مصر - الرئيس السيسى مجمع إنتاج الكوارتز فرصة استثمارية يجب استغلالها

[الأخبار]

قال الرئيس عبد الفتاح السيسي، إن مجمع إنتاج الكوارتز يمثل فرصة استثمارية يجب استغلالها، متابعا: "عندما خدنا القرار ده من 3 سنين، وقلنا نتحرك فيه قالوا ما تدوا فرصة للناس تعمله، وإحنا محتاجين إن كل الفرص تبقى موجودة معانا".

وأضاف الرئيس السيسي، خلال افتتاحه مجمع إنتاج الكوارتز بالعين السخنة: "الناس قالت 700 مليون دولار كتير للمشروع، وإحنا بنطلع نجيب بمليارات الدولارات حاجات أخرى، الرقم مش بسيط ولكن الرقم ده ولا حاجة بالنسبة للأرقام التانية اللي بنجيب بيها، أنا لو طلعت المادة الخام واشتغلت عليها، هشغل الناس وهعظم الإنتاج".

وأكمل الرئيس السيسي: "أنا بقول لكل الناس والصندوق السيادي والبورصة المصرية، الحاجات اللي بنفتتحها متاحه للمستثمرين المصريين والأجانب، متاحة إنها تتطرح في البورصة علشان ندي فرصة للمواطنين أن يجدوا فرصة للاستثمار في مجالات أخرى وبعوائد مضمونة وهي فرصة أن يستفيدوا بأموالهم بشكل كبير".

وفي حديثه للمستثمرين الأجانب، قال الرئيس السيسي: "إحنا معاكم علشان تخشوا.. ولو عايزين تخشوا لوحدكم تمام، أنا قلت الكلام ده من أول مشروع الرمال السوداء، المشروعات كلها متاحة لكم تعالوا، المشاريع دي استثمارية بتجيب عوائد مستقرة سواء للسوق المصري أو الخارج وبالعملة الحرة".

اقرأ الخبر من المصدر