مسابقه وجوايز

[الجندى المجهول]

مسابقة وجوايز

موضه وطالعة

إعلان لسلعة

بايرة وبايظة

أو حتى فاسدة

***

نغري زبونها

ببنت حلوة

بيضة ولاَّسودة

أو حتي كوده

قايده المفاتن

وتمللِّي والعة

****

شوف البضاعة

آخر حَمَار

من بسْ لمسه

تطلَّع شرار

شعاع ونار

م الخد طالعه

****

خد لك صورة

سته ف تسعة

صورة بس إيه

تكسب ياسيدي

سُمْعه وشهرة

وخضار سُوتيه

تبيعه بكره

بمليون جنيه

بس البداية

آخد غداي

وحاجة للعيال

خمسين جنيه

دول مش كتير

جرب يا بيه

****

وأدي خبَّاز

يخبز رغيف

بقشْ وجاز

ناشف وجامد

زي القزاز

****

قال من حلاوته

و كمان طعامته

لو تاكله حاف

يجيلك زوغطه

روحك ف ورطه

لو ورك وزة

أو حتى بطه

وخضار بدمعة

عليه شطة

الحق منابك

واقطع لقمة

تيجي ودن قطه

****

قادم وغمسْ

حبة خُضار

لمَّا قطعت

حرف الرغيف

لقيت فيه

حاجه طريه

بصله ناشفه

و رجل لفار

****

رحت اشتكيه

لبتاع الصحة

أتاريه تعبان

داخل مصحة

مهدود حيله

وعنده كحة

****

قال يا سيدي

بصوت ضعيف

عاملين مسابقة

في ألف شنطه

بحق وحقيقي

وماهيش أونطه

اللي هايجمع

جته لفار

ملهش ملة

كبير صغير

طويل قصير

أو قد عجلة

ندي له جايزة

معزة وجاموسة

وكمان حمار

****

ابعت جوابك

آخر النهار

وفيه منابك

صاحب المدار

عامل مسابقة

حرة ونزيهة

ماهش قمار

[على المرابط]

ياعينىىىىىىىىىىىىىىىىىىىىىىىىىى

ايه الحلاوه دي ايه الكلام الجميل ده

لا والله بجد ايه النقد السخر البسيط الحلو ده

فعلا هما ابتوع المسابقات هده حالهم بيستخفو بعقول الناس

ويلا زي ما بيقولوا رزق الايه مش عارف على مين

منوررررررررررررررررررررررررر

[الجندى المجهول]

تسلم ايدك على ردك

النور بيك اكتر