بنت مصرية قام بنشر June 25, 2009 قام بنشر June 25, 2009 (تعديل) اعزائي أعضاء منتديات ياللا ياشباب النهاردة عندي ليكم اقتراح جديد يارب يعجبكم ويكون فيه فايدة كبيرة الي يخلي اي موقع يكبر ويزيد عدد اعضائة هو انه يكون مصادق لمحركات البحث بمعني ان اي شخص مايبحث عن شيء معين يلاقي مايبحث عنه في موقع ما كل مكان الموقع حائز علي ثقة محركات البحث كل مكان ترشيحه احسن مصادقة محركات البحث علشان تتحقق ليها طريقتين برمجة قوية ومدروسة وده الحمد لله موجود مواضيع كتير والتاني ده موجود الي حد ما في المنتدي بعض الأقسام فيها مواضيع كتير وعليها ضغط كبير من الزوار وهي سبب رئيسي في تسجيل الزوار في المنتدي بس علي النقيض عندنا اقسام مواضيعها قليلة جدا واحنا في الفترة الجاية عايزين المنتدي فعلا يكون فيه مواضيع مهمة ومفيدة ويكون من المواقع الأوائل الي بيرجعلها الاعضاء في البحث عن المواضيع وبما ان احنا بنضيف مواضيع في اقسام المنتدي ليه مانخليش من ضمن المواضيع دي مواضيع تخدم قسم معين من غير مايكون فيه ضغط الموضوع محتاج شوية نتظيم وتعاون وده هيكون حاجة مساعدة ومهمة بجانب استكمال باقي اقسام الموقع الجديدة الطريقة اللي هنعمل بيها الحملة ان احنا نختار قسم في المنتدي ونبتدي نضيف فيه عدد معين من المواضيع خلال مدة زمنية معينة كل عضو هيضيف 5 مواضيع خلال الأسبوع في القسم اللي هتختاروا .. اقترحوا اسم المنتدي اللي نبتدي بيه؟؟ وعدد المواضيع ؟؟ والزمن المطلوب؟؟ ملحوظة::: علي فكرة الموضوع ده فريق ادارة المنتدي شغال فيه برضوا فالإقتراح ان احنا نقسم نفسنا يعني الموضوع ده الأعضاء بس هما اللي هيختاروا القسم ده وفريق الإدارة هيختر قسم تاني علشان مايبقاش فيه ضغط علي قسم معين ياللا ياشباب معاً من أجل شباب عربي أفضل تم تعديل June 25, 2009 بواسطه بنت مصرية
battot قام بنشر June 25, 2009 قام بنشر June 25, 2009 (تعديل) موضوع جميل جدااااااااااااااااااا وفكرة رائعة بجد منتدى ياللا ياشباب منتدى راائع وجميل واشكرك اختى الغالية بنت مصرية واشكر كل جروب ياللا يا شباب على هذه الفكرة الجميلة وعلى هذا المجهود الرائع للنهوض بالمنتدى وممكن يكون اسم المنتدى الجديد "الــــــــــوان" على اساس انه هيضم مواضيع متنوعة ويكون عدد المواضيع 100 موضوع فى مده ممكن نقول اسبوعين وربنا يوفقنا كلنا ان شاء الله وجزاكم الله كل الخير تم تعديل June 25, 2009 بواسطه battot
بنت مصرية قام بنشر June 25, 2009 الكاتب قام بنشر June 25, 2009 طبعا شكرا كتير يابطوط علي مشاركتك بس المووضع مش عمل قسم جديد لا ده اختيار قسم قديم موجود بالفعل واضافة مواضيع ليه لو عندك اي اقتراح او فكرة جديدة للمنتدي ياريت تكتبيها في قسم الشكاوي والإقتراحات
مي مادي قام بنشر June 25, 2009 قام بنشر June 25, 2009 السلام عليكــم ورحمـة الله وبركاتــة ،، والله والله الموضوع دة انا كنت بفكر فيه من امبارح طبعا انا مستعدة بجد لمشاركات اكثر ان شاء الله وجزاكي الله خيرا اختي بنت مصرية
بنت مصرية قام بنشر June 25, 2009 الكاتب قام بنشر June 25, 2009 جزاكي الله كل خير يامي ومستنية مشركاتك الجميلة في الحملة دي بس ياجماعة ياريت تقترحوا قسم تحبوا تشتغلوا فيه
battot قام بنشر June 25, 2009 قام بنشر June 25, 2009 اختى الغالية بنت مصرية ممكن نضيف الموضوعات دى فى قسم خمسة لعقلك ونضع موضوع جديد كبير فى القسم ((خمسة لعقلك)) والاعضاء تدخل تضع موضوعاتها فى هذا الموضوع الكبير اللى هيكون قسم صغير فى القسم الكبير ((خمسة لعقلك)) وربنا يوفقنا كلنا ان شاء الله
بنت مصرية قام بنشر June 25, 2009 الكاتب قام بنشر June 25, 2009 بصي يابطوط لو انتي بتقترحي خمسه لعقلك ماشي ولو ان الحملة هدفها الأقسام اللي مواضيعها قليله ثانيا لو انتي في بالك حاجة معينة ملا موضوع معين وعايزة تعمليه سلسلة يبقي تعمليه في مواضيع منفصلة لان الموضوع اللي بعنوانه اللي بينحط منه نسخة عند محركات البحث زي جوجل وزي ماشرحت في الموضوع لكن الردود لا فطبعا المواضيع في الموضوع الواحد هتبقي ردود يارب يكون الموضوع وضح والفكرة تكون واضحة من الأساس
مي مادي قام بنشر June 26, 2009 قام بنشر June 26, 2009 انا لاحظت ان مفيش قسم للمرأة وطبعا القسم دة مهم جدا لكل مرأة في حجات كتير يعني مثلا في ديكورات اوالطبخ او ابتكرات جديدة للمنزل يعني وكل ما هو شبيه
الرّام قام بنشر June 26, 2009 قام بنشر June 26, 2009 صحيح يا مي كلامك الى حد ما و يمكن اننا في منتدى الطفل (الي هو اصلا مواضيعه موش كثيرة ) نعمل اجزاء فيه يعني يكون منتدى الطفل مقسم الى مواضيع عن الاسرة بصفة عامة و مواضيع عن الام او المراة و مواضيع عن الطفل خاصة و هكذا و عتقد ان المنتدى (اي منتدى الطفل العربي) قابل لهذا بما انه لا يوجد عليه ضغط و مواضيعه شبه قليلة او شبه ناقصة و انت يا اختي بنت مصرية شنوّة رأيك ؟
ali desoky قام بنشر June 26, 2009 قام بنشر June 26, 2009 السلام عليكم ورحمة الله وبركاته أختي بنت مصريه اقتراحك جيد وقد فهمت ما تعنينه بهذا الاقتراح جيدا ورغم اعجابي بالفكره الا اني اظن ان اختيار قسم معين لتجميع اكبر عدد من الموضوعات سيسبب الكثير من المشكلات....... اولا: ان الكثير من الاعضاء .. حتي الان .. يضعون موضوعاتهم في اقسام المنتدي دون التدقيق في نوعية هذه الموضوعات وهل هي مناسبه لهذا القسم ام لا .. لذا فان اختيار قسم لتجميع موضوعات سيجعل الكثيرين لا يدققون الاختيار وذلك سياتي بالكثير من التعب عليكم انتم المشرفيين الاداريين..ا ثانيا :ان وضع الكثير من الموضوعات في قسم واحد سيجعل هذه الموضوعات لا تاخذ حقها من المناقشه وهكذا سيضيع مجهود صاحبها لاننا لن نستطيع الرد عليها ومناقشتها جميعا .. وذلك يمكن ان يؤدي الي مرور موضوعات مخالفه او مكرره او بها اخطاء علميه او شرعيه دون التمكن من ايجاد هذه الاخطاء وذلك ايضا سيؤدي الي الكثير من التعب والاجهاد للاداريين..ا ثالثا: اعتقد ان المنتدي باتساع اقسامه وموضوعاته يجعل الكثيرين يحبونه ويحبون التنقل بين اقسامه المختلفه والاستفاده من جميع الاقسام علي حد سواء اما ان نجعل يوما او اسبوعا لقسم معين دون غيره من الاقسام فهذا سيؤدي لنوع من الملل قد يصيب الاعضاء ويؤدي الي ابتعادهم عن المنتدي وعن اقسامه المختلفه..ا رابعا : هناك بعض الاعضاء يمكن ان نطلق عليهم متخصصين في اقسام معينه كما ان هذه الاقسام لا تستغني ابدا عن موضوعاتهم لذا فانهم ذخيرة هذه الاقسام وسبب ثرائها لذا لا يمكن ان نجبرهم ان يكتبوا في مكان اخر وأخيرا... لكي مني كل التحيه واسف جدا علي الاطاله
بنت مصرية قام بنشر June 26, 2009 الكاتب قام بنشر June 26, 2009 هو انا بس قبل ماراد ياجماعة بجد انا هشك في نفسي الموضوع مش واضح ولا ايه ...؟؟ انا لاحظت ان مفيش قسم للمرأة وطبعا القسم دة مهم جدا لكل مرأة في حجات كتير يعني مثلا في ديكورات اوالطبخ او ابتكرات جديدة للمنزل يعني وكل ما هو شبيه بصي يامي الموضوع ده مش لاقتراح اقسام جديدة زي ماقلت لبطوط لو عايزة اقترحي في قسم الإقتراحات والشكاوي وانا كنت هرد عليكي بنفس كلام الرام بالضبط انتي حطي الموضوعات اللي انتي عايزاها في قسم الطفل وبعد كدا ممكن نغير اسمه يبقي المرأة والطفل الاسرة والطفل او نفتح قسم جديد عادي صحيح يا مي كلامك الى حد ما و يمكن اننا في منتدى الطفل (الي هو اصلا مواضيعه موش كثيرة ) نعمل اجزاء فيه يعني يكون منتدى الطفل مقسم الى مواضيع عن الاسرة بصفة عامة و مواضيع عن الام او المراة و مواضيع عن الطفل خاصة و هكذا و عتقد ان المنتدى (اي منتدى الطفل العربي) قابل لهذا بما انه لا يوجد عليه ضغط و مواضيعه شبه قليلة او شبه ناقصة و انت يا اختي بنت مصرية شنوّة رأيك ؟ تسلمي يالرام بالظبط كدا السلام عليكم ورحمة الله وبركاته أختي بنت مصريه اقتراحك جيد وقد فهمت ما تعنينه بهذا الاقتراح جيدا ورغم اعجابي بالفكره الا اني اظن ان اختيار قسم معين لتجميع اكبر عدد من الموضوعات سيسبب الكثير من المشكلات....... اولا: ان الكثير من الاعضاء .. حتي الان .. يضعون موضوعاتهم في اقسام المنتدي دون التدقيق في نوعية هذه الموضوعات وهل هي مناسبه لهذا القسم ام لا .. لذا فان اختيار قسم لتجميع موضوعات سيجعل الكثيرين لا يدققون الاختيار وذلك سياتي بالكثير من التعب عليكم انتم المشرفيين الاداريين..ا هو فعلا فيه اعضاء مش بيحطوا المواضيع في اقسماها الصحيحة بس مش كتير ثانيا مافيش موضوع في المنتدي مش مفيد حتي لو كان العضو بيحط موضوع وخلاص .. ثانيا :ان وضع الكثير من الموضوعات في قسم واحد سيجعل هذه الموضوعات لا تاخذ حقها من المناقشه وهكذا سيضيع مجهود صاحبها لاننا لن نستطيع الرد عليها ومناقشتها جميعا ..وذلك يمكن ان يؤدي الي مرور موضوعات مخالفه او مكرره او بها اخطاء علميه او شرعيه دون التمكن من ايجاد هذه الاخطاء وذلك ايضا سيؤدي الي الكثير من التعب والاجهاد للاداريين..ا علشان كدا لو لاحظت احنا خلينا كل عضو يحط خمس مواضيع خلال الأسبوع كله مش اكتر ولا اقل علشان نقدرل نتابع ونقرا ونناقش ونعمل شغلنا احنا كادارين حتي لو كان الموضوع في القسم الإسلامي احنا بنكطلب من الجميع التاكد واحنا بنتابع ده علشان مايبقاش في كلام غلط ث الثا: اعتقد ان المنتدي باتساع اقسامه وموضوعاته يجعل الكثيرين يحبونه ويحبون التنقل بين اقسامه المختلفهوالاستفاده من جميع الاقسام علي حد سواء اما ان نجعل يوما او اسبوعا لقسم معين دون غيره من الاقسام فهذا سيؤدي لنوع من الملل قد يصيب الاعضاء ويؤدي الي ابتعادهم عن المنتدي وعن اقسامه المختلفه..ا رابعا : هناك بعض الاعضاء يمكن ان نطلق عليهم متخصصين في اقسام معينه كما ان هذه الاقسام لا تستغني ابدا عن موضوعاتهم لذا فانهم ذخيرة هذه الاقسام وسبب ثرائها لذا لا يمكن ان نجبرهم ان يكتبوا في مكان اخر انا شرحت سبب قيمانا بحملات زي كدا اكيد انت تحب ان المنتدي يوصل لناس كتير وناس كتير تستفاد بيه وده مش هيحصل الا لما محركات البحث زي جوجل تدينا مكانه عندها وده انا شرحته بيتم ازاي كمان دي حمله علشان نزود مواضيع المنتدي ومافيهاش اي ضغط والناس اللي هتشترك فيها هتبقي عارفة انها حمله وعدد المواضيع زي ماقلت قبل كدا قليلة بالنسة للعضو الواحد يعني ده هيكون من ضمن الموضوعات الي بتضيفها في المنتدي واحنا بنتابع كل الأٌقسام وكل المواضيع وماحدش مجبر انه يشترك فيها ببساطة ياعلي الدسوقي الحملة دي هي ان احنا نكبر الأقسام الي مواضيعها قليله بس مش ان احنا نبقي متواجدين في قسم معين دون غيره طول الأسبوع اتمني تكون الفكرة وصلت جزاكم الله كل خير وأخيرا... لكي مني كل التحيهواسف جدا علي الاطاله لاتاسف مطلقا ده دليل علي حبكم للمنتدي وحبك لروؤيته كبير ومفيد مرحبا بكم في كل وقت
Dr.A7MD قام بنشر August 14, 2009 قام بنشر August 14, 2009 (تعديل) السلام عليكم ورحمة الله وبركاته أختى الفاضلة بنت مصرية أحييكى على الموضوع والفكرة المطروحة طبعاً الفكرة جميلة وأنا فهمت قصدك الحمد لله بس ليا شوية ملاحظات بسيطة ياريت تتقبليها بصدر رحب أولا لو اخترنا قسم معين وبدأنا نشتغل فيه على كلامك ... ياترى ماهية الموضوعات دى ايه ؟؟؟ موضوعات عادية ولا عاوزينها حصرية ولا من تكون من ابداع أعضاء منتديات يالا يا شباب مهو مفيش أسهل من النقل يا بنت مصرية والكل بيستسهل الكلام ده موضوع عجبنى فى منتدى معين ... للأسف اللى بيحصل أنه بيتاخد بلوك واحد ويتنقل وده لا يليق بمنتدى كبير وعاوز يكبر كمان وكمان وبعدين مصادقة محركات البحث حضرتك دى عاوزه موضوعات ساعات يكون متفرد بيها المنتدى منا ممكن احط موضوعات كتيرة وموجودة فى اغلب المنتديات ... ولما يجى عضو يبحث عن موضوع معين مش هبقى فى أعلى نتايج البحث ....... يبقى أنا عملت ايه طيب ؟؟؟ وبعدين ملحوظة صغيرة أختى الكريمة ... فى موضوعات تحتوى على روابط تحميل وكدا وخلصت صلاحية روابطها ومش شغالة .... أو لينكات توجيه تقولك الصفحة مش بتفتح أو الملف اتشال خلاص .... الموضوعات دى لما تبقى فى محركات البحث ومحدش بيعدلها أول بأول أو بيتابعها فدى للأسف تعود على المنتدى بالسلب مش بالايجاب ... وأغلب الموضوعات دى فى منتدى الكمبيوتر والبرامج ولا تسعفنى الذاكرة عشان أبعتلك أمثلة على كلامى ... لكن الكلام ده موجود فعلاً أختى الكريمة الموضوع أختى الكريمة مش مجرد حط مواضيع واختيار قسم نشتغل فيه ونكبره وكدا مع كل احترامى وتقديرى أختى الفاضلة ..... لازم تكون عندنا ثقافة وضع المواضيع والردود لازم نعرف أن المنتدى هيكبر لما نحاول نتفنن فى اللى بنكتبه أو طريقة عرض الموضوعات المنقولة من أماكن تانية ياريت قصدى يكون وصل لفكر حضرتك ..... وأنا حاسس أنك هتفهمى قصدى بدون زعل تحياتى لكى أختى الكريمة تم تعديل August 14, 2009 بواسطه Dr.A7md
القلب الصافى قام بنشر September 5, 2009 قام بنشر September 5, 2009 الفكرة جميلة بس ننتظر التنفيذ وجزاك الله كل خير
.thumb.jpeg.ee94c38bec01c27eaba8369689bb14ec.jpeg)
Recommended Posts
انشئ حساب جديد او قم بتسجيل دخولك لتتمكن من اضافه تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديد♥ تسجيل دخول ♥
هل تمتلك حساب بالفعل ؟ سجل دخولك من هنا.
♥ سجل دخولك الان ♥