يعيني (ابن مغلوب علي امره)

[MOSTAFA_SHA3RAWY 0]

الأب مخاطب الابن : تعالى يا وله

 

الابن و بكل براءة : نعم

الأب :نعامة ترفصك ... تعالى يا وله

الابن : ليه انا عملت ايه؟

الأب : عملتك سوده و منيله زى وشك

الابن : هو فى ايه؟

الام : جتك اوا اما يئوييك....رد على ابوك بأدب يا وله

الابن : هوه انا قولت حاجه؟

الأب:قلقلوا عضم جنابك بعصايه.. اوقف عدل يا حيوان

الابن : حاضر

الأم :يحضروا قبرك انشالله ... لما ابوك يتكلم انت بتخرس

الابن :أخرس؟

الأب : ايوه جتك خرسه لما تخرسك

الابن: ماشي

الأم: مشش فى ركبك ما تقوم منه انشالله

الابن :مشش ؟؟؟ يعنى ايها مشش؟؟

الأب: اما انك قليل حيا ...وبترد على امك كمان ؟ هات العصاي وتعالى يا وله

الابن: انا رديت على امي؟ يا ماما متقولى حاجه.

الأم: جك موا فى مصارينك....قلتلك اخرس

الابن الان اصبح مغلوب على امره ومش فاهم ايه الموضوع وصمت

الأب: أما جيل قليل حيا...اتكلم يا وله ... مالك انخرست

الابن : اقول ايه؟اذا اتكلمت بتقولوا عليا قليل الحيا و تفهمونى غلط..

الام:حيه لما تقرصك بقولك تادب و انت بتكلم مع ابوك

الأب : و بعدين ايه بتفهمونى غلط دى شايفنا هبل ولا عبط؟

الابن : لا اله الا الله

الأم : الله يخدك ان شاء الله ... ياريتنى خلفت ابن الجيران ولا انت

الأب: انا مش عارف الواد ده امتى يبقى راجل دايما فاضحنى وسط الرجاله

الابن: طيب اعمل ايه عشان اكون راجل فى نظرك؟

الأب: قلتلك اخرس يا وله

الابن: يا الله ... يا الله ... يا جماعه فيه ايه مالكو؟

الأم: اه صحيح ناديت على الكلب ده ليه؟

الأب :بتصدقي انى نسيت..الحيوان ده نسانى كنت عايز منه ايه

الاب : خلاص ارجع على اوضتك.الابن ينظر فى دهشه

الام:على اوضتك يلا يا كلب.

[asmaa 0]

هههههههه

[عاشق الصداقه 525]

ههههههههههههههههههههههه

 

 

خطييييييييييييييير والله يا شعراوى ..

 

مستنيين من ده كتير يا روعه

[AMR DAWAM 7]

تصدق نسيت كنت عايز اكتب ايه

هههههههههههههههههههههههه

*****************************

[عاشق الصداقه 525]

تصدق نسيت كنت عايز اكتب ايه

 

ههههههههههههههههه

 

والله خطير يا عمرو .. يخرب بيت علوم واللى جالنا من وراها

[NADA 34]

انا بقى فاكره هكتب ايه

مش ده بردو وقت المكالمه بتاع رونى يا مصطفى

طبعا انت فاهمنى وانا بس مش عايزه اسيحلك ف المنتدى

ههههههههههه

خلى الطابق مستور

[MOSTAFA_SHA3RAWY 0]

اوك يا ندي هتسيحي هسيح ونشوف مين الكسبان في الاخر

اوك؟؟؟؟؟؟؟؟؟؟؟

ههههههههههههههههه

ومتشكر يا عمووووووووووووور وانته عاشق الصداقه

[AMR DAWAM 7]

والله خطير يا عمرو .. يخرب بيت علوم واللى جالنا من وراها

 

هتعمل فينا ايه علوم اكتر من اللى عملته

وبعدين

ما تفكرنييييييييييييييش يا احمد

[ABOTASNEEM 117]

أخى شعراوى

 

موضوع فعلا مضحك .. بس

 

تصدق انه بناقش قضية غاية فى الاهمية

 

عارفين هى ايه ؟

 

البرمجة السلبية للابناء من قبل الاباء

 

وده موضوع غاية فى الاهمية

 

لانه هو السبب فى انه الاولاد بيطلعوا معندهمش شخصية قوية، وميقدرش ياخد قرار لوحده

 

وحاجة مهمة خالص كمان ، او الموضوع ده

 

بيقتل روح الابداع عند الاولاد

 

بمعنى اوضح

 

البرمجة السلبية ممكن تضيع جيل كامل ..

 

فخلوا بالكم من الموضوع ده

 

مع اخواتكم الصغيريين ، او ابناء اخواتكم ، او اى حد من قرايبكم

 

وخليك سبب .. فى احياء روح الابداع لدى من حولك

[eng_alaa 114]

الأم: اه صحيح ناديت على الكلب ده ليه؟

الأب :بتصدقي انى نسيت..الحيوان ده نسانى كنت عايز منه ايه

الاب : خلاص ارجع على اوضتك.الابن ينظر فى دهشه

الام:على اوضتك يلا يا كلب.

 

هههههههههههههه

خطييييره بجد ...

خاصةً الجزئية الأخيرة دي ...

يعني مسكين اتبهدل واتمرمط بدون ما يعرف هما نادوه ليه أصلاً ...

شكراً أخي المختفي عنا مصطفي شعراوي ...

 

 

تصدق انه بناقش قضية غاية فى الاهمية

 

عارفين هى ايه ؟

 

البرمجة السلبية للابناء من قبل الاباء

 

وده موضوع غاية فى الاهمية

 

كلامك جميل والله يا عمر ومهم جداً ...

 

ربنا يخليلك لياللا يا شباب ...