الجندى المجهول 37 قام بنشر May 24, 2009 بعد التحيه يا شهدى والذى منه .. ها اوصيك وصيه تصونها زى نن العين ولما اموت احكى عنى وقول لهم " إنه مصرى ابن مصرى ابويا مات مصرى ثاير .. بس عاش فيَّه ابويا عايش .. أبويا تاره لسَّـه مامتش ابويا كافح وكان عنده الكفاح غيَّه واللى ابوه زى ابويا يبقى ما اتيتمش انا ابويا جدع .. قصدى ابويا كان وعاش غريب فى الوطن .. ياقسوة الغربة وترابنا من عهد خوفو بيحضن الجدعان مبروك عليك التراب يا نازل التربه يابنى انا جعت واتعريت وشوفت الويل وشربت أيامى كاس ورا كاس طرشت المر يابنى بحق التراب وبحق حق النيل لو جعت زيى ولو شنقوك ما تلعن مصر اكره واكره واكره بس حب النيل وحب مصر اللى فيها مبدأ الدنيا دى مصر يا شهدى فى الجغرافيا ما لها مثيل وفى التاريخ عمرها ما كانت التانيه يعنى ها تطلع كده الأول باذن الله فى الشعر والنثر والطيران وما شئتم يعنى ها تطلع كده راجل باذن الله مش م الخنافس تخاف من هجمة الفانتوم إياك تقول م العذاب " هذا جناه ابى " ما كنت اقولها وكان أوْلى " أبويا جناه " أبويا مجنى عليه زيى .. وياما غبي قال ع القتيل انه قاتل .. آه يا شهدى آه آه يابنى يا ورده لسـه منوره ع الغصن إوعى الخيانه يا كبدى إوعى م الاندال الفن اصبح خيانه والخيانه فن شوف الشوارع وقوللى فيها كام تمثال بلدنا فيها الكرم حتى للاظوغلي لاظوغلى مين .. واللّـه ما اعرف نظرة يا عرابي عارف عرابى يا شهدى .. والنبى تقوللي على رأى عمك شكوكو " *** يا خرابى" شارك هذه المشاركه رابط المشاركه شار ك علي موقع اخر
الرّام 173 قام بنشر May 24, 2009 آه يابنى يا ورده لسـه منوره ع الغصن إوعى الخيانه يا كبدى إوعى م الاندال **** بارك الله فيك شارك هذه المشاركه رابط المشاركه شار ك علي موقع اخر
