خللي بالك من الماسنجر !!!!!!

[ali desoky 391]

قصة بنت وولد على الماسنجر

 

لاتفووووتكم

 

هذه قصه بنت اسمها ساره مدمنه على النت وكانت ما تقفلش النت الا الساعه 3 بالليل في يوم من الايام اضافها واحد ومسمي نفسه ( كرومبو ) .. المهم مر اسبوع وهي نفسها تعرف مين كرومبو ده . وبعد ثلاثه ايام دخل هو الماسنجر وشافته طبعا انبسطت عشان تفتح معاه تحقيق

هو كرمبو) : هاي

سوسو : من أنت ؟ ومن فين عرفت ايميلي وليه أضفتني ومين أعطاك الايميل...الخ........؟

كرمبو :: بسم الله ..... شوي شوي عليّ...

سوسو : سلامتك انا ماعملتش حاجه بسرعه جاوب أختك

كرمبو : ليه انتي بنت .....؟

سوسو : أيوه عندك مانع؟

كرمبو : لا بس انا غلطان اختي لاني كنت بضيف صديقي وطلع الايميل غلط

سوسو : وليه تغلط مش بتشوف... أعمي ؟

كرمبو : اختي قلنا آسف عن الغلط من البدايه شغاله تحقيق معاي

سوسو : عشان تضيف بنات الناس ومش عايز حد يحقق معاك والله شباب فاضي ماعندة شغله

كرمبو : اقول اختي فرصه سعيدة وآآسف مرة ثانيه وممكن انك تحذفيني او تحضريني اذا مش عاجبك الوضع

سوسو : يعني تقصد ايه؟

كرمبو: اقصد مع الف سلامه

سوسو : ليه ما اعتقد كلامي يزعل...!!!!

كرمبو: لا بس انا مشغول شويه .... باي

سوسو : لحظه لحظه

كرمبو : تأمري بشيء

سوسو :لا سلامتك بس ماقلتلي ايه اسمك...؟

كرمبو: هههه.... ليه ... ؟ مهم....؟

سوسو : وليه الضحكه ما اعتقد كلامي يضحك....؟

كرمبو : لا ابدا لاكن كلامك بالبدايه غير ودلوقتي غير....!

سوسو : طيب آسفه على السؤال ..... باي

كرمبو : باي

وظلت سارا حاقدة عليه لأنه استفزها وما اداهاش ريق حلو............

ومر يومين وماشافتهوش بالنت طبعا مدة طويلة بالنسبة لوحده طول وقتها بالنت

المهم لما دخل على الماسنجر على طول هي إلي بدت الكلام

سوسو : مرحبا

كرمبو : مراحب

سوسو : كيف الحال ....؟

كرمبو: بخير..... والحمد لله

وبعد صمت طويل

سوسو : آسفه الظاهر انك مشغول وانا عطلتك

كرمبو : لا ابدا (حبي) لكن انا شغال في البحث بتاعي ومش بادخل الماسنجر كثير

سوسو: حبك .. ؟: وايه حبك دي .... حبك برص وعشره خرس

كرمبو : مالك زعلتي ليه؟

سوسو : بس بصفتك ايه تقول حبي....؟ لكن العتب عليا انا مش عليك....

كرمبو : سوري آنا آسف وحقك علي

سوسو : سوري ولا لبناني مايهم ودي آخر مرة تقول الكلام ده

كرمبو : طيب ياصاحبه السمو اوعدك ما اعيدها

سوسو : الـــله عجبتني كلمه صاحبه السمو ده الكلام والا فلا .......!!!!

كرمبو : خلاص من اليوم ورايح راح اناديك صاحبه السمو عايزه ايه اكثر من كده..!!

سوسو : طيب انا اناديك ايه ...؟

كرمبو : هههههه.... !!! حلو ذكائك انا ناديني باسمي خالد

سوسو : واااو اسمك جنان حلو قوي حلو مش زي اسمي الوحش...!!!

كرمبو : كل واحد اسمه حلو ولايق عليه

سوسو : ليه مش حابب تعرف اسمي ايه ....!!!

كرمبو : براحتك اذا حابه تقولي قولي واذا مش حابه اكتفي بصاحبه السمو

سوسو : طيب كم عمرك..... ؟ شكلك مش كبير.......!!!!

كرمبو : عمري 25 سنه

سوسو : بس انت صغير.....!!

سوسو : على فكرة انا اسمي سارا وعمري 18

اقولك ايه رايك انا معايه شله بنات نضيفهم بالمحادثه وندردش كلنا ؟

كرمبو : لالا انا قلتلك عندي بحث ولازم اخلصه ....... باي

سوسو : براحتك ...... باي

وظلت سارا تفكر فيه وبعدها ظل لمدة ثلاثه شهور مايدخلش النت

البنت اتجنت وقالت اكيد شافله شوفه ثانيه

وظلت تفكر فيه لكنها كانت تقول دايما هو غير الشباب الي بالنت هو غيرهم كلهم هو واحد ثقيل مايهمه البنات كثير

وبعد أسبوع....

كرمبو : يامساء الخير والاحساس والطيبه

سوسو : اهلين فينك يا ندل

كرمبو : سلامتك لكن الامتحانات ماترحمش ودي آخر سنه لي

سوسو : الله يوفقك

كرمبو : وحشتيني مووت

سوسو : انت اكثر

كرمبو : بتتكلمي جد ... ؟ مش مصدق...

سوسو : والله ما اقدر على فرقاك باتكلم جد ........ شوفلك صرفه

كرمبو : خلاص انا عندي حل يرضي الطرفين

سوسو : ايه هو ؟

كرمبو : ايه رايك اديكي رقم موبايلي واذا حبيتي تشوفيني بالنت او وحشتك زي مابتقولي ابعتي بس رساله لي

سوسو : نعم .... نعم .... نعم لا اصحي ومش تفكر بيوم اني زي البنات الي انت بتكلمهم انا بنت ناس ومتربيه وو .....

كرمبو : والله مش قصدي حاجه .... انا ماقلتش اكلمك قلت ابعتي رساله و ربنا يسهل

سوسو : خلاص غير الموضوع بسرعه

كرمبو : اوكي لكن دا رقمي اذا حبيتي تشوفيني مرة ثانيه بالنت ارسلي بس رساله ××××××××

سوسو : طيب ....... باي

كرمبو : باي

طبعا سارا اخدت موقف من خالد لكنها ولشدة فضولها سجلت الرقم

المهم بعد كام يوم اشتاقت تكلمه او بالاخص عندها موضوع حبت تقوله

فكرت وفكرت ايه تعمل او كيف تشوفه بالنت

فقالت لنفسها : ليه مش ابعتله رساله زي ماقال هو مش هيكلمني ولا انا راح اكلمه

المهم كتبت برسالتها ) خالد معلش لو سمحت تدخل النت ضروري ( المشكله انه ماردش عليها ..مرت نص ساعه على دا الوضع.. انقهرت البنت وارسلت رساله ( معلش آسفه على الازعاج ( ..وكرهت نفسها بعد الموقف ده .... لانها تصورت انه مطنشها ....وبعد ايام (( شافته بالنت ولا كلمته ولا عبرته وفضلت على هذا الوضع ربع ساعه ( ملت وتنازلت انها هي الي تبدأ بالكلام

سوسو : السلام عليكم

كرمبو : هلا والله

سوسو : لو سمحت احذفني من عندك ومش عايزه اشوف اسمك قدامي بالماسنجر

كرمبو : اللهم احفظنا ايه اللي حصل ... ؟؟

سوسو : بعد الحركه الي عملتها معاي مش عايزه اكلمك او حتى اشوفك ع النت تاني

كرمبو : ليه لاسمح الله انا uعملت ايه . . .؟

سوسو : لا انت برئ .... معملتش حاجه ... !!! بس طنشتني وانا كنت محتاجه لك يومها.

كرمبو : أي يوم...؟

سوسو : اقصد الرسايل الي بعتهالك مش تستهبل يا خلودي..... !

كرمبو : آآآة تقصدين بتاعت النت

سوسو : أيوه هي ليه مادخلتش النت او حتى قلت انك مشغول

كرمبو : لا والله يا عمري انتي فهمتي غلط انا افتكرته واحد من أصحابي جايب رقم جديد

سوسو : لا بس انا آسفه ودي آخر مرة ...... كانت لحظه طيش

كرمبو : ياعمري ماتقوليش الكلام ده تاني ..... وتاني شيء انتي قلتي انك مش عايزه الرقم آخر مرة شفتك فيها..!!

سوسو : طيب قلتلك انسا الموضوع

كرمبو :طيب ايه هو الموضوع المهم الي كنتي عايزه تقوليه.......؟

سوسو : خلاص ماله داعي

كرمبو : بتقولي ولا .........؟؟؟؟ أنا مضايق

سوسو : كل مافي الموضوع ان انا خطبني محمد ابن عمي وانا مش احبه ولا باطيق اشوفه

واهلي موافقين كلهم وخايفه ارفض وعمي يزعل من بابا

كرمبو : والمطلوب.............؟

سوسو : انصحني

كرمبو : شوفي ...... انا مش سريع بالكتابه .. يعني راح اتصل بيكي واقولك رايي لان الموضوع باين عليه طويل

سوسو : لااااااااا انت مجنون ....؟

كرمبو : يابنت الناس انا مش هاكلك وتاني شيء انتي متتكلميش انا بس الي راح اتكلم ...اوكي؟؟

سوسو : (بعد تفكير) طيب لكن انا مش هقول ولا كلمه

كرمبو : اوكي (بعد ثواني) تررررن (نغمة الموبايل)

خالد : الوو مرحبا

سارا :...... (صامته أصلها ...... مكسوفه .!!!!(

خالد : طيب قولي مرحبا انا كدا مش عارف اكلمك وانتي ساكته يعني كأني مجنون باكلم نفسي

سارا : (( بلا شعور )) لا سلامتك

خالد : الله يسلملي الصوت الحلو ده

سارا : (( لاتعليق ))

خالد : اوكي ماراح اطول عليكي انتي قلتي انك مش بتحبيه ممكن اعرف السبب ؟؟؟؟

سارا : ضروري تعرف؟؟

خالد : اكيد عشان اقولك رايي.

سارا : (سارا طبعا بلا شعور ) لانه واحد معقد وتافه ومش مناسب ليا

خالد : يااه منك كدا على طول خليتيه معقد ؟ اكيد في سبب

سارا : لا بس من طريقه كلامه واسلوبه وثاني شي شايف نفسه مش عارفه على ايه كأنه مافيش حد درس في الجامعه غيره

خالد : يعني المثقف عندك معقد او مغرور؟؟؟ انا طيب مهتم بدراستي فوق ماتتصوري

سارا : لاااااا عاد انت غيره بكتير !!!!

خالد : من أي ناحيه

سارا : كلك على بعضك حلو

خالد : احم احم

كله من ذوقك يا عسل

سارا : تسلم (قالتها بكل خجل(

خالد : المهم اذا كنتي للدرجه دي مش بتحبيه خلاص ارفضي والي يحصل يحصل

سارا : طيب ممكن طلب

خالد : آمري

سارا : ممكن تبعتلي صورتك

خالد :هههههه ..... لا طبعا

سارا : طيب آسفه

خالد : لا ياعمري مش تزعلي لكن انا بجد مش وسيم واخاف تتصدمي من شكلي

سارا :طيب اوصفلي نفسك

خالد : احم احم طبعا اناقصير اسمر شعري كنيش على رايكم انتوا البنات

سارا :ههههههههه

خالد :طيب و ابن عمك حلو؟؟

سارا : ياي يجنن ... تخيل طويل وابيض عيونه عسليه وشعرة ناعم مثل ( اسم مطرب)

خالد : هههههه ده الي شاغلكم .... المطربين .. ربنا يهديكم

سارا : لا ... بس ماشاء الله عليه وسيم يمكن احلى مني

خالد :ليه انتي مش حلوة...؟

سارا : لا أنا قمر واحلى من القمر لكن انا متواضعه

خالد : هههههه واضح متواضعه

سارا : اووو خالد الساعه 2 الوقت سرقنا وانا عندي بكرة مدرسه

خالد : اوكي يا عمري مش هطول عليك لكن بكرة بس في الصبح راح اتصل بيكي .... اوكي

سارا : اوكي مع السلامه

خالد : تصبحين على خير

جلست سارا في الصبا ح وهي متأخرة على المدرسه

وطبعا مدخلتش الحصه الاولى

قعدت في الملعب تفكر في خالد وفجأة رن الموبايل

خالد : الو

سارا : الوووو

خالد : صباح النور والفل

سارا : اهلا والله لسه كنت علي بالي

خالد : ماشاء الله كنتي بتفكري فيي ولا كلام بس

سارا : انت ايه رايك ؟

خالد : مش قلتيلي عندك مدرسه دلوقتي ؟؟

سارا : لا عندي بس مدخلتش لاني رحت متأخره

خالد : اوووف ماعاش من يزعل عمري

وظلت سارا وخالد على هذا الحال كل يوم تكلمه ولاتفوت أي شي الا وتقوله له ورجع في يوم من الايام ولد عمها وتقدم لها للخطبه لكن اهلها المرة دي غصبوها على الموافقه ووافقت بعد تردد وتفكير طويل

واتصل خالد : الووو يا عمري كيف الحال

سارا : أهلا ياحياتي كيفك

خالد : تمام

سارا : خالد بقولك على حاجه تاعباني

خالد : ايه فيه ايه ؟؟ اوعي تكوني تعبانه

سارا : لا ياحياتي لكن ابن عمي رجع خطبني مرة ثانيه واهلي غصبوني عليه

خالد : طيب ( يعني وايه يعني؟؟؟)

سارا : يعني انا وافقت عليه وبقي خطيبي وبعد اسبوع كتب كتابي عليه

خالد : طيب تحبي اخطبك

سارا : انت بتهزر ( تقولها وهي بتبكي )

خالد : لا يا عمري لكن ليه بتبكي؟؟؟؟

سارا : لانك آخر واحد فكرت انه يهزر في وقت زي ده

 

خالد : طيب اقولك على سر مش قلته لحد قبلك

سارا : ايه هو؟؟؟؟

خالد : انا كمان خاطب بنت عمي

سارا : ايه وليه ماقلتليش قبل كده للدرجه دي انا رخيصه ووو...

خالد : انتي ايه اللي مزعلك ... اصبري

خالد : آة وعلى فكرة اسمها سارا وعمرها 18 وهي بنت ولا كل البنات

سارا : ايه تقصد ؟

خالد : اقصد ياعمري انا اسمي محمد ولسه متخرج وخاطب بنت عمي سوسو ( اقصد سارا)

سارا : (بدون شعور قفلت في وشه السماعه (

المهم بعد ما ساره فهمت انه ده ابن عمها وكان عايز يختبر اخلاقها وانه خلاص مش عايزها لانها مستهتره قدام النت والماسنجر وتحكي مع الشباب في كلام غير مسموح ندمت علي ضياعها قدام الماسنجر وكلامها مع الشباب وبدأت تعمل لنفسها حياه جديده بعيده عن حياة الضياع ....... لان النت مش بس ماسنجر وكلام علي الفاضي والمليان لكن ممكن كمان يكون شيء مفيد

 

أرجو ان تكون هذه القصه مفيده لبعض من يقعوا فريسه للنت ولاتباع

 

مفاسد الحوار غير المحترم علي النت

 

(وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكاً وَنَحْشُرُهُ يَوْمَ الْقِيَامَةِ أَعْمَى [طه : 124)

 

 

[الرّام 173]

بارك الله فيك اخي على الموضوع هذا ... جد مهم

 

 

 

و على الانسان (البالغ الراشد طبعا) ان يعلم ما هو الايجابي و ما هو السلبي

 

 

و يسعى جاهدا الى ان ينهل قدر الامكان من الايجابي

 

و يبتعد قدر الامكان من السلبي

 

 

 

 

و بالنسبة للاطفال ( و المراهقين طبعا) ... على الأولياء واجب

 

 

1- الارشاد و التوعية و النصح الدائم

 

 

و ايضا الحوار المتواصل مع الابن او الابنة على حد السواء في مواضيع مختلفة و متعددة و متشعبة ( و طبعا الأولياء هم من يبدأون بالأمر)

 

 

2- التحذيرات

 

 

3- المراقبة المباشرة

 

 

4- المراقبة الغير مباشرة ... يعني من غير ما يحس الابن او الابنة

 

 

 

.....

 

 

ربي ينولك ما تتمنى .. ان شاء الله

تم تعديل June 11, 2009 بواسطه الرّام

[AMR DAWAM 7]

(وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكاً وَنَحْشُرُهُ يَوْمَ الْقِيَامَةِ أَعْمَى [طه : 124)

 

صدق الله العظيم

 

 

جزاك الله اخى على

والله قصة جميلة جدا ومهمة جدا

 

ويارب كل اللى زيها يتعظوا

******************

[ali desoky 391]

و ايضا الحوار المتواصل مع الابن او الابنة على حد السواء في مواضيع مختلفة و متعددة و متشعبة ( و طبعا الأولياء هم من يبدأون بالأمر)

 

نعم أختي الحوار المتواصل مع الابناء هو السبيل لارشادهم وتوعيتهم

جزاك الله خيرا

 

 

ويارب كل اللى زيها يتعظوا

 

ربنا يكرم بناتنا بالخير ويبعد عنهم الشر دائما

[بنت مصرية 66]

المهم بعد ما ساره فهمت انه ده ابن عمها وكان عايز يختبر اخلاقها وانه خلاص مش عايزها لانها مستهتره قدام النت والماسنجر وتحكي مع الشباب في كلام غير مسموح ندمت علي ضياعها قدام الماسنجر وكلامها مع الشباب وبدأت تعمل لنفسها حياه جديده بعيده عن حياة الضياع ....... لان النت مش بس ماسنجر وكلام علي الفاضي والمليان لكن ممكن كمان يكون شيء مفيد

 

أرجو ان تكون هذه القصه مفيده لبعض من يقعوا فريسه للنت ولاتباع

 

مفاسد الحوار غير المحترم علي النت

 

(وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكاً وَنَحْشُرُهُ يَوْمَ الْقِيَامَةِ أَعْمَى [طه : 124)

 

 

هنيئا لها بالتوبة

وربنا يهد من في هذا البلاء

ان الله يهدي من يشاء

ادعوا دائما ولاتتركوا الدعاء

بجد الموضوع ده بقي متفشي جدا وللاسف ضرره اكثر من فوائده

جزيت خيرا علي موضوعك الجميل

والله مجهود جميل جدا في المنتدي ربنا يثيبك خيرا عليه

[ali desoky 391]

بجد الموضوع ده بقي متفشي جدا وللاسف ضرره اكثر من فوائده

جزيت خيرا علي موضوعك الجميل

والله مجهود جميل جدا في المنتدي ربنا يثيبك خيرا عليه

 

 

ربنا يهدي الجميع دائما

ويارب يكون الموضوع ذو فائده للجميع ان شاء الله

 

اشكرك يا اختي وجزاك الله خيرا

[ali desoky 391]

جزاكم الله كل خير اخوتي

وبارك لي فيكم