم قاعدين عالرصيف بيبصوا بحسره للي رايح واللي جاي والناس ماشيه عادي ولا هاممها لانه بقي امر طبيعي تواجدهم في الشوارع

 

وكمان لم تكون

في مواصله وتلاقي عيل 6 سنين هو اللي بيلم الاجره ولا انت وماشي وتلاقي طفل ما كملش 10 سنين بيدخن جنبك ولا اجدعها معلم وما خفي كان اعظم؟؟؟

 

دي اكتر قضيه شاغلاني دايما... قضيه تستاهل مش كده برضه....لان الاطفال دووول هم دنيتنا اللي جايه وهم بكره!!

[ABOTASNEEM 117]

شكرا لتفاعلكم

 

هل من قضايا اخرى

 

ومدافعين جدد

[toti-fawzy 0]

السلام عليكم و رحمة الله و بركاته

موضوع جميل...فجزاك الله خيرا..

القضية اللى نفسى ادافع عنها على مستوى امتنا العربية...نفسى انتصر لغزة و لكل دولة عربية محتلة..

اما لبلدنا الحبيبة مصر...نفسى اتبنى قضية التعليم بكل مراحله و التعليم العالى...اخلى المناهج و الامتحانات معتمدة اكثر على الفهم و ليس الصم...يكون جزء معتمد على مهارات البحث...و بالنسبة لكل كلية تعمل دورات تدريبية للطلاب يكتسبوا فيها المزيد من المهارات لمواجهة سوق العمل و تحقيق التميز..

تم تعديل February 18, 2009 بواسطه toti-fawzy

[ABOTASNEEM 117]

نفسى انتصر لغزة و لكل دولة عربية محتلة..

 

قضية مهمة حقا

 

اما لبلدنا الحبيبة مصر...نفسى اتبنى قضية التعليم بكل مراحله و التعليم العالى...

 

وهى ايضا قضية هامة لوطننا الحبيب

 

---------

 

ولكن لما لا نتحدث عن الوسائل والطرق التى

 

يمكن بها ان نحل او حتى نساهم فى تلك القضايا

 

نرجوا المشاركة الفعالة

 

من اعضاء منتدانا الكرام