منك لله يا ستى!!

[NADA]

الله أكبر الله أكبر.. أذان الظهر.. الجده : يارب.. يارب بحق ده الآدان تنجح يا نون يابن ابنى وأشوفك دكتور أد الدنيا

 

الحفيد : ياستى بس أنا فى تجارة

 

الجده : وماله يابنى هو يكتر على ربنا...... ده ربنا قادر على كل شئ

 

الحفيد : ياستى ونعم بالله بس اللى بيطلع دكتور لازم يكون فى كلية الطب مش التجارة

 

الجده : ياللا تجارة تجارة ..ومالها التجارة ..دى حتى التجارة شطارة..ده الله يرحمه جدك كان تاجر فى الوكالة أد الدنيا

 

الحفيد : ياستى التجارة اللى فى الوكالة حاجة واللى فى الكلية حاجة تانية

 

الجده : ع العموم شد حيلك أنته وانا أخلى جدك يخدك معاه الوكاله عشان تتدردح وتتودك فى السوق

 

الحفيد : جدى إيه اللى هايخدنى معاه .....ده جدى مات من زمان ياستى

 

الجده : يامصيبتى عبد الواحد مات..ياحبيبى ياأخويا..مكنش يومك ياسبعى

 

الحفيد : ياستى ده ميت من تلتين سنة

 

الجده : تلتين سنه..ده العمر بيجرى ياولاد تصدق ولا حسيت بيهم....ياللا أهو غار فى داهيه....قطع وقطعت سيرته..

 

ده كان بخل الدنيا فيه..اللى ما عمره دخل عليه ببطيخة ولاكيس جوافة

 

الحفيد : ياستى حرااام عليكى عايز أذاكر بقى

 

الجده : يوه.. وأنا ماسكاك ياوله..ذاكر ...ذاكرعشان ربنا يكرمك وتنجح وتاخد الدبلون

 

الحفيد : ياستى دبلون إيه..أسمه البكالوريوس

 

الجده : أنته عتضحك عليه ياوله..أسمه الدبلون الواد ابن فايزة جدع زيك كده فى مدرسة التجارة وخد الدبلون

 

الحفيد : خلاص دبلوم دبلوم ياستى ..سيبينى بقى عشان أذاكر

 

الجده : ذاكر ..ذاكر ياأخويا ذاكر... تعرف ياواد ..ندرن عليا يوم ماتنجح لأكون رايحه خاطبالك عبير بت رئيسه....دى إيه ياواد.. أدب- وأخلاق..وعلام كمان

 

الحفيد : ياستى عبير دى معاها أعدادية

 

الجده : وماله يابنى ...الراجل مايعبهوش إلا جيبه

 

الحفيد : راجل ...راجل مين ياستى...عبير دى بنت

 

الجده : عبير ...عبير مين ياوله..أنته بتعرف بنات من ورانا

 

الحفيد : لا إله إلا الله....أبوس رجلك ياستى أرحمينى بقه

 

الجده : طب ذاكر....ذاكر جتك نيله وأنته طالع براوى كده زى أمك....قطعت وقطعت سيرتها...أنامش عارفه أبوك كان أجوزها على إيه.. حكم...

 

قال لبس البوصة تبقى عروسة..بس واللى نبى النبى نبى لكون مبوظه الخطوبة دى ومجوزاه أنيسة بت أختى

 

الحفيد : ياستى خطوبة إيه..أبويا مجوز أمى من خمسة وعشرين سنة ..وبعدين أنيسة دى بنت أخوك مش بنت أختك ..وأساسا إنتى ملكيش إخوات بنات

 

الجده : صحيح ياوله ..أنته عندك حق أنا مليش إخوات بنات..أصلى أناأمى ماكنتش بتخلف صبيان

 

الحفيد : حراااااااااااااااااااااااااااااااااام ............ستى ماتطلعى البلكونة شويه ... ده الهوا حلو بره

 

الجده : لأ يا خويا....فى جدع كده حليوه وشعره مسبسب فى البلكونه اللى فى الوش بيقعد يعاكسنى

 

الحفيد : خلاص روحى المطبخ ...أهو زمان أمى خلصت الرز

 

الجده : رز...رزإيه يابنى....هوأنا ليه سنان للرز...أناهطلع البلكونه أحسن

 

الحفيد : طب أبقى خلى بالك م الهوى ياستى .. هوى لما يلطشك

 

الحمد لله أخيرا خرجت وقدرت أذاكر ..

 

رحت الأمتحان تانى يوم وربنا كرمني وحليت كويس لكن للأسف المراقب سحب مني الورقة قبل ما أكتب أهم حاجة فيها

 

ياترى أنا كان إسمى إيه ؟؟ ياترى كان إسمى إيه ؟؟

 

منك لله يا ستى

 

إهداء خاص لمنتديات ياللا يا شباب

[ABOTASNEEM]

انت اللى غلطان

 

كنت استغليت الفرصة

 

لما طلعت البلكونة ...

 

وكنت هظرت معاه هظار صعيدى ، ورميتها من البلكونة وخلصت

 

ـــــــــــــــــــــــــــــــــــــ

 

جميلة خالص خالص خالص

[sheko77q]

والله الدنيا مش مستحمله حلاوه

[عاشق الصداقه]

هههههههههههههههههههههههههههههه

 

والله خطيـــــــــــــــــــــــــــــــــره يا ندى ..

 

انا بطنى وجعتنى من الضحك والله ..

 

أسكتى يختى اسكتى .. قطعت الحريم الكبيره الخرفانه وقطعت سيرتهم

 

بجد بجد ... موضوع خطيييييييييييييييييييييييييييير ..

 

ويا ريت تبعتيه فى رساله للجروب علشان نضحكهم هم كمان ..

 

وانا هبعته للمنتدى .. وبستئذنك انى انقله لقسم مجلة زغازيغ .. لأنه بصراحه يستاهل يكون عدد من المجله ..

 

ويا ريت تمتعينا بالمواضيع الخطيــــــــــره الجباره دى ..

 

أضحك الله سنك أختى الغاليه ..

 

ومتشكرين قوى على الموضوع المضحك الجميل .

[MOSTAFA_SHA3RAWY]

الحمد لله انا ستي مش معايا في البيت بس بردو مش بذاكر غلاسه بقي

[طائر السكون]

ربنا يسامحك يا ندى

الله يرحمك يا جدتى

كانت دايما عارفه انا عاوز ايه

و مش بتخاف من ابن الجيران

 

برافو على الموضوع الجميل يا ندى

[zoro_hf]

واكتر اتثر من الموضع ده طبعا احمد (كرينكل ) حبيبى صح يا احمد

علشان كده كل يوم اشوفك رجع من الامتحان القلك مكشر مش عيب مش عارف اسمك ياوله

ههههههههههههههههههههههههههههههه بصراحة حلوة يا ندى

[سبرتو]

امممممممممممممم

 

 

جميييييييييييل

[eng_alaa]

الله يكون فى عونك واللهى عموما ركز ممكن تفتكر اسمك

[bassant]

انا من كثرة الضحك مش نسيت اسمى وبس ده اما نسيت انا كنت بضحك ليه

هههههههههههههههههههههه

ولما قراته مره اخرى حسيت ان قلبى حيأف علشان كده قفلت النت وقمت ولما هديت رجعت علشان ارد عليكى

بجد برافوا عليكى

[EL3aref]

موضوع جميل يا ندى .. :angry:

[حنان القلب]

ههههههههههههههههه

يابت داهم اللي ماشيين ببركتهم دول خير البلد دي

عموما الواحد بينسى اسمه من غير سته ولا بته حتى .ههههههههههه

[NADA]

علشان بس تعرفو مش حارمينكم من حاجه اهو

[بنت مصرية]

انا تعبت اوي من الضحك ياندي جميلة جدا

يلا ارجعي بقي للمنتدي وبلاش الغيبة الطويلة دي

[شمووخ]

هههههههههههههههههههههههههههههههههه

هههههههههههههههههههههههههههههههههههههههههههههههههههههه

 

موضوع حلو قوى يا ندى مش عارفه لو كان ليا جده زيها كنت عملت ايه

 

هههههههههههههههههههههههههههه

[NADA]

انا تعبت اوي من الضحك ياندي جميلة جدا

يلا ارجعي بقي للمنتدي وبلاش الغيبة الطويلة دي

 

تيب الحمد لله ان انا بكون سبب ف انكم بتضحكو

وبعدين ان شاء الله انا هكون موجوده باستمرار قريب جدا

لما تزهأو منى وتطردونى خاااااااااااالص من المنتدى

 

 

موضوع حلو قوى يا ندى مش عارفه لو كان ليا جده زيها كنت عملت ايه

 

لالالالالالالالالالالا بسيطه

يادوب كده كنت هتنسى اسمك

فيها حاجه دى

اما انتو ناس غريبه اوووووووى

مين دوووووووووول؟؟؟وانا ايه جابنى هنا؟؟؟؟؟؟؟؟؟؟

[حنكش نكش]

شايفين انا حصلى ايه حرام عليكم ده انا جانى تخلف

[القلب النابض]

منك لله يا ندى وجعتى قلبنا من كثرة الضحك

 

هههههههههههههههههههههههههههههه

 

 

بجد موضوع ولا اروع

 

شكرا لكى

 

تقبلى مرورى

[تويتي]

هههههههههههههههههههههههههههههههههههههههههههههههههههه

تسلم ايديكي يا ندوش بجد الموضوع تحفه وانا مش قادره اتصور انا لو مكانه كنت عملت ايه يا نهار اغبر دا انا كان ممكن اولع في روحي لانها جدتي طبعا ومش ينفع افترسها

بس سؤال يعني ولو رخم هو كان هيذاكر لو طلعت جدته من عنده يا بنتي زمن المذاكره عدي وفات

[غريبة الاطوار]

هههههههههههههههههههههههههههههههه والله ياندوش انا ضحكت من قلبي بصراحه انا لو معايا جدة بالشكل دي مش عارفه كان ممكن يكون تصرفي ازاي كان ممكن علشان هي جدتي كان ممكن ولعت في نفسي ارحم من اني اتهور عليها بس برافو عليكي مستنيين المزيد منك

[زمردة]

ههههههههههههههههههههههههههههههههههههههههههههههههههههه تصدقي بقي دي لو جدتي انا كنت رميت نفسي في النيل ارحم من كده بصراحة جميلة جدا

[bebo3bebo]

ههههههههههههههههههههههههههههههههه

هههههههههههههههههههههههههه

 

فظيع قووووى الست دى

شكلها تايه اصلا

 

تسلمى يا ندى

[elmansy designe]

ههههههههههههههههههههههههههههه ههههههههههههههههههههههههههه

هههههههههههههههههههههههه

 

الحوار خطيييييييييييييييييييييييييير بجد تسلمي اختى ندى

[سها]

ههههههههههههههههههههه

 

يعنى عاجبك كدا يا ست ندى اقعد اضحك فى اوضتى فى نص الليل لما ماما وبابا واخواتى والجيراااان

فاكرنى اتهبلت

[حياتى من اجل ربى]

بصراااااااحه موضوع غايه فى الروعه حبيبتى ------------جمييييييييييييييل

ربنا يخليكى للمنتدى والى الامام دائما --احبك فى الله

تقبلى فائق تقديرى واحترامى لك عزيزتى