طنش تعيش تاكل قراقيش

[sindrella 26]

أحسن حاجه تعملها في حياتك إنك تعيشها وإنت مطنش كل حاجه بتحصلك وتضايقك.

وعلى رأى الفيلسوف الشهير اللى مش فاكره اسمه ( طنش تعيش تاكل قراقيش ) حاول تطنش هيفيدك ويريح أعصابك.

 

 

ولكى تستطيع أن تكون مطنش يجب أن تتبع هذه الخطوات..

 

 

 

 

1 - تسبيل العينين مصحوبة بنظرة بلهاء.

 

 

2 - فتح الفم 15 سم على الاقل.

 

 

3- إبتسامة بلهاء.

 

4 - دلدلة الكتفين مع بهدلة فى المظهر.

 

5 - علامات التخلف العقلى.

 

 

 

وبذلك ستنضم لمنظمة ( طناشكو العالمية ) كما أنك ستكون من مؤسسى أكبر

مؤسسة (المُطنّشين العرب - طناش أحمد طناش وشركاه ) وسيقام مهرجان (الطناش للجميع ) والذى سيضم نخبة من كبار المطنشين....

 

 

وكلما أصبحت مطنش أكتر كلما شعرت براحة من الإستفزازات التي تنزل عليك مصحوبة بحرق الأعصاب..

 

 

ومن أمثلة ذلك..

 

لما تصحى من نومك ممكن تكون أختك أو أخوك أو والدتك متعصبين من حاجة فبمجرد أنهم يشوفوا وشك ينزل عليك وابل من الشتايم وإنت مش عارف إيه السبب أصلا.....بس كل اللى عليك إنك تطنش.

 

 

أما الطريف فى الموضوع لما تروح تعرف نتيجة الإمتحان فتلاقيك شايل مواد كتير ظلم رغم إنك واثق من حلك وده ممكن يكون بسبب إن الدكتور وهو بيصحح ورقتك دق جرس الباب ولاقاها حماته الملاك المصون فوق راسه فيقول إن الورقة دى وشها وحش عليه ويسقطك ....

وبرده اللى عليك إنك تطنش

 

 

 

وفي النهاية هتلاقى راسك بقت فى حجم قرع العسل مع زيادة مستمرة في الحجم وذلك لأن ..

 

( العقل السليم فى حجم الراس الكبير )

 

وسيد الحبايب يا ضناية إنت

[رجل من الصحراء]

هههههههههههه

لا حلوة

بس كده الواحد هيبقى اهطل مش مطنش

يعني دي دعوة للهطل

ربنا يكرمك يابنتي

[alibaba4020]

لو ده مش هيخليني اعيش سعيد

 

انا مستعد اجرب هههههههههههه

 

موضوع جميل

[على المرابط]

انا قلتى فى نفسى ان المطنشين دول اللى انتى بتحكى عليهم لو عملوا منتدى حيرفعوا شعار

من اجل تطنيش عربى افضل

[الرّام]

لا حلوة ... هي اصلا الدنيا هاكا ما ناقصة

 

بالرسمي

 

 

(ههههههههههههههههه)

 

 

 

شكرا اختي على التطنيشة هذي

 

 

[بنت مصرية]

بس كدا ياسندريلا مش هينفع

التطنيش علي طول ولا انك تركزي علي طول

خليكي وسط في كل كل حاجة

بصراحة موضوع خفيف جدا ورسم ابتسامة علي وشي من اوله لاخره

مش مصدقة انك انتي اللي كتباه

 

1 - تسبيل العينين مصحوبة بنظرة بلهاء.

 

 

 

تم تعديل June 19, 2009 بواسطه بنت مصرية

[مي مادي]

السلام عليكــم ورحمـة الله وبركاتــة ،،

شربات دمك يا سندريلا

فعلا كلامك صح 

فكرتيني بالمثل الي بيقول عيش ندل تموت مستور

ولا حول ولا قوة الا بالله

[«۞۩ أبو سليمان ۩۞»]

( العقل السليم فى حجم الراس الكبير )

 

بس المشكله ان الواحد هيضطر يلبس جلابية بس

 

لأنه موش هيعرف يلبس التيشيرت :cry:

 

موضوع لزيز جدا سيندريلا

 

هو صح طويل شوية

 

بس الواحد لازم يطنش :cry:

تم تعديل June 24, 2009 بواسطه Dr Abcarino