دعوة راجع نفسك مش ممكن تكون غلطان مستني ايه !!!!!!!!!!!!!!!!

[ABOTASNEEM 117]

تعالوا نسال نفسنا كام سوال

 

 

هل انته راضي عن نفسك ؟

هاه

طب كام في الميه ؟

طيب

هل انته الصورة البتحلم بيها ؟

طب لا ليه

طب اه هل ده كفايه

طب ايه نقصك؟ طب ايه منعك؟

هل عندك قدرة تطلع احسن من الانته فيه؟

طب هل حنتحساب علي القدرة المستغلنهاش دي؟

امممم طب فكر معايا لو كل يوم عملت حاجه تزود من مهرتك و خبرتك و ايمانك و اجتهادك لمده نص ساعه في اليوم كل يوم نص ساعه تعمل حاجه اضافه لحياتك و شخصيتك و دينك ؟

 

هاه يتري نص ساعه كتير عليك طب بلاش عليك نص ساعه كتير علي الاسلام مهو اصل ناجاحك نجاح شاب مسلم يعني صورة مشرفه للاسلام طب عشان ربنا تستكترتعملها عشانه ؟ طب هوه بيعمل ايه عشانك؟؟؟؟؟؟؟؟؟

طب كل صور حياتك فكر عيد حساباتك

 

طب ايه اخبار نواياك ؟

 

اوعي تنسي تحط لاي عمل نيه اصل النيه عبارة عن جهاز سحري يدخل فيه العمل من ناحية يطلع من الناحية التانيه حسنات لا و مش كده و بس ده جهاز عظيم بيستقبل اي عمل صغير او كبير بس بشرط يكون عاليه التكت

عارفين مكتوب ايه علي التكت مكتوب الاخلاص

و بكده يدخله علي طول و يطلعه حسنات و يسلام بقي لو بمشقه يطلع منتج حسنات تتحسد عليه !!!!

كان فيه قصه بتقول مرة واحد و هوه بيموت قال ياليته كان بعيدا ياليته كان كاملا ياليته كان جديدا

فسالوا بعد كده الرسول عليه الصلاة و السلام قالهم

ياليته كان بعيدا و هوه يقصد المسجد الكان بيصلي فيه

و ياليته كان كاملا ده رغيف عيش كان معاه فاتبرع بنصه و خد نصه فا تمني لو كان اتبرع بيه كامل

و ياليته كان جديدا ده الثوب الاتبرع بيه ياريته كان جديد

و ده لما شاف فضل الله عليه و هوه بيموت

طب يا جماعه احنا قدامنا لسه الفرصه

اي حاجه فكر هاه حتعزهاا علي ربنا والهي رضاه حيعوضك بس اصبر

طب حياتك العمليه مهما كان مجالك شغل دراسه تربيه اي مجال انته فين فيها

طب دخلتها في الجهاز بتعنا جهاز النيه ولا مفكرتش

طب لو النيجه بتاعت تعبك ده المكن تفتكر انه ملوش دعوه البثواب و بقربك من ربنا لو دخل الجهاز تفتكر حيحصله ايه

اكيد حيعلي و انته حتكون ايه

اكيد حتحس براحه و مش حتخاف انك متلقيش حاجه تقولها لربنا يوم القيامه فكرت لما يسالك عملت ايه للاسلام حتقله ايه طب لو سالك عن اخوك في لبنان و فلسطين حتقله ايه طب ايه رايك لو قلتله انك اخلصت النيه عشان تشرف الاسلام عشان تدخل ناس بخلقك في الدين و بمعملتك الهيه معاملة المسلم بكل اخلاقه و ادبه عشان تعرفهم دينك و عشان تاخد بايدهم عشان الامه تعلي و انك كنت ناجح في شغلك عشان احسن صناعه تبقي صناعه المسلمين عشان متحتجش لعدوك عشان تاكل و تشرب و تلبس

في حكمة بتقول < من يتهيب صعود الجبال يعيش ابد الدهر بين الحفر و سال الجبل مما علوك قال من دنو الوادي >

هاه

ياتري احنا الجبل ولا الوادي

رصيدك اخباره ايه

غطي علي السيات ولا ايه

غطي علي اخطائنا النعرفها و المنعرفاش

عمرك مرة فكرت انك تخيل كده لما تحب حد و تحاول تعمل حاجه عشان تبسطه

هل حتستني منه ايه علي الاقل انه يفرح بيكلكن مش حتستني منه اجر ليه عشان انته بتحبه هوه عملت ده عشانه مش عشان اجر طب ما بالك ربك

ربك السترك و الغفرلك و الرحمك و الكتبلك رزقك و بعتهولك من اخر الدنيا و بعتهولك في نقطه مطر اتكتبت باسمك لحد ما شربتها في نسمه هواه كتبها عشان تدخل جواك و تحيك

طب تخيل لو كل واحد المفروض يعين شخص عشان يهتم بامورة باكله بشربه بتنفسه بحزنه بفرحه

هل حيعرف يعيش

مع انه واحد مجندلك ما بالك رب العالمين

سامع كل كلمه بدور جواك

عالم بحالك شايفك تناديه يجيبك تشكيله يرضيك تدعيه يجيبك تتوب يفرح بيك

هل وافينا حقه علينا

 

دي مجرد دعوة

راجع نفسك

انته اغلي من ان حياتك تفوت من غير هدف من غير ما تكون عملت حاجه لدينك اوعي تحرم نفسك من فرحة و طمانينة وجود رضي ربك في حياتك

اوعي تعيش و تجري وراه دنيا اصلك من يوم ما تتولد بتركب يا تنزل عند محطة الدنيا و تبقي هيه دي محطتك و كانك نزلت في مكان غير الكنت راكب عشانه ياتنزل في المكان الكنت جاي عشانه المكان الاتزين عشانك الجنة

و ياريت الدنيا حتديك حاجه لكن للاسف الدنيا صورة كل ما تيجي تمسكها تلاقيها سراب

مين حيسال عليك اما تسبها مين حيعيش مش قادر علي فراقك

مين حيساعدك بمال

مين حفضل يجملك

مين حيفضل معاك مش حيفرقك

هاه

طب مستني ايه

؟؟؟؟؟؟؟؟؟؟؟؟؟؟؟

طب بلاش اما تسيب الدنيا فكر كده لو انعزلت عن كل الناس حيسالوا عليك لمده اد ايه

شهر اتنين طب سنه سنتين عشرة عشرين

طب مين حيفضل محافظ عليك مين حيبعتلك رزقك و مش حينساك مين ابقالك وقتها

فكر .....فكر

راجع نفسك

 

كل سنه و انتو طيبين

اللهم رضينا بالله ربا و بلاسلام دينا و بمحمد صلي الله علية و سلم نبيا و رسولا

 

منقول للفائدة

 

احبكم في الله

[عاشق الصداقه 525]

موضوع جمييييييييييييييل جداً ... بارك الله فيك أخى ...

 

وأتمنى أن يستفيد الكثيرون ويتغيروا ...

[ABOTASNEEM 117]

اشكر مرورك

 

عاشق الصداقة

[«۞۩ أبو سليمان ۩۞» 179]

ابو تسنيم انا موش عارف ارد كيف علي الموضوع ده

 

موش لاقي عبارات تصف روعة الموضوع

 

ربنا يكرمك يارب و يجعلك من عباده الصالحين و يدخلك جنة الفردوس بجوار حبيبه محمد صلي الله عليه و سلم

 

اللهم آمين

[ABOTASNEEM 117]

اسألك دوام الدعاء لى

 

بظهر الغيب

 

اخى

 

د.عبقرينو

 

وكذلك جميع اعضاء المنتدى الكرام

 

احبكم فى الله

[اعتز بحجابى 0]

جزاك الله خيرا

[ABOTASNEEM 117]

اهلاً وسهلاً ومرحباً

 

بكى اختنا الكريمة

 

اعتز بحجابى

 

ونأمل أن تكونى إضافة جديدة لمنتديات ياللا ياشباب

 

والذى نتمنى ان تعتبريه بيتك الثانى

كما نشعر جميعاً

 

واشكر مرورك وردك الكريم

[eng_alaa 114]

اوعي تنسي تحط لاي عمل نيه اصل النيه عبارة عن جهاز سحري يدخل فيه العمل من ناحية يطلع من الناحية التانيه حسنات لا و مش كده و بس ده جهاز عظيم بيستقبل اي عمل صغير او كبير بس بشرط يكون عاليه التكت

عارفين مكتوب ايه علي التكت مكتوب الاخلاص

 

صدقت والله أخي الحبيب ابو تسنيم ....

 

موضوعك أثر فيا جدا بجد ..

 

النية مطلوبه في كل ما نقوم به من أعمال وأقوال ...

 

وكما قال الله في كتابه العزيز ...

 

قال تعالى: ( وَلَيْسَ عَلَيْكُمْ جُنَاحٌ فِيمَآ أَخْطَأْتُمْ بِهِ وَلَـَكِن مّا تَعَمّدَتْ قُلُوبُكُمْ وَكَانَ اللّهُ غَفُوراً رّحِيماً ) [سورة: الأحزاب - الأية: 5]

 

جعل الله ما تكتب في ميزان حسناتك ورزقك الإخلاص في كل نواياك ...