الصيف والفضاوه .. فرفش معانا !!

[ABOTASNEEM 117]

 

 

السلام عليكم ورحمة الله وبركاته ..

 

كيف حالكم .. إن شاءالله بخير ...

 

الموضوع با ختصار .....:-

 

الصيف والإجازة ..... إيه رأيكم لو تكون الصفحة دى للفرفشه والإستفادة بنفس الوقت ...

 

يعني نحاول نبعد عن الروتين اللي تعودنا عليه .. وبعيدا عن المواضيع اللي تعودنا عليها في ..

 

وبعيد عن الردود الرسميه ...

 

المسألة بكل بساطة ..احنا عايزين كل واحد يكتب لنا باختصار ايه اللى عمله فى الإجازة .. عن برنامجه .. أو مواقف طريفه حصلت له فى الإجازة ..

 

وباختصار يكتب لنا كيف وقته مع الإجازة سواء الجد .. أو الطريف ...

 

وأنا >> أول واحد هبدأ معكم .. وإن شاءالله الموضوع يعجبكم .. وتتفاعلون معه ..

[ABOTASNEEM 117]

 

انا بقى خلصت امتحاناتى فى يوم اتنين

 

ويوم السبت اللى بعده على طول بدأت فى دورة تدريبية عندنا فى الجامعة

 

دورة فى مهارات الادراة والتفكير

 

وبعدها قعدت اسبوع كده مبعملش حاجة مهمة

 

وبعدين ربنا كرمنى بواد صحبى كده اسمه عبدالله العرابى

 

وخلانى اروح عنده فى الجمعيه اللى عنده فى البلد

 

وألقى اول محاضرة ليا عالملأ

 

وكانت باسم " كن محبوبا بين الناس "

 

والحمد لله لاقت اعجاب كويس من الناس اللى حضره

 

وانا دلوقت مستنى اعرف نسبة نجاحى على كام

 

ما انا نسيت ما اقولكم انى نجحت صحيح واتخرجت خلاص

 

وبقيت عاطل على جيد قد الدنيا ، بس للاسف معرفش نسبة الجيد بتاعتى على كام

 

ودلوقت انا مستنى ابدأ فى دورة ICDL ادعولى بقى ربنا يكرمنى

 

مستنى اعرف كل واحد فى المنتدى عمل ايه فى الاجازة دى ... ياللا بسرعة !!!

[NADA 34]

الف مبروك النجاح وان شاء الله دايما ناجح وموفق

انا بقى تقريبا خلصت امتحانات يوم الاربع من شهر تقريبا20\6\2007

طبعا كنت مستنيه الاجازه بفارغ الصبر علشان نفسى اشتغل

ومش عايزه اقولكم طبعا كالعاده وبكل سعاده

كنت مضايقه اوى وحالتى النفسيه مفيش بعد كده

روحت الشغل حوالى 9 ايام وطبعا قبضت

ههههههههههههه

بس مش لقيت نفسى قادره اتكلم ولا اتفاعل مع الناس فقررت انى اسيب الشغل

علشان الناس مش تضايق وتمل منى

زى دلوقتى كده حاسه انى طولت عليكم وبحكيلكم قصة حياتى وهتيجو تضربونى

بس ماليش دعوه ابو تسنيم هو اللى طلب

المهم يعنى قعدت ف البيت علشان ابقى ست بيت شاطره

ههههههههههه

طبعا روحت صيفت الاسبوع اللى فات ولسه راجعه من اجمل مكان روحته وحبيته*مرسى مطروح*

والحمد لله عايشه قاطعه ف البيت والمنتدى وبدأت اذاكر

وحاليا انا ف انتظار النتيجه ف كل حياتى

ادعووووووووووووووووووولى

[ABOTASNEEM 117]

اشكرك اختى ندى

 

على مشاركتك ومبادرتك

 

ويارب يارب يارب تنجحى وتفرحى ماما وبابا بيكى

 

*********************

 

بس انتى زعلتينى جدا لما ذكرتى انك تسيبى الشغل

 

علشان انتى محبتيش تخنقيهم

 

لانك بكده هربت من المشكلة .. مش واجهتيها

 

والافضل انك المفروض كنتى اتعلمتى الوسائل والطق اللى تساعدك على

 

انك تكسبى الناس من حوليكى

 

مش كده ولا ايه ... ؟؟؟

[NADA 34]

صح عندك حق بس انا ليا دماغ خاصه بيا

مع نفسى اصلا وانا مش بعتبره هروب انا بعتبره راحه

وف مثل انا بحبه اوى بيقول(الباب اللى يجيلك منه الريح سده واستريح)

والصراحه انا مش بحب المشاكل ووجع الدماغ والحاجات دى والموضوع ده مضايق ناس كتير

ومعتبرينه عدم مبالاه وانا الصراحه كده مش بحب اشغل نفسى بالمشاكل

لانى واثقه ان كله بيعدى المهم اكون مبسوطه ومرتاحه

صدقونى ده حل بسيط وحلو جربوه بس

وعلشان ف ناس بتقولى انه كلام وخلاص لا هو فعلا بيكون جوايا وانا بحاول اسيطر عليه

واشغل نفسى باى حاجه تانيه لحد مايموت او ناره تهدى جوايا

ده كل الموضوع لكن اكيد بتاثر بيه لكن مش زى ناس كتير

وعامة اطمن انا الحمد لله مش خسرت حاجه وعايشه لسه والحمد لله

وبعيد حساباتى من تانى وبدات اعمل حاجات راضيه عنها الى حد ما

وربنا يوفق كل الناس ويتمتعو بوقتهم ويقضوه كويس وينتفعو بيه

[ABOTASNEEM 117]

انا اتمنالك انه ربنا يوفقك ياأختى ندى دايما

 

بس خللى بالك كويس

 

لحسن تتعودى على الكسل والبعد عن المشاكل وتتعودى على المثل بتاعك ده

 

وزى ما بيقولوا " اول الغيث قطرة "

 

يعنى فى الاول اهو انتى منفضة ومكبرة دماغك بس صاحية وعارفة كل حاجة حوليكى ، وبعدين

 

تنامى من الكسل وتتعودى على النوم مع قلة الحركة .. وميبقاش عندك مرونة فى انك تتعلمى من اساسه

 

ودهخ انا مش اتمناه ليكى نهائيا ً

 

تحياتــــــى