وانا مالى

[الجندى المجهول]

قلت يوم شعر ف جنابه

واللي وقفنلوا ف بابه

قلت يمكن كلمة مني

ترفع الغمة دي عني

تصحى بيها قلوب نضيفة

ويشوفولي ف يوم وظيفة

أصلي شاب وحالتي صعبة

والحياة دي ظروفها صعبة

واللي ينبش راح يلاقي ....

المهم كتبت شعري

وجبت صاحبي عشان يشوفه

صاحبي قللي كتبت ايه ؟

قلت اسمع قللي رأيك

قاللي قول هات اللي عندك

قلت بسم الله هقول .........

( يا رئيس الدولة كلمة .......... )

صاحبي سمع الكلمة طار

لأجل يقفل ف البيبان

والستاير ع الحيطان

قاللي يخرب بيت مطنك

مالو شعرك بالرياسة

عيش حياتك

مشي حالك

واوعى تدخل يوم برجلك ف السياسة

دا اللي يفهم ميه ميه

والدماغ فيه الكياسه

يا بني يبعد ع السياسه

أصل دي بحورها غويطة

واللي فيها ناس عبيطة

واللي عامل فيها رامبو

يبقى زنبو يا ناس ف جنبو

راح ياخدلو كام مداسه

أصل دا عصر النجاسه

أصل دا عصر الوحوش

عصر ناس ما بيرحموش

عصر شعب ضعيف ف ذله

عصر وحش بياكلو كله

واللي يوم يطلع لسانه

يبقى تتخزق عيونو

يبقى تتخلع ودانو

أصلو يبقى جبان وسافل

يبقى رجعي يبقى فاشل

يبقى ارهابي واصولي

يبقى متطرف وصولي

يبقى خارج ع النظام

واللي يخرج ع النظام انت عارف ايه جزاؤه ؟

قلت ايه ؟

قال جزاؤه انه يعدم ..............

قلت يا رب السلامة

همشي زي الطور في حالي

لو قاللولي اكتب يا شاعر

راح اقول

.

.

.

.

.

( وانا مالي )

[«۞۩ أبو سليمان ۩۞»]

هههههههههههههههه

 

جميلة جدا و هتحبسنا كالمعتاد

 

مفيش مشكلة خدنا على كده

[الجندى المجهول]

جزاك الله خير اخى

متخافش مش حعترف المره دى

[الرّام]

يا بني يبعد ع السياسه

أصل دي بحورها غويطة

 

 

انا رأيي .. انه صاحبك هذا يفهم ..

 

 

انت اذا كنت تحب على مصلحتك ... أسمع كلامه

 

 

 

 

 

 

 

 

 

 

 

......................

 

 

يعطيك الصحة خويا

 

 

 

[الجندى المجهول]

حاضر حسمع كلامه

[El-Saher Fantasy]

قاللي يخرب بيت مطنك

مالو شعرك بالرياسة

عيش حياتك

مشي حالك

الواد ده عاقل

انا بحب النظام

بس كان ممكن يلخص كل الكلام ده

ويفكره ان اللي مش قد الجن مايحضروش

 

جامدة كالمعتاد

[الجندى المجهول]

طيب يجعل كلبمنا خفيف عليهم

اللى بيحاف يطلع بره

 

جزاك الله خيرا اخى فى الله

[حياتى من اجل ربى]

واللي ينبش راح يلاقي ....

 

 

جزاك الله خيرا اخى

 

فعلا شعر جمييييييل

 

طبعا لاتعليق على الكلام لانه للاسف صح

 

ربنا يكرمك ويرزقك بالخير كله

 

يااااااااااااااااااارب

[الجندى المجهول]

اختى

تاجره السعاده

ربنا يكرمك والجنه يوعدك

ردك انار الموضوع

جزاكى الله خيرا

ويزقنا زاياكم الخير

[لميس المهدى11111]

ههههههههههههههههههههههههههههههة

ربنا يستر علينا

[الجندى المجهول]

امين يارب العالمين