تذكره مسجون

[الجندى المجهول]

الاسم : صابر

التهمه : مصري

السن : اجهل اهل عصري

لرغم انسدال الشيب ضفاير

من شوشتى

لما لتحت خضري

المهنه : وارث

عن جدودي والزمان

صنع الحضاره

والنضاره

والامان

البشره : قمحى

القد : رمحى

الشعر : اخشن م الدريس

لون العيون : اسود غطيس

الانف : نافر كا لحصان

الفم : ثابت فى المكان

واما جيت ازحزحه

عن مطرحه

كان اللى كان

جهه الميلاد: فى أي اوضه مضلمه

تحت السما

على ارض مصر

من أي دار وسط

النخيل

مطرح ما يجري النيل

ما دام ما يكونش قصر

الحكم: من سبع تلاف سنه

وانا راقد سجين

اطحن على ضراسي الحجر

من الضجر

وابات حزين

الاسباب : سالنى سائل

حبستك طالت

وليه

ولانى طيب

وابن نكته

ما فيش مخالفه ركبتها

ضد القانون

لانى خايف

والقانون سيفه ف اديه

تسأل عليّ المخبرين

فى أي حين

تسمع وتفهم قصتي

الف وبيه

 

 

الاسم صابر ع البلا

أكبر حمار

شيل الحمول من قسمتى

والانتظار

اغرق فى انهار العرق

طول النهار

والم همى فى المسا

وارقد عليه

عرفت ليه ؟

[على المرابط]

برافو احسنت اخى الجندى المجهول احسنت

شاعر لا يشق له غبار هدا الاحمد فؤاد نجم

منور متميز وللاسف ان هدا حالنا فى كل الدول العربيه

[الجندى المجهول]

ربنا يكرمك اخى المرابط

مرورك اضاء الموضوع

[الرّام]

هذا الشاعر كم هو متميز في اشعاره

 

 

 

بارك الله فيك على النقل لكل هذه الاشعار الجميلة

[الجندى المجهول]

التميز حرفتك اختى

شكرا لكى

[lovelife]

جميل والله

والسؤال عرفت ليه ؟؟؟؟؟؟؟

 

 

 

اه

 

 

مظلوم وبايت على الفراش بدموع 

 

طلع النهار ويصرخ بصوت مش مسموع

كلمت الحجر فى الجبال

وسمعت صوت الرمال

وصحيت على ضرب العساكر

وصوت الخيول والكرباج بين الضلوع

سمعنا ندائك

فى وسط الظلام ممنوع

وفى الاخر اخى اقول

هو امر الحكومة والسجان

لازم يكون مسموع

تم تعديل June 21, 2009 بواسطه lovelife

[الجندى المجهول]

الله الله

كلام اكتر من رائع

مشاركه متمزه