من الحكومه للمواطن

[الجندى المجهول]

م الحكومة للمواطن

*********

يامواطن

يالى جوة بلدنا واطن

احنا مش ناقصين مشاكل

دا الحكومة م المشاكل

جالها مغصة

طلعة راقصة

ونازلة راقصة

لاهى فاضية

ولاهى ناقصة

مباش كمان الا السؤال

من موطنينا اللاءم

جاى تقولى حزام وصبر

روحو الحائولكو بسرعة قبر

قبل القبور ماتتملى

ونرجع نزيد ف الكلام ونعيد

وانتو لازم تعرفو

احنا الى سادة وانتو العبيد

والبنوك دية بنوكنا

ورث جالنا عن جدودنا

وبطلو ماتحلموش

كيف يكون للغلابة اى مال

كيف يكون ليكو عندنا

حلم وامال

دا شيىء محال

************

احمدو رب البرية ع الى كان

من مكرونة لحمام

يبقى لية طولة اللسان

وتجيبو سيرة زمان

وتقولولنا داكان رواقة

انت لية ناسى البطاقة

والطابور ابو ميت خناقة

رز - عدس - زيت

وزعوها ف كل بيت

يبقى لية كلمة ياريت

لسه منا ما استحيت

انتو اية هتنهبو

دانتو لو جالكو نبى

لازم تطلعو مذهبو

انتو ماشبعتوش فلوس

وف كل شارع فية فانوس

اومو واحمدو ربنا

وادينتو قلتو بنفسكم

عن العراق ونبنفسكم

والله ان ماكنتو تلمو روحكم

لا مطلعين بالذل روحكم

ومزودين بالنار جرحكم

انتو بس غاويين تلومو ف الحكومة

هيا ناقصة

دا الحكومة

راسها واكلاها البرومة

******

عمى بوش من هناك

واقف حداك

تلتفت تلاقية وراك

جاهز ومستنى العراك

راح نجيبو يادبك

يمد ايدو يعلمك

يبقى هاتو من قصيرو

وزى ما عايزين تسيرو

والى يحود

والى يعند

والى فاكر نفسة مسعد

يجيى ويورينا كيده

والى مش عاجبة نكيده

والاكادة ماعدش حد بيملا عينه

عم بو ش دا عمنا

بالمعونة يمدنا

وان عصينا يهد حيلنا كلنا

يامواطن يالى جاى تشتكى

روح واكتفى

بالى انت فية

م الى منو بتشكى

غيرك بقى

ماهوش لاقية

[الرّام]

احمدو رب البرية ع الى كان

من مكرونة لحمام

.

.

وف كل شارع فية فانوس

اومو واحمدو ربنا

.

.

م الى منو بتشكى

غيرك بقى

ماهوش لاقية

 

 

الحمد لله و الشكر لله و الفضل لله

[الجندى المجهول]

الحمد والشكر ليك يارب

سلام الى اهل تونس