المفاجاه

[الجندى المجهول]

اتنقلت علشان اخرها

الجندى المجهول

صحيت م النوم وانا فاكر

بواقي الحلم في الآخر

بتكتبلي وانا الشاعر

قصيدة شعر ف إديها

وجوا القلب حطتها

فركت عنيا بإديا ورن البوسطجي جرسي

فتحت الشيش

وكان شعري ساعتها كنيش

سألني:"مصطفى عمار؟"

جاوبت وقبل ما فكر

لساني طلقة بتفجر مشاعر جوا مكتومة

أناعمار

ومين غيره

هتفتكره

تبعتله قصيدة حب

وكان قلبي بيتنطط من الفرحة

اكيد في الظرف صورتها

وهيا لفه لي الطرحة

نزلت السلم اتمختر

لقيت البوسطجي مكشر!

صباح الفل

صباح الفل ع الحاضر

وع المستقبل الراضي

وع الماضي

ماتمضي يالا يا استاذ

بقلبي ؟

ولا بدراعي؟

ما انا ماضي

مخدت الظرف في حضني

وانا اللي عشانه مستني

وصلت لشقتي فرحان وخوفت الناس تكون بَصَّة

فقلت الباب مع الشباك

وغنى القلب انا بهواك

فتحت الظرف لجل افرح

بأجمل فلة راح تطرح

بأحلى عطر في الدنيا

فتحت الظرف في ثانية

مفيش فلة!!!!

مفيش صورة!!!!

يدوب حتة صغيورة!!!!!

ومختومة بختم النسر

تعالى الساعة تسعة ونص؟؟؟؟؟؟؟

في أمن لدولة عايزينك!!!!!!!!!!!؟؟؟؟؟؟

[AMR DAWAM]

مش عارف ابكى ولا افرح

 

بس ما تقلقش انت لها

 

روح واحنا ما نعرفكش طبعا

 

 

جميلة يا جندى

********************

[eng_alaa]

فتحت الظرف في ثانية

مفيش فلة!!!!

مفيش صورة!!!!

يدوب حتة صغيورة!!!!!

ومختومة بختم النسر

تعالى الساعة تسعة ونص؟؟؟؟؟؟؟

في أمن لدولة عايزينك!!!!!!!!!!!؟؟؟؟؟؟

 

هههههههه

جميلة جداً المفاجأه دي .. مسكين قعد يتنحنح لحد ما جابت معاه إستجواب ..

ياللا ربنا معاه ..

وربنا يخليلنا الجندي المجهول راعي مدرسة الفكر في المنتدي ..

لك مني كل تقدير وتحية ...

[الجندى المجهول]

اصيل يا عمر انا عارف ا مش حقول انك فى التنظيم

الباشمهندس اخجلتم توضوعنا ربنا يكرمك يارب يارب اكون عند حسن ظنكم ديما