سيدى الموبايل

[ali desoky]

للأسف وجدت الكثيرين لا يستخدموا المحمول ـ ووجوده مجرد " فشخرة " وللتباهى والمنظرة فقط

فكتبت لهم:

سيدى الموبايل

 

مع إن حالى تعبان ودُقَّـه

لكِـنِّـى عَصرِى وباجارى عَـصْرِى

دينت نَـفْـسِـى وما بقتش آكُـل

علشان سلامته سيدى الموبايل

 

ماسكه و كأنى شايل لاسلكى

الناس تهابنى وتعمل حسابى

والسكه تفضى ، أمشى براحتى

فاكرينى شرطه أو م المباحث

 

ولما أحُـطُّـه فى جرابه جنبى

احساسى ، شايل فَـردِة طبنجه

وأمشى ابَّرق ، كَاتِـم فى نَفَـسِـى

وصدرى يعلى و بابقى وارم

 

فى أى زحمه باعمل لى منظر

أعمل كأنى باطلب وأكشر

شويه اسمع وكتير أزعَّـق

وأدِّى أوامر والناس تبحلق

 

بس مضايقنى ارساله يقطع

باضطر أشحت وادفع لشحنُـه

وأمَـلى أكسب فى مسابقه واحده

ومعايا تضرب والبليـة تلعب

 

*******************

تم تعديل May 24, 2009 بواسطه alidesoky

[الرّام]

لا حول و لا قو ة الا بالله

 

*****

 

*****

 

 

 

 

 

 

يعطيك الصحة على هالنقد

[رجل من الصحراء]

لما دخلت المنتدى بصراحة كده شدتني اليك

فعملت عليك تحريات وعرفت انك شاعر

بس مكنتش اعرف انك بالروعة دي

تقبل تحياتي وتقديري

[NADA]

ههههههههه

 

هم يضحك و هم يبكي

 

بجد راااااااائع ,,

 

شكراً لك وربنا يهدي

[«۞۩ أبو سليمان ۩۞»]

جميل جدا علي

 

بس ده على النوكيا بس و لا ممكن السامسونج

[على المرابط]

ماسكه و كأنى شايل لاسلكى

الناس تهابنى وتعمل حسابى

والسكه تفضى ، أمشى براحتى

فاكرينى شرطه أو م المباحث

اخى علي سميي احسنت واشكرك

ووالله انه لمحزن ان تصبح كما قال اخى الدكتور فى احد مواضيع ان تصبح رقم وزدت انت عليه اليوم ان يقيمك الناس بشئيا انت اشتريته بمالك مع انهم يعلمون ان الخلق والعلم والفكر اشياء لا تقدر بثمن فتجد الناس تحترمك لاجل موبايل مع ان حامله لايحمل فى رأسه شئى بل انه اجوف وتجد الناس لا تلقى بالا لعالم وهو يسير حافي القدمين

[ali desoky]

لما دخلت المنتدى بصراحة كده شدتني اليك

فعملت عليك تحريات وعرفت انك شاعر

بس مكنتش اعرف انك بالروعة دي

تقبل تحياتي وتقديري

 

بعد تحرياتك بقيت انا ......

( شاعر بخوف )

 

 

جميل جدا علي

 

بس ده على النوكيا بس و لا ممكن السامسونج

 

وينفع يا دكتور للعده ( الصيني) كمان

تجد الناس لا تلقى بالا لعالم وهو يسير حافي القدمين

 

صحيح ... انا لقيت من يومين واحد زبال ماسك الموبايل وهو بيكنس الشارع