[ مميز] *يوم رمضاني في ذاكرتي

[einour 3]

ماما ازيكو عاملين ايه ؟؟؟ كل سنه و انتو طيبين يا رب.....

ولايهمكوا السنه اللي جايه حبقى آجي في رمضان... أنا بخير .... أنا اتعرفت على بنات هنا و هم بيساعدوني...

ما تخافوش بقى أنا كبرت.... ادعولي ... مع السلامه .....

كبرت ؟؟؟؟ صحباتي بيساعدوني ؟؟؟ هو كان لازم أكدب في اليوم الفضيل ده ؟؟؟؟

طب أعمل ايه بقى؟؟ لو ماعملتش كده ماما حتفضل كل الليل تعيط بنتي عامله ايه, وهتاكل ايه , وهتاكل مع مين؟؟

ايوه بالحق انا هاكل ايه ,وهاكل مع مين؟؟؟

هاكل لوحدي ازاي, استغفر الله ... يا ربي الصبر بقى....

لما ييجي وقت الفطار يحلها الحلال ...خليني افكر دلوقتي بالسحور... أنا هتسحر ايه في نص الليل ؟؟؟ و هولع النور ازاي ؟؟؟ هقول لصاحباتي ايه؟؟ هم بيصومو ولا لا؟؟؟

 

قمت بقى في نص الليل من غير ماولع النور و حاولت اخد العيش و الجبنه و الميه اللي اشتريتهم علشان اتسحر وطلعت من الاوضه بسرعه ....

طب طلعت من الاوضه أروح فين دلوقتي؟؟؟ اروح غرفه الدراسه !!اكيد هتكون فاضيه ...

و فجأة طلعت بنت من الاوضه التانيه...

- صباح الخير !!!

صباح النور !!!؟؟

انتي جديدة هنا؟؟؟انتي من فين؟؟؟

ايوة !! انا جيه من بلد عربي !!!

انتي رايحه الحمام ولا.....؟؟؟

لا انا ..انا هصوم بكره و عشان كده بتسحر....

اوه كويس اوي ... وانا كمان قمت عشان اتسحر طب ايه رايك نتسحر مع بعض ؟؟؟؟

طبعا انا مش مصدقه اللي بيجرى .. ده حلم بقى ولا ايه؟؟؟))

و قلت لفسي هوه صحيح مش هيبقى سحور زي السحور اللي بتحضرو ماما, ولا هيبقى سحور وقعده زي اللي مع اخواتي.. بس يا لله الحمد لله ده هيبقى أحسن ماكل لوحدي....

و حضرنا صفره صغيره اوي على اد الحال ... وبدينا نتكلم

-هنا الناس مسلمه بس بعيده عن الاسلام حبيتين عشان كده ماتستغربيش....اصل الواحد فينا لما بيعرفوا انه بيصوم ولا يصلي بينظروله على انه متخلف مع انهم اسلام بذاتهم.. يعني تقدري تقولي مسلمين بالهويه بس ... فخدي بالك..

يعني قصدي اقلك هنا الديمقراطيه للفئه من الناس بس....

انتي بتشوفي في الجامعه يمنعوكي تدخلي بحجابك او حتى تدوسي الحديقه بتاعتها بالحجاب, و كأنك حامله عار او عامله عملة اللهم عافينا .... بس لما شب يدخل بحلقه بودانه ,و حلقه على حاجبه, و حلق في نص شفايفه .... و شعر لنص ضهره ... ده يبقى فخر و يبقى بيمثل التقدم و الحضاره... ما تسيبك ...انتي حتشوفي كل ده بنفسك ,وحتفهمي منطق البلد اللي انتي فيه شويه.... شويه.

(كانت كلماتها غريبه اوي .... كلمات صادره عن قلب مكسور وكبرياء عملين فيه اللي مايتعملش)....

- انتي بتصلي فين ؟ عشان الكل بيدخل ويدوس بجزمته للاوضه ..

-انا بصلي فوق السرير ... حطي كتاب ولا حاجه تحت راسك مكان السجود و صلي و ربنا يتقبل...

- اه بالحق انتي اسمك ايه؟؟؟

- انا اسمي جمرة نور ...

- طب اتشرفنا ....

دخلت غرفتي و صليت و الحمد لله ....و فقت الصبح ولقيت صحباتي بتفطر....

- ما تيجي تاكلي ...

-لا متشكره انا صايمه ..

- اه طب احنا متاسفين ... ونبقى نتناقش بالموضوع ده بعدين اوك؟؟؟

- اوك...-

طلعت بره السكن اشم هوه نضيف أحسن حتخنق......

ايه ده !!! ما فيش حد صايم في البلد دي كلو بياكل ؟؟؟ و الشرب ( الخمور )ماشي ماشاء الله

يا فتاح يا عليم ....

ركبت الاوتوبيس وكان قاعد ورايا شبين...

-انا عزمك النهارده على حتة بار حشربك لحد ماتنفلق .....مش حتقدر تقف على رجليك ياباشا ....

- لا متشكر اصلي انا وعدت نفسي اني مش حشرب في رمضان...

-اه ده انت صايم من ورايا ؟؟؟

-لا انا ما قولتش اني صايم انا قلت مش حشرب وبس...لو حبيت نأجل العزومه بعد رمضان ,و حتشوف مين اللي مش حيقدر يوقف على رجليه

 

استغربت اوي .... من الحوار ده الغريب ... ودعيتله ربنا يبعتله اللي يهديه عشان هوه عارف حرمة رمضان على الاقل ....

فضل على الفطار ساعه بس, انا لازم ارجع السكن ....

ورجعت السكن و ياريتني مارجعتوش....رحت المطعم بتاع السكن شفت طبور ولا كل الطوابير... لو دخلته, انا ممكن ألحق اتسحر و افطر مع بعض ....طب الناس دي مش صايمه ... تعمل ايه وقت الفطار هنه؟؟ هوه تعذيب وبس!!!؟؟؟

وفجأه وانا ببص يمين و شمال بنظرات حيرى كالعادة... و بتخيل صفرة ماما و الشوربة السخنة وعلى عرق سوس.... و التلفزيون شغال و الكل عال العال ..... آه ياربي دي ايه المصيبه دي...

و فجأه بصحى على ايد بتخبط على كتفي ....دي جمرة نور .....

-انا بفكر افطر بره السكن تيجي معايا انا بعرف مكان بييجي عليه الناس الصايمه الغلابه القليله اللي زينا ... واللي مالهاش مكان في الطبور ده ...

-الناس اللي في الطبور صايمه ..؟؟؟

-لا يا بنتي ماعتقدش ا ن الناس الصايمة حتقدر توقف في الطبور ده بس السكن أخر وقت الغدا لوقت الفطار عشان الناس الصايمه... بس للاسف ما عرفوش ان الناس اللي مش صايمه كمان هتبقى جعانه ....يالله بقى احنا نروح للوكانته بتاعتنا...

(دخلت اللوكانته و شفت ناس و شها منور ... و الكل حاطط شوربته قدامو وناطر الاذان .. الله!! دول طلاب كمان ايوه معانا في السكن همه كمان هاربانين من الزحمه...

كله بعيد عن اهله ... كله زي حالتي... عايشين في غربه .... غربه عن اهلهم بس ... اما .انا غربتي غربتين ... غربه عن بلدي و غربه عن اهلي....

يا ترى ماما عمله ايه النهارده؟؟؟ و بيتفرجوا على ايه في التلفزيون؟؟؟ بيتكلموا في ايه؟؟؟ ماقدرتش اقاوم دمعتي...

و فجأه حسيت بيد جمره نور بتشد على ايدي وتقلي ....

-أرجوكي انا ماسكه نفسي بالعافيه... بلاش دموع... شوفي هنا كل الناس زينا ... كلهم بعاد عن اهليهم....

-اه بالحق همه كمان مغتربين عن اهلهم ... ومغتربين عن وطنهم في وطنهم ...

 

 

-الو ايوه يا ماما لا لا ماتخفيش انا فطرت كويس اوي,,,, ومعايا صحبتي مش لوحدي .....

... ماتنسيش تدعيلي ..

تم تعديل October 14, 2006 بواسطه einour

[صناع الحياه 14]

للاسف العلمانيه اخدت وضعها في بلادنا فعلا

واكيد لازم ندفع تمن ده

بس النبي حسمها وقال في حديث له" بدا الاسلام غريبا وسيعود غريبا"

ربنا يصبرنا

اسلوب القصه ممتاذ وبيوضح مدي معاناتك في الغربه

ربنا معانا جميعا

[عاشق الصداقه 525]

بصراحه أنا مش عارف أرد أقول إيه ... لأنى فهمت إن دى قصتك الشخصيه اللى بتحكيها وفى وقتها ...

إذا كان على أسلوبك فى سرد القصه .. ما شاء الله عليكى بجد ... موهوبه جداً .. فاجئتينى بكده !!

وإذا كان على قصتك ومعاناتك دى ... فانا فهمت إنك مسلمه بتدرس فى بلد أجنبى .. ربنا يعينك ويصبرك ...

بجد أنا تأثرت جداً بقصتك .. ومظنش فى حد قرا الموضوع ومتأثرش ...

ربنا يصبرك ويوفقك وترجعى بلدك بالسلامه يا رب ... ودلوقتى حاولى تحطى قدامك الحاجات الكويسه وتنسى الحاجات الوحشه

ده حيصبرك وحيريحك أكتر .. يعنى حاولى متبصيش للناس اللى حواليكى الكتيير جدا اللى مش كويسين والمسلمين بالبطاقه

وأظن أنهم شعب تركيا ... وحاولى تفتكرى أكثر جمرة النور وقوٌى علاقتك بيها .. وصبروا بعض .. حاولى تتذكرى الإيجابيات

وإن كانت قليله .. وتنسى السلبيات وإن كانت كتييييره .. وربنا يصبرك ويوفقك يا رب .. قلوبنا كلنا معاكى ..

[نجمة الكتب 5]

(ظلام العالم كله لا يطفئ نور شمعة صغيرة)

 

 

ميهمكيش يا آينور مهما زاد الظلام من حواليكى مادام النور موجود جواكى وربنا يهون غربتك ويخفف عنك و عن كل مغترب ومرة تانية احب أبدى اعجابي الشديد بكتاباتك وفي انتظار المزيد.

[einour 3]

بتشكر الجميع وانا بجد كتير مبسوطه انها نالت اعجابكم و بتشكركم على تعاطفكم معي وعلى مروركم

 

وأظن أنهم شعب تركيا ...

اخي عاشق الصداقه انا حابه اسال اذا ما فيها احراج انتا كيف عرفت انها تركيا؟

و شكرا ليك

تم تعديل October 16, 2006 بواسطه einour

[عاشق الصداقه 525]

بتشكر الجميع وانا بجد كتير مبسوطه انها نالت اعجابكم و بتشكركم على تعاطفكم معي وعلى مروركم

 

وأظن أنهم شعب تركيا ...

اخي عاشق الصداقه انا حابه اسال اذا ما فيها احراج انتا كيف عرفت انها تركيا؟

و شكرا ليك

 

 

أختى .. هى مش محتاجه تفكير ... تركيا هى الدوله الأجنبيه المسلمه " بالبطاقه " بس ..

 

ومعروف انها علمانيه ... وده كان واضح فى سردك للقصه ..

 

وبجد أنا إتأثرت جداً جداً بالقصه .. ربنا معاكى ...

[:: عاشقة الرحمن :: 2]

السلام عليكم ورحمة الله وبركاته

 

بسم الله الرحمن الرحيم

اختي فالله مشكورة جدا بكتاباتك لهذا الموضوع .

 

يا رب لا تحرمنا من موضوعاتك وقدراتك وابداعاتك ووصلك الله لكل خير وزادك علما وفتح عليك ابوبا الخير من كل نواحيها

 

ويارب تزيد همتك ولا ينطفيء نور حماسك .

ويارب تظل لك المباردة و السبق دائما وتزيدينا بما تعلمتي.

 

أختك في الله

[ABOTASNEEM 116]

اختى فى الله

من الممكن ان تكونى غريبة فى هذه البلد

ولكن كما قال اخى عبد الله

فافرحى بانك غريبة ، حيث انه قال رسول الله صلى الله عليه وسلم

" بدا الإسلام غريبا وسيعود غريبا "

وفى هذا بشرى لكى

 

ـــــــــــــــــــــــــــــــــــــــــــــ

 

بس انا زعلان منك

ازاى تحسى بالغربة

وكل اعضاء منتدى ياللاياشباب معاكى

 

******************

 

اسأل الله ان يجعلك نصرا وعزا وفخرا للاسلام ويجعلكى سببا فى هداية تركيا باكملها

ويبلغك الفردوس الاعلى فى صحبة سيدنا محمد صلى الله عليه وسلم

وحينها أظن انك لن تشعرى بالغربة وستفرحى بانك كنتى فى يوم من الايام غريبة

 

أميــــــــــن

[عاشق الصداقه 525]

تم تمييز الموضوع ...

لأنه يستحق ذلك

تحياتنا لكم...

وننتظر منكم المزيد من المواضيع المميزه

 

[AMR DAWAM 7]

موضوع راااااائع جدا

وقصتك جمييييييييييلة ومؤثرة جدا جدا يا اينور

ربنا معاكى ويوفقك ويبلغك مناكى فى الخير دائما

*********************************************

[einour 3]

شكرا ليك كتير اخي عمرو وبيشرفني مرورك